Art is My Life: 2007

Monday, December 31, 2007

အဓိပ္ပယ်ရှိသောနေ့.............

New Year ဆိုတာ .........
အဲဒီ နယူးရီးယား ဆိုတဲ့နေ့ဟာ သူများတွေ အတွက်တော့ မသိဘူး။ ကျွန်တော့်အတွက်ကတော့ စားပွဲ ပေါ်က ပြက္ခဒိန် တစ်ခု ပြောင်းသွားတယ် ဆိုတာထက် ပိုပြီး ခံစားလို့မရဘူး။


ဘာဖြစ်လို့လဲ ဆိုတော့ နယူးရီးယားတို့ အချိန်တို့ ဆိုတာ လူတွေ သတ်မှတ်ထားတဲ့ အရာတစ်ခုသာ ဖြစ်တယ်။ အဲဒီ နယူးရီးယားဆိုတာ ကို ကမ္ဘာမြေကြီးရော နေမင်းကြီးကပါ အသိမှတ် ပြုမထားဘူးလေ။ ဘာဖြစ်လို့လဲဆိုတော့ နယူးရီးယားနေ့မို့လို့ နေမင်းက ပိုပူလိုက်မယ် ဆိုတာလဲ မရှိသလို၊ နေလျှော့ပူလိုက်မယ် ဆိုတာလဲ မရှိပါဘူး။

ဒါပေမယ့် ဒီနှစ်တော့ နယူးရီးယားကို ကျေးဇူးတင် ပါတယ်။ နယူးရီးယားကို နေမင်းကြီးက အသိမှတ် မပြုချင်နေပါစေ ကျွန်တော် အသိမှတ် ပြုလိုက်ပါပြီ။

အဲဒီအတွက် ပြက္ခဒိန်ကို တီထွင်ခဲ့တဲ့ Gregorian ကိုပဲ ကျေးဇူးတင်ရမလား။ နယူးရီးယားမှာ ပျော်ပွဲရွင်ပွဲ လုပ်တတ်တဲ့ လူတွေကိုပဲ ကျေးဇူးတင်ရမလား။ ကျွန်တော် ကိုယ်တိုင် မသိတော့ပါဘူး။

ဘာပဲ ဖြစ်ဖြစ် အဲဒီနေ့က အဓိပ္ပယ်ရှိပါတယ်

Read More...

Sunday, December 30, 2007

၂၀၀၇ ကိုစာရင်းချုပ်ခြင်း

ရုပ်သဘော ပြောင်းလဲခြင်းများ

အရင်က ကျွန်တော့်နာမည်ကို Google မှာရိုက်ရှာရင် မတွေ့ဘူး။ ၂၀၀၇ ရောက်တော့ ကျွန်တော့်နာမည်ကို မြန်မာလိုရော အင်္ဂလိပ်လိုပါ ရိုက်ရှာလို့ တွေ့နိုင်ပြီ။

အရင်က ကျွန်တော် အခုလောက် မ၀ဘူး။ ၂၀၀၇မှာ တော်တော်ဝလာတယ်။



စိတ်သဘော ပြောင်းလဲခြင်းများ

ပြတ်သွားတဲ့ ရည်းစားဟောင်းတွေရဲ့ ဓာတ်ပုံတွေကို ထိုင်ကြည့်ပြီး အလွမ်းသယ်တဲ့ အကျင့်တွေ မရှိတော့ဘူး။

မနက်ကို နေမြင့်အောင် အိပ်တဲ့ အကျင့်တွေ မရှိတော့ဘူး။




တိုးပွားလာတဲ့ အသိတရားတွေ

ဘ၀မှာ စိတ်ကူးကောင်းရုံနဲ့ လက်တွေ့ ဖြစ်မလာဘူး။ လက်တွေ့ဖြစ်ဖို့ လက်တွေ့လုပ်ရမယ်။

လူငယ်အများစုဟာသူဌေးဖြစ်အောင် လုပ်ဖို့ထက် သူဌေးပုံ ပေါက်အောင် ပိုလုပ်နေကြတယ်။

မိန်းကလေး အများစုဟာ Ready Made တွေပဲ ရှာယူတတ် ကြတယ်ဆိုရင်။ မိန်းကလေးတွေနောက် တကောက်ကောက် လိုက်မနေနဲ့ ပင်ပန်းတယ်။ ကိုယ့်ကိုယ်ကို Ready Made ဖြစ်အောင်လုပ်။ မိန်းကလေးတွေက လာရှာလိမ့်မယ်။

ကိုယ်ကလူလေ။ လမ်းဘေးက ခွေးတစ်ကောင်နဲ့ ဘယ်တော့မှ တုပြီးမကိုက်နဲ့။

တကယ်တော့ အချစ်ဆိုတာ ကျွဲစီးရသလိုပါပဲ။ ပိုင်ရင်တော့ မဆိုးဘူး။ မပိုင်ဘဲ မရဲဘဲ သွားမစီးနဲ့ ကျွဲခတ်ခြင်းကို ခံရလိမ့်မယ်။

တကယ်တော့ ဘ၀ဆိုတာ မောင်ပေါက်ရဲ့ ကြက်ဥလိုပဲ။ တစ်ခါတလေ ကျကွဲတတ်တယ်။

ပုံပြင်ဆိုတာ နားထောင်လို့ ကောင်းပေမယ့်။ တကယ်မဟုတ်မှန်း သိတဲ့အခါမှာ ခါးသက်သက် အတွေ့အကြုံတွေကို ပေးတယ်။

စေတနာ ကောင်းလွန်းလို့ မိုးရွာပေးတာကို တချို့က သူ့ကို ရေနစ်အောင် လုပ်မလားဆိုတဲ့ သံသယ စိတ်နဲ့ ကြည့်တတ်တယ်။ ဒါကြောင့် စေတနာ မိုးတွေကို လိုတာထက် ပိုမရွာနဲ့။

ရည်မှန်းချက်မရှိပဲ မျှောချင်ရာမျှော ဆိုပြီး သွားနေလို့ကတော့ ရတာနာ ကျွန်းကို ဆိုက်ဖို့ထက် ကျောက်ဆောင်နဲ့ ၀င်တိုက်ပြီး ဘ၀ဆိုတဲ့ ပင်လယ်ပြင်မှာ နစ်မြုတ်ဖို့ ရာခိုင်နှုန်းပိုများတယ်။

လူတစ်ယောက်ရဲ့ အောင်မြင်ကို အဓိက ဖျက်ဆီးတဲ့သူက ရန်သူလဲ မဟုတ်ဘူး။ လူစိမ်းလဲ မဟုတ်ဘူး။ ကံလဲ မဟုတ်ဘူး။ အဲဒီလူရဲ့ ပျင်းတတ်တဲ့ အကျင့်။

မိုးဘယ်လောက်ပဲ မှောင်နေပါစေ အချိန်တန်ရင် မိုးလင်းလိမ့်မယ်။ ဒါပေမယ့် မိုးမှောင်တဲ့ညမှာ ဖြစ်လေ့ဖြစ်ထရှိတဲ့ မိုးချုံးသံတွေ လျှပ်လက်တာတွေနဲ့ မိုးကြိုးပစ်သံတွေကို သတ္တိရှိရှိ ရင်ဆိုင်ရဲ ဖို့တော့လိုတယ်။

လူတစ်ယောက်ရဲ့ ဘ၀ ပြောင်းလဲဖို့ဆိုရင် အရင်ဆုံး အတွေးအခေါ်နဲ့ ခံယူချက်ကို ပြောင်းလဲပစ်ရမယ်။

အရေးအကြီးဆုံးက ကိုယ့်သိထားတဲ့ အသိတရားတွေကို ဘယ်တော့မှ မမေ့စေနဲ့



၂၀၀၈ ကိုပြောချင်တဲ့စကားတချို့

ရိုက်မယ် ရေးမယ်

သဘောကောင်းတယ်၊ အောက်ကျို့တတ်တယ်။ ဒါပေမယ့် တခါတလေ မာနကြီးတယ်။

ကိုယ့်အပေါ်ကို ဘယ်လောက်ပဲ မကောင်းတဲ့လူ ဖြစ်ပါစေ။ သီးမခံနိုင်ရင် ရှောင်ထွက်သွားမယ်။ ဘယ်တော့မှ လက်စားမချေဘူး။



Read More...

Saturday, December 29, 2007

တမ်းတခြင်း

အလွမ်းတွေနဲ့ နွမ်းကြေနေတဲ့ငါ့ရင်မှာ
ပန်းတွေတောင် မပွင့်တာကြာပြီ

ကမ်းခြေမှာပျံ့ကြဲနေတဲ့ ခရုတွေလိုပဲ
ငါ့အချစ်တွေက ဟိုတစ်စဒီတစ်စ

မပြီမသနဲ့ငါ့အသံတွေ တုန်ရီအောင်အော်ခဲ့ပေမယ့်
အချစ်ဆိုတာ မရှိတော့ဘူး.......

ချစ်သူ .......
ပြန်လာပါ။

Read More...

Friday, December 28, 2007

ကင်းမသေးလို့

တကယ်တော့ဗျာ
ကျွန်တော် ဘီယာသောက်တယ် ဆိုတာ သောက်ချင်လို့ သောက်တာ မဟုတ်ဘူး
ကျွန်တော်က ဘီယာကို အဆက်ဖြတ်ပြီးသား
ဒါပေမယ့်
သိတယ်မဟုတ်လား ကျွန်တော်က ကိုယ်ချင်းစာ တတ်တယ်လေ
ငါ့ကို ကောင်မလေးတွေ ဖြတ်သွားတုန်းက တော်တော်ခံစားခဲ့ရတာ အခု ဘီယာကို ငါဖြတ်လိုက်ရင် သူတော်တော် ခံစားရရှာမှာပဲ ဆိုတဲ့ ကိုယ်ချင်းစာ စိတ်နဲ့ ဘီယာတွေ တစ်ခွက်ပြီး တစ်ခွက်..............

* * * * * * *

လမ်းငါးဆယ် ထိပ်က ဘီယာဆိုင် အရှေ့ကို ဖြတ်တော့ ညကိုးနာရီခွဲနေပြီ။ (မသိသေးတဲ့ လူတွေကို တလက်စာထဲ သတင်းပေး လိုက်ဦးမယ် အဲဒီဆိုင်မှာ သောက်ရင် မြန်မာဘီယာ ပုလင်းတစ်လုံးမှာ တစ်ထောင်ပဲရှိတယ်။ ဆိုင်နာမည်က ၀င်း တဲ့။) လက်ထဲမှာ ကြည့်တော့ အိတ်ကချပ်နေပြီ။ အင်းမဖြစ်သေးဘူး လကုန်ဖို့ သုံးရက်လိုသေးတယ်။ စိတ်ကိုလျှော့ပြီး ဆိုင်အရှေ့က ဖြတ်လာခဲ့တယ်။

အဲဒီဆိုင်က အခုမှ တစ်ရာ တစ်သွားတာ အရင်ကဆိုရင် ဘီယာတစ်လုံးမှ တစ်ထောင်ပဲ ရှိတယ်။ ဘီယာတစ်လုံးကို ထောင့်တစ်ရာနဲ့ ရလို့လား မသိဘူး အဲဒီဆိုင်မှာ သောက်တဲ့လူတွေက အမြဲစည်ကားနေတယ်။ ကုန်ကုန်ပြောရရင် ဆိုင်ထဲမှာ နေရာမရတော့လု့ ပလက်ဖောင်းပေါ်မှာ ခွေးခြေခုံလေးတွေ ချပြီး ထိုင်သောက်ကြရတယ်။ ကျွန်တော် တစ်သက်မှာ အရက်ကိုသာ ပလက်ဖောင်းမှာ ရောင်းတာ မြင်ဖူးတယ်။ ဘီယာကို ပလက်ဖောင်းပေါ်မှာ ခွေးခြေခုံတွေ ခင်းပြီး ရောင်းတဲ့ ဆိုင်တစ်ခါမှ မမြင်ဖူးဘူး။

မှတ်မိသေးတယ် ဟိုလွန်ခဲ့တဲ့ တစ်လကျော်ကျော် လောက်က
ကျွန်တော်ရယ် မောင်တက်ရယ် အဲဒီဆိုင်မှာ သောက်ဖို့ ချိန်းလိုက်တာ၊ ဆိုင်ထဲမှာ လူလျှံနေတဲ့ အပြင် ပလက်ဖောင်းမှာ ထိုင်စရာ နေရာကို မရှိဘူး။ အဲလောက်ထိ ရောင်းကောင်းတာ။ နောက်တော့လဲ နေရာကို မရမက ဖန်တီးပြီး ၀င်ထိုင်ရတယ်။ အဲဒီပလက်ဖောင်း ပေါ်မှာ ဘီယာသောက်ရတာ ဘတ်စကား စီးရသလိုပဲ။ လူတွေ ကြတ်လွန်လို့။

အဲလို တောင်စဉ်နေရမရ လျှောက်တွေးရင် . . . . .
သိမ်ဖြူလမ်းတောင် ရောက်လာပြီ။ သိမ်ဖြူလမ်းရောက်မှ သတိရတယ်။ ကျွန်တော့် ထမင်းမစားရသေးဘူး။ ထမင်စားဖို့ စဉ်းစားတော့ ညမိုးကြီးချုပ်ချုပ် အေးကအေးနဲ့ ထမင်းစားရတာ အဆင်မပြေဘူး။ ဒါကြောင့် တစ်ခုခုစား မယ်လို့ စဉ်စားလိုက်တယ်။ ရှမ်းခေါက်ဆွဲ စားရင်ကောင်းမလား။ မြေအိုးမြိးရှည် စားရင်ကောင်းမလား။

သေချာတွေးကြည့်ပြန်တော့ ရှမ်းခေါက်ဆွဲတို့ မြေအိုး မြီးရှည်တို့က စားရင် ခဏတော့ ဗိုက်ပြည့်ပေမယ့် ညရောက်ရင် ပြန်ဆာမှာ။ နေရတာက ခုနှစ်လွာမှာ ဗိုက်ဆာတိုင်း အောက်ကို ခဏခဏ ဆင်းနေရရင် အဆင်မပြေဘူး။ ဗိုက်လဲ ပြည့် အဆာလဲခံမဲ့ ကြေးအိုး သောက်ဖို့ ဆုံးဖြတ်လိုက်တယ်။

ကြေးအိုး သောက်ရင်တော့ နှစ်ထောင် ကျော်ကုန်မှာ။ ဘီယာတောင် သောက်ရင်တောင် ကုန်သေးတာ၊ ဘီယာ သောက်လိုက် တာထက်စာရင်တော့ အကျိုး ရှိပါသေးတယ် ဆိုပြီး ကြေးအိုး သောက်ဖို့ ဆုံးဖြတ် လိုက်တယ်။ ဆုံးဖြတ်ပြီးမာ သတိရတယ် ဘယ်ဆိုင်မှာ သောက်မှာလဲ။ အနီးဆုံး ကြေးအိုးဆိုင်ကို စဉ်းစားကြည့်တော့ ငါ့ဆယ့် တစ်လမ်းထိပ်မှာ။

သိမ်ဖြူလမ်း ကနေ ကြေးအိုး ဆိုင်ရှိရာ ငါ့ဆယ့်တစ်လမ်းကို မဟာဗန္ဒုလလမ်း အတိုင်း လမ်းလျှောက်ခဲ့တယ်။ လမ်းလျှောက်ရင်း လျှောက်ရင်းနဲ့ လမ်းငါးဆယ် ဘီယာဆိုင် ရှေ့တောင် ပြန်ရောက်လာပြီ။ ဘီယာဆိုင် အရှေ့က ဖြတ်ရင်း မျက်စောင်း ထိုးကြည့်တော့ ပလက်ဖောင်းမှာ လူတွေအပြည့်။ ဒါပေမယ့် ပိတောက်ပင် အောက်က ပန်းလယ်ခုံလေးမှာ နေရာတစ်ခု လွတ်နေတယ်။

နေရာလွတ်လေးကို မြင်တော့ ကျွန်တော့်ခြေထောက် တစ်ချက်တုန့် သွားတယ်။ ဟေ့ ကြေးဦးသောက်မှာ။ ကိုယ့်ကို သတိပေးပြီး အရှေ့ဆက်မလို့ ကြံနေတုန်း ၀ူး ဆို စူပါရု ကားတစ်စီး ဘီယာဆိုင် အရှေ့မှာ လာရပ်တယ်။ ကားထဲက ကျွန်တော့်တို့ အရွယ် ကောင်လေး တစ်ယောက် ဆင်းလာတယ်။ သေချာတယ် သူ ဘီယာ လာသောက်တာ။ သူတို့ကို ကြည့်ပြီး စောစောက လွတ်နေတဲ့ နေရာလေးကို စိတ်ထဲက နှမြောနေမိတယ်။

ကျွန်တော်သူ့ကို ကြည့်နေတယ်။ သူကလဲ ကျွန်တော်ထင်ထားတဲ့ အတိုင်းပဲ စောစောက လွတ်နေတဲ့ ခုံးလေးဆီကို တည့်တည့်မှတ်မှတ် သွားနေတယ်။ သူခုံမှာ ထိုင်မလို့ လုပ်နေတုန်း သူ့ဖုန်း မည်လာတယ်။ သူ ထိုင်မလို့ လုပ်ပြီးမှ မထိုင်တော့ပဲ လမ်းဘေးဆင်းပြီး ဖုန်းပြောနေတယ်။ သူဖုန်းပြောနေတုန်း အဲဒီနေရာကို သူ့ထက်ဦးအောင် ကျွန်တော် ၀င်ထိုင်လိုက်တယ်။ အဲဒီညက ကြေးအိုး မသောက်ဖြစ် လိုက်ဘူး။

အိမ်ပြန် ရောက်တော့ မိုးတော်တော် ချုပ်နေပြီ။ ပိုက်ဆံအိတ်ကို ကြည့်လိုက်တော့ နှစ်ရာတန် အပြဲ နှစ်ခြမ်း။ နောက်နေ့မနက် သင်တန်းသွားဖို့ နှစ်ရာတန် အပြဲလေးကို တိပ်နဲ့ကပ်ပြီး ကျွန်တော် အိပ်ရာဝင်ခဲ့တယ်။

Read More...

Wednesday, December 26, 2007

သတ္တိနည်းတဲ့သူ

ကောင်မလေး
ငါ့မှာပန်းတစ်ပွင့် ရှိခဲ့ရင်
အဲဒီပန်းကို နင့်ခေါင်းမှာပန်ပေးချင်တယ်

ကောင်မလေး
ငါ့မှာပုံပြင်တစ်ပုဒ် ရှိခဲ့ရင်
အဲဒီပုံပြင်က နင်နားထောင်ဖို့

ကောင်မလေး
ငါ့မှာပေါင်မုန့်တစ်လုံး ရှိခဲ့ရင်
အတူတူ ဝေမစားဘူး
နင်တစ်ယောက်တည်းစားဖို့

ကောင်မလေး
ငါ့မှာစကားတစ်ခွန်း ရှိတယ်
အဲဒီစကားတစ်ခွန်းဟာ နင့်အတွက်

ကောင်မလေး
ဒါပေမယ့်ငါ............
ပြောမထွက်ခဲ့ပါဘူး

ကောင်မလေးရယ်
အခုတော့လည်း ဝေးခဲ့ကြပြီ
သြော်......
ငါမပြောရဲလို့လေ

Read More...

Monday, December 24, 2007

Happy Birthday မေမေ

ဒီနေ့ ဒီဇင်ဘာ ၂၄ အမေ့မွေးနေ့

ကျွန်တော် မေမေ့ကို အမေလို့ စသိတဲ့အချိန်က ..........
စစ်ကိုင်းတိုင်း အထက်ပိုင်း မဲဇာမြို့နယ်ခွဲ ဂျုံးဂျုံးဂျ လို့အမည်ရတဲ့ ရွာလေးမှာ။ အဲဒီရွာလေးက မဲဇာချောင်းနဲ့ မဲဇာတောင်ကြား မှာတည်ရှိပြီး အမေရယ် မမရယ် ကျွန်တော်ရယ် အဲဒီရွာလေးမှာ နေကြတယ်။ အမေဟာ အဲဒီရွာလေးမှာ တာဝန်ကျတဲ့ သူနာပြု ဆရာမပေါ့။ တခါတရံမှာ မေဟာ သူနာပြု ယူနီဖောင်းကို ၀တ်ဆင်လေ့ရှိပြီး သူတို့ဟာ နိုက်တင်ဂေးရဲ့ တပည့်တွေလို့ ဂုဏ်ယူစွာ ပြောတတ်တယ်။

ကျွန်တော်တို့ ကျောင်းနေတဲ့ အရွယ် ရောက်လာတော့ အမေနဲ့အတူ မနေဖြစ် ကြတော့ဘူး။ အမေက သူတာဝန်ကျတဲ့ မြို့တွေနယ်တွေမှာ နေပြီး ကျွန်တော်တို့က အဖွားအိမ်မှာ နေပြီး ကျောင်းတက်ရတယ်။ အမေ အငြိမ်းစားယူပြီးတော့ ကျွန်တော်ဆယ်တန်း အောင်သွားပြီ။ ဆယ်တန်း အောင်တော့ ရန်ကုန် ရောက်လာခဲ့တယ် ပြောမယ်ဆိုရင်တော့ အမေနဲ့ နေရတဲ့ အချိန်ဆိုတာ ကျွန်တော့်အတွက် သိပ်မရှိလှပါဘူး။

ကျွန်တော် မှတ်မိသေးတဲ့ အမေ
ငယ်ငယ်တုန်းက သရဲကြောက်တတ်တဲ့ ကျွန်တော့်တို့ အတွက် သရဲ မကြောက်တတ်တဲ့ အမေဟာ ကျွန်တော်တို့ရဲ့ သူရဲကောင်းပါပဲ။

ကျွန်တော့်လက်ကို ဓားခုတ်မိပြီး ပြတ်လုပြတ်ချင် ဖြစ်သွားတုန်းက ကျွန်တော်တောင် မငိုဘူး။ အမေက မျက်ရည်တွေကျတယ်။

တစ်ရက်မှာ အမေနဲ့ ကျွန်တော် အိမ်တစ်အိမ်ကို သွားလည်ရင်း ခွေးဆွဲတော့ ကျွန့်တော်ကို မကိုက်မိအောင် အမေက အရှေ့ကနေ ကာကွယ်ပေးတယ်။

ခြောက်တန်းနှစ် လောက်က ငါးမျှားရင်း လက်ကို ငါးမျှားချိတ်စူးတယ်။ အမေက သူများတွေ ငါးမျှားချိတ်စူးတုန်းက ခွဲပေးဖူးပေမယ့်။ ကျွန်တော့် လက်က ငါးမျှားချိတ်ကို မခွဲပေးရဲဘူး။

ကျွန်တော် ကိုးတန်းနှစ်က အမေရှိတဲ့ မြို့ကို အလည်သွားတယ်။ အမေနေတဲ့ အိမ်က ဆေးရုံနားလေးမှာ။ ဘူတာနဲ့ ဆေးရုံက တော်တော် ဝေးတယ်။ ဒါကြောင့် အမေ့ဆီကိုသွားတိုင်း ဘူတာရောက်အောင် မစီဘူး။ ဆေးရုံနားရောက်ပြီ ဆိုတာနဲ့ ရထားပေါ်က ခုန်ချပြီး နေခဲ့တယ်။ တရက်မှာ ခြေခေါက်ပြီး လှဲသွားတယ်။ ကံကောင်းလို့ ရထားဘီးအောက် ရောက်မသွားပေးမဲ့ တကိုယ်လုံးမှာ ပွန်းပဲ ဒါဏ်ရာတွေနဲ့ နုတ်ခမ်းကွဲ သွားတယ်။ ဆေးရုံမှာ အနာတွေကို ချုပ်နေတော့ ကျွန်တော် ကြောက်လှန့်စိတ်နဲ့ တုန်တုန်ရင်ရင် ဖြစ်နေတယ်။ အဲဒီအချိန်မှာ မေက ကျွန်တော့်ကို ဖက်ထားပေးတယ်။

ဆယ်တန်း အောင်တဲ့နှစ်က အမေနဲ့ကျွန်တော် သင်္ဘောစောင့်ရင်း အမေက ပါလာတဲ့ ထမင်းဂျိုင့်ကို ဖွင့်စားတယ်။ ကျွန်တော့်ကို စားဖို့ ပြောတယ်။ ကျွန်တော် ဗိုက်ဆာနေပေမယ့် လူကြားထဲမှာ ရှက်လို့ မစားဘူး။ အဲတော့ အမေက ကျွန်တော့်ကို ကြည့်ပြီး ပြုံးတယ်။ အိမ်ရောက်တော့ အဲဒီအကြောင်းကို ပြောပြီး “ငါ့သားကို အမေက ကလေးလို့ ထင်နေတာ။ ငါ့သားက ရှက်တတ်နေပြီပဲ”တဲ့။

ကျွန်တော် နယ်ပြန်သွားရင် အမေက ကျွန်တော့်ကို ပြောတယ်။ “အမေကတော့ သားကိုလွမ်းလို့။ သားကတော့ မိကြည်ကိုလွမ်းလို့” ဆိုတဲ့ စကားပုံထဲက အတိုင်းပါပဲတဲ့။

ကျွန်တော် မေ့ကို ကြိုက်တဲ့ အချက်တွေက
အမေက သတ္တိရှိတယ်။ လူလူချင်းလဲ မကြောက်သလို သရဲတစ္ဆေဆိုတာကိုလဲ မကြောက်ဘူး။ ဘာသာတရားကို ကိုင်းရှိုင်းတယ်။ သူများ အပေါ်မှာ မဟုတ်တာ မလုပ်တတ်ဘူး။

အမေ့ကို ကျွန်တော်မကြိုက်တဲ့ အချက်တွေက
ဆဲဆူရင် တစ်နေကုန် မပြီးတော့ဘူး။ မိဘတွေက သားသမီး အပေါ် ကောင်းစေချင်လို့ ဆုံးမတာ ဆိုပေမယ့် တချိန်းလုံး ပျစ်တောက် ပျစ်တောက် ပြောနေတာကို နားငြီးတယ်။ ငယ်တုန်းတုန်းက အမေရှိရင် ကျွန်တော်တို့ အိမ်ထဲက အိမ်အပြင် မထွက်ရဘူး။ ဘုရား တစ်ခါရှိခိုးရင် နာရီဝက်ကနေ လေ့ဆယ့်ငါးမိနစ် လောက်အနည်းဆုံး ကြာတယ်။

အမေ့မွေးနေ့
ကျွန်တော့် မွေးနေ့ရောက်တိုင်း အမေဟာ ဘုရားဆွမ်းကပ် ဖရောင်းတိုင် အမွေးတိုင်တွေ ငှက်ပျော်ပွဲတွေနဲ့ ဘုရားမှာ အမြဲတမ်း ဆုတောင်းပေး လေ့ရှိပေမယ့်။ အမေ့ မွေးနေ့ ရောက်တိုင်း ကျွန်တော်ဘာမှ မလုပ်ပေးဖူးဘူး။ တချို့နှစ် တွေဆိုရင် မေ့မွေးနေ့ကို တောင်သတိ မထားမိလိုက်ဘူး။ ဒါပေမယ့် ဒီနှစ်တော့ အသက်ကြီးလာလို့လား မသိဘူး အမေ့ မွေးနေ့မှာ တစ်ခုခု လုပ်ပေးရမယ် ဆိုတာကိုတော့ ကျွန်တော် သိလာပြီ။



Read More...

Saturday, December 22, 2007

ပလောင်မင်္ဂလာဆောင်






ယောကျာင်္းလေး တစ်ယောက်နဲ့ မိန်းကလေးတစ်ယောက် လက်ထပ်ဖို့ ခမ်းနားတဲ့ ဟိုတယ်ကြီးတွေက အဓိက မကျပါဘူး။ မင်္ဂလာ စံပယ်ပန်းကုံး စွပ်ပေးမယ့် ပုဂ္ဂိုလ်ကြီးတွေက အဓိက မကျပါဘူး။ ကားသော့တွေ လက်ဖွဲ့မဲ့ ပရိတ်သတ်တွေက အဓိကမကျဘူး။
တကယ်တော့ လက်ထပ်ပွဲဆိုတာ လက်ထပ်မဲ့ သတို့သားနဲ့ သတို့သမီးတို့ရဲ့ တစ်ယောက် အပေါ် တစ်ယောက် ထားရှိတဲ့ ချစ်ခြင်းမေတ္တာက သာလျှင် အဓိက ကျပါတယ်။
ဂုဏ်တွေ ငွေတွေ မပါတဲ့ လက်ထပ်ပွဲကို တောင်ပေါ်က ပလောင်ရွာလေး တစ်ခုမှာ ကျွန်တော်ကိုယ်တိုင်တွေ့ခဲ့ပါတယ်



* * * * * *



ကျွန်တော်တို့ ပလောင်ရွာ လေးကိုရောက်တော့ နေ့လည်တစ်နာရီ ထိုးတော့မည် ..............


ရွာအ၀င်မှာ




ကျွန်တော်တို့က ပလောင်ရွာထဲက အိမ်တွေကို အထူးအဆန်း သဖွယ်ကြည့်နေသလို ရွာအ၀င်ဝက ကလေးများကလည်း ကျွန်တော့်ကို အထူးအဆန်း သဖွယ်ကြည့် နေကြသည်။ ဓာတ်ပုံရိုက်မယ် ပြုံးပြုံးလေးနေလို့ ပြောပေမယ့် ကလေးတွေက မပြုံး တခြားနေရာမှာ ဆိုရင် ကလေးတွေကို အဲလို ပြောလိုက်လို့ကတော့ သွားတွေ ပေါ်အောင်ပြုံးပြီး သဘောကျနေကြသည်။ သို့ရာတွင် ပလောင်ရွာက ကလေးတွေ မပြုံးမရယ်ပဲ ကျွန်တော်တို့ကို ခပ်စိမ်းစိမ်းကြည့်နေသည်။
“ဟေ့...... ဒါက တိုင်းရင်သားတွေကွ ဗမာစကား မပေါက်ဘူး။” လို့ တစ်ယောက် ကျွန်တော့်ကို သတိလှမ်းပေးမှ၊ ကျွန်တော် သတိရလိုက်သည်။ ဒါကြောင့် ကလေးတွေ မပြုံးကြတာကိုး။


ပြုံးပါဆို မပြုံးဘူး

ကျွန်တော်တို့ အခုရောက်ရှိနေသည့် ပလောင်ရွာလေးသည် လာရှိုးမြို့နှင့် ခြောက်မိုင်ခန့်သာ ကွာဝေပြီး ရွာနာမည်မှာ နမ့်ဆမ် ဖြစ်သည်။ ရွာတွင် ငွေပလောင် တိုင်းရင်းသားများ နေထိုင်ကြပြီး အိမ်ခြေ ခုနှစ်ဆယ့်ခန့် ရှိသည့် ရွာကြီး တစ်ရွာဖြစ်သည်။ ထိုရွာတွင် ဘုန်းတော်ကြီး ကျောင်း တစ်ကျောင်း နှင့် မှုလတန်း ကျောင်းလေး တစ်ကျောင်းရှိသည်။

ကျွန်တော်တို့ ရွာထဲကို စ၀င်တော့ ရွာဝင်လမ်း ပတ်ဝန်းကျင်က အိမ်တွေပေါ်မှာ နှီးဖျာနေကြသူများ တောင်းယှက် နေကြသူများသူများကို တွေ့ရသလို၊ ထင်းခုတ်ရမှ ပြန်လာသော တိုင်းရင်သူများကိုလည်း တွေ့ရသည်။ ကျွန်တော်တို့ကို ဦးဆောင်ခေါ်သွား သောဒေသခံ တစ်ယောက်က ရွာထဲမှ အိမ်တစ်အိမ် ပေါ်သို့ ခေါ်သွားသည်။

ကျွန်တော်တို့ တက်ကြည့်တဲ့ ပလောင်အိမ်




ထင်းခုတ်ပြန်လာသည့် တိုင်းရင်းသူတစ်ဦး



ကျွန်တော်တို့ တက်သွားသော ပလောင် အိမ်လေးသည် သက်ငယ်မိုး ၀ါးထရံကာ ၀ါးကြမ်းခင်းနှင့် အိမ်လေး ဖြစ်ပြီး အိမ်ပေါ်တွင် မိသားစုသုံးစု နေကြသည်။ မိသားတစ်စုလျှင် ခုနှစ်ပေ ငါးပေခန့် ရှိသည့် အိမ်သေးသေးလေးများ ထပ်ဆောက်ထားပြီး အိမ်သေးသေးလေး တစ်ခုနှင့်တစ်ခု လေးပေခန့်ကွာသည်။ အိမ်သေးလေး တစ်လုံးစီတွင် မီးဖိုတစ်ခုစီရှိပြီး မိသားစု တစ်ခုလျှင် မီးဖို တစ်ဖိုစီ ချက်စားကြသည်။ ပြောင်းဖူးခြောက်များကို အိမ်မျက်နှာကျက် ထုတ်တန်း အပြည့်ချိတ်ဆွဲထားကြသည်။ ထိုပြောင်းဖူးများသည် နောင်နှစ်တောင်ယာ စိုက်ချိန်အတွက် မျိုးအဖြစ်ချန်ထားကြ ခြင်းဖြစ်သည်။

ထုပ်တန်းတစ်လျှောက်



ကျွန်တော်တို့ အိမ်အောက်ကို ဆင်းမယ်လုပ်တော့ အောက်က လေခါးမှာ ကလေးတွေက ၀ိုင်းနေကြသည်။ ကျွန်တော်တို့က ၀ိုင်း နေကြနေသော ကလေးများကို ဓာတ်ပုံရိုက်ကြသည်။ ဓာတ်ပုံရိုက်ပြီးနောက် LCD တွင်ပေါ်နေသော သူတို့ ပုံလေးတွေကို ပြန်ပြတော့ သူတို့အချင်းချင်း တိုင်းရင်းသား ဘာသာစကားဖြင့် ၀မ်းသာအားရ အော်ပြောကြပြီး ပျော်နေကြသည်။

သူ့ကို ဓာတ်ပုံရိုက်လို့ စပါးတိုက်အောက် ၀င်ပြေးသွားတယ်



နောက်တော့ ကျွန်တော်တို့ ရွာဘုန်းတော်ကြီး ကျောင်းနှင့် စာသင်ကျောင်းသို့ သွားကြသည်။ ဘုန်းကြီး ကျောင်းက ပြန်တော့ တောင်ပေါ်က ထင်းခွေပြန်လာသော တိုင်းရင်းသားများကို သဘာဝကျကျ ဓာတ်ပုံရိုက်ဖို့ ရွာအနောက်ဖက် ပိုင်းကို ဆက်လျှောက်လာခဲ့ ကြသည်။

ရွာထဲကလေးတွေ



ရွာအနောက် ဖက်ပိုင်းရောက် ခါနီးတွင် ဆူဆူ ဆူဆူ အော်ဟစ်သံများ ကြားရသည်။ ထိုအသံကြောင့် လမ်းနှဘေးတွင် နှီးဖျာနေသည့် အဖိုးကြီးကို ကျွန်တော်တို့ အုပ်စုကလူက ပလောင်စကားဖြင့် မေးကြည့်တော့ မင်္ဂလာဆောင်တဲ့။ ကျွန်တော်တို့ အနေဖြင့် ပလောင်မင်္ဂလာ ဆောင်တာကို တစ်ခါမှ မမြင်ဖူးပါ။ ဒါကြောင့် ထင်းခွေပြန်လာတာ ဓာတ်ပုံရိုက်ဖို့ထက် မင်္ဂလာဆောင် ရှိရာ ဆူဆူ အိမ်တို့ ဦးတည်ကာ ထွက်လာခဲ့ကြသည်။

မင်္ဂလာဆောင် အိမ်အ၀င်ဝ




မင်္ဂလာဆောင်တဲ့ အိမ်ကိုရောက်တော့ အမျိုးသား တစ်ယောက်က ဗန်းတစ်ခုကို ခေါင်းပေါ်မှာ ရွက်ပြီး အိမ်အပြင်ထွက်လာသည်။ ကျွန်တော်တို့က အိမ်ထဲကို အ၀င်။ ထိုဗန်းကိုင်ထားသော လူစုက အထွက်နှင့် အိမ်ပေါက်ဝမှာ တွေ့ကြသည်။

နတ်ဗန်း



ကျွန်တော်တို့ အဲဒီဘန်းက ဘာလုပ်တာလဲလို့ မေးတော့ နတ်ပွဲတင်မလို့တဲ့။ အထဲမှ မြန်မာလို အနည်းငယ် ပြောတတ်သော တိုင်းရင်း သားတစ်ယောက် ပြောသည်။ ဒီဗန်းကို ဘယ်နားလေးမှာ သွားတင်မှာလို့ ဆက်မေးတော့ . . . . ဒါက မိန်းကလေး အိမ်တဲ့ ယောကျာင်္းလေး အိမ်ကို နတ်ပွဲနဲ့ သွားပြီး နတ်သွားတင်မှာတဲ့။ နတ်သွားတင်မဲ့ ဗန်းကို ကြည့်လိုက်တော့ ထမင်းတွေကို ဖက်ကလေးထဲအပုံ လိုက်လေးတွေ ပုံထားပြီး ထမင်းပုံလေးများ ပေါ်တွင် ငါကင်လေးများကို ၀ါးတံလေးများဖြင့် ထိုးထားသည်ကို တွေ့ရသည်။

ကျွန်တော်တို့က သတို့သားနှင့် သမီးဘယ်မှာလဲလို့ မေးတော့ သတို့သားကို ပြသည်။ သတို့သားက နတ်ဗန်းကိုင်ထားတဲ့ လူရဲ့ အနောက်က ဂျာကင်အင်္ကျီဝတ်ထားတဲ့ ကောင်းလေး တစ်ယောက် ဖြစ်နေသည်။

ပလောင် မင်္ဂလာဆောင်ဆိုတော့ ရိုးရာ ၀တ်စုံတွေ ၀တ်ပြီး တက်ရောက် လာသူတွေလဲ ရိုးရာ ၀တ်စုံတွေနဲ့၊ မြို့မှာလို မခန်းနားတောင် သူ့ရိုးရာ သူ့ဓလေ့ သူတော့ စည်စည်ကားကားလေး ဖြစ်မည်ဟု ကျွန်တော်တို့က ထင်ထားကြသည်။ တကယ်မင်္ဂလာ ဆောင်ရောက်တော့ ကျွန်တော်တို့ ကြိုထင်ထားသလို မဟုတ်။

သတို့သမီးကို ခေါ်တော့ သတို့သမီးက ရှက်လို့တော်တော်နှင့် ထွက်မလာပေ။ ထွက်လာတော့ သတို့သမီးမှာ မြို့မှာလို့ မိတ်ကပ်တွေ ဖွေးနေအောင်လိမ်းပြီး ဆံထုံးတွေ ထုံးဖို့ ဝေးစွ၊ မျက်နှာမှာ ဘာမှ လိမ်းခြယ်ထားခြင်း မရှိသလို့ ခေါင်းပင်ဘီးဖြီးထား ခြင်းမရှိပေ။

သတို့သား ၁၇နှစ်ကျော်၊ နတ်ဗန်းကိုသူနှင့် သတို့သမီး ၁၆နှစ်ကျော်



ကျွန်တော်တို့ အုပ်စုက လူခုနှစ်ယောက် ၀ိုင်းပြီး ဓာတ်ပုံတွေရိုက် နေကြလို့လား မသိ သတို့သမီးကို ကြည့်ရတာ စိတ်ကျဉ်းကျပ်နေပုံ ပေါ်သည်။ ကျွန်တော်တို့ အုပ်စုက သူတို့ မင်္ဂလာမှာ အခုလို လာပြီး ဓာတ်ပုံတွေ ရိုက်နေတာကို ကြိုက်ပုံ မရပေ။

သတို့သမီးအိမ်



ခဏလောက်နေတော့ နတ်ဗန်းကိုင်ထားတဲ့ လူကဦးဆောင်ပြီး သတို့သားအိမ်ကို သွားကြသည်။ သတို့သား အိမ်နှင့် သတို့သမီး အိမ်သည် သုံးအိမ်ကျော် လောက်သာ ဝေးသည်။

သတို့သားအိမ်






ရိုးရာ နတ်ကန်တော့နေစဉ်



သတို့သား အိမ်ရောက်တော့ အိမ်ပေါ်ကို နတ်ဗန်းကိုင်သူက ဦးဆောင်တက်ပြီး သတို့သား သတို့သမီးနှင့် မိဘများက အနောက်က လိုက်တက်သည်။ အိမ်ပေါ်ရောက်တော့ ရိုးရာ နတ်စင်အရှေ့မှာ ဗန်းကို ချလိုက်ပြီး အဖိုးကြီးတစ်ယောက်က ရွတ်ဖတ်ပူစော်သည်။ ပလောင် အိမ်များသည် အလင်းဝင်ပေါက် မရှိအောင်ပင် မှောင်မဲနေပြီး အိမ်၏ အလယ်တွင် မီးဖိုကြီး တစ်ခုကို ဖိုထားသည်။ ထုံးစံအတိုင်း ထုပ်တန်းများ တစ်လျှောက်မှာတော့ ပြောင်းဖူး များပြည့်နေသည်။ အပေါ်တွင် မှောင်မှောင်မဲမဲ ဖြင့် အနေကျတ်သောကြောင့် ကျွန်တော် အိမ်အောက်သို့ ပြန်ဆင်းလာခဲ့သည်။


မင်္ဂလာဆောင်အပြီး သတို့သားနှင့် သတို့သမီး

ထိုမင်္ဂလာဆောင်သည် အညာမင်္ဂလာ ဆောင်များလို မီးခိုးတိတ်မဟုတ်ပဲ အနီးနား ပတ်ဝန်းကျင်ရှိ အိမ်လေး ငါးခြောက် အိမ်လောက်ကိုသာ ဖိတ်ကျွေးသည်ဟု ဆိုသည်။ ကျွေးရာတွင် ထမင်းဖြူနှင့် ဟင်းမှာ ငါးလေး ပေါက်စကင် ဖြစ်သည်။ ယမကာအဖြစ် ပြောင်းအရက်ကို တိုက်သည်။

အိမ်အောက် ရောက်တော့ တိုင်းရင်းသား တစ်ယောက် အရက်ပုလင်းကို ကိုင်ပြီး ပန်းကန်လုံးထဲ ငှဲ့ထည့်ကာ ကျွန်တော့်ကို လာတိုက်သည်။ သူပုလင်းကိုင်သည့် လက်မှာ ပြောင်းဖူးဖက် ဆေးလိပ်ကြီးကို ကိုင်ထားပြီး ကျွန်တော့်ကို ငှဲ့ပေးနေစဉ်မှာ ထိုဆေးလိမ်မှ ဆေးလိပ်ပျာများ ပန်းကန် အတွင်းကျသွား သည်ကို တွေ့လိုက်သည်။ ကျွန်တော့်ကို တိုက်သည့် အရက်ခွက်ကို ကြည့်လိုက်တော့ ဆေးလိပ်ပျာများ ကျနေသည်ကို တွေ့ရသည်။ ပြီးတော့ ထိုအရက်များသည် ပြောင်းအရက်များ ဖြစ်သောကြောင့် မီးတောက် အောင်ပြင်းသည်။ ထို့ကြောင့် ကျွန်တော် မသောက်ဖို့ ငြင်းလိုက်သည်။

ထို့နောက် မင်္ဂလာသို့ လာသောလူများ ကလေးများကို ဓာတ်ပုံရိုက်ပြီး အချိန်လည်း လင့်နေပြီ ဖြစ်သောကြောင့် ပြန်ရန်အတွက် မင်္ဂလာဆောင် အိမ်မှ ကျွန်တော်တို့ အုပ်စု ထွက်လာခဲ့ကြသည်။ ထိုရွာသည် တောင်ပေါ်ရွာ လေးတစ်ရွာ ဖြစ်သောကြောင့် ရွာလမ်းများသည် နှိမ့်လိုက် မြင့်လိုက်နှင့် ဖြစ်နေသည်။

ရွာအပြင်ရောက်တော့ ကားပေါ်တက်ပြီး ကျွန်တော်တို့ ပြန်လာခဲ့ကြသည်။ အပြန်လမ်းတွင် ကျွန်တော်တို့ အားလုံး အတွေးကိုယ်စီဖြင့် တိတ်ဆိတ်နေကြသည်။

ရွာမှာတုန်းက မေးခွန်းများစွာ ကျွန်တော်မေးခဲ့သည်။ သို့ပေမယ့် တိုင်းရင်းသားများ ကျွန်တော့် ကျွန်တော့်စကားကို နားမည်၍ ပြန်မဖြေနိုင်ပါ။ ကျွန်တော်ကတော့ အပြန်ခရီးအထိ ထိုရွာနှင့် ပတ်သက်၍ မေးခွန်းများစွာ ကိုယ့်သာ မေးနေ မိသည်။

စောစောက မင်္ဂလာဆောင်လေးသည် ဂုဏ်တွေ မပါ၊ ငွေတွေမပါ အဲဒီ အတွက် ကဲ့ရဲ့မည့်လူလည်း တစ်ယောက်မရှိပါ။ သတို့သား သတို့သမီးများကလည်း ဂုဏ်များ ငွေများသည် သူ့တို့ မင်္ဂလာအတွက် လိုအပ်သည်ဟု ထင်ထားဟန် စိုးစဉ်းမျှ မရှိ။

ဘာပဲ ဖြစ်ဖြစ် ယခုမင်္ဂလာလေးသည် ကုန်ကျစရိတ် တော်တော် သက်သာသည်။ ထို့ကြောင့် ကျွန်တော် အလှည့်ရောက်ရင် ဒီရွာမှာပဲ လာဆောင်ရင် ကောင်းမလားဟု စဉ်းစားလိုက်မိသည်။

ကားသည် တောင်များကို ဖြတ်၍ တဖြည်းဖြည်း မောင်းနေသည်။ ရန်ကုန်က အတူလာသည့် လူပျိုကြီး တစ်ယောက် တိတ်ဆိတ်စွာ ထိုင်ပြီး ကျွန်တော့် ဘေးမှာ လိုက်ပါလာသည်။ သူကိုကြည့်ရတာ တစ်ခုခုကို လေးလေးနက်နက် စဉ်းစားနေပုံရသည်။ သူသည်လည်း ကျွန်တော့်လို မင်္ဂလာ ဆောင်ဖို့ စဉ်းစားနေမလား မသိ။

Read More...

Monday, December 17, 2007

လားရှိုး

Good Morning Lasho


တစ်တောလုံး တစ်တောင်လုံး ပန်းနှမ်းတွေနဲ့

အပေါ်စီးက မြင်ရတဲ့ လားရှိုးမြို့

Read More...

Sunday, December 16, 2007

အနိစ္စ

လောကမှာ မမြဲခြင်းနိယာမ အရ ဘယ်အရာမှ မမြဲပါဘူး။ ဒါပေမယ့် မမြဲခြင်းဆိုတဲ့ နိရာမကြီးကတော့ တည်မြဲနေတယ်။ တိုးတက်တဲ့ နိုင်ငံကြီးတွေမှာ ဆိုက်ကနက်ကြီး စီးနေပေမယ့် အနိစ္စ ကိုတော့ ရှောင်လွဲလို့ မရနိုင်ရှာကြဘူး။

မကြောက်တတ်ရင်တော့ ကိုရွာသား ကျွန်တော့်ကို ပေးလိုက်တဲ့ လင့်ကိုဖွင့်ကြည့်လိုက်ပါ။ အနိစ္စဆိုတာကြီးကို ကွက်ကွက်ကွင်းကွင်း မြင်လာလိမ့်မယ်။

Read More...

ပတ်စပို့

ပတ်စပို့ရုံးထဲ ၀င်လိုက်တော့ ခါတိုင်းနှင့်အတွင်မတူ။ လူတွေကလည်း ရှင်းနေတယ်။ ဒီလောက် လူရှင်းပုံ ထောက်ရင် တနင်္ဂနွေနဲ့ တနင်္လာ ငါမှားပြီး လာတာလား။ နာရီကို ကြည့်လိုက်တော့ Monday။ မမှားနိုင်ပါဘူး။ ဘကြောင့် လူတွေဒီလောက်ရှင်းနေရတာလဲ .......

ှ“ကိုယ်တို့ ပတ်စပို့ရုံးကို အသွင်သစ် ပြောင်းလိုက်လေ”
ဘေးနားမှာ ရပ်နေတဲ့ ရဲကြီးတစ်ယောက်က ပြောတယ်

ကွန်ပျူတာနဲ့ ပတ်စပို့ ကျမကျ ကြည့်ပေးတဲ့ နေရာရောက်တော့ ကျွန်တော့် စလစ်လေးကို ပေးလိုက်တယ်။ အထဲကရဲက စလစ်ကို မယူပဲ ကျွန်တော့်လက်ကို ဖမ်းဆွဲလိုက်တယ်။ ဘာများဖြစ်တာလဲ။ လက်ထိပ်များ ခပ်လေမလားဆိုတဲ့ အတွေးနဲ့ ကျွန်တော်လန့်သွားတယ်။ ကျွန်တော့်လက်ကို ဆွဲတာ လက်ထိပ်ခပ်ဖို့ မဟုတ်ဘူး။ ကျွန်တော့်လက်မလေးကို လှမ်းယူလိုက်တယ်။ ပြီးတော့ လက်ဗွေဖတ်စက်မှာ နှိပ်လိုက်တယ်။

“ညီလေး မင့်ပတ်စပို့ကျပြီ အပေါ်ထပ်မှာ သွားထုတ်လိုက်တော့”
“သြော်ဟုတ်”

“အရင်က ဆိုရင် ဒီနေရာမှာ လူတွေတိုဝှေ့ တန်းစီးနေရတဲ့ နေရာပေါ့ကွ။ အခုတော့ ပုံစံ စနစ်သစ် ပြောင်းလိုက်လို့ အားလုံး အိုကေ သွားပြီ”
“*.*”

“ဟေ့ အဲကောင်ကို ဖမ်းလိုက်”
ကျွန်တော် လှည့်ကြည့် စဉ်မှာ လူတစ်ယောက်ကို ရဲနှစ်ယောက်က ချုပ်လိုက်ကြတယ်။

“အဲဒါ ဘယ်လိုဖြစ်တာလဲ”
ကျွန်တော် ဘေးကလူတစ်ယောက်ကို မေးလိုက်
“သြော်ဒါက ဒီလိုလေ၊ မင်းစောစောက ပတ်စပို့ကျမကျ သိဖို့ လက်ဗွေနှိပ် ရတယ်မဟုတ်လား။ ”
“ဟုတ်”
“အဲလို လက်ဗွေနှိပ်တဲ့ အချိန်မှာ၊ အမှုရှိတယ်ဆိုရင် တခါတည်း ပေါ်လာတယ်။ စောစောကလူက ဖောက်ထွင်းဝိဇ္ဖာလေ၊ အဲဒါကြောင့် ဖမ်းလိုက်တာ ”
“အဲလိုကြီးလား”
တော်သေးတာပေါ့ ကျွန်တော်တောင် ဘာအမှုမှ ကျူးလွန်းထားတာ မရှိလို့။

အပေါ်ထပ်ရောက်တော့ ပတ်စပို့ ထုတ်ပေးတယ် ဆိုတဲ့ ကောင်တာရှိရာကို သွားလိုက်တယ်။ ကောင်တာရှေ့မှာ ရပ်တယ်ဆိုရင်ပဲ ...
“ရော့ ဒီမှာ မင့်ပတ်စပို့”
“ဗျာ”

ကျွန်တော်ယူပြီး ကြည့်လိုက်တော့ ဟုတ်တယ်၊ ကျွန်တော့်ပတ်စပို့။ ဘာမှ မပြောရသေးခင်မှာ ကျွန်တော့်ပတ်စပို့ကို ထုတ်ပေးတော့ တော်တော်လေး အံသြသွားတယ်။

“ကျွန်တော်လာမယ် ဆိုတာ ဘယ်လို လုပ်ပြီး သိတာလဲ”
“မင်းအောက်ထပ်မှာ လက်ဗွေကို နှိပ်လိုက်ပြီ ဆိုကတည်းက အပေါ်ကို auto report ရောက်လာတယ်။ အဲဒီ report ကိုကွန်ပျူတာ ပရိုဂရမ်ကနေ ဖတ်ပြီးတော့ မင့်ရဲ့ ပတ်စပို့ဟာ ဘယ်မီးခံသေတ္တာရဲ့ ဘယ်အံဝှက်မှာ ရှိတယ်ဆိုတာကို တခါသိတယ်။ ပြီးတော့ မင့်ပတ်စပို့ရှိတဲ့ အံဝှက်လေးကို ကွန်ပျူတာ ပရိုဂရမ်ကနေ အလိုလျှောက်ဖွင့် ပေးလိုက်တယ်။ ငါတို့အနေနဲ့ အများကြီး ရှာစရာ မလိုဘူး ပွင့်လာတဲ့ အံဝှက်လေးတွေထဲက ပတ်စပို့ကို ယူလိုက်ရုံပဲ”

“တယ်ဟုတ်ပါလား။ ကျွန်တော့် နာမည်မပြောရပဲနဲ့ ကျွန်တော့်ပတ်စပို့ကို ဘာကြောင့်မှန်အောင် ပေးနိုင်တာလဲ။ လူမမှားနိုင်ဘူးလား”
“ဟဟ .. ။ ကောင်လေးရယ် နိုင်ငံတော်အကြီးအကဲ တွေက မင်းစဉ်းစားထက် ကြိုမြင်ပြီးသား။ အဲလို မဖြစ်ရအောင် မင်းကောင်တာမှာ ရပ်ကတည်းက မင့်မျက်နှာကို စကင်ဖတ်လိုက်ပြီ။ ပြီးတော့ မင့်မျက်နှာပေါက် ကျပုံမှာရှိတဲ့ ပွိုင့်တွေ နဲ့ ငါတို့ ပတ်စပို့ရုံးမှာ ရှိတဲ့ ပုံတွေထဲက ပွိုင့်တွေကို ကွန်ပျူတာ ပရိုဂရမ်က အလိုအလျောက်သွား ရှာပြီး တွေ့ရင် အချက်ပြတယ်။ရှင်းပြီလား”

“သြော်ဟုတ်”
“ငါ့တို့နိုင်ငံ နည်းပညာအရ ဆိုရင် စာအုပ်တောင်မလိုဘူးကွ။ သူ့များနိုင်ငံလို ချပ်စ်ပြားတွေလဲမလိုဘူး။ လက်ဗွေလေး ဖတ်လိုက်တာနဲ့ အားလုံး ပြီးပြည့်စုံသွားပြီ။ တခြားနိုင်ငံတွေက ငါတို့ နိုင်ငံလို မဖွံ့ဖြိုး မတိုးတက်သေးလို့ စာအုပ်ကို ထုတ်ပေးနေရတာ”

“တယ်လည်းဟန်ကျပါလား”
“ဟန်ပြီလားကွယ်”

“တုံကင်နံပတ် အ၀ါရောင် 512”
“တုံကင်နံပတ် အ၀ါရောင် 512”
“တုံကင်နံပတ် အ၀ါရောင် 512”

“အစ်ကိုခေါ်နေတာ ထင်တယ်”
ဘေးနားလေးက ကောင်လေးတစ်ယောက်က လုပ်နိုးတော့မှ ငိုက်နေတဲ့ ကျွန်တော် အလန့်တကြား နိုးလာတယ်။
“ကောင်တာက အစ်ကို့ကို ခေါ်နေတယ်”
“သြော် ကျေးဇူးပဲ”

ကောင်တာရှေ့မှာ အုံနေတဲ့ လူအုပ်ကြီး တိုးပြီး မီးပူတိုက်ထားတဲ့ အင်္ကျီ ခေါက်ရိုးလေးတွေ တွန့်ကြေသွားတော့ ကောင်တာရှေ့ရောက်တယ်။
“ကျွန်တော် တုံကင်နံပါတ် 512 ပါ”

ကျွန်တော့်တုံကင် အ၀ါရောင် ကဒ်ပြားလေး ထိုးပေးလိုက်တော့ ........
“သြော်ရတာ အာပေါက်တော့မယ် ခေါ်မကြား အော်မကြားနဲ့၊ အလှည့်ကျော်တော့မလို့”
“အိပ်ပျော်သွားလို့”

“ပတ်စပို့တင်တာ ဘယ်နှစ်လပိုင်းကလည်း”
“2006 ဆယ်လပိုင်းလောက်က”
“အဲဒါကို အခုမှ လာထုတ်ရသလား၊ ဒီမှာ ရှာလို့ မတွေ့ဘူး။ ကွန်ပျူတာက အထုပ်နံပါတ် မှားရေး ပေးလိုက်တယ်။ ကွန်ပျူတာမှာ သွားပြန်ကြည့်”
“သြော်ဟုတ်ကဲ့၊ ဟုတ်ကဲ့”

ကျွန်တော်လည်း ကျွန်တော့အနောက်က အုံနေသော လူအုပ်ကြီးကို တိုးဝှေ့ပြီး လှေခါးအတိုင်း ဆင်းလာခဲ့တယ်။ လှေခါး အဆင်းတော့ ပတ်စပို့ ကျမကျ စလစ်ကို ကွန်ပျူတာနဲ့ ကြည့်ပေးတဲ့နေရာကို ရောက်တယ်။ တန်းစီနေတာ အားပါ နည်းတဲ့ လူတန်းကြီး မဟုတ်ဘူး။ စပ်စု ကြည့်လိုက်တော့ စလစ်ဖတ်တဲ့ ကွန်ပျူတာက နက်ဝပ်ကော်နက်ရှင် ကျနေတယ်တဲ့။

ကျွန်တော်လဲ လူတန်းကြီးမှာ တန်းစီလိုက်တယ်။ စောင့်ရင်း စောင့်ရင်း နာရီဝက်လောက်တာ ကြာသွားတယ် ဘာမှ ထူးမလာဘူး။ အဲဒါနဲ့ စိတ်မရှည်တာကြောင့် ကွန်ပျူတာ အနားကို တိုးပြီး ကြည့်လိုက်တယ်။ စက်ကိုင်တဲ့ အော်ပရေတာက အေးအေးဆေးဆေးပဲ ထိုင်နေတယ်။ အပြင်မှာက လူအုပ်ကြီးက ချွေးပြန်နေပြီ။

အဲဒါနဲ့ ကျွန်တော် အပေါ်ထပ်ကို ပြန်တက်လာခဲ့တယ်။ အောက်မှာ ကော်နက်ရှင်ကျနေလို့ ရှာမဘူးလို့ အကျိုး အကြောင်း ပြောပြတော့။ ရှစ်လက္မလောက်ရှိတဲ့ စာအုပ် အထူကြီးတွေ ချပေးတယ်။ အဲစာအုပ်ကြီးတွေမှာ ကျွန်တော်နာမည်ကို ရှာတယ်။ ကံကောင်း ထောက်မစွာနဲ့ပဲ သုံအုပ်မြောက်မှာ ကျွန်တော့်နာမည် သွားတွေ့တယ်။

အနားနားက တာဝန်ကျနေတဲ့ ရဲတစ်ယောက်ကို ခေါ်ပြတော့၊ ကျွန်တော့်ရဲ့ စလစ်မှာ ရေးထားတဲ့ နံပါတ်ကိုပြင်ပေးတယ်။ စလစ်မှ နံပါတ် အမှန်ရပြီဆိုတော့ ကောင်တာမှာ ပြန်ထပ်ထားလိုက်တယ်။ ပြီးတော့ အေးရာ အေးကြောင်း ပြန်ထိုင်နေလိုက်တယ်။

နောက်ထပ် သုံးနာရီခန့် အကြာ .........

စောင့်ရင်း စောင့်ရင်းနဲ့ ညနေ ငါးနာရီထိုးသွားတယ်။ လူတွေကတော့ ကောင်တာမှာ တိုးဝှေ့နေကြတုန်းပဲ။
“*********”
ကျွန်တော့နာမည် ခေါ်ပြီ။ ကျွန်တော်လဲ ပတ်စပို့ ရပြီ အထင်နဲ့ ကောင်တာကို အူရားဖားရာ ပြေးသွားလိုက်တယ်။
“မင့်ဟာက ကြာနေပြီဆိုတော့ ရှာလို့ မတွေ့တော့ဘူး။ စနေတနင်္ဂနွေ ရုံးပိတ်ရက်မှ အေးအေးဆေးဆေး ရှာပေးထားလိုက်မယ်။ အဲတော့မှ ပြန်လာခဲ့”

ဟုတ်ကဲ့ ဟုတ်ကဲ့
“”

Read More...

Saturday, December 15, 2007

လိမ္မော်ခြံ


ကျွန်တော်နှင့် လိမ္မော်သီးများ

Read More...

ရွှေရောင်မျှော်လင့်ချက်







ကျွန်တော် အခုဆိုရင် မြန်မာ ဘော့လုံးပွဲကို မကြည့်ချင်ဘူး။ အခုမကြည့်လို့ အရင်က ကြည့်သလားလို့ မေးရင်......

ကြည့်တာပေါ့။

မှတ်မိသေးတယ် ကျွန်တော် ငါးတန်းနှစ် နယ်မှာနေတုန်းက မြန်မာ ဘော့လုံးပွဲကို ရက်ကွက်ထဲက ဗီဒီယိုရုံမှာ ငါးကျပ်ပေးပြီး သွားကြည့်ရတာ။ ပွဲကတော့ မြန်မာနဲ့ ဗီယက်နမ်။ အောင်ကျော်ကျော်ကို ထိုင်းဒိုင်က အနီကဒ်ပြ ထုတ်လိုက်ပြီး မြန်မာအသင်း ရှုံးလို့ တော်တော်လေး ကြေကွဲရတယ်။

ခုနှစ်တန်းနှစ် ရောက်တော့ မြန်မာ ဘော့လုံး အသင်းက ထုံးစံအတိုင်း လိမ်ဖယ် လိမ်ဖယ်နဲ့။ ကမ္ဘောဒီးယားကို နိုင်ရင် အုပ်စုတက်ရပါပြီ ဆိုကာမှ တစ်သက်လုံး မရုံးဖူးတဲ့ ကမ္ဘောဒီးယားကို ရှုံးအောင်ကန်ပြီးပြန်လာတယ်။ တကယ်ဆိုရင် အဲဒီနှစ်က ကမ္ဘောဒီးယား အသင်းဟာ မြန်မာကို နိုင်ချင်နိုင် ရှုံးချင်ရှုံး ထွက်ရမှာ။ မြန်မာက နိုင်ရင် အကြိုဗိုလ်လုပွဲ တက်ရမှာ။

ပြီးခဲ့တဲ့ အာဆီယံချန်ပီယံရှစ် (တိုက်ဂါးဖလား အမည်ပြောင်း) ပွဲမှာလည်း စလာလာချင်း အိမ်ရှင် ထိုင်းကို အသာစီးနဲ့ ကန်ပြီး သရေကျတယ်။ ငါတို့ မြန်မာဘော့လုံး အသင်းတော့ ဟုတ်နေပြီဟလို့ ထင်လိုက်ကာရှိသေးတယ် မလေးကို သရေ ထပ်ကျတယ်။ နောက်ဆုံးပွဲ ဖိလစ်ပိုင်ကို နိုင်တယ်ဆိုတယနဲ့ တက်ပါပြီ ဆိုကာမှ ဖိလစ်ပိုင်ကိုလည်း သရေကန်ပြီး အုပ်စုပွဲနဲ့ ပြန်လာခဲ့တယ်။ တကယ်ဆိုရင် အဲဒီ နှစ်က ဖိလစ်ပိုင် အသင်းဟာ မလေးကိုရော ထိုင်းကိုပါ ဂိုးပြတ်နဲ့ ရှုံးထားတာ။ မြန်မာအသင်းကတော့ ထိုင်းနဲ့ မလေးကို ခြေသာစီးပြီး သရေကျထားတယ်။ ပြောမယ်ဆိုရင်တော့ မြန်မာအသင်းအနေနဲ့ အဲဒီအချိန်မှ ဖိလင်ပိုင်ကို နိုင်ဖို့ အလားအလာ အများကြီးရှိတယ်။ အဲဒါကို သရေကျအောင် ကန်ခဲ့တယ်။

အဲနောက်ပိုင်း မြန်မာဘော့လုံးပွဲဆိုရင် မကြည့်တော့ဘူး။ မကြည့်ချင်ဘူးလို့ ဆိုတာနဲ့ ကိုယ့်နိုင်ငံ ဘော့လုံးအသင်းကို မုန်းလို့ တော့မထင်လိုက်ပါနဲ့ ချစ်လွန်းလို့ ကြည့်မိရင် အသည်းနာလွန်းလို့ မကြည့်တာ။

ဒီနေ့ ထိုင်းနဲ့ ကန်တဲ့ပွဲ။ ကျွန်တော် မကြည့်လိုက်ဖူး။ မေးကြည့်တော့ ရှုံးတယ်တဲ့ ....

* * * *

ကျွန်တော်တို့ ငါးတန်းကျောင်းသား အရွယ်လောက်က် တရုပ်မင်းသား ယွန်ပြောင်းက ဘော့လုံး မင်းသားဆိုပြီး နာမည်ကြီးနေတဲ့အချိန်၊ မြန်မာ ဘော့လုံးပွဲကို ကြည့်ပြီး ကျွန်တော့်မှာ ယွန်ပြောင်းလို ကွန်ဖူးတွေ တတ်လိုက်ချင်တယ်။ ၀ူခုန်းလို တန်ခိုးရှိချင်တယ်။ စူပါမင်းရဲ့ ပါဝါတွေ ရလိုက်ချင်တယ်။ ပြီတော့ စိတ်ကူးထဲမှာ ဘော့လုံးကွင်းထဲ ဆင်းပြီး ဗီယက်နမ်ကို တစ်ဂိုးပြီး တစ်ဂိုး သွင်းနေမိတယ်။

ဒီနေ့ ထိုင်းနဲ့ မြန်မာပွဲကို ကြည့်ကြတဲ့ မြန်မာပရိတ်သတ်တွေလဲ ကျွန်တော်ငယ်ငယ်တုန်းက စိတ်ကူးယဉ်ခဲ့ သလို ပါဝါတွေ တန်ခိုးတွေ စုပြီး ထိုင်းအသင်းကို ဂိုးတွေ ဘယ်လောက်များ စိတ်ကူးထဲမှာ သွင်းနေကြမလဲ မသိ .....



ကျွန်တော်တို့ မျှော်လင့်တဲ့ ရွှေရောင်ဖလား

Read More...

ခရီးသွားရင်း ရိုက်ခဲ့သောဓာတ်ပုံအချို့


ပြင်ဦးလွင်မှာ နံနက်စာစား

လားရှိုးကိုစတက်ပြီ

လမ်းမှာကားပျက်နေတုန်း ရိုက်ထားတာ





ကျောက်မဲမှာ နေ့လည်စာစား

အရှုပ်တက ထိပ်ခေါင် သပွတ်အူဆိုတာ အဲဒါပေါ့

လားရှိုးရောက်တော့ မိုးပေါ်မှာ ပျံနေတဲ့ ဂျက်ကို ရိုက်ထားတာ

Read More...

Thursday, December 13, 2007

ဒိုက်နမိုက် နှင့် ဓာတ်ပုံ




အချိန်ကား .........
တော်တော်လေး ညဥ့်နက်နေပြီ
ဒီဇင်ဘာ ညတစ်ည ဖြစ်သောကြောင့် တောင်ပေါ်မြို့လေးကို မြူနှင်းများက လွှမ်းခြုံထားသည်။

ထိုအချိန်တွင် ကျွန်တော်သည် လမ်းဘေး ပလက်ဖောင်းပေါ်တွင် တစ်ရောက်တည်း ငုတ်တုပ်ထိုင်နေသည်။ ကျွန်တော့်ဘေးမှာ အဖော်ဆိုလို့ ဈေးပေါပေါ ပေးရသည့် တရုပ်ဘီယာ ပုလင်းများသာရှိသည်။

ကျွန်တော်သည် အဝေးက မာကျူရီမီးတိုင်များကို လှမ်းကြည့်ရင်း၊ လက်ထဲမှ ဘီယာပုလင်းကို မော့သောက်ရင်းဖြင့် တစ်စုံတစ်ခုကို စဉ်းစားနေသည်။ ထိုသို့ အဝေးမှ မာကျူရီမီး တိုင်များကို လှမ်းကြည့်နေစဉ် နှင်းမြူများကြားမှ မဲမဲ အရိပ်တစ်ခုက ရွှေ့ရှားလာသည်။ အဝေးမှ မသဲမကွဲ မြင်ရတော့ လူရိပ်သည် ထောင်ထောင် မောင်းမောင်းနှင့် အရပ်ရှည်ရှည် လူတစ်ယောက် ဖြစ်ဟန်တူသည်။ ထိုလူသည် ကျွန်တော်ရှိရာသို့ ဦးတည်ပြီး လာနေသည်။

သေချာ သဲသဲ ကွဲကွဲ မြင်ရတော့ ထိုလူသည် နိုင်ငံခြားသား တစ်ယောက်ဖြစ်နေသည်။ သူ၏ လက်ထဲတွင် မြန်မာ ဘီယာ ပုလင်းတစ်လုံးကို ကိုင်ထားသည်။

Can I sit ?
နိုင်ငံခြားသားက ကျွန်တော်ဘေးမှာ ထိုင်ဖို့ ခွင်းတောင်းသည်။

You can
ထိုင်နိုင်ပါတယ်လို့ ပြောတော့ ကျွန်တော့် ဘေးနားလေးမှာ ၀င်ထိုင်သည်။

ထို့နောက် ဟိုကြည့်ဒီကြည့်နှင့် တစ်စုံတစ်ခုကို ရှာဖွေနေသည်။ ကျွန်တော်က အလိုက်သိစွာဖြင့် သူ့ဘီယာ ပုလင်းဖုံးကို ပါးစပ်ဖြင့် ကိုက်ဖွင့်ပေး လိုက်သည်။ သူတော်တော် လေးသဘော ကျသွားပြီး ကျွန်တော် အဖုံးဖွင့်ပေးလိုက်သော ဘီယာပုလင်းကို မော့သောက် လိုက်သည်။

“မြန်မာလို ပြောတတ်လား ”
“အန် ... မြန်မာပါဆို မြန်မာလို မပြောတတ်ပဲနေမလား”

“ နိုး . . နိုး ..၊ ဒီမှာက တိုင်းရင်းသားတွေ များတော့ တချို့ ကမြန်မာလို မပြောတတ်ကြဘူးလေ အဲဒါကြောင့် မေးကြည့်တာပါ”
“ကျွန်တော်လဲ ခင်ဗျားလို ဧည့်သည်ပဲ”

စောစောက ဖောက်လိုက်တော့ မြန်ဘီယာ ပုလင်းအဖုံးလေးကို ကျွန်တော် လက်သည်းနှင့် ခြစ်ပြီး အဖြူဖပ်လေးကို ခွာလိုက်သည်။ အဖြူဖပ်လေး ကွာသွားတော့ ကရ၀ိက်ပုံလေး ပေါ်ထွက်လာသည်။ ကျွန်တော် ချက်ခြင်းပဲ ထို အဖုံးလေးကို ညစ်ကွေးလိုက်သည်။ ထို့နောက် အဝေးကို တစ်ခါတည်း ကန်လွင့် ပစ်လိုက်သည်။

“ ဟေ့ မဲပေါက်တယ် မို့လား ဘာဖြစ်လို့ လွင့်ပစ်လိုက်ရတာလဲ”
နိုင်ငံခြားက ကျွန်တော့်ကို မေးသည်

“ အဲဒီ ပုံကိုကရ၀က်ကို မကြည့်ချင်လို့”

“ဘာဖြစ်လို့လဲကွ”
“ဒီလိုပါပဲ”

“ပြောပါဦး”
“ပြောရမယ်ဆိုရင် အရှည်ကြီးပဲ”

“လိုရင်းလောက်တော့ ပြောပေါ့ကွာ”
“အင်းပြောပြမယ်”

“အင်းပြော”

ကျွန်တော် ဘီယာပုလင်းကို တကြိုက်မော့သောက် လိုက်သည်။ သူလဲ သူ့လက်ထဲက ဘီယာ ပုလင်းကို မော့သောက်ပြီး ကျွန်တော် ဘာပြောမလဲ ဆိုတဲ့ အကြည့်နဲ့ ကျွန်တော့်ကို စောင့်နေသည်။

“ ဒီလိုဗျာ လွန်ခဲ့ ရက်ပိုင်းလောက်က အဲဒီကရ၀ိက်ပုံ နောက်ခံပါတဲ့ ပုံတစ်ပုံကို ကျွန်တော်ရိုက်ခဲ့တယ်”
“*.*”

“အဲပုံကို မသာမာသူတစ်ယောက်က တခြားနေရာမှာ တလွဲ သုံးလိုက်တယ်”
“အဲတော့ ဘာဖြစ်လဲ”

“ဘာဖြစ်ရမှာလဲ။ ပုံထဲမှာ ပါတဲ့ သူငယ်ချင်းနှစ်ယောက်နဲ့ တခြားသူငယ်ချင်း တွေအတွက် စိတ်အနှောက် အယှက် ဖြစ်ရတာပေါ့”
“ဟား . ... ဟား .....”

နိုင်ငံခြားက ဘာမဆိုင် ညာမဆိုင် ထရယ်သည်။ ကျွန်တော် နေရာမှာ စိတ်တိုတတ်သူ တစ်ယောက်သာ ဆိုလျှင် ထိုမျက်နှာကို ဘီယာနှင့် ပက်ပြီး ခေါင်းကို ပုလင်းဖြင့် ရိုက်ခွဲလိုက် မလားမသိ။ ဒါပေမယ့် ကျွန်တော် သူ့ရယ်သံ ဆုံးအောင် ခဏလောက် စောင့်ကြည့်လိုက်သည်။

“ဘာဖြစ်လို့ ရယ်တာလဲ”
“တိုက်ဆိုင်လို့ပါကွာ”

“ဘယ်လို တိုက်ဆိုင်တာလဲ”
“တချိန်တုန်းက ငါက ပစ္စည်းတစ်ခုကို ရည်ရွယ်ချက် တစ်ခုနဲ့ တီထွင်ခဲ့ဖူးတယ်”
“အင်း”

“ဒါပေမယ့် လူတွေက အဲပစ္စည်းကို တခြားနေရာမှ သုံးကြတယ်”
“သြော်”

“အဲပစ္စည်းကို ငါတီထွင်ခဲ့တာကြောင့် ငါ့ရဲ့ အဖေ ခြေထောက် တစ်ဖက် ပြတ်သွားပြီး၊ ငါ့ရဲ့ အချစ်ဆုံး ညီ အပါအ၀င် လူအမြောက် အများ သေကြေခဲ့ရတယ်”
“ဒါဆိုရင် ခင်ဗျားက ဒိုင်းနမိုက် ကိုတီထွင်ခဲ့တဲ့လူပေါ့”

“အင်း”
“ဘာ! ဒါဆိုရင် ခင်ဗျားက Nobel ပေါ့။ ဟုတ်လား”

“အင်းဟုတ်တယ်၊ ငါက ဒိုက်နမိုက် ကိုတီထွင်တယ်ဆိုတာ။ ကျောက်ဆောင်ကြီးကို ဖြိုတာတို့၊ တတာဟောင်းတို့၊ အဆောက်အဦး အဟောင်းတို့ကို ဖြိုဖျက်တဲ့ နေရာမှာ သုံးဖို့ တီထွင်ခဲ့တာ။ လူတွေ တစ်ယောက်နဲ့ တစ်ယောက် သတ်တဲ့နေရာမှ အသုံးပြုဖို့ မဟုတ်ဘူး”
“ကျွန်တော်လဲ အဲဓာတ်ပုံကို ရိုက်တယ်ဆိုတာ သူငယ်ချင်းတွေ အတွက် အမှတ်တရ အနေနဲ့ ရိုက်ခဲ့တာ၊ တခြားနေရာမှာ အသုံးချဖို့ မဟုတ်ဘူး”

“ ဒါပေမယ့် လူတွေက အဲဒီ ဒိုက်နမိုက်ကို တစ်ယောက်နဲ့ တစ်ယောက် သေအောင် သတ်တဲ့ စစ်ပွဲတွေမှာ ဖောက်ခွဲ ရေးပစ္စည်း တစ်ခု အဖြစ် အသုံးပြုနေကြတယ်”
“ကျွန်တော်ရိုက်တဲ့ ပုံကလဲ တစ်ယောက်နဲ့ တစ်ယောက် မန်မာနတွေနဲ့ လက်စားခြေတဲ့ပွဲမှာ လက်နက်တစ်ခု အဖြစ် အသုံးပြုခံလိုက်ရတယ်”

“အရင်က လူတွေကို အဲလောက်ထိ ရက်စက်လိမ့်မယ်လို့ မထွက်ထားမိခဲ့ဘူး”
“ကျွန်တော်လဲ လူတစ်ချို့ဟာ အဲလောက် အောက်တန်းကျ လိမ့်မယ်လို့ ထင်မထားခဲ့မိဘူး

“အဲလို ထင်တာမှားတာပဲ၊ အဲလို တလွဲသုံးစွဲမှုကြောင့် ငါ့ရဲ့ ညီအပါဝင် လူပေါင်းများစွာ သေကြေခဲ့ရတယ်”
“အဲဒီပုံကို တလွဲနေရာမှ အသုံးပြုခဲ့တဲ့ အတွက်ကြောင့် ကျွန်တော်ရဲ့ သူငယ်ချင်း နှစ်ယောက် အပါဝင် သူငယ်ချင်းတွေကို စိတ်အနှောက်ယှက် ဖြစ်စေခဲ့ပြီး သူငယ်ချင်းတွေကြားမှာ စိတ်ဝမ်းကွဲခဲ့ရတယ်”

“ငါဟာ အဲဒီ ဒိုက်နမိုက်ကို လူသတ်လက်နက်ဖြစ် အသုံးပြုဖို့ တီထွင်ခဲ့တာလို့ လူတစ်ချို့က ထင်ကောင်းထင်လိမ့်မယ်။ တကယ်တော့ ငါဟာ လူသတ်လက် နက်အဖြစ် အသုံးပြုဖို့ တီထွင်ခဲ့တာ မဟုတ်ဘူး။ လူတစ်ချို့က လူသတ်လက်နက်အဖြစ် အသုံပြုကြတာ”
“ကျွန်တော့်ကို လူတစ်ချို့က နောက်ကျောကို ဓားနဲ့ ထိုးဖို့ ရိုက်ခဲ့တာလို့ ထင်ကောင်း ထင်ကြလိမ့်မယ်။ ဒါပေမယ့် အဲဒီဓာတ်ပုံကို မာန်မာနခြင်း ပြိုင်တဲ့ပွဲမှာ လက်နက်တစ်ခုအဖြစ် အသုံးခြဖို့ ရိုက်ခဲ့တာမဟုတ်ဘူး။

“ ငါက တလွဲ တွေးနေတဲ့ လူတွေကို သတင်းစားရှင်းလင်းပွဲ ကြီးလုပ်ပြီး ... ကျွန်တော်ဟာ ဒီပစ္စည်းကို လူသတ်လက်နက် အဖြစ် အသုံးချဖိုပ တီထွင်ခဲ့တာ မဟုတ်ပါဘူးခင်ဗျား ဆိုပြီး ရှင်းပြနေမှာ မဟုတ်ဘူး။ ဘာဖြစ်လို့လဲဆိုတော့ ငါ တီထွင်ခဲ့တဲ့ ဒိုက်နမိုက်ကြောင့် လူပေါင်းများစွာ သေဆုံးခဲ့ပြီးပြီ။ရှင်းပြနေလဲ ငါ့မှာ အပြစ်မရှိ ပါဘူးလို့ပဲ ပြောလို့ရမယ်။ သေသွားတဲ့လူတွေ အသက်ပြန်မရှင်တော့ဘူး။”
“ကျွန်တော်လဲ အဲလိုပဲ အဲဒီပုံကို ဘယ်သူတွေကို ဘယ်နေရာမှာ သုံးဖို့ ပို့ခဲ့တာပဲ ဒီလိုနေရာမှာ တလွဲ အသုံးချဖို့ ပေးခဲ့တာ မဟုတ်ပါဘူးဆိုပြီး ရှင်းပြ မနေချင်တော့ဘူး။ ”

“ငါမှားတဲ့ အဓိက အမှားက ဒိုက်နမိုက်ကို တီထွင်ခဲ့လို့ မဟုတ်ဘူးကွ။ လူတွေကို ဟယအဲလောက် ရက်စက်လိမ့်မယ်လို့ ထင်မထားခဲ့မိလို့”
“ကျွန်တော်လဲ အဲဒီဓာတ်ပုံကို ရိုက်လိုက်တဲ့ အချိန်အထိ အမှားသေးဘူး။ လူတိုင်းကို ကိုယ့်စိတ်နဲ့ နှိုင်းလိုက်မှ မှားသွားတာ”

“ အေးမိုးလဲ အတော်ချုပ်နေပြီ ငါပြန်တော့မယ်”
“ဟုတ်”

ထို့နောက် နိုဗယ်သည် လက်ကျန် ဘီယာလေးကို မော့သောက်ပြီး
“မင့်ကို မှာစရာ တစ်ခုရှိသေးတယ်။ ကိုယ်က ပစ္စည်းတစ်ခုကို ရည်ရွယ်ချက် တစ်ခုနဲ့ ဖန်တီးခဲ့ပေမယ့်။ အသုံးပြုတဲ့ လူတစ်ချို့ တခြားနေရာမှ တလွဲ အသုံးချတတ်တယ်ဆိုတာ မသေမချင်း မှတ်ထားပေတော့”

ထိုသို့ မှာပြီးနောက် နိုဗယ်သည် ကျွန်တော့်ကို ကျောခိုင်းကာ နှင်းမြူကြားထဲသို့ တဖြေးဖြေးချင်း တိုးဝင်း ပျော်ကွယ်သွာပါတော့သည်။

Read More...

Tuesday, December 04, 2007

ခရီးသွားမယ်ဗျို့


ခရီးသွားရမည် ဖြစ်သောကြောင့် ဘလော့ဂ်ရေးခြင်းကို တစ်ပတ်ခန့် ရပ်နားထားမည် ဖြစ်ကြောင်းပါ ...............
ခရီးမှ ပြန်လာမှသာ ဆက်ရေးဖြစ်မည်ဖြစ်ပါသည်။




Read More...

Friday, November 30, 2007

တော်တော်ဆိုးတဲ့ ဒုက္ခ

စကားမစပ် ပြောရဦးမယ်။ လွန်ခဲ့တဲ့ နှစ်ရက်သုံးရက်ကလေ . . ..

မနက်ကို ကျောင်းသွားမလို့ ကြည့်လိုက်တော့ ပိုက်ဆံအိတ်က ဟောင်းလောင်းကြီး ဟိုနားရှာ ဒီနားရှာလုပ်တော့ ပိုက်ဆံ သုံးဆယ်ရတယ်။ အဲဒီ မြန်မာငွေ သုံးဆယ်နဲ့တော့ မဖြစ်သေးပါဘူး ဆိုပြီ အိပ်နေတဲ့ တစ်ကောင်ကို နိုး ပိုက်ဆံ ချဉ်းတော့ တစ်ထောင်တန်းလေး တစ်ရွက်ထုတ်ပေးတယ်။ အဲဒီတစ်ထောင်တန်း လေးကို ဘောင်ဘီ အိတ်ထဲ ထည့်ပြီး ၄၈ မီနီဘတ်ပေါ် တက်လာခဲ့တယ်။

ကားခပေးမယ်လို့ ထုတ်လိုက်တော့ ဘောင်ဘီ အိတ်ထဲက ခြင်္သေ့က ဘယ်နားလေး ခုန်းဆင်းနေခဲ့လဲ မသိဘူး။ မရှိတော့ဘူးဗျာ။ အဲဒီတော့ သိလိုက်ပြီ သောက်ရှက်ကတော့ ကွဲကိန်းဆိုက်တော့မယ်။ အရှက်တော့ အကွဲမခံဘူးဗျို့ ခပ်တည်တည်နဲ့ ဘေးလွယ်အိတ် ထဲလက်နိုက် တောင်စမ်းမြောက်စမ်း လုပ်လိုက်တယ်။ အဲလို စမ်းတာလည်း ကြာရော ကားစပါယ်ရာ မစောင့်နိုင်လို့ အရှေ့ဆက်သွာတယ်။

စမ်းတာစမ်းနေရတာ သိနေတာပဲလေ။ ကိုယ့်အိတ်ထဲမှာ မြန်မာငွေ သုံးဆယ်ပဲ ပါလာတာကိုး။ စမ်းလဲ မထူးပါဘူး။ နောက်တော့ စမ်းရင်းစမ်းရင်း အ၀ိုင်းလေ သုံးခုကို သွားစမ်းမိတယ်။

သတိရပြီ။ တရာတန် အကြွေစေ့လေး သုံးခု။ လိုချင်လွန်းလို့ ရုံးက ကောင်ဆီက ခိုးထားတာ။ စပါယ်ရာလဲ အနားလည်း ပြန်ရောက်ရော စောစောက အကြွေသုံးစေ့ထဲက တစ်စေ့ပေးလိုက်တယ်။ စပါယ်ရာက အကြွေစေ့လေးကို သဘောကျပြီး ယူသွားလေရဲ့။

အဲဒီအကြွေစေ့တွေက ကျွန်တော့်လက်ထဲကို လွယ်လွယ်နဲ့ ရောက်လာ တာတော့မဟုတ်ဘူး။ ရုံးက တစ်ကောင်က လက်ဖက်ရည်ဆိုင်က ရလာတာ။ အဲဒါကို ကျွန်တော် မြင်တော့ လိုချင်တယ်။ လိုချင်လို့ တောင်းတော့ သူကမပေးဘူး။ မပေးတော့ ၀ယ်တယ်။ တစ်စေ့ တစ်ထောင်တဲ့။ ကြီးကြီး ကျယ်ကျယ်နဲ့ မပေးဘူး။ သူအိပ်မှ အသာလေးခိုး ထားလိုက်တယ်။

သူအကြွေစေ့တွေ ပျောက်တာကို ချက်ခြင်း မသိသေးဘူး။ နှစ်ရက်သုံးရက်လောက် နေမှသိတာ။ ပျောက်မှန်းလဲ သိရော ကျွန်တော်ခိုးမှန်း တန်းသိတယ်ဗျ။ လာမေးသေးတယ်။ ခပ်တည်တည်နဲ့ ဟောက်လွတ်လိုက်တော့ ထပ်မပေးရဲတော့ဘူး။ ဒါပေမယ့် ဒီလူနဲ့ ဒီလူရှိတာ။ ကျွန်တော်မယူရင် ဘယ်သူမှ မယူမှန်းသိပေမယ့် သိပေမယ့် သက်သေ မရှိတော့ လှည့်သွားလေရဲ့။

ကျောင်း အပြန်ကျတော့လဲ ဘာထူးမှာလဲဗျာ ကျန်တဲ့ အကြွေစေ့လေး နှစ်ပါးသွားခဲ့ရတယ်။ အခုတော့လဲဗျာ ခဲရာခဲဆစ် ခိုးထားတဲ့ အကြွေစေ့လေးတွေ ဘတ်စကားခ ဖြစ်သွားပြီ။ နှမြောလိုက်တာ။

Read More...

ချယ်ဆီးကို စိန်ခေါ်တော့မှာလား

`ဟော့ရောင်ထထ´

ကျွန်တော်ကို လှုပ်နိုးသံကြောင့် အိပ်နေရာက မျက်လုံးကိုဖွင့်လိုက်တယ်။ ကြည့်လိုက်တော့ ကျွန်တော့် အယ်ဒီတာ။

`ဘော့လုံး အဖွဲ့ချုပ်က ဖုန်းဆက်တယ်။ အထူးသတင်းစာ ရှင်းလင်းပွဲရှိလို့တဲ့၊ သွားတော့ အခုချက်ခြင်း´
`ဟုတ်ကဲ့´

ကျွန်တော် ကင်မရာလေးကိုဆွဲပြီး မြန်မာနိုင်ငံ ဘော့လုံး အဖွဲ့ချုပ်ရုံး တည်ရှိရာ ဝေဇယန္တာလမ်း အိုလံပစ် ဟိုတယ်ကို ထွက်လာခဲ့တယ်။ အစည်းဝေး ခန်းမထဲရောက်တော့ လူကတော်တော်လေး စုံနေပြီ။

ခါတိုင်းမတူပဲ တမှုထူးခြားတာက ကင်မရာမင်းတွေက ထန်းလျှက်ခဲ ပုရွက်ဆိတ်အုံသလို အရှေ့ဆုံးမှာ အရာဝတ္တုတစ်ခုကို အသည်းအသန် ၀ိုင်းရိုက်နေကြတယ်။

မာဒေးကား ဖလားမှာ မြန်မာ ဗိုလ်စွဲလာတုန်းကတောင် ကင်မရာမင်းတွေ ဒီလောက် မအုံကြပါဘူး ဘာဖြစ်လို့ ဒီလောက် အသည်းအသန်ဖြစ်နေပါလိမ့်။

အရှေ့ဆုံးမှာ ထိုင်နေတာက အဖွဲ့ချုပ်ဥက္ကဌ သူ့ဘေးမှာက နိုင်ငံခြားသား တစ်ယောက်ဗျ။ ကျွန်တော် တွေ့ဖူးတဲ့ နိုင်ငံခြားသား တော်တော် များများက စမတ်ကျကျ ၀တ်ကြပါတယ်။ ဒီလူကတော့ ညင်းသိုးသိုးနဲ့ ဆံပင်ကလည်း ဘုတ်သိုက်ကြီး။

ခဏလောက်နေတော့ အခမ်းနားစပါတယ်။ အခမ်းအနား စတယ်ဆိုရင်ပဲ ဥက္ကဌက စကားပြောပါတယ်။

`အခုလို လူကြီးမင်းတို့ကို အရေးတကြီး ခေါ်ပြီး ရှင်းလင်းပွဲလုပ်ရတဲ့ အကြောင်းက၊ မကြာမှီမှာ ကျင်းပတော့မယ့် အရှေ့တောင်အာရှ အားကစား ပြိုင်ပွဲမှာ ၀င်ပြိုင်မယ့် မြန်မာ ဘော့လုံး အသင်းအတွက် နည်းပြချုပ် အသစ်ခန့်လိုက်တဲ့ အကြောင်း ပြောဖို့ပါပဲ။
ဟေ့ဒီဘက်က ထိုင်နေတာတော့ ကျွန်တော် နည်းပြချုပ်အသစ်ပါ´

အဲလိုလဲ မိတ်ဆက်ပေးရော ညင်းသိုးသိုးနဲ့ နိုင်ငံခြားသားက ခေါင်းငြိမ့်ပါတယ်။

`သူကိုတော့ ထွေထွေထူးထူး မိတ်ဆက်ပေးဖို့ မလိုပါဘူး။ အားလုံး သိပြီးသားဖြစ်တဲ့ အတိုင်း ချယ်ဆီး အသင်းရဲ့ နည်းပြ ဟောင်း မော်ရင်ညိုပဲဖြစ်ပါတယ်´

`ဘာ´
ကျွန်တော်အံသြသွားတယ်။ အဲဒါကြောင့် ဘေးက ကောင်ကို လက်တို့မေးရတယ်။
`မော်ရင်ညိုဆိုတာ သူလား´
`အင်းလေ။ မင်းကလဲ သတင်းထောက်လုပ်နေပြီး ဒါလေးတောင် မသိဘူးလား´
`သိပါတယ်ကွ။ တလင်းအုံမှာ နို့ဆီခွက် ဂိုးတိုင်လုပ်ပြီး ကန်တုန်းက ဒီကောင်က ဘော့လုံးကောက် အဆင့်ပဲရှိတယ်။ အခုမှ ....... ´
`ရူးတိုးတိုး....... ဟိုမှာ စကားပြောတာ နားထောင်´

အဖွဲ့ချုပ်ဥက္ကဌ ပြီးတော့ မော်ရင်ညိုက မြန်မာ ဘော့လုံး အသင်းကို နည်းပြလုပ်ဖို့ ဖြစ်တဲ့ အကြောင်းကို ရှင်းပြပါတယ်။

`My Name is Mourinho´
ကျွန်တော့် နာမည်မော်ရင်ညိုပါ။ ကျွန်တော် ဒီကို ပြောင်းရွေ့လာတဲ့အကြောင်း ကတော့ နှစ်ချက်ရှိပါတယ်။ တစ်အချက်ကတော့ ကျွန်တော်က လူဝင်စား တစ်ယောက်ပါ။ ကျွန်တော်ဟာ မြန်မာလူမျိုး တစ်ဦး သေလို့ ၀င်စားတယ်လို့ ယုံကြည်ပါတယ်။ ဒါကြောင့် ဘ၀ဟောင်းက ကိုယ့်လူမျိုးတွေကို ကိုယ်တတ်နိုင်သလောက် ပေးဆပ်ချင်တာ ကြောင့်လခ မယူပဲ နည်းပြလာလုပ်တာပါ။

နောက်တစ်ချက်ကတော့ ကျွန်တော့်ရဲ့ အစွမ်းအစကို ပြချင်တာပါ။ ကျွန်တော်ဟာ ဘော့လုံး အသင်းတစ်ခုကို အသင်းကောင်း တစ်ခု ဖြစ်လာဖို့ ဘယ်လောက်ထိ ပံ့ပိုးနိုင်စွမ်းအားရှိတတယ်ဆိုတဲ့ ကျွန်တော့်ရဲ့ အရည်အချင်းကို ကမ္ဘာက သိအောင်။ အထူးသဖြင့် ချယ်ဆီး အသင်း ဥက္ကဌ Roman Abramovich သိအောင် ပေါ့လေ။

လူကြီးမင်းတို့ကို နောက်ထပ် ပြောပြချင်တာကတော့ ကျွန်တော့်ရဲ့ တိုက်လောင်းပလင် မြန်မာ ဘော့လုံးအသင်း အတွက် အနာဂတ် အစီအစဉ်ပါ။ အခု အရှေ့တောင် အာရှ ပွဲမှာ အိမ်ရှင်ထိုင်းကို ဂိုးပြတ်ကန်ပြီး ဖလားရအောင် လုပ်ပေးမယ်။ ပြီးတာနဲ့ ကျွန်တော် မြန်မာ ပြည်အနှံ့လှည့် လည်ပါမယ်။

အဲလို လှည့်လည်ပြီး အသက် ကိုးနှစ်နဲ့ ဆယ့်နှစ်နှစ် ကြားမှာ ရှိတဲ့ ကလေး ဘော့လုံး ခြောက်သင်းစာကို ရွေးပါမယ်။ ရွေးပြီးတာနဲ့ အဲဒီကလေးတွေကို ကန့်သွင်းပါမယ်။ ကျွန်တော် လုပ်ငန်းက ၂၀၀၈ မှာ စမှာဆိုတော့ နောက် ငါးနှစ်အကြာ ၂၀၁၃ ရောက်ရင် အဲဒီ ခြောက်သင်းထဲက လေးသင်းစာ ထပ်ရွေးပါမယ်။ အဲဒီကနေ နောင်လေးနှစ်အကြာ ၂၀၁၇ ရောက်ရင် လေးသင်းကနေ နှစ်သင်းစာ ပြန်ရွေးပါမယ်။

အဲဒီအချိန်ရောက်ရင် ကလေးတွေလဲ အသက် ၁၈ နှစ်ကနေ ၂၂ အရွယ်တွေ ဖြစ်ပြီး၊ အဲဒီ အသင်းဟာ လူငယ်ထဲမှာ ဆိုရင် ကမ္ဘာ့အကောင်း အဆုံး အသင်းတစ်သင်းဖြစ်နေပါပြီ။ အဲဒီ လူငယ်အသင်းကနေ ကိုယ်စားပြုပြီ၊ အရှေ့တောင် အာရှတင်မဟုတ်ပါဘူး အာဆီယံ ချန်ပီယံရှစ် အာရှချန်ပီရှစ် အစရှိတဲ့ ဖလားတွေကို ရယူပေးပါလိမ့်မယ်။

နောက်ထပ် သုံးနှစ်အကြာ ၂၀၂၀ ခုနှစ်ကို ရောက်ပြီဆိုရင်တော့ အဲဒီနှစ်သင်းကို တစ်သင်းစာ ရွေးထုတ်ပြီး ထပ်မံလေ့ကျင့်ပါမယ်။ အဲဒီအသင်းဟာ ၂၀၂၂ ရဲ့ ကမ္ဘာ့ဖလားကို မြန်မာ နိုင်ငံကိုယ်စား အရယူပေးပါလိမ့်မယ်။

ဒီစီမံကိန်းဟာဆိုရင် ၂၀၀၈ ခုနှစ်ကနေ ၂၀၂၂ အထိ ၁၄ နှစ်တာ ကြာမြင့်မှာ ဖြစ်ပါတယ်။ ကျွန်တော်က ၁၉၆၃ ဇန်န၀ါရီ ၂၆ ရက်နေ့မှာ မွေးတာ ဆိုတော့ အခုမှ ကျွန်တော့် အသက်ဟာ ၄၄ လေးပဲ ရှိသေးတာ မို့ နောက်ထပ် ၁၄နှစ် ဆိုတာ ကျွန်တော့် အတွက် ကောင်းကောင်းကြီး အချိန်ရပါသေးတယ်။ ဖာဂူဆန် ဘယ်လောက် အောင်မြင်တယ် ဆိုဆို ကျွန်တော့်လို အခွင့်ရေး မရှိတော့ပါဘူး။ ဘာဖြစ်လို့လဲ ဆိုတော့ သူက ၁၉၄၁ ဒီဇင်ဘာ ၃၁ မှာမွေးတယ်။ အခုပဲ အသက် ၆၆ နှစ်ရှိနေပြီ။ အလွန်ဆုံး သူ နေနိုင်လှ နောက်လေးနှစ်ပေါ့ဗျာ။

ကျွန်တော် စကားကို ဒီနေရာမှာ ပဲ အဆုံး သတ်ပါရစေ။

`ကျွန်တော်တို့ အောင်မြင်ရမယ် !´

မော်ရင်ညို အလန့်တကြား အော်သံလဲ ဆုံးရော လူတွေ လက်ခုပ်ကို အားရပါးပါးရတီးကြတယ်။ ကျွန်တော်လဲ လိုက်တီးလိုက်တယ်။

အဲအဲ တီးနေလို့ မဖြစ်သေးဘူး။ စောစောက သူ့ကို မော်ရင်ညိုမှန်း မသိလို့ ဓာတ်ပုံ မရိုက်ထားလိုက်ဖူး။ သွားရိုက်ဦးမှ ..............

အဲဒီအချိန်မှာ ဖုန်းက ၀င်လာတယ်။

`ဘာ´
သာကေတ ဘက်မှာ မီးလောင်တယ်ဟုတ်လား။ အေးအေး ငါအခု လာခဲ့မယ်။

ဘယ်နယ် ဆောင်တွင်းကြီး မီးလောင်ရတယ် လို့ပ။ ကျွန်တော် မျက်နှာလေးကို ကပျာကရာသစ်။ ကင်မရာလေးကိုဆွဲပြီး အိမ်မှုံစုံမွားနဲ့ တိုက်အောက်ကို ပြေးဆင်းခဲ့တယ်။ ဆောင်းမနက်ခင်းမို့ လားမသိဘူး ပတ်ဝန်းကျင်းမှာ မြူလေးတွေ ဆိုင်းလို့ .............

ယခု ပို့ဖြစ်မြောက်ရေး အတွက် အချက်အလက်များ ရှာဖွေ ပေးသော ကိုမျက်လုံးကို အထူးကျေးဇူးတင်ရှိပါသည်။




Read More...

Tuesday, November 27, 2007

မျိုးမျိုးခိုင် အနှုပညာရှင်များကို ၀န်ချတောင်းပန်ရ .......

အဆိုပါ နေ့က ရောက်ရှိလာသည့် သရုပ်ဆောင် အချို့


အခုတတော့ ပြင်ပမှာ ပြန့်နှံ့နေတဲ့ ရုပ်ရှင်သရုပ် ဆောင်နန္ဒာလှိုင်နဲ့ ဇာတ်ပို့သရုပ်ဆောင် မျိုးမျိုးခိုင်တို့ တယ်လီဖုန်းကနေ တစ်ဆင့် ပြောခဲ့တဲ့ စကားတွေအတွက် မျိုးမျိုးခိုင်က ရုပ်ရှင်လောက သားများကို လက်မှတ်ရေးထိုး တောင်းပန်ခဲ့ရပါတယ်။

“ထိုမှားယွင်းစွာ ပြောဆိုမှုများနှင့်ပတ်သက်၍ အထက်ပါအနုပညာရှင်များမှာ များစွာ ထိခိုက်နစ်နာခြင်းများ ရှိခဲ့ပါသောကြောင့်ကျွန်မ အနူးအညွတ်တောင်းပန်အပ်ပါသည်” ဟု ပါရှိသည့်တောင်းပန်လွှာကို ယခုလ ၁၉ ရက်နေ့က မြန်မာနိုင်ငံ ရုပ်ရှင် အစည်းအရုံး၊ သရုပ်ဆောင်များရှေ့တွင် သရုပ်ဆောင် မျိုးမျိုးခိုင်က လက်မှတ်ထိုး ပေးအပ်ခဲ့ပါတယ်။

သတင်းအပြည့်အစုံ
www.yangonmedia.com ရဲ့ ဒီနေရာမှာ ဖတ်ရှုနိုင်ပါတယ်။

Read More...

Monday, November 26, 2007

ဇီဝဇိုး နှင့် ဠင်းတ


ဇီဝဇိုးနှင့် ဠင်းတတို့သည် ခြေထောက် နှစ်ချောင်း အတောင်ပံတစ်စုံစီ နှင့် ကောင်းကင်တွင် ပျံသည့် ငှက်ချင်း အတူတူ ဖြစ်ကြသည်။ သို့ရာတွင် ……….

* * * *

ကျွန်တော်တို့ ဆယ်တန်း အောင်သည့်နှစ်က နှစ်လုံးထီ အကြီးအကျယ် ခေတ်စား လိးုက်သေးသည်။ ထိုနှစ်လုံးထီသည် ယခု အများသူ ငှာထိုးနေကြသည့် ထိုင်း စတော့ဈေးကွက် ကိန်းဂဏန်းများကို ယူခြင်းမဟုတ်ပဲ၊ အစိုးရ ဖွင့်လှစ်သည့် အောင်ဘာလေ သိန်းငါးဆယ်ဆု၏ နောက်ဆုံး နှစ်လုံးကို လောင်းကြသည့် နှစ်လုံးထီ ဖြစ်သည်။ ထိုစဉ်က တစ်လလျှင် ထီတစ်ကြိမ်ဖွင့်၍ တစ်ကြိမ်လျှင် ခုနှစ်ရက်ကြာသည်။

ထိုစဉ်က လူတိုင်းနှစ်လုံးထီ ခေတ်ဖြစ် နေသည်။ ထို့ကြောင့် နှစ်လုံးထီကို ကော်မရှင် ယူရောင်းသူများ အလုပ်တော်တော် ဖြစ်ကြသည်။ ထို့ကြောင့် ကျွန်တော်တို့လို ဆယ်တန်းဖြေပြီး ခါစ ကျောင်းသား တော်တော်များများ နှစ်လုံးထီ ရောင်းကြသည်။ ထိုသို့ ရောင်းကြသည့် အထဲတွင် အဝေးသင် တက်နေသူများလည်း ပါဝင်သည်။

ထိုစဉ်က နှစ်လုံးထီ ရောင်းခြင်းအားဖြင့် မိသားစု အိမ်စားရိတ်ကို ကာမိရုံမျှမက၊ သုံးလေးလလောက် နှစ်လုံးထီ ရောင်းရုံဖြင့် မုံရွာတွင် အဝေးသင်တစ်လ သွားတက်ရသည့် စားရိတ်ပါရသည်။

ကျွန်တော်တို့ အုပ်စုထဲမှာ ဆိုလျှင်လည်း နှစ်လုံးထီ ရောင်းသော သူငယ်ချင်းမှာ ငွေရွှင်ကြသည်။ ဘာပဲဖြစ်ဖြစ် သိပ်အပင်ပန်းကြီး လုပ်စရာမလိုပဲ ပိုက်ဆံ အေးအေး ဆေးဆေး ရသည့်အလုပ်ဖြစ်သည့် အတွက် ကျွန်တော်လဲ ရောင်းချင်သည်။

သို့ပေမယ့် အကြောင်း အမျိုးမျိုးကြောင့် မရောင်းဖြစ်ခဲ့ပါ။ အောင်စာရင်း ထွက်ပြီးတော့ ရန်ကုန် ရောက်လာသည်။ ရန်ကုန်ရောက် ရောက်ခြင်း ပထမဆုံး ရသည့် လစာမှာ မြန်မာငွေဖြင့် ကျပ်ရှစ်ထောင်သာ ရှိသည်။ နယ်မှာ ကျန်ခဲ့သည့် သူငယ်ချင်းမျာ နှင့် ဖုန်းပြောဖြစ်တော့
“အဲ ဒါကြောင့် မင်းကို ပြောတယ် ရန်ကုန်မသွားပါနဲ့ လို့ဆို . . . ”


* * * * *

အချိန်က ဒုတိယ ကမ္ဘာစစ် မတိုင်မှီ၊ ဥရောပတစ်လွှားတွင် နာဇီ စစ်သည်များ ထောင်လွှားနေကြ သည့်ဖြစ်သည်။
“ဆုန်” သည်ငယ်ရွယ်ပြီး သွက်လက်သူတစ် ယောက်ဖြစ်သည်။ မျိုးချစ်စိတ်လည်း အပြည့်ှရှိသည့် “ဆုန်”၏ ငယ်အိပ်မက်မှာ စစ်ဗိုလ်ကြီးတစ်ယောက် အဖြစ် ဘ၀ကို ရပ်တည်သွားရန် ဖြစ်သည်။

“ဆုန်” စစ်ထဲဝင်ဖို့ အဆင်သင့် ဖြစ်သည့် အရွယ်ရောက်သော အခါတွင် မိခင်က ဘာမှ မပြောသော်လည်း ဖခင်ဖြစ်သူက စစ်ထဲမ၀င်ဖို့ရာ ဖျောင်းဖျ ပြောဆိုသည်။
“ ငါ့သား မင်းမှာ တိုင်းပြည်အတွက် အသက်ပေးရဲတဲ့ သတ္တိရှိတာကို အဖေဂုဏ်ယူပါတယ်။ ဒါပေမယ့် မင်းအဲဒီ အသိုင်း အ၀ိုင်းထဲရောက်ရင် မဟုတ်တာ လုပ်ရတော့မယ်။ ပြီးတော့ မင်းက သူများလို မဟုတ်တာ လုပ်တတ်တဲ့ လူလဲမဟုတ်ဘူး။ အဲဒီတော့ သူများတွေ မဟုတ်တာလုပ်နေ ကြတဲ့ အချိန်မှာ မင်းက စာအုပ်ကြီးလို မဟုတ်တာ မလုပ်ပဲ နေမယ်ဆိုရင်လည်း မင်း ထမင်းငတ်သွားမှာ။ အဲဒါကြောင့် မင်းက သူများလို မဟုတ်တာကို မဖြစ်မနေ လိုက်လုပ်ပြန်ရင်လည်း မင်းရဲ့ ပင်ကိုဖြူစင်မှုလေးတွေ ညစ်နွမ်းသွားကုန်မယ်။”

နောက်တော့ “ဆုန်” စစ်ထဲ မ၀င်ဖြစ်လိုက်ပါ။ ကျောင်းဆရာ အလုပ်ဖြစ် ကျေးရွာတွင် စာသင်ရင်း၊ စစ်ပြီးသော အခါတွင် ဂျာမနီနိုင်ငံ၏ စံပြကျောင်းဆရာ တစ်ယောက် ဖြစ်လာသည်။

* * * *

တကယ်တော့ ကျွန်တော် ပတ်ဝန်းကျင်တွင် အလုပ်အကိုင် များစွာ ရှိပါသည်။ ကောင်းတဲ့ အလုပ်ဖြစ်စေ ဆိုးတဲ့ အလုပ်ဖြစ်စေ။ ဘယ်အလုပ် ကိုပဲလုပ်လုပ်။ အောင်မြင်မှုရဖို့ ဆိုရင်တော့ ကြိုးစားမှသာ ရမည်ဖြစ်သည်။

တစ်ခုရှိတာက အလုပ်အလွယ်ရလို့ မကောင်းတဲ့ အလုပ်ကို လုပ်ခဲ့မိရင် ကြိုးစားရတာခြင်း အတူတူ ကိုယ်က ဆိုးတဲ့လူ ဖြစ်သွားပြီ။ အဲလို အလုပ်မျိုးမှာတော့ များများ ကြိုးစားလေး များများ ဆိုးလေဖြစ်သည်။


သမ္မလင်ကွန်းသည် သမ္မတ တစ်ယောက်ဖြစ်ဖို့ ကြိုးစားခဲ့ရသလို၊ ဘင်လာဒင်သည်လည်း ဘင်လာဒင်ဆိုသည့် နာမည်ကိုတော့ လွယ်လွယ်ဖြင့်ရခဲ့သည် မဟုတ်ပါ။ သို့ရာတွင် သမိုင်း၌ လင်ကွန်းသည် လူတော်လူကောင်း ဖြစ်၍ ဘင်လာဒင်သည် လူဆိုးကြီး ဖြစ်သည်။


* * * *

ကောင်းကင်မှာ ပျံကြသည့် ငှက်ချင်းအတူတူ ဇီဝဇိုးငှက်သည် တိမ်ညွှန့်ကိုစား၍ ဠင်းတသည် ပတ်ဝန်းကျင်က နှာခေါင်းရှုံ့ အော့အံရသည့် အပုတ်အစပ်များကိုသာ စားသည်။

တစ်ခုရှိတာက အပုတ်စာများသည် အပုတ်များ စွန့်ပစ်လေ့ရှိသည့် နယ်မြေတွင် အလွယ်တကူရှာဖွေ စားသောက်နိုင်သော်လည်း တိမ်ညွန့်ကိုမှု နေရာတိုင်းတွင် အလွယ်တကူ တွေ့ရမည် မဟုတ်ပါ။

တိမ်ညွန့်ကို စားချင်ရင်တော့ ကောင်းကင်အထိ ရောက်အောင်ပျံကြရမည်ဖြစ်သည်။

Read More...

Sunday, November 25, 2007

ပျော်ရွှင်ဖွယ်ရာ လတန်ဆောင်တိုင်

နေ၀င်ခါစ ကရ၀ိက်အလှ

မျှော်စင်ကျွန်းက ဖျော်ဖြေပွဲ


လာကြည့်ကြတဲ့ ပရိတ်သတ်တွေ


မီးရောင်အောက်က ကရ၀ိက်အလှ


တန်ဆောင်တိုင်ညမှာ သာတဲ့လ


မှတ်မှတ်ရရ မယ်ဇယ်လီဖူးသုပ် မစားရတဲ့ တန်ဆောင်တိုင် တစ်သက်နဲ့ တစ်ကိုယ် ဒီတစ်ခါပဲရှိသေးတယ်။

Read More...

Wednesday, November 21, 2007

အလွမ်းစိပ်သူ

ကောင်မလေးရေ . . ..
မတွေ့တာကြာတော့ လွမ်းလာတယ်
လွမ်းပါများတော့ ငါ့ရင်မှာအလွမ်းတွေဝေလို့

အဲဒီအလွမ်းတွေကို
ပုတီးလိုသီပြီး
ဘ၀ဆိုတဲ့တိုင်ကြီးမှာ ချိတ်ဆွဲထားလိုက်တယ်

သတိရရင်
နင့်နာမည်ကို ဂါထာလိုရွတ်
အလွမ်းတွေကို ပုတီးလိုစိတ်ပြီး
ချစ်တဲ့စိတ်ကို ဖြေသိမ့်လိုက်တယ်

ကောင်မလေးရေ
တကယ်တော့ငါဟာ အလွမ်းတွေကိုပုတီးလိုစိပ်တဲ့
အလွမ်းစိပ်တဲ့ လူပေါ့ကွယ်

Read More...

Html အပိုင်းနှစ်

ပြီးခဲ့တဲ့ အပတ်က
MTML ရဲ့ အခြေခံ ကုဒ်တွေကို ပြောပြီးသွားပါပြီ


<html>
<head>
<title>Hello
</title>
</head>
<body> How Are You. Good Morning. Hellow World. How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning.

Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World How Are You. Good Morning. Hellow World
</body>
</html>

အထက်မှာ ဖော်ပြထားတဲ့ အတိုင်း စာပိုဒ်နှစ်ပိုဒ် လောက်ရေးကြည့်လိုက်ပါ။ ပြီးရင် ဆေ့ပြီး ဖွင့်ကြည့်လိုက်ပါ။

ပေါ်လာတဲ့ စာသားတွေဟာ တစ်ပိုဒ်တည်း ဖြစ်နေတာကို တွေ့ရပါမယ်။ ဘာဖြစ်လို့လဲဆိုတော့ HTML ကရေးသမျှ စာတွေကို အင်းတားချပြီး စပိုဒ်ခွဲရုံနဲ့ အလုပ် မလုပ်ပါဘူး။ ပုံမှန်အား ဖြင့်တော့ စာရိုက်ပြီး စာကြောင်း တစ်ကြောင်းဆင်း ချင်ရင် အင်းတားကို နှိပ်ရတယ်။ MTML မှာတော့ စာကြောင်း ဆင်းချင်တိုင်း ဆင်းချင်းတိုင်း <br> ဆိုတဲ့ Tag လေး ထည့်ပေးရပါတ်။ <br> tag တစ်ခုထည့်တိုင်း ထည့်တိုင်းမှာ စာကြောင်း ထပ်ဆင်းပါတယ်။

HTML ရဲ့ မူလ နောက်ခံရောင်က အဖြူဖြစ်ပြီးတော့ မူလ စာသား အရောင်းကတော့ အနက်ရောင်ဖြစ်ပါတယ်။ အဲဒါကို နောက်ခံ အရောင်နဲ့ စာသား အရောင်ကို ပြောင်းချင်ဆယ် ဆိုရင်တော့<body> အဖွင့် တက်ထဲမှာ သွားပြီး attribute ကြေငြာပေးရပါမယ့်။
body ရဲ့ attribute ကို body tag ထဲမှာပဲရေးပေးရပါတယ်။ ဘယ်နေရာမှာ ရေးသလဲဆိုတော့ <body နဲ့ > အဲဒီကြားလေးထဲမှာ ရေးပါတယ်။

ဥပမာ တစ်ခု ရေးပြရရင်

<body bgcloor="#000000" text="#ffffff">
စောစောက ကျွန်တော်တို့ ရေးခဲ့တဲ့ စာပိုဒ်ထဲက body အဖွင့် Tag ထဲမှာ အခုလို သွားရေးလိုက်ရင် နောက်ခံ အရောင်က အမဲဖြစ်ပြီး စာသားက အဖြူ ဖြစ်သွားပါတယ်။
bgcolor ဆိုတာကတော့ နော်ကခံ အရောင်ကို ကြေငြာတာပါ။ Text ဆိုတာကတော့ စာသား အရောင်ကို ကြေငြာတာပါ။ ရေးရင် bgcolor="ကိုယ့်ထည့်ချင်တဲ့အရောင်" ဆိုပြီးရေး ရပါတယ် Text ကာလာအဲ အတူတူပါပဲ။

ဘယ်ကုဒ်တွေက ဘယ်အရောင်လဲ ဆိုတာကိုတော့ http://www.webmonkey.com/reference/color_codes/ မှာ သွားကြည့်လို့ရပါတယ်။

Read More...

Sunday, November 18, 2007

ပေစွန်းသွားသော အနာဂါတ်များ

ပန်းချီကားဆိုတာ ကြည့်တော့သာ လှတာ၊ အဲဒီ ကမ္ဘာကျော် ပန်းချီကားတွေ ဆိုတာက ကင်းဘတ်ပေါ်မှာ ဆေးရောင်ချယ် ထားတာလေ၊ တကယ်တော့ ကင်းဘတ် ဆိုတာ အဖြူရောင်ဗျ၊ အဲဒီ အဖြူရောင်ကို ဆေးရောင်တွေ ရေးခြယ်ရင်းနဲ့ ကမ္ဘာကျော်တဲ့ ပန်းချီကားတွေ ဖြစ်သွားတာ။ အဖြူ သက်သက် လှတာထက်စာရင် အရောင်ခြယ်ပြီး လှတဲ့ အလှတရားက ပိုတန်ဖိုးရှိတဲ့ သဘောပေါ့ဗျာ။

ပြောရင်း ဆိုရင်း ဟေ့အရှေ့မှာ လူတစ်ယောက် ကင်းဘတ်စကြီး ကိုင်လို့ ပန်းချီဆွဲဖို့ လုပ်နေတယ်။ သေချာကြည့် လိုက်တော့ . . . .

`` ဟင် ´´

လီယိုနာဒိုဒါဘင်ချီ ကြီးပါလား၊ သူ့အရှေ့မှာ မိုနာလီဇာကြီးကို ငုတ်တုပ်ထိုင်ခိုင်းပြီး အဖြူရောင် ကင်းဘတ် ပေါ်မှာ ဆေးရောင် စုပ်တံတွေနဲ့ ပုံတူဆွဲနေလေရဲ့။ ရှေ့ဆက်သွားတော့ ဗင်ဂိုး နေကြာပန်း ခင်းထဲမှာ ပက်လက်ကြီး အိပ်ပြီး အဖြူရောင် ကင်းဘတ် ပေါ်မှာ အရုပ်တွေ ရေးနေတယ်၊ နေကြာပန်းခင်းကြီးကို ကျော်လာတော့ တဲပုတ်လေး တစ်ခုကို ရောက်တယ်။ အထဲမှာ လူရိပ်တွေ့လို့ လှမ်းကြည့်လိုက်တော့ ပီကာဆိုကြီးဗျ၊ ဘာလုပ် နေတာလဲလို့ ကြည့်လိုက်တော့ ထမင်းချက်နေတယ်။ မီးဖိုဘေးမှာ ရေးလက်စ ပန်းချီကား တစ်ချပ်၊ အဖြူရောင် ကင်းဘတ်ပေါ်မှာ ဆေးရောင်တွေ ခြယ်ထားတယ် . . . .

နောက်ခြောက်လ လောက်ကြာတော့ လီယိုနာဒိုဒါဘင်ချီ ဗင်ဆင့်ဗင်ဂိုး ပီကာဆို တို့သုံးယောက်ပေါင်း ပြီး အကြီးအကျယ် အခန်းနား ဆုံးပန်းချီ ပြပွဲကြီး လုပ်ကြတယ်။ ဒိုင်ယာနာတောင် အဲဒီပန်း ချီပြပွဲကို ကြည့်ချင်ဇောနဲ့ ကားကို မိုင်ကုန်မောင်းရာက အရှိန်လွန်ပြီး အက်ဆီးဒင့် ဖြစ်သွားတယ် ဆိုလားပဲ။ အဲဒီ ပန်းချီပြပွဲမှာ ပန်းချီကားတွေကို အဖိုးတန်ဆုံး ဈေးတွေနဲ့ ရောင်းကြတယ်။

ကျွန်တော့် ရင်ထဲမှာလည်း အဖြူရောင် ကင်းဘတ် တစ်ခုရှိတယ်။ အဲဒီကင်းဘတ်ကို ဆေးရောင်ခြယ်ပြီး အလှဆုံး ပန်းချီကားလေး တစ်ခု ဖန်တီးချင်တယ်။ ကျွန်တော် ဖန်တီးမဲ့ ပန်းချီကားဟာ ကမ္ဘာပေါ်မှာ အလှဆုံး ပန်းချီကား ဖြစ်ချင်တယ်။ အဲဒီပန်း ချီကားကို ပြပွဲတင်ပြီး တန်ဖိုးဖြတ် ရောင်းချဖို့ မဟုတ်ဘူး။ ပြတိုက် ဖွင့်ပြီး ရာသက်ပန် သိမ်းထားဖို့ . . . .

အဲလိုနဲ့ ကာလာတွေ ရောင်စုံစပ်ရင်း ရင်ဘတ်ထဲက အဖြူရောင်ကင်းဘတ်ကို ဘ၀ထဲက ဆေးရောင်တွေ ခြယ်ကြည့်တယ်။ ကျွန်တော်ပဲ မဆွဲတတ်တာလား ဆေးသားကပဲ မကောင်းတာလား ရင်ဘတ်ထဲက အဖြူရောင် ကင်းဘတ်လေးဟာ အမဲရောင် ဆေးတွေနဲ့ ညစ်ပေသွားတယ်။

ကျွန်တော် ကင်းဘတ် အသစ်တစ်ခု ထပ်ဝယ်ဖို့ ကြိုးစားပါသေးတယ်။ ၀ယ်မရတော့ဘူးဗျာ။ ကျွန်တော် ဆေးရောင်တွေ ခြယ်လို့ ပျက်စီးသွားတဲ့ ကင်းဘတ်က ဈေးထဲမှာ အသစ်ထပ်ဝယ်လို့ရတဲ့ ကင်းဘတ်မဟုတ်ဘူး။ ကျွန်တော့်ရဲ့ အနာဂတ်လေ။ အခုတော့လည်း ဆေးရောင်တွေ စွန်းထင်းကုန်ပြီ။ တကယ်ပါ ကျွန်တော် မရည်ရွယ်ခဲ့ပါဘူး ........

Read More...

ကျွန်တော့ သွေးတွေ

အဲဒီကောင် သေသွားမှ သေချာ ကြည့်မိ လိုက်တယ် သူ့ခန္ဒာကိုယ်ထဲမှာ ကျွန်တော့် သွေးတွေ . . . .

ဘယ်နေရာမှာ လောင်နေမှန်း မသိတဲ့ မီးကို အလုပ်ရှုပ်ခံပြီး မရှာတော့ဘူး၊ ဘယ်အချိန် ရွာမယ်မှန်း မသိတဲ့ မိုးကို အချိန်ကုန်ခံပြီး မစောင့်တော့ဘူး၊ ငါ့စိတ်တွေ ပြိုလဲ သွားအောင် ဘယ်လေတွေက တိုက်ခဲ့တာလဲ၊ တော်ပါပြီ ခေါင်းရှုပ်ခံပြီး မစဉ်းစားတော့ဘူး . . . . . .

ထားလိုက်ပါ အဲဒါတွေ ငါမသိချင်တော့ဘူး အခုဖြစ်ချင်တာက အိပ်ပျော်ဖို့၊ အိပ်ပျော်ဖို့အတွက် ပုံပြင်ကောင်းကောင်း တစ်ပုဒ်ကို တမ်းတမိတယ် . . . .

ငါတောင်းတလို့လား မသိဘူး ငါ့နားမှာ ပုံပြင်တွေ လာပြောကြတယ်။ ပုံပြင်ရဲ့ နာမည်က `` ဟေ့ကောင်မင်းကို ငါသွေးစုပ်မယ်´´ တဲ့ ဘာသာစကားက တော့ တ၀ီဝီနဲ့ ပြောတယ်၊ အေးလို ချင်ရင်တော့စုပ်ကြပါ အဓီကက ပုံပြင်နားထောင်ဖို့လေ . . . .

အဲလိုနဲ့ ညတိုင်းညတိုင်း တ၀ီဝီ နဲပြောတဲ့ ပုံပြင်တွေကို နားထောင်ရင်း သွေးတွေ လှုခဲ့တာ ဘယ်နှစ်ဗိုက်စာ ဆိုတာတောင် ငါမရေနိုင်ဘူး၊ အင်းလေ သူတို့က အသက်နဲ့ ရင်းပြီး စီးပွားရှာရတာ မသကာ သေသွားတောင် အသက်အာမခံ ကြေးထုတ်ပေးမဲ့လူ ရှိမှာ မဟုတ်ဘူး၊ ရပါတယ် ကိုက်ကိုက် . . .

ငါ့စိတ်တွေ လဲပြိုအောင် တိုက်ခတ်သွားတဲ့ လေက ငါမမေးပဲ ပြောပြတယ် သူနာမည်က မောဟ တဲ့ ၊ မမျှော်တဲ့ မိုးက ရုတ်တရက်ရွာတော့ ငါ့ရင်ဘတ်ကို အအေးမိစေတယ် (အဲဒီနေ့က ထီးမယူလာ မိဘူးလေ)၊ နှလုံးသား တစ်ခုလုံး ပြာကျသွားမှ သိလိုက်တယ် ငါမရှာတဲ့ မီးက အဲဒီနေရာမှာ လောင်သွား တာပါလား . . .

Read More...

Friday, November 16, 2007

ကျွန်တော်နှင့် အနီရောင် ကြက်ခြေခတ်များ


နံနက်စောစော စီးစီး ဆူညံလှသော လူနာတင်ကား သံများကြောင့် ကျွန်တော်အိပ်ရာက နိုးလာခဲ့တယ်။ လူနာတင် ကားသံသည် တစ်သံတည်းမဟုတ်။ ထိုသို့များပျားလှသော လူနာတင်ကားသံများ ထပ်နေပုံကိုကြည်လျှင် ပြသနာတစ်ခု ရှိနေပြီဆိုတာ သေချာပြီ။ ထို့ကြောင့် အိပ်ရာထဲမှ လူးလဲထကာ အိမ်ရှေ့ကို ပြေးထွက်လာခဲ့တယ်။

အိမ်ရှေ့ရောက်တော့။ အားပါး နည်းတဲ့ လူနာတင်ကားတွေ မဟုတ်ဘူး။ နိုင်ငံခြားကားထဲမှာ လူဆိုးအိမ်ကို ရဲကားတွေ ၀ိုင်းထားသလိုမျိုး ကျွန်တော့်အိမ်ကို လူနာတင်ကားတွေ ၀ိုင်းထားကြတယ်။ အရေးပေါ် အသံတွေကလဲ ကမ္ဘာပျက်မတတ် ဆူညံနေတယ်။ နောက်တော့ အဲဒီကားတွေ တစ်စီးပြီး တစ်စီး ပြန်ကွေ့သွားကြတယ်။

* * * *

ခဏကြာတော့ လူနာတင်ကားတွေ အကုန်ရှင်းသွားသည်။ ထိုအချိန်တွင် ………

“ ငါ့မြေးရယ် အဖွားခေါင်းကိုက်လို့ပါကွယ် ”

လှည့်ကြည့်လိုက်တော့ အဖွာအိုကြီး တစ်ယောက်။ တစ်ခေါင်းလုံးမှာ ဆံပင်တွေ ဖြူရော်ပြီ ခါးမှာ လေးဆယ့်ငါးဒီဂရီ ကျော်ကျော်ကိုင်းနေသည်။ ထိုကိုင်းနေသော ခါးကို ပြုတ်ကျမသွားစေရန် မဟော်ဂနီရောင် တောင်ဝှေးတစ်ခုဖြင့် အားပြုထားသည်။
“ အဖွားဒါ ဆေးခန်းမဟုတ်ဘူး၊ ဒီအနီရောင် ကြက်ခြေခတ်တွေက ကျွန်တော်ဖာသာ လျောက်ဆွဲထားတာ၊ ပြီးတော့ ကျွန်တော်ဆွဲတဲ့ ပုံက ကြက်ခြေနီလို အနီရောင်လည်း မဟုတ်ပါဘူး။ သေချာကြည့်ပါဦး အဖွားရယ် ”
“ အေးကွယ် အဖွားက အသက်ကြီး ပြီဆိုတော့ မျက်စိအားနည်းလာပြီ၊ ဆေးရုံမဟုတ်ရင်လည်း သွားလိုက်ပါဦးမယ်”
“ ဟုတ်ကဲ့၊ ဟုတ်ကဲ့ ”

အဖွားအိုသည် တုန်ရီနှေးကွေးသော ခြေလှမ်းများဖြင့် ကျွန်တော့်ကို ကျောခိုင်းကာ ထွက်ခွာသွားသည်။ ကျွန်တော်သည် ထွက်ခွာသွားသော အဖွားအို၏ ကျောပြင်ကို ငေးမောရင်း အိမ်ရှေ့တွင် တစ်ယောက်တည်း ကျန်ရစ်ခဲ့သည်။

* * * *


အဲဒီအချိန်မှာ လူနာတင် ကားတစ်စီး ထပ်ရောက်လာတယ်။ လူနာတင် ကားပေါ်က ဆရာဝန် တစ်ယောက် ဆင်းလာတယ်။ ဆရာဝန်ဟာ အရပ်ရှည်ရှည် ဂျူတီကုဒ် အဖြူရောင်ကို ၀တ်ထားပြီး နားကြပ်ကို လက်တစ်ဘက်မှာ ကိုင်လာတယ်။

“ ဟေ့ဒီမှာ လူနာတွေ အသက်က အရမ်းအရေးကြီးနေပြီ ဆေးရုံမဖွင့်သေးဘူးလား”
“ဗျာ”

ကျွန်တော် ကြောင်သွားတယ်။

“ ဒါဆေးရုံ မဟုတ်ဘူး အိမ်ဗျ။ တစ်ယောက်တည်း သီးသီးသန့်သန့် နေချင်လို့ မြို့အစွန်မှာ ၀ယ်ထားတာ”
“ ဒါဆိုရင် မင်းအိမ်မှာ ဘာဖြစ်လို့ အနီရောင် ကြက်ခြေခတ်တွေ လုပ်ထားရတာလဲကွ”
“သြော် . . .. ဒါလား ”

ကျွန်တော်သဘော ပေါက်သွားပြီ။ တစ်အိမ်လုံးမှာ ပရပွဖြစ်နေတဲ့ အနီရောင် ကြက်ခြေခတ် တွေကြောင့် ဆေးရုံနဲ့မှားသွားဖြစ်မည်။ တကယ်တော့ ထိုအနီရောင် ကြက်ခြေခတ်မျာသည် ကျွန်တော့် ဘ၀တွင် မှားခဲ့ သောအမှားမျာတွက် ရေးခြစ်ထားခြင်း မျှသာဖြစ်သည်။

စစ်ပွဲတွင် စစ်သားတစ်ဦး ကျသွားလျှင် အမှတ်တရ မှတ်တိုင်တစ်ခု စိုက်ထူထားသကဲ့သို့ ကျွန်တော့ဘ၀တွင် အမှားတစ်ခု မှားခဲ့တိုင်း အိမ်နံရံတွင် အနီရောင် အမှတ်တရ ကြက်ခြေခတ် တစ်ခုရေးလိုက်သည်။ နှစ်တွေကြာလာတော့ အိမ်နံရံတွင် အနီရောင် ကြက်ခြေခတ်များနှင့် ပြည့်နှက်လို့လာပါတော့သည်။


* * * *

အစ်ကို ညီမမှားသွားပြီ။ အစ်ကို စကားနား မထောင်ခဲ့မိလို့။ အဲဒီလူရှပ်မာကို လူပျိုလို့ ထင်ခဲ့မိတာ။ အခုတော့ . . . .

ငါမှားသွားပြီလို့ သိလိုက်တဲ့ အချိန်ရောက်တော့ ငါကရဲဘက် စခန်းမှာ။ ငါထောင်က ထွက်လာတော့ အကြီးမလေးက ၁၈ နှစ်လောက်လဲ့ လင်ရနေပြီ။ အငယ်ကောင်က မှော်ထဲမှာ ဖိုးစွဲနေလို့ ငါကိုယ်တိုင် လိုက်ရှာပြီး ခေါ်ခဲ့ရတယ်။ ငါသာ စိတ်လေး နည်းနည်း ထိန်းခဲ့ရင် ငါ့မိန်းမလဲ သေမှာ မဟုတ်သလို ငါလဲ ထောင်ကျမှာ မဟုတ်ဘူး။ ကလေးတွေလဲ အခုလို ကစဥ့်လျှားနဲ့ ဒုက္ခရောက်မှာ မဟုတ်ဘူး။ အခုတော့ . . . . .

ကောင်းတယ်။ အဲဒီအမှားတွက် ဘယ်တော့ငါ နောင်တရမှာ မဟုတ်ဘူး။ ပတ်ဝန်းကျင်နဲ့ မင်းတို့ အမြင်မှာသာ ငါ့လုပ်ရပ်တွေက မှားကောင်း မှားနေပေလိမ့်မယ်။ ငါ့ခံယူချက် ထဲမှာတော့ အဒီလုပ်ရပ်တွေ အားလုံးက မှန်တယ်။ ငါဘယ်တော့မှ နောင်တရမှာ မဟုတ်ဘူး။
အေးကွာ အဲဒီတုန်းက မင်းတို့ စကားနားထောင်မိခဲ့ရင် အခုလို ဖြစ်မှာ မဟုတ်ဘူး။ အခုတော့ . . .


* * * *

သြော်ငါ အသက်နှစ် ဆယ်ကျော်ခါစာ အရွယ်လေးပဲ ရှိသေးတယ်။ ဒါပေမယ့် ငါကျူးလွန်ခဲ့တဲ့ အမှား တွေက မနည်းတော့ ပါလားနော်……………..

ငါနောက်ထပ်များ အသက်ကြီးလာရင် . . . . . .


ထိုကဲ့သို့ စဉ်းစားနေတုန်း ဆရာဝန်သည် ဒေါသတကြီး တောက်ခေါက်ကာ လှည့်ထွက်သွားသည်။ ကျွန်တော် လှည့်ထွက်သွားသော ဆရာဝန် ကျောပြင်ကို ကြည့်လိုက်တော့ ..

အဖြူရောင် ဂျူတီကုဒ်မှာ အနီရောင် သွေးတွေ စွန်းနေသည်။ ထိုအနီရောင် သွေးများသည် ကြက်ခြေခတ်ပုံ ပေါ်နေသည်။ သူ့ဖာသာသူပဲ ကြက်ခြေခတ်ပုံ ပေါ်နေတာလား။ ဒါမှမဟုတ် ဆရာဝန်သည် သူမှားခဲ့သော အမှားများအတွက် ဂျူတီကုဒ်တွင် သွေးဖြင့် ကြက်ခြေခတ် ထားသည်လား မသိ။







Read More...

Wednesday, November 14, 2007

HTML

အရင်တုန်းက Html ဆိုတာကို သိပ်နားမလည်ပါဘူး။ ဒါကြေင့် Blog ကိုပြင်တဲ့ နေရာမှာတောင် သူများရဲ့ ဆို့လေးတွေ ထဲက တူတာလေးတွေ ကြည့်ပြီး ကော်ပီကူးထည့်တဲ့ နည်းကိုပဲ သုံးခဲ့ပါတယ်။ အဲဒီတုန်းကတော့ Mtml ဆိုတာ ဘာကြီးမသိဘူးကို။ နားလည်း မလည်ဘူးလေ။ တကယ်တန်း လေ့လာကြီးတော့ ထင်လောက်ကြီး မခက်တာကို တွေ့ပါတယ်။

ဒါကြောင့် ကျွန်တော် လေ့လာမိသလောက် ပြန်ပြီး ပြောပြချင်ပါတယ်။

HTML ဆိုတာ
Hyper Text Markup Language ကို အတိုကောက် ခေါ်ထားတာ ဖြစ်ပါတယ်။

HTML ကို အများစုကတော့ Notepad ထဲမှာပဲ ရေးကြပါတယ်။

1
ပထဆုံး နုတ်ပက်ကို ဖွင့်လိုက်ပါ။ ပြီးရင် Save As ကိုနှိပ်ကြည့်လိုက်ပါ။ အဲဒီမှာ ဘောက်လေး ကျလာပါလိမ့်မယ်။ ပုံမှန်အားဖြင့်တော့ ကျွန်တော်တို့က အဲဒီမှာ ကိုယ်လိုချင်တဲ့ File Name လေးတစ်ခု ပေးကြပါတယ်။ Html ရေးမဲ့ စာတွေကို သိမ်းရင်တော့ File Name အပြင် ဖိုင် Exction ထပ်ပေးရပါတယ်။




ပုံမှာ ပြထားတဲ့အတိုင်း အဲဒီဖိုင်ကို aungaung လို့ပေးချင်ရင် aungaung.html လို့ပေးရပါတယ်။ aungaung သည် file name ဖြစ်ပြီးတော့ .html ဟာ ဖိုင် Exction ဖြစ်ပါတယ်။ တကယ်လို့ ကျွန်တော်တို့က .html ဆိုတဲ့ file exction ကိုမပေးခဲ့ဖူးဆိုရင် ရိုးရိုး စာသားတွေ အနေပဲ သိမ်းသွားမှာ ဖြစ်ပါတယ်။

2

Html မှာ အခြေခံ ကုဒ်တင်
<html>
<head>
<title>
</title>
</head>
<body>
</body>
</html>

ဆိုပြီး ရှိပါတယ်။ ကိုယ်ပေါ်ချင်တဲ့ စာသားတွေက ဘယ်နေရာမှာ ပေါ်ချင်တာလဲ ဆိုတဲ့ နေရာပေါ်မှာ မူတည်ပြီး လိုအပ်တဲ့ ကုဒ်တွေကို ထပ်ပြီး ထည့်သွားရတာဖြစ်ပါတယ်။ html ကတော့ html, head, title, body ဆိုတဲ့ တက် (tag) လေးတွေမှာ အခြေခံရေး သွားတာပါ။ တက်ကလေးတွေကို ဖွင့်ပြီးရင် အဆုံးမှာ ပြန်ပိတ်ပေးရပါတယ်။ ဥပမာ <body> tag နဲ့စခဲ့ရင် </body> tag နဲ့ပြန်ပိတ်ပေးရပါတယ်။

3

Html ကုဒ်တွေကိုရေးရာမှာ စာလုံးအကြီး အသေးမရွေးပါဘူး။ သေးသေးကြီးကြီး သေးချင်တဲ့နေရာသေး ကြီးချင်နေရာကြီး ကြိုက်သလို ရေးလို့ရပါတယ်။ စာလုံး အသေးအကြီး ပြသနာမရှိပါဘူး


<html> </html>
ဒီတက်လေး နှစ်ခုကြားမှာ ရေးမဲ့ စာသားတွေသည် Mtml ဖြစ်ပါတယ်ဆိုတာကို ကြေငြာပေးတာပါ

<head> </head>
ဒီတက် နှစ်ခုကြားမှာတော့ ၀က်ပေ့ပေါ်မှာ တိုက်ရိုက်မပေါ်ပဲ အထောက်ကူပြုတဲ့ ကုဒ်တွေကို ရေးပါတယ်

<title> </title>
ဒီတက်နှစ်ခုကြားမှာ ရေးတဲ့ စာသားတွေကတော့ ဘရောက်ဇာရဲ့ ဟက်ဒါလိုင်းမှာ သွားပေါ်ပါတယ် ဥပမာ ကျွန်တော့်ဘဘော့ဂ်မှာ Debate With Me လို့ အပေါ်ဆုံး ဘားမှာ ပေါ်နေသလိုမျိုး

<body></body>
ဒီတက်နှစ်ခုကြားမှာတော့ စာကိုယ် ၀က်ပေ့ရဲ့ မိန်းစသားတွေ ထည့်ရေးပါတယ်


4
နုတ်ပက်ကို ဖွင့်လက်တွေ့ စမ်းရိုက်ကြည့်လိုက်ပါ။

<html>
<head>
<title> My project
</title>
</head> Hellow Mtml
<body>
</body>
</html>

ပြီးသွားရင် ဆေ့လိုက်ပါ။ ဆေ့ပြီးသွားရင် ဆေ့ထားတဲ့ ဖိုင်လေးကို ဒါဘယ်ကလစ်ခေါက်ပြီး ဖွင့်ကြည့်လိုက်ပါ။ ဖိုင်းရားဖောက် တင်ထားရင် ဖိုင်းရားဖောက်နဲ့ တက်လာပါမယ်။ အိုင်အီးနဲ့ ဖွင့်ချင်ရင်တော့ အိုင်အီးကို အရင်ဖွင့် ပြီးရင် ဖိုင်အိုးပင်း နဲ့ သွားလို့ရပါတယ်။

စမ်းကြည့်တာ အဆင်ပြေတယ်ဆိုရင်တော့ မိမိနှစ်သက်ရာ စာသားလေးတွေ ထည့်ပြီး စမ်းကြည့်လိုက်ပါ။

နောက်ထပ် အပိုင်းတွေကို နောက်ရက်တွေမှာ ဆက်ရေးသွားပါမယ်။ တကယ်လို့ ကျွန်တော်ရေးတာ အမှားပါခဲ့ရင် အမှန်သိသူများကို ပြင်ပေးဖို့ မေတ္တာရပ်ခံပါတယ်


မှတ်ချက် အခုလို ပို့ဖြစ်လာအောင် ကူညီပေးသော ကိုဝေယံလင်းကို အထူးကျေးဇူးတင်ပါသည်

Read More...

အဆင့်၅ နေရာကိုရောက်သွားတဲ့ မြန်မာ



အစိမ်းဆုံးက လူကြည့် အများဆုံးပါ


အရင်က ကျွန်တော့်ဘလော့ဂ်ကို လာကြည့်နိုင်ငံစာရင်းကို ကြည့်လိုက်ရင် မြန်မာနိုင်ငံက အများဆုံးပါ။ မြန်မာပြီးမှ စင်္ကာပူ ပြီးရင် ထိုင်း အဲဒါပြီးမှ ကျန်တဲ့ နိုင်ငံတွေလာပါတယ်။

မြန်မာပြည်မှာ ဘလော့ဂ်တွေကို ပုဂံက ဘန်းလိုက်တဲ့ အချိန်ကစပြီး မြန်မာက ၀င်ကြည့်တဲ့လူတွေ လျှော့ကြသွားလိုက်တာ အခု နိုဝင်ဘာ ဒုတိယပတ် အထိ ၀င်ကြည့်သူဦးရေဟာ မြန်မာက အဆင့်ငါးနေရာကို ရောက်သွားပါတယ်။

စင်္ကာပူက အဆင့်တစ်နေရာမှာရှိပြီ။ အမေရိကားက ဒုတိယနေရာမှာ ရှိပါတယ်။ ဂျပန်ကတတိယပါ။ ထိုင်းကစတုတ္ထပါ ပြီးမှာ ကျွန်တော်တို့ မြန်မာနိုင်ငံလာပါတယ်။ မြန်မာပြီး ကျန်တဲ့ နိုင်ငံတွေကတော့ ရုရှ ဂျာမနီ သြစတျေးလျှ မလေးရှား နဲ့ ပြင်သစ်တို့ အပါဝင် စုစုပေါင်း ၃၇ နှစ်နိုင်ငံဖြစ်ပါတယ်။

Read More...

Sunday, November 11, 2007

ကျွန်တော်ဘယ်သူနဲ့ တူသလဲ

http://www.myheritage.com/collage


ကိုဖီအာနန်နဲ့ တူတယ်တဲ့ :P







ကျွန်တော်ရဲ့ မိုက်တိ မိုက်ကန်း ပုံကို ဘယ်သူနဲ့ တူသလဲ ဒီဝက်ဆိုက်မှာ စမ်းကြည့်လိုက်တော့ ဒီလို အဖြေထွက်လာတယ်။
တူမတူကတော့ ကြည့်တဲ့သူတွေ ဆုံးဖြတ်ကြပေါ့နော့်

Read More...

ရင်ကွဲသံစဉ်

နံနံခင်း နေရောင်ခြည်သည် စူးရှစွာ တောက်ပသည်။ ထိုတောက်ပသော နေရောင်ခြည် တိမ်လွှာများကို ထိုဖောက်ကာ ကမ္ဘာမြေပေါ် ဖြန့်ကျလျှက်ရှိသည်။ ထိုဖြန့်ကျနေသော အလင်းရောင်ခြည်များထဲမှ တစ်ခုသည် ပြူတင်းပေါက်ကို ဖြတ်သန်း၍ ဧည့်ခန်းတွင် အိပ်ပျော်နေသည့် ကျွန်တော်၏ မျက်နှာပြင်ပေါ်ကို ထိုးကျနေသည်။

နေရောင်သည် ပိတ်ထားသော မျက်ခွန်ကို ထိုးဖောက်ကာ ကျွန်တော့်မျက်လုံးကို စူးရှစေသည်။ ထိုစူးရှသော ဒဏ်ကို ကျွန်တော်မခံ သော်လည်း ညက အရှိန် မသေသေးသောကြောင့် ကျွန်တော်လုံးဝ မထချင်ပါ။ ထို့ကြောင့် ပေ၍ အိပ်မြဲအိပ်နေလိုက်၏။ များမကြာမှီ ထိုအလင်းရောင်နှင့် ညက ရီဝေသော အရှိန်များ ပေါင်းစပ်သွားကြတော့သည်။

  • ဒုံချမ်းဒုံချမ်
  • ဒုံချမ်းဒုံချမ်
  • ဒုံချမ်းဒုံချမ်


တရုတ်နှစ်သစ်ကူးကို ၀င်ဖို့ တောင်မကျန်သေး ထိုအသံများကို ကြားရပြီ။ ထိုကြားနေရသော အသံသည် တဖြည်းဖြည်း ကျယ်လာသလို ကျွန်တော် ခံစားရသည်။ သေချာခံစားကြည့် လိုက်တော့ . . . .

အိမ်ပေါက်ဝမှာ လာတီးနေတာ
ထိုကြောင့် မူးနေသော အရှိန်ကို အဆုံးသတ်။ နားငြီးစေသော ထိုအသံပြုသူကို ရင်ဆိုင်ဖို့ တခါးကို ၀ုန်းကနဲ ဆွဲဖွင့်လိုက်သည်။

ဟင်

မြင်ရသည့် မြင်ကွင်းကား ကျွန်တော်လုံးဝ မယုံနိုင်ပါ။ အိမ်ရှေ့တွင် ကောင်မလေးတစ်ယောက် အနီရောင် တရုတ် ရိုးရာ ၀တ်စုံကို ၀တ်ဆင်ထားပြီး လည်ပင်းတွင် တရုတ် ဗုံတစ်လုံးကို လွယ်ထားသည်။ လက်နှစ်ဖက်တွင် ဗုံတီးတံ နှစ်ချောင်းကို ကိုင်ထားသည်။

ကျွန်တော်က ဘာလုပ်တာလို့ မေးတော့ သူသဘောကျစွာ ပြုံးပြသည်။ သူ့ အပြုံးတွင် ပါးချိုင့်လေးတစ်ခု ပေါ်သွားသည်။ ထိုပါးချိုင့်လေးက အခြားမဟုတ် တချိန်က ကျွန်တော်နှင့် ရင်းနှီးခဲ့ ဖူးသော ပါးချိုင့်လေးဖြစ်သည်။ အခု တော့ ပါးချိုင့်လေး ပိုင်ရှင်သည် တရုတ်ဗုံတစ်လုံးကို ပိုက် တရုတ်လို ၀တ်ပြီး ကျွန်တော့် အိမ်ရှေ့ရောက်နေပြီ။ အကြောင်းရင်းကိုကား မသိရသေး။

* * * * *

ကျွန်တော်က ``ညီမက တရုတ်လူမျိုး မဟုတ်ပဲ ဘာဖြစ်လို့ အဲလိုကြီး ၀တ်လာတာလဲ´´ လို့မေးတော့

``ဒါတ တရုတ်တွေချုပ်ပြီး တရုတ်တွေ ၀တ်ကြလို့ တရုတ်အင်္ကျီလို့ ခေါ်တာ တကယ်တော့ အ၀တ်စတွေကို ချုပ်ထားတဲ့ အင်္ကျီတစ်ထည်ပါပဲ ဘယ်သူမဆို ၀တ်လို့ရပါတယ်´´ တဲ့လေ။

ကောင်မလေးရေ ငါနင်နဲ့ တုဖက်ပြီး စကားမများချင်ပါဘူး လာရင်းကို ပြောဆိုတော့။ ဗုံတီးမလို့တဲ့ ဆိုပြီး လည်ပင်းမှာ ဆွဲထားတဲ့ ဗုံကို သူလက်ထဲက ဗုံတီးတံနှစ်ချောင်းနဲ့ တီးပါလေရော။ သူဗုံကိုလဲ တီးလိုက်ရော ဗုံသံတွေ ထွက်လာပါတော့တယ်။ သူရဲ့ ဗုံတီးပုံက ညင်သာပြီး ထွက်လာတဲ့ အသံတွေက နားထဲမှာ သာယာသလိုပဲ။ ပြီးတော့ သူကိုယ်တိုင်လည်း အဲဒီဗုံသံကို နှစ်သက်တယ်တဲ့လေ။ထူးခြားတာက သူတီးလို့ မြည်သွားတဲ့ ဗုံတီးသံက ကျွန်တော့် နား မှာ ချိုသလောက် ကျွန်တော့်ရင်ဘတ်မှာ နင့်နေအောင်ခံစားရတယ်။ ဘယ်လို ဖြစ်တာလဲလို့ ကောင်မလေးကို မေးကြည့်တော့ . . . .

သူတီးနေတာ ဗုံမဟုတ်ဘူး ကျွန်တော်ရင်ဘတ်ကြီးတဲ့လေ။ ဟုတ်ရဲ့လားလို့ ကြည့်လိုက်တော့ ကျွန်တော့်မှာ ရင်ဘတ်မရှိတော့ဘူး။ ဘယ်ရောက် သွားတာလဲလို့ ရှာလိုက်တော့ ကျွန်တော်ရင်ဘတ်ကြီးက သူ့လက်ထဲမှာ။ သူကတော့ ကျွန်တော့်ရင်ဘတ်ကြီးကို ကိုင်ပြီး ဗုံတီးတံနဲ့ အားရပါရ ခေါက်နေလေရဲ့။

* * * * *

ကောင်မလေးရယ် နင်ကတော့ အဲဒီအသံတွေကို သာယာတယ်ဆိုပြီး နားထောင် နေတာပေါ့လေ။ ကောင်မလေးရေ နင်ပျော်တယ်ဆို ရင်တော့ ဆက်တီးပေါ့။ ငါမတားပါဘူး။ ငါ့ရင်ဘတ်တွေ အကွဲခံလိုက်ပါမယ်။

တစ်ခုတော့ရှိတယ် ကောင်မလေးရယ် ..........
အဲဒီလို နင်သာယာပါတဲ့ ဆိုတဲ့ အသံတွေက ငါ့ရင်ဘတ်ကြီး ကွဲလုအောင်ခံစားပြီးမှ ထွက်လာတဲ့ ရင်ကကွဲတဲ့ ရင်ကွဲ သံစဉ် တွေပါ။ နင်စိတ်ကြိုက်တာ တီးလိုက်ပါ။ ငါ့ရင်ဘတ်ကို အကွဲခံလိုက်မယ်။ အဲဒီအသံတွေကို နင် မရိုးသေးတဲ့ အချိန်ထိပေါ့ . . .

Read More...

Wednesday, November 07, 2007

ပန်းပျိုးလက်

အလွမ်းတွေကို ပန်းတွေလိုပျိုးပြီး
တစ်နေ့မှာအချစ်တွေ ပွင့်လာမလားလို့
အကြင်နာတွေ နေ့စဉ်သွန်းလောင်းခဲ့တယ်

ငါပျိုးခဲ့တာ အချစ်တွေပါ
ကံကြမ္မာရယ်ခေတော့လည်း
အမုန်းပွင့်တွေပဲ အဖတ်တင်လို့
အပွင့်တွေမှာ ဒေါသဆူးတွေနဲ့
သြော်...... ငါ့ကို တိုက်ခိုက်ကြပြီပေါ့လေ

ကောင်မလေးရေ .............
တကယ်တော့ငါ

အမုန်းတွေလိုချင်လို့
ပျိုးပင်တွေထောင်ခဲ့တာ မဟုတ်သလို
အချစ်တွေလိုချင်လို့
အကြင်နာတွေသွန်းခဲ့တာ မဟုတ်ပါဘူး

ငါဟာပန်းပျိုးလက်ပါ
ဟောဒီမှာ
အပင်လေးတစ်ခု ရှင်သန်လာဖို့
ဒီမြေမှာ ပျိုးထောင်ခဲ့တာ

ငါလိုချင်တာ ရလဒ်မဟုတ်ဘူး
ငါဖြစ်ချင်တာ ပေးဆပ်ဖို့

Read More...

Sunday, October 28, 2007

အပျင်းပြေဖို့

လွန်ခဲ့တဲ့ နှစ်နှစ်လောက်က exe ဖိုင်လေးပါ
ဘာပဲ ဖြစ်ဖြစ် အပျင်းတော့ ပြေပါတယ်

ဒေါင်းလုပ်ချပြီး ပေါ်လာတဲ့ အကွက်မှာ ကိုယ်နာမည်ကို ရိုက်လိုက်
ကျွန်တော်ကတော့ ကိုနေဘုန်းလတ် နံမည်ကို ရိုက်လိုက်တယ် :P

အဲဒီကောင်ကို ဒီနေရာကနေ ဒေါင်းလုပ်ချပါ

Read More...

Friday, October 26, 2007

Blog Anniversary




တစ်ရက်ပြီးတစ်ရက် နေ့စဉ်ဆက်လို့
မိုးတွေအကြိမ်ကြိမ်လင်းခံပြီ

တစ်နပ်ပြီးတစ်နပ် နေ့စဉ်ထပ်လို့
ထမင်းတွေအကြိမ်ကြိမ်စားခဲ့ပြီ

တစ်ခါပြီးတစ်ခါ ဖွတ်ပါများတော့
ငါ့ပုဝါတောင်နွမ်းလုပြီ

ရက်ပေါင်းများစွာ စုလိုက်ခါမှာ
သြော် . . .
တစ်နှစ်တင်းတင်းပြည့်ခဲ့ပြီ

Read More...

Wednesday, October 24, 2007

ချစ်ခြင်း၏ သက်သေ

ကောင်မလေး . . .
ငါ့ရဲ့အချစ်ကို သက်သေပြဖို့
ဓူဝံကြယ်ကို တောင်ဘက်အရပ်ရောက်အောင် ရွှေ့ပြနိုင်စွမ်းမရှိဘူး
ရာဇ၀င်တွေထဲမှာလို သမုဒ္ဒရာကို လက်ပစ်မကူးနိုင်ဘူး
အဲဒီအတွက် ငါ့ရဲ့အချစ်တွေကို အတုလို့များပြောမလားကွယ်

ကောင်မလေး . . .
မျက်မမြင်ဟာ အလင်းရောင်ကို မမြင်နိုင်ပေမယ့်
အလင်းရောင်က တကယ်ရှိပါတယ်
တချို့သောအရာတွေဟာ
လက်တွေ့မှာတကယ်ရှိနေပေမယ့်
သိပ္ပံပညာနဲ့ သက်သေမပြနိုင်သေးပါဘူး

ကောင်မလေး . . .
နယူတန်ဟာ ကမ္ဘာဆွဲအားကို သက်သေပြဖို့
ညပေါင်းများ အိပ်ပျက်ခဲ့တယ်
ပိုက်သာဂိုရက တြိဂံသီအိုရီကို သက်သေပြဖို့
နေ့စဉ်ရက်ဆက်ကြိုးစားခဲ့တယ်
ငါကတော့ နင့်ကိုချစ်ကြောင်း သက်သေပြဖို့
မနက်ပေါင်းများစွာ မိုးလင်းနေပြီ

ကောင်မလေး . . .
ရင်ခုန်သံတွေကြောင့် မြေကြီးတွေတုန်လှုပ်ပြီး
သစ်ရွက်တွေ ကြွေကုန်ပြီ
အဲဒီရင်ခုန်သံတွေက ငါ့ရင်ဘတ်ထဲက ထွက်သွားတာလေ

ကောင်မလေး . . .
နင့်အရှေ့မှာ သစ်ရွက်လေးတွေကြွေကျလာတာတွေ့ရင်
ငါ့ကို သတိရလိုက်ပါ

ကောင်မလေးရေ . . .
အဲဒါ ငါ့အချစ်ရဲ့ သက်သေပေါ့

Read More...

မွေးနေ့ဆုတောင်း

ဒီနေ့မှာ ကျရောက်တဲ့ ကိုစစ်အိမ် ရဲ့ မွေးနေ့မှ သည် နောင်နှစ်ပေါင်းမြောက်များစွာတိုင် ပျော်ရွှင်ချမ်းမှုပေါင်း များစွာဖြင့် ဘ၀ကို ဖြတ်သန်းနိုင်ပါစေ
ဆုတောင်းပေးလျှက်

Read More...

Saturday, October 20, 2007

Chat Room ပုံပြင်

ဒါကတော့ နိုင်ငံတကာ သတင်းတစ်ခု မှ ဖတ်ဖူးတဲ့ အွန်လိုင်းက စတဲ့ ဖြစ်ရပ်မှန်လေးပါ BigGrinBigGrin
ကျွန်တော် ဟိုဇာတ်လမ်းကို ပြန်မရေးနိုင်ခင် သူငယ်ချင်းတွေ ဖတ်လို့ရအောင် တင်ထားပေးတာပေါ့ဗျာ .................

တစ်ခါတုန်းက
တခါတုန်းက ဆိုတာက အင်တာနက်တွေ ပေါ်ခါစကပေါ့ကွယ်
အဲဒီမှာ ရည်စားတစ်ခါမှ မထားဖူးတဲ့ လူပျိုကြီးတစ်ယောက်က ချက်ရွန်းဝင်တယ်ဆိုပဲ
ကျွန်တော်တုိ့လို နေမှာပေါ့လေ heehee

အဲလို နဲ့တစ်ရက်မှာ ချက်ရွန်းထဲကနေ ကောင်မလေး တစ်ယောက်နဲ့ တွေ့ကြပါလေရောတဲ့
အဲဒီခေတ်က ချက်ရွန်ကနေ အသံတွေ ဘလံတွေ မရသေးဘူးလေ
အဲဒါကြောင့် အီးမေးကိုသုံးပြီ အပြန်အလှန် ဆက်သွယ်ရတယ်ဆိုပဲ
တစ်ယောက်နဲ့ တစ်ယောက်ပုံလေးတွေပို့ ဘာလေးတွေပို့ပေ့ါ

ဒီလိုနဲ့ လေးငါးရက်လောက် ကြာလာတော့ သူတို့တွေ သမီးရည်းစားတွေ ဖြစ်သွားကြတယ်ဆိုပဲ ၊ အဲဒီမှာ လူပျိုကြီးခင်ဗျာ တစ်သက်မှာ တစ်ယောက်သာ ထားဖူးတဲ့ ရည်းစားလေးကို အပြင်မှာ မမြင်ဖူးပေမယ့် ပုိ့ထားတဲ့ ပုံလေးတွေကို ကြည့်ပြီး စိတ်ကူးနဲ့ မျှော်မှန်းနေရပါတယ်တဲ့။

တစ်ခုသောညမှာ . . . .
လူပျိုကြီးနဲ့ သူ့ရဲ့ နယူးရည်းစားလေးတို့ ချက်တင်ထိုင်နေရာက ကောင်မလေးက စိတ်မထိန်းနိုင်တော့ဘူး အပြင်မှာ တွေ့ချင်တယ်လို့ပြောတယ်တဲ့။ လူပျိုကြီးကလည်း အတယ် လုံးဝကို မငြင်းဘူး သဘောတူလိုက်တယ်။ ကောင်မလေးက အခုချက်ခြင်းတွေ့ချင်တယ် အိမ်တံခါးဖွင့်ထားပါ ည၁၁ လောက်မှာ လူပျိုအိမ်ကို ကောင်မလေးေ၇ာက်အောင် လာခဲ့မယ်ပေါ့။
သူတို့နိုင်ငံ ယဉ်ကျေးမှုအရ ကောင်မလေးတစ်ယောက်က ညကြီး သန်းခေါင် ယေကျာင်္းလေးအိမ်ကို သွားတာ ဘယ်ဆန်းမှာလည်းနော် BigGrinBigGrin

အဲဒါကြောင့် ကောင်မလေးလာမယ်ဆိုလို့ လူပျိုကြီးက အိမ်တံခါးဖွင့်ပြီးစောင့်နေလေရဲ့
အဲဒီအချိန်မှာ စေ့ထားတဲ့ တံခါးပွင့်သွားတယ်
လူပျိုကြီးက အားရ၀မ်းသာနဲ့ တံခါးဆီပြေးအသွား

နောက်နေ့ မနက်လဲ ရောက်ရော လူပျိုကြီးခင်ဗျာ ရောင်ကိုင်းနေတဲ့ မျက်နှာနဲ့ အနုကြမ်းစီးခံရမှုအတွက် ရဲစခန်းကို သွားရပါလေေ၇ာတဲ့ ................

ကဲ ချက်ရွန်းဝင်တဲ့ ကိုကိုတွေ
လူပျိုကြီးလို အေ၇ာင်ဆောင်ပြီး အနုကြမ်းအစီးခံ၇မဲ့ ဘေးကိုလဲ သတိထားကြပါလို့ သတိပေးရင်း ............

Read More...

Sunday, October 14, 2007

ငြင်းခုန်တိုင်းကားကောင်းရဲ့လား

ကျွန်တော် ငယ်ငယ်က အမေ ပြောပြသော ပုံပြင်များကို နားထောင်ရသည်။ ကျွန်တော်နား ထောင်သောပုံ ပြင်များထဲတွင် ဒေ၀ဒတ်ဆိုသော အမည်ကို ကြားပါများ၍ နားထဲစွဲလာသည်။ထို့ကြောင့် “ ဒေ၀ရဒတ် လုပ်ရပ်တွေ မှားနေရာက အမြင်မှန်တစ်ခု ရလာအောင် ဘုရား တရားဟောလို့ မရဘူးလား ” မရဘူးလားလို့ မေးကြည့်မိပါတယ်။

လွဲမှားတဲ့ အယူဝါဒရှိတဲ့ လူကို ထောင်ပေါင်းများသော ဘုရာတွေ ချွတ်ပေမယ့် မကျွတ်နိုင်ဘူးလို့ အမေက ပြန်ပြောခဲ့ပါတယ်။ ဒါပေမယ့် ကျွန်တော် သိပ်နားမလည်ခဲ့ပါဘူး။

******************

တစ်ခါတုန်းက တရုပ်ပညာရှိကြီး ကွန်ဖြူးရှပ် မြို့အတွင်းသို့ ဖြတ်သွားခိုက်မှာ လမ်းဘေးမှာ ကစားနေတဲ့ ကလေးနှစ်ယောက်က ကွန်ဖြူရှပ်ကို တွေ့သွားတယ်။ ကွန်ဖြူရှပ်ကိုလဲ တွေ့ရော ကလေးနှစ်ယောက်က ပြေးလိုက်သွားပြီး ..........
“ ပညာရှိကြီး ရပ်ပါဦး ၊ မေးစရာလေး ရှိလို့ပါ ” လို့ပြောသတဲ့
အဲဒီမှာ ကွန်ဖြူရှပ်က ရပ်ပြီး ကလေးတွေကို မေးလိုလျှင်မေးဖို့ ပြောတယ်။ အဲဒီမှကလေးတွေက
“ နေဟာ ထွက်ခါစမှာ အကြီးကြီး ဖြစ်နေပြီး နေ့လည်ရောက်ရင် ဘာဖြစ်လို့ သေးသွားရတာလဲ” လို့ မေးတယ်တဲ့
အဲဒီမှာ ကွန်ဖြူရှပ်က ပြန်ပြောလိုက်တယ်
“ မနက်ခင်းမှာ နေဟာ ကမ္ဘာနဲ့ ပိုနီးလို့ အကြီးကြီး မြင်ရပြီး နေ့လည်ခင်းမှာ ဝေးသွားတဲ့ အတွက် သေးသေးလေး မြင်ရတာပါ” လို့ ပြန်ဖြေလိုက်တယ်တဲ့
အဲဒီတော့ ကလေးတွေက ကွဖြူရှပ်ကို မေးခွန်းပြန်မေးတယ်
“ နေဟာ ကမ္ဘာနဲ့နီးတဲ့ မနက်ပိုင်းမှာတော့ မပူပဲနဲ့ ကမ္ဘာနဲ့ သေးသွားတဲ့ နေ့ခင်းပိုင်းရောက်မှ ဘာဖြစ်လို့ ပိုပူရတာလဲ” လို့ ထပ်မေးတယ်
အဲဒီမှာ ကွန်ဖြူးရှပ်က ဘာမှ မဖြေနိုင်တော့ဘူး။ အဲဒီတော့ ကလေးတွေက အလကား ပညာရှိကြီးပါ ဘာမှလဲ အသုံးမကျပါဘူးလို့ ပြောတယ်။ ကွန်ဖြူးရှပ်က ဘာမှ ပြန်မပြောပဲ ထွက်လာခဲ့တယ် ။

******************

ကျွန်တော်နယ်မှာ နေတုန်းက စာပေ၀ါသနာပါတဲ့ သူငယ်ချင်း အချင်းချင်း ပေါင်းဖြစ်တယ်။ ကျွန်တော်တို့ အုပ်စုမှာ လူငါးယောက် လောက်ရှိတယ်။ အားလုံးက ဆယ်တန်းစားမေးပွဲလဲ ပြီးစ ဘာအလုပ်မှလည်း မရှိဆိုတော့ စာအုပ်ဆိုင်သွားလိုက် ငြင်းလိုက်ခုန်လိုက် ပေါ့။ ကျွန်တော် ကိုယ်တိုင်လည်း ငြင်းခုန်ရတာ ၀ါသနာပါသလို သူငယ်ချင်းတွေလဲ ငြင်းခုန်ရတာ ၀ါသနာပါကြတယ်။ အဲဒီတော့ ကျွန်တော်တို့ဟာ စာအုပ်ငှားဖတ်လိုက် ငြင်းလိုက်ခုန်လိုက်ပေါ့။

ဒါပေမယ့် အဲလို ငြင်းခုန်ကြတဲ့ထဲမှာ အများစုက အထောက်အထားနဲ့ ခိုင်ခိုင် မာမာငြင်းကြတယ်။ ကိုယ်အရင်က မှန်တယ်လို့ ထင်ထားတဲ့ အရာတစ်ခု မှားနေပါလို့ အထောက်ထားနဲ့ သိလိုက်ရင် လက်ခံကြတယ်။ ဒါပေမယ့် ကျွန်တော်တို့ထဲက တစ်ယောက်ကတော့ ဘယ်လောက် အထောက်ထားတွေ ပြပြ။ ဘယ်လောက်မှန် နေပါစေ။ သူအရင် စွဲကိုင်ထားတဲ့ အရာတစ်ခုကလွဲရင် ဘာကိုမှ လက်မခံဘူး။ ဥပမာ ပြောရရင် ဟစ်တလာဟာ ဂျူးတွေကို လူမျိုးသုန်း လိုက်သတ်ခဲ့ပါတယ် ဆိုတာကို မဖြစ်နိုင်ဘူးလို့ ငြင်းတဲ့လူပေါ့။

ဟေ့ဒီမှာ သမိုင်း အထောက်ထားတွေရှိတယ် ရက်ကော့တွေရှိတယ်။ ဒါဟာ အစစ်မှန်ပဲလို့ပြောရင်။ ဟာမဖြစ်နိုင်ဘူး သမိုင်းဆို လိမ်ရေးလို့ ရတာပဲလို့ ငြင်းတဲ့လူစားမျိုးပေါ့။ အဲဒီလို ငြင်းကြရင်းနဲ့ သူက အများနဲ့ တစ်ယောက်။ ဒါပေမယ့် လုံးဝအလျော့မပေးဘူး သူအမှန်ပဲ။ အဲဒီမှာ သူငယ်ချင်း အချင်းချင်း ငြင်းကြရင်းနဲ့ ဆွဲထိုးကြမလို ရန်ဖြစ်ကြမလို ဖြစ်တာလဲ အကြိမ်ကြိမ်ပေါ့။

နောက်တော့ အားလုံးက သူ့နဲ့ တုပပြီး မငြင်းကြတော့ဘူး။ ဘာဖြစ်လို့လဲ ဆိုတော့ တကယ်ဖြစ်နေတာ အားလုံးလဲ သိနေတာပဲ။ အဲဒါကို မဖြစ်ပါလို့ ငြင်းနေမှတော့ အဲဒါကို အဖက်လုပ်ပြီး ဆက်ငြင်းနေရင် ဘာမှလဲ အကျိုးရှိမှာ မဟုတ်သလို စကားများရတာလဲ အလုပ်ပိုတယ်။ ဒီလိုနဲ့ ကြာလာတော့ သူဘာပြောပြော အားလုံးက မပြောပဲနဲ့ လွတ်ထားလိုက်ကြတော့တယ်။

သူငယ်ချင်းတွေ အားလုံးက တုပ မငြင်းချင်လို့ ပစ်ထားလိုက်တာကို သူ့ကိုသူ ဟုတ်လှပြီးဆိုပြီး စိတ်ကြီးဝင်နေလေရဲ့

တကယ်တော့ ကျွန်တော် ပတ်ဝန်း လူနေမှု အရ၊ လူဆိုတာ အမှားနှင့် မကင်းနိုင်ဆိုသလို အငြင်းနဲ့လည်း ကင်းနိုင်ကြသူများ မဟုတ်ကြပါ။ ကိုယ့်အဖွဲ့စည်း အတွက်သော်လည်ကောင်း ကိုယ့်ဘ၀အတွက်သော် လည်းကောင်း ကိုယ့်အယူအဆတစ်ခု တည်မြဲရေး အတွက်သော်လည်းကာင်း ငြင်းခုန်ကြရသည်။

ကျွန်တော် ငယ်စဉ်ကလည်း ငြင်းသည် အခုလည်း ငြင်းသည်။ ဒါပေမယ့် ငြင်းပုံခြင်းကား မတူတော့ပေ။ ငယ်စဉ်က ကိုယ်မှန်တယ် ထင်လျှင် အလျော့မပေးပဲ ရန်ပဲဖြစ်ရ ဖြစ်ရ ထပဲ လုံးရလုံး အလျော့ပေးသည်ဟူ မရှိ။ ယုခုအခါတွင် တချို့သော ကိစ္စများကို မငြင်းလိုတော့ပါ။ ဥပမာ အနေဖြင့် ပြောရလျှင် ဂျော့ဘုဘ် သည် တနင်္လာသား ဖြစ်သည် သောကြာသား ဖြစ်သည် အစရှိသဖြင့် ဘာနေ့သားဖြစ်သည်ကို သမိုင်းသုသေသီ တွေအတွက် ရေးပါလိမ့်မည် ကျွန်တော်တို့ သာမန်လူများအတွက် သူ့ဖာသာသူ သောကြာနဲ့ စနေစပ်ကြားမှာ မွေးတဲ့လူ ဖြစ်ဖြစ် ကျွန်တော်တို့ အတွက်အရေးမပါ။ ထိုကဲ့သို့သော ကိစ္စများတွင် အချိန်ကုန်ခံ လေကုန်ခံ ငြင်းနေပါက ဘာမှ အကျိုးထူးလာမည်ကား မဟုတ်။ စောစောက သူငယ်ချင်း ငြင်းသလို ဟစ်တလာဟာ ဂျူးတွေကို လူမျိုးတုန်း သတ်ဖြတ်ပါဆယ်ဆိုတာကို တကမ္ဘာလုံးကို သိနေတဲ့ ကစ္စကြီးတစ်ခုကို မဖြစ်နိုင်ဘူးလို့ ပြောသူတစ်ယောက်နဲ့ ဖြစ်နိုင်တယ် မဖြစ်နိုင်ဘူး မငြင်းချင်ပါ။ ဘာကြောင့်လဲ ဆိုတော့ မှန်တဲ့ အကြောင်းအရာ တစ်ခုကို ခေါင်းမာသူတစ်ယောက်နဲ့ ငြင်းခုန်ရခြင်းရခြင်းသည် မည်သို့မျှ အကျိုးထူး လာနိုင်မည် မဟုတ်ပါ။




Read More...

Thursday, September 27, 2007

ခွေးနှစ်ကောင် ကြောင်တမြှီးနှင့် ထိုတစ်ည

အချိန်က ကိုးနာရီပင် မထိုးသေး . . . လမ်းမကြီးတစ်လျှောက် လူတွေ ပြောင်ရှင်းကုန်ကြပြီ။ အစိုးရက ဥပဒေပုဒ်မှ ၁၄၄ အရ မာရှယ်လော ထုတ်ထားတော့ လမ်းပေါ်မှာ မည်သူမျှ မရှိကြတော့။
ကျွန်တော် နေထိုင်ရာ တိုက်ပေါ်ကနေ ခါတိုင်းလှမ်းမြင်တွေ့ နေကြ ဆိုက္ကားဂိတ်လဲ မရှိတော့၊ လမ်းထိပ်က ရပ်ကွက်လူကြီးတွေ စုထိုင်နေကြတဲ့ ကင်းစောင့်ဝိုင်းလည်း မရှိတော့ပြီ။

ညဆယ်နာရီ . . . .
အိမ်ရှေ့ ၀ရန်တာက ထွက်ကြည့်မိပြန်သည်။ လမ်းမကြီးကာ ပြောင်ရှင်းလျှက်။ အစီအရီ ရပ်နားထားသော မော်တော်ကားများမှာလည်း ငြိမ်သက်လျှက်။ တစ်လုံးမှာလည်း တိတ်ဆိတ်လျှက်။

ညဆယ့်တစ်နာရီ . . .
လမ်းမကြီးကို ကြည့်လိုက်တော့ တောင်ဘက်ဆီမှာ ခွေးတစ်ကောင်၊ ဒရိမ်းဒရိုင်နဲ့ ဟိုနား အနံ့ထိုး ဒီနားအနံ့ထိုးနှင့် အစာရှာနေဟန် တူသည်။ ကျွန်တော် ထိုခွေးကို ဓာတ်ပုံ ရိုက်မလို့ စဉ်းစားလိုက်သေးသည်။ သို့ရာတွင် အလှမ်းကွာ ဝေးလွန်းသောကြောင့် မဖြစ်နိုင်ပေ။ ထို့ကြောင့် အိမ်အတွင်းသို့ ပြန်ဝင်ခဲ့လိုက်သည်။

ဆယ့်တစ်နာရီ ကျော်ကျော် . . . .
ပြန်ထွက်ကြည့်လိုက်တော့ စောစောက ခွေးကိုပင် မတွေ့ရတော့ လမ်းမကြီးက ပကတိ ပြောင်ရှင်းနေသည်။ ကျွန်တော်သည် စောစောက ခွေးတစ်ကောင်ကို တွေ့လိုက်ရသည့် နေရာသို့ပင် လမ်းမျှော် ကြည့်ရှုနေမိသည်။

ခဏကြတော့ စောစောက ခွေးပြန်ရောက်လာသည်။ ထို့နောက် ကျွန်တော်တို့ တိုက်ဆီသို့ အစာကို အနှံ့ထိုးရှာရင်း ရောက်လာသည်။ ထိုခွေးကို သေချာ ကြည့်လိုက်တော့ ခွေးပိန်မ တစ်ကောင်ဖြစ်သည်။ ကျွန်တော်တို့ တိုက်အရှေ့က ဓာတ်မီးတိုင်အောက် အမိုက်ပုံ အရောက်တော့ အနံ့ထိုးပြီး ရပ်သွားသည်။ သူအစာကို တွေ့သွားပြီ။ အဲဒီအမိုက်ပုံမှာ အစာစားနေသည်။ ခွေးပိန်မ အစာစားနေတုန်း ခွေးထီး တစ်ကောင် ထပ်ရောက်လာသည်။ ထိုနောက် အစာတူတူ စားကြသည်။

ထိုခွေးတွေကို ကြည့်နေချိန်တွင် လမ်းမပေါ်ကို မဲမဲတစ်ခု ရိပ်ကနဲ ဖြတ်သွားတာကို တွေ့လိုက်သည်။ ကြည့်လိုက်တော့ ကြောင်တစ်ကောင် ဖြစ်နေသည်။ ကြောင်သည် ကျွန်တော်တို့ တိုက်ဘက်အခြမ်းမှ ထွက်လာပြီး လမ်းမကို ဖြတ်ကူးကာ တစ်ဘက် ကားလမ်းဘေးမှာ ရပ်ထားတဲ့ ကားဘီးနာလေးမှာ ဆောင့်ဆောင့် ထိုက်လျှာက် အစာစားနေသော ခွေးနှစ်ကောင်ကို ကြည့်နေသည်။

မြန်မာလူမျိုးတို့သည် ဘာမျှမရှိသည့် နေရာတစ်ခု သို့မဟုတ် လူမရှိ သူမရှိ လမ်းမကြီးများကို တွေ့ခဲလျှင် ခွေးတစ်ကောင် ကြောင်တမြှီးတောင် မတွေ့ရဘူးဟု သုံးနှုန်းလေ့ရှိကြသည်။ ကျွန်ုပ်မှုကား လူမရှိသော လမ်းတွင် ခွေးနှစ်ကောင်နှင့် ကြောင်တစ်ကောင်ကို တွေ့မြင်နေရပြီ။

ကျွန်တော့ မျက်စိတစ်ဆုံး မြင်နေရသည့် လမ်းမကြီး တစ်လျှောက်လုံးတွင် သက်ရှိဟူ၍ ခွေးနှစ်ကောင်နှင့် ကြောင်တစ်ကောင်သာ ရှိတော့သည်။ လမ်းထိပ်က တက္ကစီ ဂိတ်မှာလည်း ကားမရှိတော့။ ဆိုက္ကား ဂိတ်မှာလည်း ဒီတိုင်းပင်။

အရင်ကဆိုရင် ဒီလမ်းလေးသည် နှစ်လေးနာရီ ပတ်လုံး လူပြတ်သည်ဟူ၍ မရှိ။ ကျွန်တော်သည် အိပ်မပျော်သော ညများတွင် လမ်းထဲတွင် ထိုကဲ့သို့ လုပ်ရှား သွားလာနေကြသည့် လူများကို ဘာရယ်မဟုတ် ထိုင်ပြီး ကြည့်နေမိတတ်သည်။

ပူလောင် သောနွေညများ ဆိုရင် ည၁၂ လောက်ထိ လမ်းဘေး ပလက် ဖောင်းလေးတွေမှာ လူတွေ ထွက်ထိုင်နေ တတ်ကြသည်။ မိုးလေးကင်း လွတ်သော ညများတွင် ဓာတ်တိုင်အောက်၌ လူငယ်များ ဂစ်တာလာတီးကြသည်။ ညတစ်နာရီ လောက်ဆိုလျှင် စည်ပင်သာယာက အမိုက်သိမ်းတဲ့ ၀န်ထမ်းတွေ တံမျှက်စည်း လာလှဲကြသည်။ အဲဒီ အချိန် လောက်မှာပဲ ကုလားမ တစ်စု ဒီလမ်းရဲ့ ပလက်ဖောင်း ပေါ်မှာ စည်ပင်ရေပိုက် ခေါင်းကို ဖြုတ်၍ အ၀တ်လျှော် နေတတ်ကြသည်။ ပြောမည်ဆိုလျှင်ကား ဤလမ်းလေသည် လူနှင့်မပြတ်ပါ။

အရင်လို ညတိုင်း လူများနဲ့ စိုပြေနေတဲ့ ဒီလမ်းလေး တစ်နေ့မှာတော့ ခြောက်ကပ်သွား လိမ့်လို့ ဘယ်သူက ကြိုပြီး ဟောကိန်း ထုတ်ခဲ့မိမှာလဲ။ ကံကြမ္မာက အကြောင်းဖန်လာပြီ ဆိုတော့ စိုပြေနေတဲ့ လမ်းလေး ခြောက်သွေ့သွားသည်။

လူ့လောက သည်ရော။ ဟုတ်ပါသည်။ လူ့ဘ၀သည်လည်း ကျွန်တော့် အိမ်ရှေ့က လမ်းလေးလို ဖြစ်သည်။ အဆင်ပြေ ချောမွေ့ချင်သည့် အခါတွင် ဘ၀သည် သာယာစို ပြေနေတတ်သည်။ သာယာစိုပြေနေသော လမ်းလေးသည် ပုဒ်မ တစ်ခုကြောင့် ခြောက်ကပ်သွားသလို အရာရာ အဆင်ပြေနေသော ဘ၀လေးသည်လည်း အကြောင်းအရာ တစ်ခုကြောင့် ပျောက်ပျက်သွား နိုင်ပါသည်။


ဓာတ်တိုင်ရှေ့တွင် စားစရာများ ကုန်သွားသည့်အခါ ခွေးနှစ်ကောင်သည် ပြန်ထွက်ခွါ သွားကြသည်။ ကားလမ်း ဟိုဘက်ကို ကြည့်လိုက်တော့ စောစောက ကြောင်မရှိတော့ပေ။ ဘယ်အချိန်ကတည်းက ထွက်သွားလိုက်သည် ကိုပင် ကျွန်တော် သတိမထား မလိုက်ပါ။

မျက်စိတစ်ဆုံး ကြည့်လိုက်တော့ လမ်းမသည် ခြောက်သွေ့နေသည်။ အရင်က လူစည်ခဲ့သော လမ်းလေးသည် ခွေးနှစ်ကောင် ကြောင်တမြီးနှင့် ထိုညတစ်ညကို ဖြတ်သန်းခဲ့သည်။

Read More...

Wednesday, September 26, 2007

So What ?

So What ? အဲဒီတော့ ဘာဖြစ်လဲ . . . .

ဒီစကားလုံးကတော့ သတင်းထောက်တွေနဲ့ အယ်ဒီတာတွေကြားမှာ မကြာခဏဆိုသလို သုံးစွဲဖြစ်ကြပါတယ်။ ဘယ်လို နေရာတွေမှာ သုံးတာလဲ . . . .

သတင်းထောက်က အဖြစ်အပျက် အကြောင်းအရတစ်ခုကို သတင်းတစ်ပုဒ် အဖြစ်ရေးတိုင်းမှာ နောက်ဆုံးအပိုဒ်မှာတော့ Sow What ? ဆိုတာကို ထည့်ပေးရပါတယ်။

ဥပမာ မြန်မာပြည်မှာ ဘလော့ဂ်တွေကို ဘမ်းကုန်ပြီ၊ ဘယ်နေ့ ဘယ်အချိန်က ဘယ်သူ့ဘလော့ဂ်ကနေ စဘမ်းလိုက်တာ၊ ဘာအကြောင်းကြေင့် ဘမ်းလိုက်တာ အစရှိသဖြင့် ရေးပါလိမ့်မယ်။ သင်တာ စာဖတ်သူဆိုရင် ဘလော့ဂ်တွေကို ဘမ်းလိုက်တော့ ဘာဖြစ်လဲ ဆိုတဲ့ အဖြစ်အပျက်ကို သိချင်ပါလိမ့်မယ်။ အဲလို အဖြစ်ပျက်တစ်ခု ဖြစ်သွားတော့ ဘာဖြစ်လဲလို့ မေးတာကို သတင်းလောက မှာတော့ So What? ဆိုပြီး မကြာခဏ သုံးလေ့ရှိပါတယ်။

အခုလည်း ဘလော့ဂ်တွေ ဘမ်းတော့ ဘာဖြစ်မလဲ ဆိုတာကို ပြောပြချင်ပါတယ်။

ဘလော့ဂ်ကာ ဒေါ့ကွန်းကို ဘမ်းလိုက်လို့ ဘလော့ဂ် ရေးသူတွေ ရပ်သွားကြမယ်လို့ ထင်ပါသလား။ မထင်လိုက်ပါနဲ့ မရရတဲ့ နည်းနဲ့ ရေးမှာပါ။ မေးတူ ဘလော့ဂ် သုံးမယ်။ ကိုယ်သတ်မှတ် ပေးထားတဲ့ အီးမေးလေးကို ပို့လိုက်တာနဲ့ ပုံတွေ စာတွေ ဘလော့ဂ် ပေါ်တက်သွားတဲ့နည်းပေါ့။

နောက်ဖရီးဒန်း သုံးမယ်။ ကျော်ခွရေးမယ်။ ဘယ်လို ဖြစ်ဖြစ် ရေးချင်တဲ့လူကတော့ မဖြစ်ဖြစ်တဲ့ နည်းနဲ့ ရေးကိုရေးကြပါလိမ့်မယ်။ သို့သော် ဘာဖြစ်လာမလဲ . . . .

ကျော်နေရတဲ့အတွက် စောင့်ရတယ်။ စောင့်ရလို့ အချိန်ကုန်တယ်။ လူငယ်တစ်ယောက်ဟာ ပို့တစ်ကို ၁၅ မိနစ်နဲ့တင်လို့ ပြီးရမဲ့ အစား လေးဆယ့် ငါမိနစ်လောက် အချိန်ပိုကြာသွားမယ်။ အဲလို အပိုကုန်သွားတဲ့ အချိန် ဘလော့ဂ်ရေးတဲ့ လူငယ် တစ်ယောက်ကို နာရီဝက် အပိုကုန်သွားတယ် ထားလိုက်ပါ၊ လူဆယ်ယောက်ရေးရင် နိုင်ငံတော်ရဲ့ လူငယ်စွမ်းအား မိနစ်သုံးရာစာ မလိုအပ်ပဲ အချိန်ပိုကုန်သွားပြီ။ တနေ့တစ်နေ့ မြန်မာနိုင်ငံကနေ ဘလော့ဂ်ရေးနေကြတဲ့ လူအယောက် တစ်ရာနဲ့ အထက်ရှိပါတယ်။ ဒါကြောင့် နေ့တိုင်း နေ့တိုင်းမှာ နိုင်ငံတော်ရဲ့ လူစွမ်းအား မိနစ်သုံးထောင်နဲ့ အထက်ဟာ မလိုအပ်ပဲ အလဟသ အချိန်ပိုကုန်ပါလိမ့်မယ်။

အရင်က အီးမေးတွေကို ဘမ်းတယ်။ အိးမေးတွေ ဘမ်းလိုက်လို့ လူတွေ အီးမေးတေကို မကြည့်ပဲ မသုံးပဲနေကြသလား။ မနေပါဘူး မရရတဲ့နည်းနဲ့ သုံကြတာပဲလေ။ အဲဒီမှာ ပရောက်စီတွေ ဖရီးဒန်းတွေ ပရောက်စီ ဖိုင်ရာတွေ အစရှိတဲ့ ဆော့ဝဲတွေ သုံးပြီး ကြည့်ကြတာပဲ။ ပို့ကြတာပဲ။ အဲဒီတော့ ဘာဖြစ်လာဆိုတော့ ဖရီးဒန်းတို့လို ဆော့ဝဲတွေရဲ့ ဆွဲအားကြောင့် အင်တာနက် ကော်နက်ရှင်တွေ ကျလာတယ်။ နှေးလာတယ်။

ပိတ်ခြင်းရဲ့ ရည်ရွယ်ချက်က မသုံးအောင်လို့ ပိတ်တာ။ ဒါပေမယ့် မသုံးအောင် ပိတ်တာနဲ့ မတူပဲ အင်တာနက် ကော်နက်ရှင်ကို နှေးအောင်လုပ်လိုက်သလို ဖြစ်နေတယ်။

ဒါကြောင့် ဘယ်လိုပဲ ပိတ်သည်ဖြစ်ပါစေ၊ အင်တာနက်ကော်နက်ရှင် နှေးသွားတာရင် နိုင်ငံတော်လူသား အရင်းမြစ်ရဲ့ အချိန်တွေ ပိုကုန်သွားတာရယ်ကလွဲလို့ ဘာမှ ထူးခြားလာမှာ မဟုတ်ပါဘူး

Read More...

လော်စပီကာ နဲ့ ဘလော့ဂ်

ဘလော့ဂ်ဆိုတာ ဘာလဲ . . . .

ကျွန်တော် အပြင်မှာတွေ့တိုင်း မကြာခဏ ပြောဖြစ်ပါတယ်။ တချို့လူတွေကိုလဲ ရှင်းပြဖြစ်ပါတယ်။ ဘလော့ဂ်ဆိုတာ လော်စပီကာလိုပဲ . . . .

လော်စပီကာဆိုတာ သာမာန် ပြောနေကြ အသံထက် ပိုပြီး ကျယ်အောင် စွမ်းဆောင်ပေးနိုင်တယ်။ ဘလော့ဂ် ဆိုတာလဲ ဒီသဘောတရားပါပဲ။

အရင်က ကျွန်တော်ကဗျာရေးတယ်။ ကျွန်တော်ရေးတဲ့ ကဗျာဟာ စာအုပ်ထဲမှာ နေလိမ့်မယ်။ သများတွေကို ဖတ်စေချင်လွန်းလို့ လိုက်ပြတယ်ထား။ အများဆုံး လိုက်ပြနိုင်လှရင် လူဆယ်ယောက်ပေါ့ ဒီထက်မပိုဘူး။ ဒါပေမယ့် အဲကဗျာကိုပဲ စာအုပ်ထဲမှာ မရေးဘူး။ ဘလော့ဂ်ပေါ်မှာရေးတယ် တစ်နေ့တစ်နေ့ကို လူရာနဲ့ချီပြီး ကျွန်တော်လိုက်ပြ နိုင်စွမ်းရှိလာတယ်။

လော်စပီကာ ဆိုတာကတော့ဗျာ ... .
အဲဒီလော်စပီကာကို လူတစ်ယောက် လက်ထဲကို ထည့်လိုက်တယ်ဆိုပါစို့၊ အဲဒီလူဟာ အဆိုတော် ဖြစ်ရင် လော်စပီကာကို သုံးပြီး သီချင်းဆိုလိမ့်မယ်၊ ဘုန်းကြီးဖြစ်ရင် တရားဟောလိမ့်မယ်၊ ကျောင်းဆရာဆိုရင် သင်ထောက်ကူပြု ပစ္စည်းတစ်ခုအဖြစ် အသုံးချလိမ့်မယ်၊ ထီသယ်ကတော့ ထီရောင်းလိမ့်မယ်၊ ဈေးသည်ကတော့ ဈေးသည်ကတော့ ဈေးရောင်းလိမ့်မယ်၊ အရက်သမား လက်ထဲရောက်သွားရင်း မူးတဲ့ အခါမှာ ရပ်ကွက်ထဲလှည့်ပြီး အော်ဆဲကောင်း အော်ဆဲလိမ့်မယ်။

အဲလို အရက်သမားက လော်စပီကာကိုသုံပြီး အော်ဆဲတာနဲ့ လော်စပီကာသုံးတဲ့ လူတိုင်းကို လော်စပီကာ မသုံးရဆိုတဲ့ အမိန့်ထုတ်ပြန်လိုက်တော့မှာလား။

ဘလော့ဂ်ဆိုတာလဲ ဒီသဘောတရားပါပဲ . . . .

Read More...

Saturday, September 22, 2007

အရှုပ်ထုပ်များနှင့်ကျွန်တော်

ဒီရက်ပိုင်းမှာ အလုပ်တွေရှုပ်တာလား အရှုပ်တွေလုပ်တာလား အရှုပ်တွေရောက်လာတာလား ကျွန်တော်ကပဲ အရှုပ်တွေ ဆီသွားနေတာလား တော့မသိဘူး၊ ဘယ်လို ဖြစ်ဖြစ် ကျွန်တော် တော်တော်ရှုပ်နေပါတယ်။

ခြေထောက်တွေလဲ နာနေပါပြီ။ မိုးတွေမိတာလဲ နေ့တိုင်းပါပဲ။ ကျီးလိုလို ကြောင်လိုလိုနဲ့ ဟိုဘက်လှည့်ကြည့် ဒီဘာက်လှည့်ကြည့် လုပ်နေလို့လားမသိဘူး ဇက်တွေလည်း ညှောင်းလှပေါ့။

အဲလိုအဲလို ရှုပ်နေတဲ့ ကျွန်တော် ဘလော့ဂ် ရေးဖို့မပြောနဲ့ ကိုယ့်စီဘောက်ကိုလာတဲ့ မိတ်ဆွေတွေကိုတောင် စကားပြန်မပြောဖြစ်ပါဘူး။ အဲလို ကိုယ့်စီဘောက်မှာ တောင်စကားမပြော ဖြစ်တဲ့ ကျွန်တော်ဟာ မနိုင်းနိုင်းတို့ ကိုညီလင်းဆက်တို့ မြို့စားကြီးတို့ အပါဝင် ကျွန်တော်ကြည့် နေကြ ဘလော့ဂ်တွေတောင် မဖွင့်ဖြစ်ပါဘူး။

ဒါကြောင့် ဘယ်သူ့ စီဘောက်မှာမှလည်း ဒီရက်ပိုင်းအတွင်းမှာ သွားမအော်ဖြစ်ခဲ့ပါဘူး။ သို့သော် အချို့သော စီဘောက်တွေမှာ ကျွန်တော့် အိုင်ပီနဲ့ ပေါက်တကရ ရေးထားလို့ ကျွန်တော်လား ဆိုပြီး လာမေးတဲ့လူတွေ ရှိကြပါတယ်။ တချို့ ကတော့ အားနာလို့လား အိုင်ပီကို မကြည့်မိလို့လား မသိဘူး လာမမေးကြဘူး။ သေချာတာတော့ ကျွန်တော်မဟုတ်ပါ။

ဘာဖြစ်လို့လဲ ဆိုတော့ ကျွန်တော်ရှုပ်နေသောကြောင့် ဖြစ်ပါသည်။

Read More...

Friday, September 21, 2007

မေးတူဘလော့ဂ်ကနေ ပုံတွေတင်လို့ရပါပြီ

မေးတူ ဘလော့ဂ်ကနေ ပုံတွေတင်လို့ရ ပါပြီ။ အရင်က မရသေးပါဘူး။ အခုမှ ရတာပါ။ ကိုယ်တွေ့ တွေ့ရှိပြီးဖြစ် ကြောင်း ပါ

Read More...

Tuesday, September 18, 2007

ရှက်စရာမဟုတ်သော ရှက်ခြင်းများ

ကျွန်တော်သည် ငယ်စဉ်ကတည်း ကဗျာများရေးသည်။ သို့ရာတွင် ကျွန်တော်ရေး သောကဗျာများကို မည်သူ့ကိုမျှ အပြင်မှာ ပေးမဖတ်ပါ။ ကျွန်တော်တို့ ထက် အတန်းကြီးသော ကျောင်းသားများ ဦးစီးထုတ်ဝေသည့် ကဗျာစာအုပ် များတွင်တော့ ပါဝင်ရေးသား လေ့ရှိသည်။ ထိုသို့ ကဗျာစာအုပ်တွင် ပါလာပြီးချိန်တွင် ကဗျာနှင့် စပ်လျှင်း၍ လာရောက် မေးမြန်ပါက ကျွန်တော် ဖြေလေ့မရှိပါ။ ကိုယ်ရေးထားသည့် ကဗျာ အကြောင်း ပြောရမည်ကို ရှက်သောကြောင့် ဖြစ်သည်။

ကျွန်တော် အထက်တန်းကျောင်းသာ ဘ၀က ကဗျာပြိုင်ပွဲ တစ်ခုတွင် ဆုရဖူးပါသည်။ ရွာသို့ အလည်သွားသော အခါ အဒေါ်ဖြစ်သူက ကျွန်တော် ဆုရခဲ့သော ကဗျာကို ရွတ်ခိုင်းသည်။ ကျွန်တော် မေ့သွားပြီဟု ပြောလိုက်သည်။ အမှန်တော့ မမေ့ပါ ဆိုပြရမှာ ရှက်သောကြောင့် ထိုကဲ့သို့ ပြောလိုက်ခြင်းသာ ဖြစ်သည်။

ကျွန်တော် ရန်ကုန်ရောက်ခါစက ၀တ္ထုတိုတစ်ပုဒ်နှင့် ကဗျာတစ်ပုဒ်ကို မဂ္ဂဇင်းတိုက်သို့ ပို့ဖူးသည်။ မဂ္ဂဇင်းတိုက်နှင့် ကျွန်တော်နေသည် နေရာမှာ နီးသောလည်း ကိုယ်တိုင်သွားပေးမည်ကို ရှက်သောကြောင့် ပိုဝေးသော စာတိုက်ကြီးသို့ သွားကာ စာတိုက်မှ ထည့်လိုက်သည်။

ကျွန်တော် ဘလော့ဂ်တွင် ရေးသော အချစ်နှင့် သက်ဆိုင်သော ၀တ္ထုတိုလေးများ နှင့် ကဗျာများသည် တချို့သည် ဖြစ်ရပ်မှန် များဖြစ်ကြပြီး တချို့သည် စိတ်ကူးသက်သက် မျှသာဖြစ်သည်။ အချို့သည် ဖြစ်ရပ်မှန်နှင့် စိတ်ကူများကို ပေါင်းစပ်ထားခြင်း ဖြစ်သည်။ မည်သို့ ပင်ဖြစ်စေ အချစ်နှင့် ပတ်သက်သော အကြောင်းအရာများကို ရေးထားသည့် စာများကို အပြင်တွင် မည်သူ့ကိုမျှ ပြသလေ့မရှိပါ။ အဓိက အကြောင်းရင်းမှာ ရှက်သောကြောင့် ဖြစ်သည်။

ထိုအတူ ကျွန်တော် ဘလော့ဂ် ရေးပြီးချိန်မှ လူဘယ်နှစ်ယောက် ဖတ်ဖတ် ကျွန်တော် မမြင်ရ၍လား မသိ ရှက်စရာ ကောင်းသည်ဟု မခံစားမိပါ။ သို့ရာတွင်ရေး နေစဉ်တွင် နောက်မှ လူတစ်ယောက် ထိုင်ကြည့်လျှင် ကျွန်တော်မရေး တတ်ပါ။

ဘလော့ဂ်စရေး စဉ်က ကျွန်တော့်ကို ဘလော့ဂ် ဖတ်သူများ ဘယ်သူမျှ အပြင်မှ မသိကြသောကြောင့် တော်တော်လေး အဆင်ပြေပါသည်။ သို့ရာတွင် ယခုအခါ၌ ဘလော့ဂ် ကိုဖတ်သူများနှင့် အပြင်တွင် သိသွားကြပြီဖြစ်သလို အပြင်မှာ သိသူများလည်း ကျွန်တော့်ဘလော့ဂ်ကို လာလာဖတ်နေကြပြီ ဖြစ်သည်။

ထိုအခါ ကျွန်တော်အဓိက ရင်ဆိုင်ရသော ပြသနာမှာ ဘယ်ဇာတ်လမ်းထဲက ကောင်မလေးက ဘယ်သူလဲ။ အဲတာ အကယ်လား။ ဘယ်တုန်းက ဖြစ်ခဲ့တာလဲ ။ နောက်ထပ်မတွေ့ ဖြစ်ကြတော့ ဘူးလား အစရှိသည့် မေးခွန်းများကို မေးခံရသည်။ သူငယ်ချင်းလို ရင်းနှီးပြီး အဆင့်တူ လူတစ်ယောက်က မေးလျှင် သိပ်ပြသနာ မဟုတ်သော်လည်း ကိုယ့်ထက် ၀ါကြီးသောလူများ မိမိ ရိုသေရသူများက ထိုမေးခွန်း များ အမေးခံရသည့် အခါတွင် ကျွန်တော်အဖို့ အတော်နေရ ကြတ်ပါသည်။ ထိုသို့ မေးသည့်အခါတွင် ရှောင်ထွက်လို့ ရပါက တောင်လို မြောက်လိုနှင့် ရှောင်ထွက် သွားလိုက်သည်။ တခါတရံတွင် တော့လည်း ရှက်ရှက်နှင့် ပင်ဖြေရသည်။

တကယ်တန်း ပြန်စဉ်းစားကြည့် ယခုကိစ္စသည် ရှက်စရာ မဟုတ်ပါ။ သို့ရာတွင် ကျွန်တော်ရှက်ပါသည်။

Read More...

There was an error in this gadget