Art is My Life: ၂၀၀၇ ကိုစာရင်းချုပ်ခြင်း

Sunday, December 30, 2007

၂၀၀၇ ကိုစာရင်းချုပ်ခြင်း

ရုပ်သဘော ပြောင်းလဲခြင်းများ

အရင်က ကျွန်တော့်နာမည်ကို Google မှာရိုက်ရှာရင် မတွေ့ဘူး။ ၂၀၀၇ ရောက်တော့ ကျွန်တော့်နာမည်ကို မြန်မာလိုရော အင်္ဂလိပ်လိုပါ ရိုက်ရှာလို့ တွေ့နိုင်ပြီ။

အရင်က ကျွန်တော် အခုလောက် မ၀ဘူး။ ၂၀၀၇မှာ တော်တော်ဝလာတယ်။



စိတ်သဘော ပြောင်းလဲခြင်းများ

ပြတ်သွားတဲ့ ရည်းစားဟောင်းတွေရဲ့ ဓာတ်ပုံတွေကို ထိုင်ကြည့်ပြီး အလွမ်းသယ်တဲ့ အကျင့်တွေ မရှိတော့ဘူး။

မနက်ကို နေမြင့်အောင် အိပ်တဲ့ အကျင့်တွေ မရှိတော့ဘူး။




တိုးပွားလာတဲ့ အသိတရားတွေ

ဘ၀မှာ စိတ်ကူးကောင်းရုံနဲ့ လက်တွေ့ ဖြစ်မလာဘူး။ လက်တွေ့ဖြစ်ဖို့ လက်တွေ့လုပ်ရမယ်။

လူငယ်အများစုဟာသူဌေးဖြစ်အောင် လုပ်ဖို့ထက် သူဌေးပုံ ပေါက်အောင် ပိုလုပ်နေကြတယ်။

မိန်းကလေး အများစုဟာ Ready Made တွေပဲ ရှာယူတတ် ကြတယ်ဆိုရင်။ မိန်းကလေးတွေနောက် တကောက်ကောက် လိုက်မနေနဲ့ ပင်ပန်းတယ်။ ကိုယ့်ကိုယ်ကို Ready Made ဖြစ်အောင်လုပ်။ မိန်းကလေးတွေက လာရှာလိမ့်မယ်။

ကိုယ်ကလူလေ။ လမ်းဘေးက ခွေးတစ်ကောင်နဲ့ ဘယ်တော့မှ တုပြီးမကိုက်နဲ့။

တကယ်တော့ အချစ်ဆိုတာ ကျွဲစီးရသလိုပါပဲ။ ပိုင်ရင်တော့ မဆိုးဘူး။ မပိုင်ဘဲ မရဲဘဲ သွားမစီးနဲ့ ကျွဲခတ်ခြင်းကို ခံရလိမ့်မယ်။

တကယ်တော့ ဘ၀ဆိုတာ မောင်ပေါက်ရဲ့ ကြက်ဥလိုပဲ။ တစ်ခါတလေ ကျကွဲတတ်တယ်။

ပုံပြင်ဆိုတာ နားထောင်လို့ ကောင်းပေမယ့်။ တကယ်မဟုတ်မှန်း သိတဲ့အခါမှာ ခါးသက်သက် အတွေ့အကြုံတွေကို ပေးတယ်။

စေတနာ ကောင်းလွန်းလို့ မိုးရွာပေးတာကို တချို့က သူ့ကို ရေနစ်အောင် လုပ်မလားဆိုတဲ့ သံသယ စိတ်နဲ့ ကြည့်တတ်တယ်။ ဒါကြောင့် စေတနာ မိုးတွေကို လိုတာထက် ပိုမရွာနဲ့။

ရည်မှန်းချက်မရှိပဲ မျှောချင်ရာမျှော ဆိုပြီး သွားနေလို့ကတော့ ရတာနာ ကျွန်းကို ဆိုက်ဖို့ထက် ကျောက်ဆောင်နဲ့ ၀င်တိုက်ပြီး ဘ၀ဆိုတဲ့ ပင်လယ်ပြင်မှာ နစ်မြုတ်ဖို့ ရာခိုင်နှုန်းပိုများတယ်။

လူတစ်ယောက်ရဲ့ အောင်မြင်ကို အဓိက ဖျက်ဆီးတဲ့သူက ရန်သူလဲ မဟုတ်ဘူး။ လူစိမ်းလဲ မဟုတ်ဘူး။ ကံလဲ မဟုတ်ဘူး။ အဲဒီလူရဲ့ ပျင်းတတ်တဲ့ အကျင့်။

မိုးဘယ်လောက်ပဲ မှောင်နေပါစေ အချိန်တန်ရင် မိုးလင်းလိမ့်မယ်။ ဒါပေမယ့် မိုးမှောင်တဲ့ညမှာ ဖြစ်လေ့ဖြစ်ထရှိတဲ့ မိုးချုံးသံတွေ လျှပ်လက်တာတွေနဲ့ မိုးကြိုးပစ်သံတွေကို သတ္တိရှိရှိ ရင်ဆိုင်ရဲ ဖို့တော့လိုတယ်။

လူတစ်ယောက်ရဲ့ ဘ၀ ပြောင်းလဲဖို့ဆိုရင် အရင်ဆုံး အတွေးအခေါ်နဲ့ ခံယူချက်ကို ပြောင်းလဲပစ်ရမယ်။

အရေးအကြီးဆုံးက ကိုယ့်သိထားတဲ့ အသိတရားတွေကို ဘယ်တော့မှ မမေ့စေနဲ့



၂၀၀၈ ကိုပြောချင်တဲ့စကားတချို့

ရိုက်မယ် ရေးမယ်

သဘောကောင်းတယ်၊ အောက်ကျို့တတ်တယ်။ ဒါပေမယ့် တခါတလေ မာနကြီးတယ်။

ကိုယ့်အပေါ်ကို ဘယ်လောက်ပဲ မကောင်းတဲ့လူ ဖြစ်ပါစေ။ သီးမခံနိုင်ရင် ရှောင်ထွက်သွားမယ်။ ဘယ်တော့မှ လက်စားမချေဘူး။



1 comment:

Sean OK, Sai said...

It is such a transformer! 1 Year ago or so, you told me you are doing a blog and I glanced once and nothing more.

Today! you are Pro! good writes..

Awaiting to see you in Singapore!

Bro.