Art is My Life: 2008

Tuesday, December 30, 2008

ကြည့်ဖြစ်အောင်ကြည့်ပါ



ဇာတ်လမ်းအကျဉ်း

ဇာတ်လမ်းလေးကတော့ ရိုးရှင်းပါတယ်။ အသက်ငါးနှစ်အရွယ်မှာ သာနာ့ဘောင်ကို သူဝင်ခဲ့ရတယ်။ အရွယ်ရောက်လာတော့ သာသနာမှာ မပျော်ပိုက်ဘူး။ ဒါကြောင့် လူထွက်ပြီး အိမ်ထောင်ပြုတယ်။ နောက်ဆုံးမှာ အိမ်ထောင်ရေးကို စိတ်ကုန်သွားပြီး ဇနီးချောလေးနဲ့ ကလေးတစ်ယောက်ကို ထားခဲ့ပြီး သာသနာ့ဘောင်ကို ပြန်ဝင်သွားတယ်။ ဇာတ်လမ်းနာမည်က SAMSARA တဲ့။

တာရှီလို့ အမည်ရတဲ့ လားမား တစ်ပါးဟာ အသက်ငါးနှစ်အရွယ်ကတည်းက သာ့သနာ့ဘောင်ကို ၀င်လာပြီး အနှစ်နှစ်ဆယ်လုံးလုံး ဗုဒ္ဓစာပေတွေကို လေ့လာသင်ယူခဲ့ပါတယ်။ ပြီးတော့ လူသူမရှိတဲ့ လှိုင်ဂူကြီးတစ်ခု ထဲမှာ သုံးနှစ်သုံးလနဲ့သုံးရက်တိတိ ဂူပိတ်တရားကျင့်နိုင်ခဲ့တာကြောင့် လားမာခေါင်းဆောင်ပေးတဲ့ အထွဋ်အမြတ်ဆုံးဘွဲ့ကို ရရှိခဲ့ပါတယ်။ ဒါပေမယ့် သူမပျော်ပိုက်ဘူး ဒါကြောင့်သူ လူထွက်ခဲ့တယ်။
အခုလို သုံးနှစ်လုံးလုံး ဂူပိတ်တရားကျင့်ခဲ့ပြီးမှ ဘာကြောင့်လူထွက်ရလည်း ဆိုတာတာ သူ့မှာ ခိုင်လုံတဲ့အကြောင်းပြချက် ရှိနေပါတယ်။ အဲဒီအကြောင်းပြချက်ကို ပေါ်လွင်အောင် စိတ်ဝင်စားဖွယ်ရိုက်ကူးထားပါတယ်။

ပြီးတော့သူလူထွက်တယ်။ ယေက္ခမရဲ့ ယာလုပ်ငန်းကို ၀င်လုပ်တယ်။ ယာလုပ်ငန်းမှာလည်း သူအောင်မြင်ခဲ့သလို သူ့လက်ထက်မှာ စီးပွားလည်းပိုပြီး ဖြစ်ထွန်းခဲ့တယ်။ သူ့မိန်းမကိုလည်း သူဟာတော်တော်လေး ချစ်မြတ်နိုးပြီး ကလေးတစ်ယောက်လည်း မွေးဖွားခဲ့တယ်။ သူက သူ့မိန်းမကိုချစ်တယ် ဒါပေမယ့် သူဟာ ယာထဲမှာ အလုပ်လာလုပ်တဲ့ ကောင်မလေးတစ်နဲ့ ဖောက်ပြန်ခဲ့တယ်။

မိန်းမနဲ့ ကလေးကို ချစ်လျှက်နဲ့ ဘာကြောင့် အိမ်ထောင်ရေးဖောက်ပြန်လဲ ဆိုတာကို အကြောင်းပြချက် ခိုင်လုံအောင် ရိုက်ကူးထားတာကိုတွေ့ရပါတယ်။

နောက်ဆုံးမှာ မိန်းမရယ် ကလေးရယ် သူပိုင်ဆိုင်တဲ့ ယာခင်းတွေရယ် အားလုံးစွန့်ခွါပြီး သာနာ့ဘောင်ကို ပြန်ဝင်သွားတယ်။ သူ့ကို ဘယ်အရာတွေ သာသနာ့ဘောင်ကို ပြန်ဝင်ဖို့ တိုက်တွန်းခဲ့တာလဲ ဆိုတာကို သိရဖို့ အဲဒီကားလေးကို ကြည့်ဖြစ်အောင်ကြည့်ပါလို့ တိုက်တွန်းလိုက်ပါတယ်။

ကျွန်တော်အမြင်နှင့်သုံးသပ်ချက်
ဒီဇာတ်လမ်းဟာ တိဘက်ဒေသကို အခြေခံပြီး ဂန္ဒာရပတ်ဝန်းကျင်းရှုမျှော်ခင်းတွေပါ ပေါ်လွင်အောင်ရိုက်ကူး ထားတာကြောင့် အပြက ၈၀ ရာခိုင်နှုန်းလောက်ရှိပြီး အပြောက ၂၀ ရာခိုင်နှုန်းလောက်ပဲ ပါဝင်တာကို တွေ့ရပါတယ်။ ရိုက်ကူးရာမှာလည်း မြန်မာကားများမှာလို နေ့ဖြစ်ဖြစ်ညဖြစ်ဖြစ် လူရုပ်တွေ အကုန်လင်းအောင် မီးထိုးပြီး ရိုက်ထားတာမျိုး မဟုတ်ပါဘူး။ လင်းသင့်တဲ့ အချိန် လင်းသင့်နေရာမှာ လင်းပြီး မှောင်သင့်တဲ့အချိန် မှောင်သင့်တဲ့ နေရာမှာ အမှောင်ထားပြီး ရိုက်ကူးထားတာကို တွေ့ရပါတယ်။ အကယ်ဒမီပေးပွဲက စကားကို ငှားပြောရရင်တော့ အလင်းနဲ့အမှောင် အရောင်နဲ့ အရိပ်ကို သူ့နေရာနဲ့သူ သုံးထားတာဖြစ်တဲ့အတွက် ကြည့်ရသူ အဖို့ ပိုပြီး မျက်စိပသာသ ဖြစ်စေပါတယ်။

ပြီးတော့ ဒီဇာတ်ကားကို မြန်မာတွေသာ ရိုက်ရင် သမက်ရောက်လာပြီးမှ စီးပွားတက်တယ် ဆိုတဲ့ အကြောင်းကို ရွာထဲမှာရှိတဲ့ မိန်းမကြီးတွေနဲ့ တကျော်ကျော် အတင်းပြောတဲ့ အခန်းတွေကို ဝေေ၀ဆာဆာ ထည့်ပြီး ရိုက်ကြဦးမှာ မြင်ယောင်မိပါသေးတယ်။ ဒီဇာတ်ကားမှာ အစအဆုံး အတင်းပြောတဲ့ အခန်း တစ်ခန်းမှ မပါဘူး။ (ကြုံလို့ ပြောရဦးမယ်ဆိုရင် ကုလားကား ကြည့်ရင် ကတဲ့အခန်း မပါပဲမနေသလို မြန်ကားကြည့်ရင်လည်း အတင်းပြောတဲ့အခန်းက မပါပဲကို မနေနိုင်ကြပါဘူး။)

အိမ်ထောင်ရေးကို စိတ်ကုန်သွားလို့ အိမ်ကနေ တိတ်တိတ်လေး ထွက်ပြေးခဲ့တယ်။ သင်္ကန်းဝတ်ပြီးတော့ သူဆက်သွားမဲ့ အရှေ့အတည့်တည့်မှာ မိန်းမက မြင်းနဲ့ကြိုပြီး ရောက်နေနှင့်တယ်။ အဲဒီအခန်းလေးကတော့ ဇာတ်ကားတစ်ခုလုံး အမြင့်ဆုံး ဇာတ်ရှိန်ပါပဲ။ အဲဒီနေရာမှာ စကားလုံးတွေ ကြီးကြီးကျယ်ကျယ်တွေ သိပ်သုံးမနေပါဘူး။ ယေကျာင်္းတစ်ယောက်က မိန်းမနဲ့ ကလေးကို စွန့်ပစ်ပြီး သာနာ့ဘောင်ကို ၀င်တော့မယ့်အခါမှာ မိန်းမဖြစ်တဲ့ သူ့ရဲ့ ခံစားချက်ကို၊ ဥပမာလေး တစ်ခုပြောပြီး သူ့ခံစားချက်ကို ထုတ်ဖော်ခဲ့တယ်။ ကျွန်မကတော့ အထီးကျန်တော့မှာပဲ၊ ကျွန်မ၀မ်းနည်းတယ် ကျွန်တော် ခံစားရတယ် အစရှိတာတွေကို ပြောနေဖို့ မလိုပဲ အဲဒီဥပမာလေးနဲ့တင် သူဘယ်လောက် ၀မ်းနည်းရမယ်ဆိုတာကို ပေါ်လွင်သိရှိ ခံစားသွားနိုင်ပါတယ်။

ဆက်ပြောရရင်တော့ အရှည်ကြီးပါပဲ။ ကောင်းတာကတော့ ကြည့်ဖြစ်အောင်ကြည့်လိုက်ကြပါ။ ဒါပေမယ့် အချို့သော အခန်းလေးတွေကတော့ မိသားစုနဲ့ ကြည့်မယ်ဆိုရင် ကျော်ရပါလိမ့်မယ့်လို့ ပြောကြားရင်း ….
သြော်မေ့နေလို့ ဇာတ်ကားကို ၀ယ်မရဘူးဆိုရင် ကျွန်တော့်ဆီမှာ လာယူပါ။ တစ်ခွေ တစ်ထောင်။ အဲဒီတစ်ထောင်ဆိုတာကလည်း ကျွန်တော်ယူထားမှာ မဟုတ်ပါဘူး။ ကျွန်တော့်မိန်းမကို ပေးမှာပါ။ ဟဲဟဲ စတာပါ မိန်းမလည်းမရှိသေးပါဘူး။ ၀ယ်မရရင် ယုဇနပလာ ဒီဗီဒီ တန်းကိုသွားပါ။ မြန်မာပြည်ကို ရောက်သမျှ ခွေအားလုံးနီးပါ ၀ယ်လို့ပါတယ်လို့ ပြောကြားရင်း …………….

Read More...

Monday, December 29, 2008

နေကိုကြယ်ဖြစ်အောင် ရိုက်ကြည့်မယ်

အပေါ်ဆုံးပုံကတော့ ရိုးရိုး ရိုက်ထားတဲ့ပုံ

အောက်က နှစ်ပုံကတော့ နေကိုကြယ်ဖြစ်အောင် ရိုက်ထားတဲ့ပုံ





နေကိုကြယ်ဖြစ်အောင် ဖိုတိုရှော့သုံးစရာမလိုပဲ ကင်မရာနဲ့ ရိုက်လို့ရပါတယ်။ အဲဒီလိုရိုက် ဖို့အတွက် နေရောင်ဟာ အားကောင်းဖို့တော့လိုပါတယ်။ နေရောင်အရမ်းမှိန်လွန်းနေရင် ကြယ်မဖြစ်တော့ပါဘူး။ များသောအားဖြင့်တော့ နေကြီးသက်သက်ကြယ်ဖြစ်အောင်ရိုက်ရုံနဲ့ ဓာတ်ပုံက အနုပညာမြောက်တဲ့ ပုံတစ်ပုံဖြစ်လာမှာ မဟုတ်ပါဘူး။ နေရဲ့ အရှေ့မှာ Subject လို့ခေါ်တဲ့ ကိုယ်ရိုက်ကူးမဲ့ အကြောင်းအရာ တစ်ခုရှိနေဖို့လည်း လိုပါသေးတယ်။

Subject တစ်ခုကို ရိုက်မယ်ဆိုရင် နောက်ခံနေလုံးကြီးက လင်းလွန်းနေတဲ့ အခါမျိုးမှာ ဒီတိုင်းကြီးလင်းနေတာထက် ကြယ်လိုပုံစံမျိုး အလင်းဖြစ်အောင် ရိုက်ကူးကြတာများပါတယ်။

ရိုက်ကူးမဲ့ ကင်မရာဟာ အလင်းတံခါးကို 22 ကျော်တဲ့အထိ ကျဉ်းပေးထားပါ။ Exposure မီတာကိုတော့ နေကိုချိန်ပြီး တိုင်းရမှာဖြစ်ပါတယ်။ အောက်က Subject ကိုတိုင်းထားရင်တော့ အရမ်းလင်းသွားမှာ ဖြစ်တဲ့အတွက် နေဟာကြယ်ဖြစ်လာတော့မှာ မဟုတ်ပါဘူး။ Shutter Speed ကိုတော့ Exposure မီတာပေါ်မှာ မူတည်ပြီး ခါတိုင်းရိုက်ကူးနေကျအတိုင်း ထားရင်ရပါပြီ။ အဲလိုမှ မဟုတ်ဘူးဆိုရင်လည်း အလင်းတံခါးကို 22 အကျော်မှာ ကစားကြည့်ပြီး Shutter Speed ကို အော်တိုထားရိုက်ရင်လည်း အဆင်ပြေပါတယ်။

တစ်ခုရှိတာက နေရောင်ကို ကင်မရာမှန်ဘီလူးအတွင်းထဲကို တိုက်ရိုက်ပေးဝင်ရတာ ဖြစ်တာကြောင့် အခန့်မသင့်ရင်တော့ ကင်မရာ ပျက်စီးသွားနိုင်ပါတယ်။

Read More...

ဗန္ဓုလတံတားပေါ်ကနေ မြင်ရတဲ့ပုံ



Read More...

Tuesday, December 23, 2008

GSM ဖုန်းမှာ Voice Message ပို့လို့ရပြီ

အခု GSM ဖုန်းတွေမှာ Voice Message ပို့လို့ရပါပြီ။ Voice Message ကို 5
နဲ့ တဲ့ဖုန်းတွေကို ပို့မယ်ဆိုရင်တော့ 011 ကို အရှေ့မှာခံရပြီး 2 နဲ့
စတဲ့ဖုန်းတွေမှာတော့ 021 ကိုအရှေ့မှာခံရပါတယ်။ ဥပမာ 0951******
ကိုပို့မယ်ဆိုရင် 01151******* လို့နှိပ်ပြီး ခေါ်လိုက်ရုံပါပဲ။
0920******* အစရှိတဲ့ ဖုန်းတွေကို ပို့မယ်ဆိုရင်တော့ 02120********
လို့နှိပ်ပြီးခေါ်လိုက်ရုံပါပဲ။ အသံသွင်းချိန်ကတော့ စက္ကန့်သုံးဆယ်လောက်ပဲ
ရတာကိုတွေ့ရပါတယ်။

Voice Message ကိုနားထောင်မယ်ဆိုရင်တော့ 155 ကိုခေါ်ပြီး နားထောင်ရပါတယ်။
အဲဒါကြောင့် အသံ Message ကိုနားထောင်တဲ့လူက ပိုက်ဆံကုန် မကုန်လည်း
မသိသလို တစ်ခါပို့ရင် ဘယ်လောက်ကျလဲ ဆိုတာလည်း မသိပါဘူး။ သိချင်ရင်တော့
စုံစမ်းရေးဌာန 100 ကိုနှိပ်ပြီး မေးကြည့်လိုက်ပေါ့။ :P

Read More...

အပေါ်စီးက မြင်ကွင်း

နောင်ချိုက ဘုန်းတော်ကြီးကျောင်းတစ်ကျောင်းမှာ ရိုက်လာတာ



ပဲခူးတိုင်း သနပ်ပင်မြို့နယ် မင်းရွာ

Read More...

ဗန္ဓုလတံတား


ဗန္ဓုလတံတားပေါ်ကို တက်ရိုက်ထားတာပါ။

ဆောင်းနေကလဲ ၀င်တာမြန်ပ တံတားပေါ်တက်နေတုန်းရှိသေးတယ် ဖြုတ်ဆို ၀င်သွားတယ်။ ပုံတောင် သိပ်မရိုက်လိုက်ရဘူး။

Read More...

Monday, December 22, 2008

နောင်ချိုအမှတ်တရ


မက်မန်းသီးပင်ရဲ့ ထွက်ခါစ အရွက်လေးနှစ်ရွက်ပါ




ကလေးပေါက်စတွေ မီးလ

Read More...

တောင်ငူပြန် အမှတ်တရ


Read More...

Saturday, December 13, 2008

ကျားပါးစပ်နုတ်ခမ်းတွင် ဖြတ်လျှောက်သူများ

အဲဒီနေရာကို သွားချင်ရင် အရင်ဆုံးဖြတ်သန်းရာမှာက ကျားပါးစပ်ချောက်ကမ်းပါးကြီးပဲ။ ကွေ့သွားလို့မရဘူး မဖြစ်မနေဖြတ်ရမယ်။ တစ်ချို့ကတော့ ကျားပါးစပ်တွင်းကို မြင်ရုံနဲ့ ကူးလို့မလွတ်နိုင်ပါဘူးဆိုပြီး ပြန်လှည့်သွားကြတယ်။ တချို့ကတော့ အထဲကို ပြုတ်မကျအောင် သတိထားပြီး နုတ်ခမ်းပေါ်က လမ်းလျှောက်သွားကြတယ်။ တစ်ချို့ကတော့ တံတားထိုးပြီး ကျော်သွားကြတယ်။ တစ်ချို့ကတော့ ဘာမှစဉ်းစားမနေဘူး တွေ့တာနဲ့တခါတည်း ဒိုင်ပင်ထိုးချလိုက်တယ်။

အဲဒီကျားပါးစပ်ကို ဖြတ်မိပြီဆိုရင်တော့ နုတ်ခမ်းပေါ်ကနေ သတိထားပြီးပဲ လျှောက်လျှောက် တံတားထိုးပြီးတော့ပဲသွားသွား သတိလက်လွတ်သွားရင် သို့မဟုတ် ကံမကောင်းရင်တော့ ကျားပါးစပ်တွင်းထဲ ပြုတ်ကျသွားတာပဲ။

ကျားပါးစပ်တွင်းထဲသို့ ကျသွားပြီးနောက် ကူးရင်ခတ်ရင်း တစ်ဘက်ကို ရောက်သွားကြသူများရှိသလို ၊ ကျားပါးစပ်တွင်းမှာ မရုန်းထွက်နိုင်ပဲ နစ်မြုတ်သွားကြသူများလည်း ရှိလေရဲ့။

* * * * *


ကျွန်တော်အင်္ဂလိပ် စကားပြော သင်တန်းတစ်ခုကို တက်စဉ်ကဖြစ်သည်။ အင်္ဂလိပ်စကားပြော သင်တန်းဆိုသည့်အတွက် ထုံးစံတိုင်း အတန်းသားအချင်းချင်း အသက် နေရပ် ၀ါသနာ အစရှိတို့ကို အပြန်အလှန်မေးကြ ဖြေကြရသည်။ အများစုကတော့ စီးပွားရေးလုပ်ငန်းရှင်ကြီး ဖြစ်ချင်ကြသည်ဟု ဖြေကြပြီး ဆေးကျောင်းတက်နေသူများက ဆရာဝန်၊ ကွန်ပျူတက္ကသိုလ်ကျောင်းသားများက ကွန်ပျူတာ ပညာရှင် အစရှိသဖြင့် ဖြေကြသည်ကိုတွေ့ရသည်။ ထိုထဲမှာ မိန်းကလေး တစ်ယောက်ကတော့ ရုပ်ရှင်မင်းသမီး ဖြစ်လိုသည်ဟု ဆိုသည်။

ကျွန်တော်ကလည်း ၀ါသနာပါသူ ဖြစ်တာကြောင့် နောက်ရက်များတွင် သူနဲ့ကျွန်တော် ရုပ်ရှင်ဇာတ်ကားများအကြောင်း မြန်မာကားများ မကောင်းကြောင်း ကိုးရီးကားများသည် အလွန်ရှည်လွန်းကြောင်း အစရှိသဖြင့် တစ်နေ့တစ်မျိုးပြောဖြစ်ကြသည်။ ဒီလိုနဲ့ သူနဲ့ကျွန်တော် တော်တော် ရင်းရင်းနှီးနှီးခင်သွားသည်။ ခင်သွာတော့မှ သူ့အကြောင်းကို သိရသည်။ သူက ဆယ်တန်းအောင်ကတည်းက မော်ဒယ်သင်တန်းတွေတက်ပြီး မော်ဒယ်လည်းလျှောက်ခဲ့ဖူးသည်။ ဗီစီဒီ နှစ်ပုဒ်သုံးပုဒ်လောက်လဲ ရိုက်ခဲ့ဖူးသည်။ မဂ္ဂဇင်း စာစောင်အချို့မှာလည်း ပါခဲ့ဖူးသည်။ သို့သော်ယခုအခါတွင် အိမ်က ခွင့်မပြုတော့သည့်အတွက် ထိုအလုပ်အားလုံးကို ရပ်နားလိုက်ရသည်ဟု ဆိုသည်။

အစပိုင်းကတော့ ခွင့်ပြုပြီး နောက်ပိုင်းကျတော့ ဘာဖြစ်လို့ ခွင့်မပြုတာလည်းလို့ သူ့ကို မေးကြည့်တော့
“ အစပိုင်းတုန်းကတော့ အမေက ငါ့နောက်ကို တောက်လျှောက် လိုက်နိုင်တယ်လေ။ နောက်ပိုင်းကျတော့ အမေလည်း ကျမ်းမာရေးသိပ်မကောင်းတော့ မလိုက်နိုင်တော့ဘူး၊ အဲဒါကြောင့် ဆက်မလုပ်ဖြစ်တော့တာ” ဟုသူက ဆက်ပြောသည်။

သူက ရုပ်ရည်းလည်းရှိသည်။ သရုပ်ဆောင်ထားတာတွေကလည်း သွက်သွက်လက်လက်ရှိသည်။ ဒီအလုပ်ကို သူဆက်လုပ်ပါက အောင်မြင်မည်ဟု ထင်မိသည်။ ထို့ကြောင့် ကျွန်တော်က
နင်ကလဲ အမေ မလိုက်ပေးတော့လည်း ဘာဖြစ်လဲဟ ကလေးမှ မဟုတ်တာ အဆက်အသွယ်လည်း ရနေပြီပဲ ဆက်လုပ်ပေါ့ ဟု ကျွန်တော်က ပြောလိုက်မိသည်။ ထိုအခါတွင် သူမက …

အေးငါလည်း အရင်ကတော့ အဲလိုပါပဲ အမေမလိုက်နိုင်လည်း ငါဆက်လုပ်မယ်ဆိုပြီး အမေကိုပြောတယ်။ အဲဒီတော့ အမေက ဘာပြောလဲသိလား

မသိဘူးလေ

ငါ့သမီး ယေကျာင်္းကောင်းကောင်းမရပဲ နေလိမ့်မယ်တဲ့

သူအမေက အဲလိုပြောသည့် စကားကို သေချာစဉ်းစားကြည့်ပြီး ၀ါသနာပါလျှက် ဆက်မလုပ်တော့ဖို့ ဆုံးဖြတ်လိုက်သည်ဟုဆိုသည်။ သူကတော့ ကျားပါးစပ် ချောက်ကို ကြောက်လို့ နောက်ပြန်လှည့်ခဲ့သူ။

* * * * *
အကြောင်းအရင်းတွေ တိုက်ဆိုင်လို့ ကျွန်တော် ရုပ်ရှင်နဲ့ ဗီဒီယို လောကထဲတွင် ၀င်တိုးတော့ ၀ါသနာတူ သူငယ်ချင်းများရလာသည်။ ၀ါသနာတူ သူငယ်ချင်းများနှင့် သင်တန်းတက်လိုက် ဇာတ်လမ်းတိုလေးတွေရိုက်ကြည့်လိုက်နှင့် တော်တော်လေး တွဲဖြစ်ကြသည်။ နောက်တော့ ကျွန်တော်နယ်ပြန်တာနှင့် နာဂစ်ဖြစ်သည်နှင့်တို့ကြောင့် သုံးလေးလလောက် ကျွန်တော်သူတို့နှင့် အဆက်အသွယ်ပြတ်သွားသည်။

တစ်ရက်တွင် သူငယ်ချင်းများထဲမှ မိန်းကလေးတစ်ယောက်နှင့် ကျွန်တော်လမ်းမှာ မထင်မှတ်ပဲ ဆုံမိသည်။ ကျွန်တော်က နင်ဇာတ်ကားတွေ ဘာတွေတောင်ရိုက်နေပြီဆိုဟု မေးတော့။ သူက အေးဟုတ်တယ်ဟု ဖြေသော်လည်း သူ့အသံမှာ သိပ်အားမရှိလှ။ ဘယ်ကားမှာ ဘယ်သူနဲ့ရိုက်လဲ ဘာလည်း အဲဒီခွေထွက်နေပြီလား အစရှိသဖြင့် ကျွန်တော်က ဆက်မေးတော့ မထွက်သေးပါဘူးဟာဟုသာ ဖြေသည်။ နောက်တော့ သူလည်း သွားစရာရှိသည် ကျွန်တော်လည်း သွားစရာရှိသည်မို့ စကားအကြာကြီး သိပ်မပြောဖြစ်ကြပဲ နောက်မှ အေးဆေးတွေ့ကြသေးတာပေါ့ဟု သာပြောပြီး လမ်းခွဲခဲ့လိုက်ကြသည်။

နောက်ထပ်ကျွန်တော် သူနဲ့ထပ်တွေ့တော့ ထမင်စားရင်း စကားတော်တော်ကြာကြာ ပြောဖြစ်ကြသည်။ ကျွန်တော်လည်း သူပြောပြတော့မှတော့မှ ကိုယ်အလုပ်လုပ်ရမည့် လောကထဲက အတွင်းရေးများအကြောင်း တော်တော်စုံစုံလင်လင် သိလိုက်ရသည်။

အဲဒီလူကြီးက အသက်ကြီးပြီး မျက်မှန်တပ်ထားတယ်ဆိုတယ် ငါ့ခြေသလုံးက အမာရွတ်ကိုတောင်မြင်တယ် မြင်ရင်လည်း အသာအေးအေးမနေဘူး အဲဒီအမာရွတ်က ဘာဖြစ်ထားတာလဲလို့ လာမေးသေးတယ်။

ဟုအစချီပြီး ကျွန်တော်တို့နှင့် မတွေ့ဖြစ်သည့် သုံးလေးလအတွင်းမှာ သူတွေ့ကြုံခဲ့ရသည်များကို ပြန်ပြောပြသည်။ နောက်ဆုံးနိဂုံးကတော့ သူ ဒါရိုက်တာတစ်ယောက်နဲ့ ရည်းစားဖြစ်နေပြီဟု ဆိုသည်။ ထိုဒါရိုက်တာ အမည်ကို မေးကြည့်သောအခါ ကျွန်တော်ထိုနာမည်ကို တစ်ခါမှ ကြားဖူးခြင်းမရှိ။

“ ဒီလိုပဲပေါ့ဟာ အနေနီးစပ်တော့ ဖြစ်သွားတာပေါ့” ဟု သူက ခပ်အေးအေးပင်ပြန်ပြောသည်။
သူကတော့ ကျားပါးစပ်နုတ်ခမ်းမှ လမ်လျှောက်ရင်း ခြေချော်ကျသွားခဲ့ပြီ။

သူကတော့ ငါ့ကို စိတ်ချမ်းသာအောင်ထားရှားပါတယ်။ သူနဲ့ဇာတ်ကားဆက်ရိုက် ဖို့ကျတော့ သမီးရည်းစားဖြစ်နေတော့ ငါက သူဟောက်ရင် မကြိုက်ဘူးဟ။ သူကလည်း အလုပ်ထဲမှာ ဟောက်သင့်ရင် ဟောက်ရမှာပဲလေ အဲဒီတော့ ရိုက်ရတာ အဆင်မပြေမလို့ မရိုက်ဖြစ်တော့ဘူး။ တခြားဒါရိုက်တာနဲ့ ရိုက်မယ်ဆိုတော့လည်း သူကငါ့ကို စိတ်မချဘူး။ အဲဒီတော့ လောလောဆယ် တော့ငါလည်း ဘာမှ မလုပ်ဖြစ်သေးဘူး။

ရိုက်ကွင်းတွေဘာတွေမှာ လိုက်သွားရင် သူနဲ့ရိုက်ရတဲ့ ဆော်တွေက ငါ့ကိုကြည့်တဲ့အထာကို ငါမကြိုက်ဘူး။ ပြီးတော့ ငါ့ဘဲနဲ့ သူတို့နဲ့ ဆက်ဆံတဲ့ပုံစံကိုလဲ ငါမကြိုက်ဘူး။ အဲဒါကြောင့် နောက်ပိုင်တော့ ရိုက်ကွင်းတွေကို သိပ်မလိုက်ဖြစ်တော့ဘူး တွေ့ချင်ရင်အပြင်မှာပဲတွေ့တယ်။ သူကိုလည်းပြောထားတယ် ရှုပ်ချင်ရင် ငါမျက်စိကွယ်ရာမှာရှုပ် ငါ့အရှေ့တော့လာမရှုပ်နဲ့လုိ့။ ငါက မိန်းကလေးချင်းဆိုတော့ သိပ်မပြောချင်ဘူး တစ်ချို့ဆော်တွေက ဇာတ်လမ်းမှာ ပါရရင်ပြီးရော ဒါရိုက်တာကို ဘာလုပ်ပေးရပေးရ ဆိုပြီး အသေကပ်ကြတာလေ။
သူပြောတဲ့ ကောင်မလေးတွေကတော့ ကျားပါးစပ်ထဲ ဒိုင်ပင်ပစ်ဝင်သူများ ဖြစ်ပေလိမ့်မည်။

* * * * *

တစ်ခါတုန်းက ရေထဲတွင် လက်ပံတုန်းကြီး မျှောပါလာသည်။ ထိုလက်ပံတုန်းကြီးနောက်က ဗေဒါပင်အုပ်ကြီး မျှောလာသည်။ လမ်းတစ်နေရာအရောက် ဗေဒါပင်အုပ်ကြီးက လက်ပံတုန်းကြီးကို လမ်းဖယ်ပေးဖို့ ပြောသည်။ ထိုအခါ လက်ပတ်တုန်းကြီးက ဘာဖြစ်လို့ လမ်းဖယ်ရမှာလဲ ငါကမင်းတို့အရှေ့ကနေ ရောက်နေနှင့်တာပဲဟု ပြောသည်။ ထိုအခါ ဗေဒါအုပ်က မြစ်ထဲမှာ စည်းကမ်းတစ်ခုရှိတယ်။ ပိုရှုပ်တဲ့သူကို ဦးစားပေး လမ်းဖယ်ပေးရမယ်လေ လို့ပြောတော့ လက်ပံတုံးကြီးလည်း လမ်းဖယ်ပေးလိုက်ရသည်။ အဲဒီလိုနဲ့ ဗေဒါအုပ်က မြစ်အလည်မှာ မင်းမှုပြီး စီးမျှောနေတုန်း အနောက်မှာ ဒိုက်ပုံတွေ လိုက်လာသည်။ ဒိုက်ပုံတွေ ဗေဒါအုပ်ကို လမ်းဖယ်ခိုင်းသည်။ ဗေဒါအုပ်ထက် ဒိုက်ပုံက ပိုရှုပ်တာကြောင့် ဗေဒါအုပ်က လမ်းဖယ်ပေးလိုက်ရသည်။ ဒိုက်ပုံက ဗေဒါအုပ်ကို ကျော်တက်ပြီး မြစ်အလည်ခေါင်မှာ ဆက်မျှောနေခဲ့သည်။ တော်တော်လေးကြာတော့ ဒိုက်ပုံအနေက်က သပွတ်အူ လိုက်လာပြီး လမ်းဖယ်ခိုင်းသည်။ ဒိုက်ပုံသည် သပွတ်အူလောက် မရှုပ်နိုင်သဖြင့် မြစ်အတွင်း လမ်းဖယ်လိုက်ရသည်။ ထိုအခါ သပွတ်အူက ကမ္ဘာပေါ်မှာ သူ့ကိုယ်သူ့အရှုပ်ဆုံးဆိုပြီး အပျော်ကြီးပျော်ကာ မြစ်အတွင်းတွင် ဆက်ပြီးမျှောလာခဲ့သည်။ လောကတွင် သူအရှုပ်ဆုံးဖြစ်သည့်အတွက် မြစ်အတွင်းတွင် သူ့ကို လမ်းဖယ်ခိုင်းနိုင်မည့်သူ မရှိတော့ဟု တွေးထင်နေတုန်း သူ့ကို လမ်းဖယ်ခိုင်းသူ ပေါ်လာသည်။
ငါက သပွတ်အူ ကမ္ဘာမှာ အရှုပ်ဆုံးပဲ မင်းက ဘာမို့ ငါ့ကို လမ်းဖယ်ခိုင်းရတာလဲဟု မေးတော့
ငါက ဇာတ်သမားတွေ တင်လာတဲ့လှေ မင့်ထက် ပိုရှုပ်တယ်
အဲဒီတော့ သပွတ်အူလည်း လမ်းဖယ်ပေးလိုက်ရတော့သည်။

ထိုပုံပြင်လေးကို ကျွန်တော် ငယ်စဉ်က ဆရာမသိင်္ခ၏ စာအုပ်တစ်အုပ်(ပုဂံသားမောင်ဘမော် ဖြစ်မည်ထင်ပါသည်) တွင်ဖတ်ဖူးခဲ့ခြင်းဖြစ်သည်။ ပုံပြင်ရဲ့ဆိုလိုရင်းကတော့ ဇာတ်သဘင်အသိုင်းဝိုင်းသည် တော်တော်ရှုပ်ရှုပ်ထွေးထွေး နိုင်သည်ကို ရည်ညွန်လိုခြင်းဖြစ်ပါသည်။

* * * * *

ဒီလောက်ရှုပ်ထွေးရင် ဒီလောက်ဖြစ်နေရင် လူတွေ ဘာဖြစ်လို့ ဒီအလုပ်ကို လုပ်ချင်ကြတာလဲ ဟုမေးစရာရှိပေလိမ့်မည်။ ထိုအလုပ်ကို လုပ်နေသူများသည် မည်သည့်ရွယ်ရည်ချက်ဖြင့် လုပ်နေသည်ဖြစ်ပါစေ အားလုံးကတော့ တစ်ညီတစ်ညွတ်တည်းဖြေကြလိမ့်မည် ၀ါသနာကြောင့်။

လူတိုင်းသည် ကိုယ်သန်ရာသန်ရာ ၀ါသနာကို ရူးသွပ်ကြသည်။ ၀ါသနာကို ဖြစ်အောင်လုပ်ချင်ကြသည်။ ထိုအခါတွင် ရုပ်ရှင်နှင့်ဗီဒီယို အသိုင်းအ၀ိုင်းသို့ ၀င်တိုးရန် ပြင်ဆင်ကြတော့သည်။ ထိုသို့ ၀င်တိုးရာတွင် ယေကျာင်္းလေးများအတွက် ဘ၀ပျက်လောက်အောင် မဖြစ်သော်လည်း မိန်းကများအတွက်မှုက သရေတမျှားမျှားနှင့် လျှာတစ်လစ်တစ်လစ်ထွက်နေသော ကျားပါးစပ်နုတ်ခမ်းကို ဖြတ်လျှောက်ကာသွားကြသည်။ တံတားထိုး သွားမည်ဆိုပါက တံတားဈေးက ကြီးလှသည်။

တံတားထိုးစရာ ငွေကလည်းမရှိ ၀ါသနာကိုလည်း မစွန့်လွတ်နိုင်ဘူးဆိုလျှင်တော့ သရေတမျှားမျှားနှင့် ကျားပါးစပ်ဝကို ဖြတ်လျှောက်ကာ သွားရပေလိမ့်မည်။

Read More...

Thursday, December 11, 2008

GSM ဖုန်တွေမှာ MSG ပို့ဖို့ အခက်ခဲ ဖြစ်နေရင်

အခုရက်ပိုင်းမှာ GSM ဖုန်းတွေမှာ MSG ပို့ရတာ အခက်ခဲဖြစ်နေတာကို တွေ့ရပါတယ်။ တခါတလေ တော်တော်နဲ့ မရောက်ဘူး။ တခါတလေဆို တော်တော်နဲ့ လုံးဝမထွက်ဘူး။

အဲလို ဖြစ်နေရင် ကိုယ်ပို့တဲ့ ဖုန်းနံပါတ်အရှေ့မှာ 09 ခံပြီး ပို့ရင်ရပါပြီ။ ဥပမာ ပြောရရင် များသောအားဖြင့် ဖုန်းမက်ဆေ့ ပို့မယ်ဆိုရင် 50 ****** ဆိုပြီး ပို့ဖြစ်ကြတာများပါတယ်။ အဲလိုပို့မဲ့နေရမှာ အရှေ့က 09 ထည့်လိုက်ရုံပါပဲ။ ကျွမ်းလို့တော့မဟုတ်ဘူး ဆက်သွယ်ရေးကို ဖုန်းဆက်မေးထားတာ အသေးစိတ်သိချင်ရင် MPT 01555476 ကိုဆက်ပြီးမေးလိုက်ပါ။

Read More...

Tuesday, December 02, 2008

နောင်ချိုသွားမယ်

ကဲ မနက်ဖြန် ညနေ လာရှိုးတက်လမ်း ကားနဲ့ နောင်ချိုမြို့ကို သွားပါမယ်။
နောင်ချိုမြို့ပေါ်တော့ မဟုတ်ဘူးဗျာ။ နောင်ချိုကနေ နောက်ထပ် 35 မိုင်လောက်
ဆက်သွားရတဲ့ ညောင်နီဆိုတဲ့ ရွာလေးပေါ့။ အဲဒီရွာမှာ သူငယ်ချင်းရဲ့ ညီမ
မင်္ဂလာဆောင်ကို သွားရမှာလေ။

သိပ်တော့မကြာပါဘူး တနင်္လလာနေ့ဆိုရင် ပြန်ရောက်ပြီ။ လောလောဆယ် စီစဉ်ထားတာ
ကတော့ လက်ဖက်ခင်းတွေ သွားမယ်။ နာမည်ကျော် ဂုတ်ထိပ်တံတားကို သွားမယ်။
အပြန်မှာ ပြင်ဦးလွင်ကို ၀င်မယ်။ လာရှိုးအထိ တက်ဖို့တော့ အချိန်မရတော့ဘူး။
တနင်္လာနေ့ ကျောင်းတက်ရမယ်။

လစ်ပြီ တာ့တာ

Read More...

Monday, December 01, 2008

ဘလော့ဂ်မရေးဖြစ်တဲ့ အကြောင်း

ကွန်နက်ရှင်ဒေါင်း
Ultra Surf မပွင့်
Free Don မတက်
ဝက်ပရောက်စီကနေ ကျော်ပြန်တော့ ဘလော့ဂ် ဖန်ရှင်တွေက မစုံ
အဲဒီတော့ မထူးပါဘူးဆိုပြီး မရေးပဲ ပစ်ထားလိုက်တာ တော်တော်ကြာသွားတယ်

Read More...

Monday, November 17, 2008

Forever Sports Journal What is your Ethic


ကျွန်တော့်ဘလော့ဂ်မှာ တင်ထားတဲ့ပုံကို Forever Sports Journal က ခပ်တည်တည်နဲ့ ယူသုံးထားတာပါ။ ကျွန်တော်ကြီးကြီး ကျယ်ကျယ်ပြောတာ မဟုတ်ပါဘူး။ အဲဒီပုံတွေကို လမ်းဘေးမှာ ရိုက်သလို ချက်ခြင်းရိုက်လို့ရတာ မဟုတ်ပါဘူး။ ဘရာဇီးအသင်း ဧရာဝတီသွားမယ်ဆိုတော့ ကျွန်တော်လိုက်ချင်လွန်းလို့ ဘော့လုံးအဖွဲ့ချုပ်ကို သွားပြောပါတယ်။ အဖွဲ့ချုပ်ကသူတို့ အစီစဉ် မဟုတ်ပါဘူး YMCA ရဲ့ အစီစဉ်ပါဆိုပြီး ပြောပါတယ်။ ဒါကြောင့် လိုက်ဖို့ရာ နှစ်ရက်လောက်ကြိုပြီး YMCA မှာပြောထားရပါတယ်။

ဧရာဝတီတိုင်းကို ထွက်မဲ့မနက်ရောက်တော့ မနက်အစောကြီးထပြီး ဟိုတယ်ရန်ကုန်အရှေ့မှာ ငုတ်တုတ်လေး ထိုင်စောင့်နေရပါတယ်။ ဟိုတယ်လုံခြုံရေးတွေက ဓာတ်ပုံသမားမို့ ပေးမ၀င်ဘူးဆိုလို့ပါ။ နောက်တော့ YMCA အဖွဲ့တွေလာပြန်တော့လည်း ကားကတစ်စီးတည်း ဖြစ်နေလို့ မဆံ့တော့ဘူးတဲ့။ ကျွန်တော်တို့မှာ မှတ်ရပ်ပြီး လိုက်ရလိုက်ရ လိုက်ရရင်ပြီးပါပြီ ဆိုပြီး အဲဒီခရီးစဉ်ကို လိုက်ဖြစ်ခဲ့တာပါ။

ဆိုလိုချင်တာတော့ သူများဘက်က အဲလို ခဲရာခဲဆစ်ကြိုစားပြီး ရိုက်လာတဲ့ပုံတွေကို သူတို့က အကြောင်းမကြား ဘာမကြားနဲ့ ခပ်တည်တည်နဲ့ ယူသုံးလိုက်တယ်။ ကျွန်တော်ပြောချင်တာက ဖောင်ပိတ်အမှီမို့လို့ ယူသုံးလိုက်တာ အကြောင်းမကြားဘူးပဲထား။ ပုံအောက်မှာတော့ ဘယ်သူ့ဆီကနေ ယူသုံးတယ်ဆိုမျိုးတော့ ထည့်သင့်ပါတယ်။ အခုတော့ မသိရင် သူ့ဖာသာ သူတို့ ရိုက်ထားတာလို လို ဘာလိုလိုနဲ့ ခပ်တည်တည်နဲ့ ယူသုံးလိုက်တာ။

အဲဒါကြောင့် ကျွန်တော်မေးချင်တာက Forever Sports Journal ရဲ့ Ethic က ဘာလဲဆိုတာပါပဲ ။

မူရင်းပို့စ်ကို ဒီနေရာမှာကလစ်ခေါက်ပြီး ကြည့်နိုင်ပါတယ်

Read More...

Friday, November 14, 2008

နှင်းဆီ

ကျွန်တော်ငယ်စဉ်က နှင်းဆီပန်းတစ်ပင်ကို စိုက်ဖူးသည်။ ထိုနှင်းဆီပင်လေးသည် ကျောင်းအနီးရှိ နှင်းဆီခြံတစ်ခြံမှ ပိုက်ဆံငါးဆယ်ဖြင့် ၀ယ်ယူလာခြင်းဖြစ်ပြီး ငွေငါးဆယ်ပေးရသော နှင်းဆီပင်လေးကို ကျွန်တော်တန်ဖိုးထားသည်။ ထိုနှင်းဆီပင်လေးကို ကျွန်တော် မနက်တိုင်းရေ လောင်းသည်။ ထိုနှင်းဆီပင်လေးမှ နှင်းဆီပန်းလေးတစ်ပွင့် ပွင့်လာစေရန်ဖြစ်သည်။ တစ်ခုသော အိမ်မက်တွင် ထိုနှင်းဆီပင်လေးမှ နှင်းဆီပန်းလေး တစ်ပွင့်လာသည်။ အိပ်ရာမှ နိုးတော့ နှင်းဆီပင်လေးကို အပြေး အလွှားသွားကြည့်မိသည်။ နှင်းဆီပင်လေးမှ နှင်းဆီပန်း မပွင့်သေးပါ။

ဒီလိုနဲ့ တစ်ရက်မှာ နှင်းဆီပင်လေးမှ နှင်းဆီဖူးသေးသေး ထွက်လာသည်။ နေကြာစေ့ တစ်ဝက်စာလောက် ရှိသော ထိုနှင်းဆီဖူး သေးသေးလေးကို ကြည့်ပြီး ကျွန်တော် ပျော်၍မဆုံးပါ။ ထိုနှင်းဆီဖူးလေးသည် တစ်ရက်ထက်တစ်ရက် ပိုပိုပြီးကြီးထွားလာသည်။ နှင်းဆီဖူးလေးကိုကြည့်ရင်း နှင်းဆီပင်လေးကို နေ့စဉ်ရေလောင်းရင်း နှင်းဆီဖူးမှ နှင်းဆီပွင့်လေးတစ်ပွင့် ပွင့်မည့်ရက်ကို ကျွန်တော် စောင့်မျှော်နေမိသည်။

ကျွန်တော်နှင်းဆီဖူးလေးကို ရေလောင်းသော်လည်း ကြီးလာခြင်းမရှိသည်ကို သတိထားမိလိုက်သည်။ ထိုကဲ့သို့ သတိထားမိပြီး သုံးလေးရက်အကြာတွင် နှင်းဆီရွက်လေးများ လိမ်တွန့်ကာ နှင်းဆီးဖူးလေးမှာလဲ အပေါက်လေးများ ဖြစ်လာသည်။ တစ်ပတ်လောက်နေတော့ နှင်းဆီပင်လေးသည် ငြိုးခြောက်သွားပြီး သေဆုံးသွားတော့သည်။ အဲဒီနောက်ပိုင်းတွင် ကျွန်တော်နှင်းဆီပင်ကို မစိုက်ဖြစ်တော့ပါ။

နောက်ပိုင်းတွင် နှင်းဆီပွင့်လေးတွေကို လိုချင်တိုင်း သက်သောင့်သက်သာပင် ဈေးမှ ၀ယ်လိုက်သည်။ ကျွန်တော့်ဘ၀တွင် နှင်းဆီပန်းပွင့်များစွာကို ဈေးမှဝယ်ယူခဲ့ဖူးပါသည်။ ကျွန်တော် နှင်းဆီပန်းပွင့်သော နှင်းဆီပင်ကို ကျွန်တော် မြတ်နိုးပေမယ့် နှင်းဆီပင်တစ်ကို နှင်းဆီပန်းပွင့်လာ အောင်စိုက်နိုင်စွမ်းမရှိပါ။

တစ်ခုသော တစ်ရက်တွင် ကျွန်တော်နှင်းပန်းလေး တစ်ပွင့်ကိုဝယ်ပြီး ကျောင်းစာသင်ခန်းထဲက ပန်းအိုးတွင် ထိုးထားလိုက်သည်။ ညနေကျောင်းဆင်းတော့ ကျွန်တော့်ပန်းလေးကို တခြားကျောင်းသား တစ်ယောက်က ယူသွားသည်။ ကျွန်တော်သူ့လက်က နှင်းဆီပွင့်ကို မရမက ပြန်လုသည်။ သူနှင့်ကျွန်တော်လုရင်း နှင်းဆီကဆူးတွေ ကျွန်တော့လက်ကို စူးကုန်သည်။

ဘ၀တွင် မည့်သည့်အခါတုန်းကမှ မျှော်လင့်ထားခဲ့ဖူးခြင်း မရှိသော မိန်းကလေးတစ်ယောက်ကို တစ်ခါမှ မျှော်လင့်ထားခြင်း မရှိသည့်နေရာတွင် ဆုံဆည်းခဲ့သည်။ သူမသည် ကျွန်တော့်အတွက်တော့ နှင်းဆီပန်းပွင့်လေးတစ်ပွင့်။ ကျွန်တော်သည် သူမ၏ အချစ်ကို ရဖို့အတွက် နေ့စဉ်ကြိုးစားရသည်။ ထိုကဲ့သို့ ကြိုးစားခြင်းသည် နှင်းဆီပင်လေးကို ရေလောင်းခြင်းလော။

အချိန်တွေ ကြာလာတာနှင့်အမျှ သူမနှင့်ကျွန်တော် ရင်းနှီးမှုတွေဆီကနေ တစ်ဆင့်ကူးလို့ သံယောဇဉ်တွေ ဖြစ်လာခဲ့သည်။ ထိုသံယောဇဉ် ရိုးတန်းရှည်လေးမှ အချစ်နှင်းဆီပွင့်လေး ဘယ်နေ့ပွင့်မလဲ ဆိုသည့် မျှော်လင့်ဖြင့် ကျွန်တော်အချိန်များစွာ စောင့်စားနေခဲ့မိသည်။ အချိန်တွေတာ ကုန်လာသည်။ နှင်းဆီပွင့်လေး ပွင့်မလာခဲ့ပါ။

နှင်းဆီပွင့်လေး ပွင့်မလာပေမယ့် တစ်နေမှာ ပွင့်လာနိုးဆိုသည် မျှော်လင့်ချက်ဖြင့် သံယောဇဉ်ရိုးတန် ရှည်လေးကို ကျွန်တော် အချိန်အတော်ကြာ ဖက်တွယ်ထားမိသည်။ ရင်ဘတ်ကို စူးပြီး နှလုံးသားက သွေးတွေ ထွက်လာတော့မှ ကျွန်တော် သတိထားမိလိုက်သည်။ နှင်းဆီရိုးပဲ ဆူးတွေလည်း ပါမှာပေါ့လေ။


တကယ်တော့ လောကမှာ ပိုက်ဆံရှိရင် နှင်းဆီပန်းပွင့်တွေကို ကြိုက်သလောက် ဈေးမှာဝယ်လို့ရသည်။ ရည်းစားဆိုတာလဲ နှင်းဆီပန်းလိုဖြစ်သည်။ အချိန်ပေးနိုင်ရင် ပေးနိုင်သလောက် တစ်ယောက်ပြီး တစ်ယောက်ထားလို့ရသည်။ ဘ၀တွင် ကျွန်တော်နှင်းဆီပန်း မြောက်များစွာကို ဈေးမှ ၀ယ်ယူခဲ့ဖူးပါသည်။ ထို့အတူ ရည်းစားပေါင်းများစွာကိုလည်း ထားခဲ့ဖူးသည်။


ဒါပေမယ့် အချစ်ဆိုတာကတော့ ကျွန်တော် မစိုက်ပျိုးနိုင်သေးတဲ့ နှင်းဆီပန်းလေးတစ်ပွင့်များ ဖြစ်နေမလား မသိ...











မှတ်ချက်၊ ၊ သစ္စာနီ၏ တောင်တန်းများ ၀တ္ထုတိုကို ဖတ်အပြီးတွင် နှင်းဆီကို ရေးခြင်းဖြစ်သည်

Read More...

Thursday, November 13, 2008

နှစ်ယောက်တစ်ပုဒ်

တခါတုန်းက သမီးယေက္ဖနှစ်ယောက်ဟာ ကဗျာတစ်ပုဒ်စီကို နှစ်ယောက်ဝိုင်းပြီး ရေးခဲ့ကြတယ်။ အဲဒါကြောင့် အဲဒီဘလော့ဂ်ပို့ရဲ့ ခေါင်းစဉ်ကို နှစ်ယောက် တစ်ပုဒ်လို့ ပေးထားတယ်။


‘ကဗျာ’

ကျွန်တော်က ကောင်းကင်ကျယ်
သူမက တိမ်တိုက်ငယ်
ကျွန်တော့်ကမ္ဘာထဲမှာ မြူးထူးစွာ လွင့်မျောဖူးတယ်။

ကျွန်တော်က သစ်ပင်တစ်ပင်
သူမက ရေသောက်မြစ်
ကျွန်တော် အသက်ဆက်နေရခြင်းရဲ့ အကြောင်အရင်း။

ကျွန်တော်က မိုးစက်တွေ
သူမက ကလေးငယ်လို
ကျွန်တော်ရင်ခွင်ထဲ ပြေးလွှားဆော့ကစားဖူးတယ်။

ကျွန်တော်က ပန်းပွင့်ငယ်
သူမက လိပ်ပြာလေး
ကျွန်တော့်ထံပါး ရစ်သီသီနဲ့ ပျံဝဲဖူးတယ်။

ကျွန်တော်က ကျောက်ဆောင်
သူမက ရေလှိုင်းတွေလို
ကျွန်တော့်ရဲ့ မာကျောမှုတွေကို နူးညံ့စေခဲ့တယ်။

အခု ကျွန်တော်က ရိုးတံရှည်
သူမက ငှက်ငယ်
ကျွန်တော့် လက်အစုံပေါ် ခိုနားဖူးတယ်။

ကျွန်တော်က စာအုပ်လေးဖြစ်
သူမက ဖောင်တိန်ငယ်
ကျွန်တော့်စာမျက်နှာတွေပေါ် ပုံရိပ်တွေ ထားခဲ့တယ်။

ဒီလိုနဲ့ပဲ…
သူမနဲ့ကျွန်တော်ဟာ
သစ်ပင်အိုတွေကို…
အချစ်များငတ်နေမလားဆိုပြီးတော့လည်း
အတူတူ ဂရုဏာသက်ခဲ့ကြဖူးတယ်

ဟန်သစ်ငြိမ်

အကို(ညီမကိုယူထားလျှင် အကိုဟုရိုသေစွာခေါ်ရသည်)ရေးသောကဗျာ။



ကျွန်တော်က ကင်းကောင်
သူမက ဂေါ်ဇီလာ
တိုက်ခိုက်ရင်းနဲ့ ငှက်ပျော်ခင်းတွေ ပျက်စီးခဲ့ဖူးတယ်

ကျွန်တော်က သစ်ပင်
သူမက မျောက်မလေး
သူချိုးချခဲ့လို့ လူညွန့်တုံးခဲ့ရတယ်

ကျွန်တော်က မိုးစက်
သူမက ကလေးလို
ရူးရူးတွေပေါက်ချထားခဲ့လို့ ပတ်ဝန်ကျင်မှာနံဟောင်ရစ်ခဲ့တယ်

ကျွန်တော်က ပန်းပွင့်ငယ်
သူကမက ယဉ်ကောင်
ဟိုမှာဒီမှာနားပြီး ကျွန်တော့်ဘေးနားလာရစ်ဖူးတယ်
နံလိုက်တာမှ လွန်ရောပဲ

ကျွန်တော်က ကျောက်ဆောင်
သူမက ရေငြှိ
သူမကြောင့် လူတွေခဏခဏ ချော်လှဲကြရတယ်

ကျွန်တော်က ရိုးတံရှည်
သူမက ဌင်းတ
မနိုင်မနင်းသူ့ဝိတ်ကြီးနဲ့ တက်လို့ သစ်ကိုင်းကျိုးကျခဲ့ရဖူးတယ်

ကျွန်တော်က စာအုပ်လေးဖြစ်
သူကမက ခြ
သူကိုက်စားသွားလို့ နှလုံးသားတောင် တိုးလှိူပေါက်နေပြီ

ဒီလိုနဲ့ သူမနဲ့ကျွန်တော်
ဘိုးဘွားရိပ်သာက အဖိုးကြီးအိုတွေကို
အရက်ငတ်နေမလားဆိုပြီး
အတူတူ ၀ယ်တိုက်ခဲ့ကြဖူးတယ်

စိုးဇေယျ
ညီဖြစ်သူ ( ကဗျာရေးသူညီမ၏ ခင်ပွန်းလောင်း) ကပြန်ရေးသောကဗျာ


သက်ဆိုင်သူသို့ ...

ကောင်မလေးရေ…
ငါ့မျက်နှာတွေပေါ်မှာ အချစ်တွေကို ဖော်ပြမထားဘူး
ဒါပေမယ့် ငါ့ရင်ဘတ်ထဲမှာ အချစ်တွေရှိခဲ့တယ်
အဲဒီအချစ်တွေကို
မျက်လုံးနဲ့ကြည့်ရုံနဲ့တော့ နင်မြင်မှာမဟုတ်ဘူး
ခံစားကြည့်လိုက်ပါ နင်မြင်လာလိမ့်မယ်

ကောင်မလေးရေ ….
နင့်အတွက် လောကကြီးမှာနေရာလေးတစ်ခု ဖန်တီးမပေးနိုင်ဘူး
ဒါပေမယ့် ငါ့နှလုံးသားမှာတော့ နန်းတော်ကြီးတစ်ခုရှိတယ်
အဲဒီနန်းတော်ကြီးကို အုပ်ချုပ်ပြီး
နင်က ဘုရင်မလုပ်ပေါ့

ကောင်မလေးရေ …
တကယ်တေ့ ငါကနင့်ရဲ့အချစ်တွေကို မပိုင်ဆိုင်ပါဘူး
ဒါပေမယ့် မျှော်လင့်ခြင်းတွေကို ငါပိုင်ဆိုင်တယ်

ကောင်မလေးရေ…
တကယ်တော့ငါ့ဘ၀က ဂစ်တာအိုလေးပါ
သိပ်ပြီးအသုံးမ၀င်ဘူး

ကောင်မလေးရေ
ဂစ်တာအိုကထွက်လာတဲ့ သံစဉ်တွေကတော့
မျှော်လင့်ခြင်းတွေပေါ့
ကွဲရှရှနဲ့ သိပ်ပြီးမပြီပြင်ဘူး

ကောင်မလေးရေ ….
နင့်အချစ်တွေကို ပိုင်ဆိုင်ခွင့်မရနိုင်တော့တဲ့ဒီဘ၀မှာ
အဲဒီဂစ်တာအိုလေးကိုတီးကြည့်ရင်း ထွက်လာတဲ့မျှော်လင့်ခြင်းတွေကိုခံစားရင်ခုန်ရင်း
ငါဆက်ပြီး အိပ်မက်တွေမက်နေမယ်
မိန်းကလေးရယ် ကျေးဇူးပြုပြီးအဲဒီဂစ်တာလေးကိုမရိုက်ချိုးလိုက်ပါနဲ့နော်
ငါဆက်ပြီး အိပ်မက်တွေမက်ပါရစေ

စိုးဇေယျထွန်း


ကောင်မလေးရေ…
ငါ့မျက်နှာတွေပေါ်မှာ အမာရွတ်တွေကို ဖော်ပြမထားဘူး
ဒါပေမယ့် ငါ့ရင်ဘတ်ထဲမှာ ၀ဲတွေရှိခဲ့တယ်
အဲဒီ ၀ဲတွေကို
မျက်လုံးနဲ့ကြည့်ရုံနဲ့တော့ နင်မြင်မှာမဟုတ်ဘူး
ကူးစက်ခံစားကြည့်လိုက်ပါ နင်မြင်လာလိမ့်မယ်

ကောင်မလေးရေ ….
နင့်အတွက် လောကကြီးမှာ အိမ်သာလေးတစ်ခု ဖန်တီးမပေးနိုင်ဘူး
ဒါပေမယ့် ငါ့နှလုံးသားမှာတော့
အမှိုက်ပုံးကြီးတစ်ခုရှိတယ်
အဲဒီအမှိုက်ပုံးကြီးကို အုပ်ချုပ်ပြီး
နင်က မစင်မလုပ်ပေါ့

ကောင်မလေးရေ …
တကယ်တေ့ ငါကနင့်ရဲ့ နှာခေါင်းကို မပိုင်ဆိုင်ပါဘူး
ဒါပေမယ့် နှပ်ချေးတွေကို ငါပိုင်ဆိုင်တယ်

ကောင်မလေးရေ…
တကယ်တော့ငါ့ဘ၀က ဠင်းတအိုကြီးပါ
သိပ်ပြီးအသုံးမ၀င်ဘူး

ကောင်မလေးရေ
ဠင်းတအိုကထွက်လာတဲ့ သံစဉ်တွေကတော့
အညှီနံ့တွေပေါ့
စူးရှရှနဲ့ သိပ်ပြီးမပြီပြင်ဘူး

ကောင်မလေးရေ ….
နင့်အချစ်တွေကို ပိုင်ဆိုင်ခွင့်မရနိုင်တော့တဲ့ဒီဘ၀မှာ
အဲဒီဠင်းတရုပ်ကြီးကို မှန်ကြည့်ရင်း ထွက်လာတဲ့ ၀ဲတွေကိုခံစားကုတ်ဖဲ့ရင်း
ငါဆက်ပြီး ပုတ်ပွနေမယ်
မိန်းကလေးရယ် ကျေးဇူးပြုပြီး အဲဒီဠင်းတအိုကြီး ကိုရိုက်မောင်းမထုတ်ပါနဲ့နော်
ငါဆက်ပြီး လောက်သေတွေ စားပါရစေ။

ဟန်သစ်ငြိမ်

Read More...

Sunday, November 02, 2008

ရင်နာတယ် ...

ရင်နာတယ် တကယ်ပါ
မနက်မိုးလင်းတာနဲ့
မျက်နှာမသစ်သေးဘူး အင်တာနက်ကိုအရင်ကြည့်တယ်

နေ့လည်
ထမင်းစားရင်လည်း အင်တာနက်အရှ့မှာပဲ

အလုပ်လုပ်ရင်လည်း
အင်တာနက်နဲ့ပဲ

အိပ်မက်ထဲမှာတောင်
အင်တာနက်ကိုသုံးလို့

ချစ်သူကတောင်ပြောတယ်
ရှင်က အင်တာနက်ကိုကျွန်မထက်ပိုစွဲလမ်းတယ်တဲ့

အဲလို .....
အချိန်တိုင်း စက္ကန့်တိုင်း
ငါ့ဘက်က အဲဒီလောက်ခရေဇီဖြစ်နေတာကို
နင့်တို့ဘက်က ပြတ်ပြတ်သွားရက်တယ်နော်

ပြန်စဉ်းစားရင်လေ
တကယ်ကိုရင်နာဖို့ ကောင်းပါတယ်

Read More...

ဗိုင်းရပ်ထိသွားတယ်

မနေ့ညက ဗိုင်းကျွန်တော့်ဂျီတော့ကို ဗိုင်းရပ်ထိသွားတယ်
Ripway ဗိုင်းရပ်ပဲ။ တစ်ယောက်ကနေ လာပို့တာ အဲဒီကောင်ကို ဘလော့ဂ်မလို့ လုပ်တာ မောက်ကစုတ်တော့ ဘလော့ဂ်တဲ့နေရာကို မရောက်ပဲ အဲဒီကောင်ကို ကလစ်ခေါက်သလို ဖြစ်သွားတယ်။ အဲဒီမှ သကောင့်သားက ကျွန်တော့်ဂျီတော့မှာ ရှိတဲ့လူတွေကို တန်းစီးပြီးပို့တော့တာပဲ။ တော်တော်စိတ်ပျက်ဖို့ ကောင်းတဲ့ ဗိုင်းရပ်။ ဒါပေမယ့် အခုအချိန်အထိတော့ ဘာမှဖြစ်မလာသေးဘူး။ ပတ်စ၀ပ်တော့ ပြောင်းထားလိုက်ရတာ် နောက်တော့ဘာထပ်ဖြစ်ဦးမလဲ မသိဘူး။

Read More...

Saturday, November 01, 2008

သက်ဆိုင်သူသို့ ...

ကောင်မလေးရေ…
ငါ့မျက်နှာတွေပေါ်မှာ အချစ်တွေကို ဖော်ပြမထားဘူး
ဒါပေမယ့် ငါ့ရင်ဘတ်ထဲမှာ အချစ်တွေရှိခဲ့တယ်
အဲဒီအချစ်တွေကို
မျက်လုံးနဲ့ကြည့်ရုံနဲ့တော့ နင်မြင်မှာမဟုတ်ဘူး
ခံစားကြည့်လိုက်ပါ နင်မြင်လာလိမ့်မယ်

ကောင်မလေးရေ ….
နင့်အတွက် လောကကြီးမှာနေရာလေးတစ်ခု ဖန်တီးမပေးနိုင်ဘူး
ဒါပေမယ့် ငါ့နှလုံးသားမှာတော့ နန်းတော်ကြီးတစ်ခုရှိတယ်
အဲဒီနန်းတော်ကြီးကို အုပ်ချုပ်ပြီး
နင်က ဘုရင်မလုပ်ပေါ့

ကောင်မလေးရေ …
တကယ်တေ့ ငါကနင့်ရဲ့အချစ်တွေကို မပိုင်ဆိုင်ပါဘူး
ဒါပေမယ့် မျှော်လင့်ခြင်းတွေကို ငါပိုင်ဆိုင်တယ်

ကောင်မလေးရေ…
တကယ်တော့ငါ့ဘ၀က ဂစ်တာအိုလေးပါ
သိပ်ပြီးအသုံးမ၀င်ဘူး

ကောင်မလေးရေ
ဂစ်တာအိုကထွက်လာတဲ့ သံစဉ်တွေကတော့
မျှော်လင့်ခြင်းတွေပေါ့
ကွဲရှရှနဲ့ သိပ်ပြီးမပြီပြင်ဘူး

ကောင်မလေးရေ ….
နင့်အချစ်တွေကို ပိုင်ဆိုင်ခွင့်မရနိုင်တော့တဲ့ဒီဘ၀မှာ
အဲဒီဂစ်တာအိုလေးကိုတီးကြည့်ရင်း ထွက်လာတဲ့မျှော်လင့်ခြင်းတွေကိုခံစားရင်ခုန်ရင်း
ငါဆက်ပြီး အိပ်မက်တွေမက်နေမယ်
မိန်းကလေးရယ် ကျေးဇူးပြုပြီးအဲဒီဂစ်တာလေးကိုမရိုက်ချိုးလိုက်ပါနဲ့နော်
ငါဆက်ပြီး အိပ်မက်တွေမက်ပါရစေ

Read More...

Thursday, October 30, 2008

Hacker

အခုတလော ဟို့လူ့ဂျီမေး ဒီလူ့ဂျီမေးတွေ ဟက်ခံရတယ်။ အကောင့်ဖွင့်မရဘူး ဆိုတဲ့ အသံတွေ ဟိုနားတစ်စ ဒီနားတစ်စ ကြားနေရပါတယ်။ အဲဒီလိုကြားနေရတဲ့ ဟက်ခြင်းတွေ ပတ်စ၀ပ်ပျောက်ခြင်းတွေက ကျွန်တော့်ဆီကို တိုင်လာပတ်မယ်လို့ ထင်မထားခဲ့မိဘူး။

ဒီနေ့ နေ့လည် ထူးထူးဆန်းဆန်း ကျွန်တော့်ဆီကို ဖုန်းဆက်ခဲတဲ့ မိန်းကလေးတစ်ယောက် ဖုန်းဆက်တယ် သူ့အကောင့်ဖွင့်လို့ မရလို့ကူညီပါဦးတဲ့။ အဲဒါကြောင့် ကျွန်တော်လည်း သူ့အကောင့်မှာ Security Question ပေးထားလားဆိုတော့ ပေးထားတယ်တဲ့။ သူ့ရဲ့ ပထမဆရာ နာမည်တဲ့။ အဲဒါကြောင့် ကျွန်တော်လည်း Forgot Password ကနေ ပြန်ဝင်ဖို့ လုပ်တယ်။ ဒါပေမယ့် သူ့ကောင့်က Disabled ဆိုပြီး ပြတယ်။ Security Question ကိုတောင်မမေးတော့ဘူး။ အဲဒါနဲ့ ကျွန်တော်လည်း လက်လျှော့လိုက်တယ်။ ပြသနာက ဒီမှာတင် ပြီးလားဆိုတော့ ......

ညပိုင်းမှာ နောက်တစ်ယောက် ပြသနာ ပေါ်လာပြန်တယ်။ ပြသနာက ကျွန်တော်နဲ့ စကားကတောက်ကဆ ဖြစ်ထားတဲ့ မိန်းကလေး သူငယ်ချင်းတစ်ယောက် ဖုန်းဆက်တယ်။ နင်ဘာတွေ လုပ်ထားတာလဲတဲ့။ ငါဘာလုပ်လို့လဲလို့ ပြန်မေးတော့ ကိုယ်လုပ်ထားတာ ကိုယ်သိမှာပေါ့တဲ့။ ဘာလုပ်ထားလို့ငါက သိရမှာတုန်း ဆိုတော့ မသိရင်နေ မပြောတော့ဘူးတဲ့။ နဂိုကတည်း ကျွန်တော်က သူ့ကို အမြင်မကြည်ရတဲ့ ကြားက ဒါမျိုးလာပြောတော့ မပြောချင်လည်းနေပေါ့ ဆိုပြီးဖုန်းချလိုက်တယ်။ သူပြန်ဆက်တယ်။ ကိုင်တော့ သူ့အီးမေးကို သုံးပြီး ဘာဖြစ်လို့ ပေါက်တကရ မေးတွေ ပို့ထားတာလဲတဲ့။ သူ့အီးမေးကို ကျွန်တော်လုပ်ပေးထားတာ ဖြစ်တဲ့အတွက်ကြောင့် သူ့အီးမေးပတ်စ၀ပ်ကို ကျွန်တော်နဲ့ သူနှစ်ယောက်ပဲ သိတယ်တဲ့။ ကျွန်တော်မလုပ်ရင် တခြားလူ လုပ်နိုင်စရာ အကြောင်းမရှိဘူးတဲ့။ အဲဒီမှာ အမှုက တိုင်ပတ်ပြီ။

ပထမကတော့ ငါမလုပ်ဘူးလို့ ပြောပါသေးတယ်။ ဒါပေမယ့် ထပ်ပြောနေတာနဲ့။ အရူးမ ကိုယ့်ဘာသာကို အသုံးမကျလို့ ပတ်စ၀ပ်အခိုးခံထိတာ ငါ့လာပြီးရစ်နေတယ်ဆိုပြီး ဆဲဆိုကြိမ်းမောင်းပေးလိုက်မှ ဖုန်းချသွားတယ်။ ဒါပေမယ့် သေချာတာကတော့ သူ့စိတ်ထဲမှာ အဲလိုအီးမေး ပို့တဲ့လူက ကျွန်တော်ကိုပဲ ထင်နေမှာသေချာတယ်။ ဘယ်လိုဖြစ်လဲတော့ မသိဘူး။ ဒါပေမယ့်လည်း မတတ်နိုင်ဘူးလေ။ ကိုယ်မှ တရာခံကို ဖမ်းပြလို့မရတာကိုး။

Read More...

ဘာရာဇီးဘော့လုံးအသင်းရဲ့ လေဘေးခရီးစဉ်





ရန်ကုန် ထွက်ခါစ


ဖျာပုံအရောက်




ဖျာပုံ အထက ၃


ရှမ်းကွင်းကြီးကျေးရွာ



ဖျာပုံကျောင်းအထွက်မှာ ကားတွန်း

ဖျာပုံ အထက ၃ ကျောင်းသားတွေကို ဘော့လုံး လက်ဆောင်ပေး


ကားဗွက်ကျွံနေတုန်း ဘောလုံးကစားပြ



ဆိုက္ကားစီးပြီး သဘောကျ


ကျိုက်လတ် ဘောလုံးကွင်းမှာ လက်တွေ့သရုပ်ပြ သင်တန်းပေး



လာအားပေးတဲ့ ပရိသတ်က ရန်ကုန်ထက်တောင် များသေးတယ်



တချိန်မှာတော့ ကမ္ဘာကျော်မယ်


ရှမ်းကွင်းကြီးရွာမှာ ဘော့လုံးလက်ဆောင်ပေး




နိဒါန်း


ရန်ကုန်ပုသိပ်လမ်းမကြီးပေါ်တွင် ဖြစ်သည်။ အရှေ့မှ လမ်းရှင်းမော်တော်ပီကယ်က ဦးဆောင်ပြီး အနောက်မှ လေအိတ်ဘတ်စကား တစ်စီးက လိုက်ပါလာသည်။ ကားရှေ့တွင် Brazil (AME) ဆိုသည့် စတေကာကို ကပ်ထားတာကို ကြည့်ခြင်းအားဖြင့် ထိုကားသည် ဘရာဇီး ဘော့လုံးသမားများကို တင်ဆောင်လာသော ကားဖြစ်ကြောင်း မြင်ရုံနဲ့ သိကြသည်။ ထို့ကြောင့် လမ်းဘေးဝဲယာမှ ဘောလုံးပရိတ်သတ်များက ကားကိုလက်ဝှေ့ရမ်းကာ နုတ်ဆက်ကြသည်။

ရန်ကုန်ဟိုတယ်က ထွက်လာခါစက ကားပေါ်တွင် ဘရာဇီးဘော့လုံး အသင်းသား အားလုံး ခရစ်ယန်ဘာသာတရားစာများကို ရွတ်ဆိုဆုတောင်းကြသည်။ မြို့အပြင်ရောက်သည့်အခါတွင် ခပ်မြူမြူး ဘရာဇီးသီချင်းတစ်ပုဒ်ကို ဖွင့်ပြီး အသင်းသားအားလုံး ခုန်ပေါက်မြူးတူးကြသည်။ တစ်ယောက်နှင့် တစ်ယောက်စနောက်ကြသည်။ မရောက်ဖူးသည့်နေရာ မရောက်ဖူးသည့် ဒေသ ရေမြေအသစ်တစ်ခုကို မြင်တွေ့ရခြင်း မြူးတူးပျော်ပါးကြခြင်း ဖြစ်နိုင်ပါသည်။

ကားသည်တရွှေ့ရွှေ့မောင်းလာခဲ့ပြီး ကော့မှူးမြို့အ၀င်နားရောက်သည့် ဦးသာဥာဏ်က လေမုန်တိုင်းနှင့် ပတ်သက်ပြီး ဖြစ်ပွားခဲ့ပုံများ ပျက်စီးဆုံးရှုံးရမှုများကို ရှင်းပြသည်။ ဦးသာဥာဏ်က အင်္ဂလိပ်လို ပြောပြီး အသင်းအုပ်ချုပ်သူက အသင်းသားများကို ဘရာဇီးဘာသာစကားဖြင့် တဆင့်ပြန်လည်ရှင်းပြသည်။ ထိုအချိန်မှစ၍ သချင်းကိုပိတ်ပြီး သူတို့ပျော်ရွှင်မြူးတူးမှုတွေကို ရပ်လိုက်ကြပြီး မုန်းတိုင်းနှင့် ပတ်သက်ပြီး ပြောပြသည်များကို စိတ်ဝင်တစား နားထောင်နေကြသည်။ အသင်းသားများထဲမှ တစ်ချို့က ကင်မရာလေးများဖြင့် လမ်းဘေးဝဲယာက အိမ်တွေကို ဓာတ်ပုံရိုက်ကြသည်။

တကယ်တန်း ဘရာဇီးဘော့လုံးသာများ၏ အစီစဉ်မှာ ကားပေါ်တွင်အိပ်ပြီး လိုက်ရန်စီစဉ်ခဲ့ပြီး ဟိုတယ်မှ ခေါင်းအုံးများကိုလည်းယူဆောင်လာကြသေးသည်။ သို့ပေမယ့် ပတ်ဝန်းကျင်နှင့် လက်ဝှေ့ရမ်း နုတ်ဆက်ပြနေသည့် လူများကိုကြည့်ပြီး သူတို့အိပ်ဖို့ စိတ်ကူးရှိဟန်မတူတော့ပေ။ မုန်တိုင်းနှင့် ပတ်သက်ပြီး ပြောပြသည့်အကြောင်းအရာများကို နားထောင်ရင်း လမ်းဘေးဝဲယာက တာပေါ်လင်မိုးထားသည့် အိမ်လေးများ ကျောင်းလေးများကို ကြည့်ရှုရင်း လိုက်ပါလာကြသည်။


စာကိုယ်

ဟိုတယ်ရန်ကုန်မှ နံနက်ရှစ်နာရီခွဲ အချိန်ခန့်တွင် စတင်ထွက်လာခဲ့ခြင်းဖြစ်ပြီး နေ့လည် ဆယ့်နှစ်နာရီခန့်တွင် ဖျာပုံတံတားသို့ရောက်သည်။ တံတားပေါ်တွင် ဒေသဆိုင်ရာ အာဏာပိုင်အဖွဲ့အစည်းများက အသင့်စောင့်ကြိုကြသည်။ အသင်းသားများကလည်း ကားပေါ်မှ ဆင်းကာ တံတားပေါ်မှ ဧရာဝတီမြစ်မြင်ကွင်းကို ကြည့်ရှုခံစားကြပြီး အမှတ်တရာဓာတ်ပုံများကို ရိုက်ကြသည်။ အသင်းသားများထဲမှာ တစ်ယောက်ကတော့ ဘေးနားမှ ဖြတ်သွားသည့် ဆိုင်ကယ်တစ်စီးကို တားပြီး တံတားပေါ်တွင် ဆိုင်ကယ်ပတ်စီးကာ သဘောကျနေသည်။ ထို့နောက်ကား မစီးကြတော့ပဲ တံတားဆုံးသည်အထိ တစ်ဖွဲ့လုံးလမ်းလျှောက်ကြသည်။ တံတားဆုံးမှသာ ကားပေါ်သို့ ပြန်တက်ကြပြီး ဖျာပုံမြို့ထဲသို့ ၀င်သည်။ ဖျာပုံမြို့ခံများကလည်း ဘရားဇီးအသင်းသားများ လိုက်ပါလာသည့် ကားကိုမြင်သည်နှင့် လမ်းမပေါ်သို့ ပြေးထွက်တဖွဲဖွဲပြေး ထွက်လာကြပြီး လက်ဝှေ့ရမ်းကာ နုတ်ဆက်ကြသည်။ တစ်ချို့က ဘရာဇီး ဘရာဇီး ဟု သံပြိုင်ဟစ်အော်ကြသည်။

တကယ်တော့ ယခုမြန်မာပြည်ကိုလာရောက်သည့် အသင်းသည် ဘရာဇီးနိုင်ငံ ကိုယ်စားပြု လက်ရွှေးစင်အသင်း မဟုတ်ပေ။ ဘရာဇီးနိုင်ငံရှိ ကလပ်သင်းတစ်ခုသာ ဖြစ်ပြီး ဘရာဇီးလက်ရွှေးစင်ဟောင်း ခြောက်ဦးသာပါသည်။ နိုင်ငံတကာစံနှုန်းအနေဖြင့် ပြောမည်ဆိုလျှင် ကလပ်အသင်းလေး တစ်ခုသာဖြစ်သော်လည်း မြန်မာပြည်သူ ပရိတ်သတ်များက လမ်းဘေးဝဲယာတစ်လျှောက်တွင် ယခုလို အုပ်အုပ်ကြက်ကြက် အားပေးကြသည်ကို မြင်တွေ့ရသောအခါ သူတို့ အရမ်းဝမ်းသာကြသည်။ အသင်းအုပ်ချုပ်သူက “ ထိုင်းနိုင်ငံက သူတို့နိုင်ငံဟာ Country Of Smile (အပြုံးနိုင်ငံ) လို့ နိုင်ငံတကာကို ကြေငြာထားတယ်။ ဒါပေမယ့် သူတို့နိုင်ငံက မြန်မာနိုင်ငံလောက် မပြုံးဘူး တကယ်တော့အပြုံးနိုင်ငံဆိုတာကို မြန်မာနိုင်ငံကို ပိုပြီး ခေါ်သင့်တယ် ” ဟု အားပေးနေသော ပရိတ်သတ်များကို ကြည့်ပြီး ကြေနပ်စွာ ပြောဆိုသွားခဲ့သည်။

နေ့လည်စာကို ဖျာပုံမြို့ရှိ စားသောက်ဆိုင် တစ်ခုမှာ စားကြသည်။ စားသောက်ဆိုင် အပြင်မှာတော့ ဘရာဇီးဘော့လုံး အသင်းကို နုတ်ဆက်ဖို့ ဒေသခံ ပြည်သူများက ရပ်ကာ စောင့်ဆိုင်းနေကြသည်။ နေ့လည်စားပြီး ထွက်လာသည့်အခါ စောင့်နေသည့် ပရိတ်သတ်များကို မနေ့က တီဗီမှာလာတဲ့ ဘော့လုံးပွဲကို ကြည့်ဖြစ်ပါသလားဟု အသင်းအချုပ်သူက မားကို့စ်က မေးသည်။ ထိုအခါ ပရိတ်သတ်များက ကြည့်ဖြစ်ပါတယ်ဟု ပြောတော့ ဂိုးအရေအတွကို ထပ်မေးသည်။ ဒေသခံများက လက်လေးချောင်းကို ထောင်ပြပြီး လေဂိုးဟုပြောတော့ မြန်မာနဲ့ ဘရာဇီး ကန်တဲ့ပွဲမှာ ဘယ်ဘက်ကို အားပေးပါသလဲဟု ထပ်မေးသည်။ အားလုံးက ဘရာဇီးဟု အော်ကြတော့ သူတို့တော်တော် သဘောကျသွားသည်။ ထိုအချိန်တွင် တစ်ချို့သော ဘော့လုံးသများက ဆိုက်ကား တက်စီးသူများက တက်စီး ဆိုင်ကယ်တက်စီးသူများက တက်စီး။ ဒေသခံများနှင့်  ဓာတ်ပုံတွဲရိုက်သူက တွဲရိုက်ဖြင့် တော်တော်လေး သဘောကျနေကြသည်။

ထို့နောက် ဖျာပုံ မယက ရုံးတွင် မုန်တိုင်းမှတ်တမ်း ခွေကို ဘရာဇီး ဘော့လုံးသမားများကို ပြသသည်။ ထိုခွေတွင် မုန်တိုင်းအတွင်းက ပျက်စီးဆုံးရှုံးရမှုများ ပြန်လည်ကယ်ဆယ်ရေး လုပ်ငန်းများ အလှုရှင်များထံမှာ အလှုပစ္စည်းရောက်ရှိမှုများ ပါဝင်သည်။ ထိုခွေကိုကြည့်ပြီးနောက် မြန်မာနိုင်ငံသို့ နိုင်ငံအလိုက် လေယဉ်များဖြင့် လာရောက်လှုဒန်းသည့် အထဲတွင် ဘရာဇီးနိုင်ငံရောပါပါသလားဟု အသင်းအုပ်ချုပ်သူ မားကိုစ်က မေးသည်။ မပါကြောင်း ပြောသည့်အခါတွင် သူ့အနေနဲ့ များစွာ စိတ်မကောင်းဖြစ်ရပါကြောင်း သူနိုင်ငံသို့ ပြန်လည်ရောက်ရှိသည့်အခါတွင် ယခုမုန်တိုင်းသင့်ဒေသတို့ လှုဒန်းနိုင်ရန် သက်ဆိုင်ရာနှင့် မီဒီယာများသို့ တင်ပြအသိပေးသွားမည် ဖြစ်ကြောင်း ပြောကြားသည်။ မားကို့စ်အနေဖြင့်လည်း နောက်တစ်ကြိမ်းထပ်မံ လာရောက်မည်ဖြစ်ပြီး နောက်တစ်ကြိမ်တွင် ဘရာဇီးမှာ ဆေးဝါကုသရေး အဖွဲ့များကို ခေါ်ဆောင်လာခဲ့မည်ဖြစ်ကြောင်း နှင့် စာသင်ကျောင်းအချို့ကို ပြန်လည်ဆောက်လုပ် လှုဒန်းသွားမည်ဖြစ်ကြောင်း ပြောကြားသည်။

ယင်းနောက် ဖျာပုံ အထက(၃) ကျောင်းသို့ သွားရောက်ကြပြီး မုန်တိုင်းဖြစ်စဉ်က ပြိုကျပျက်စီးခဲ့ရသည့် ကျောင်းဆောင်တစ်ခုကို ယခုဘောလုံးကန်၍ ရသော ရံပုံငွေဖြင့် ပြန်လည်တည်ဆောက်ပေးရန် သဘောတူခဲ့ကြသည်။ ဘရာဇီး ဘော့လုံးအသင်းသားများကတော့ ကျောင်းစာသင်ခန်းများအတွင်းသို့ လှည့်ပတ်သွားလာကြပြီး ကျောင်းသားများကို လက်မှတ်ရေးထိုးထားသော ပို့စကဒ်လေးများ ဝေငှပေးသည်။ အချို့သော အသင်းသားများကတော့ ကျောင်းစာသင်ခုံများ ကျောင်းသားများနှင့် ရောထိုင်ကာ စာသင်တာကို ထိုင်ကြည့် အချို့ကတော့ ကလေးများနှင့်တွဲကာ အမှတ်တရ ဓာတ်ပုံများကို ရိုက်ကူးသည်။ ကျောင်းအတွင်းမှ ဘော့လုံးအသင်းသားများ ထွက်လာသည့်အခါ ရန်ကုန်မှစီးလာသော ဘတ်စကားသည် ကျောင်းအရှေ့တွင် ဗွက်ကျွံနေသည်။ ဗွက်ကျွံနေသော ကားကို ဗွက်မှရုန်းနေစဉ် ဘော့လုံးသမားတစ်ယောက်က လမ်းမပေါ်တွင် ဘော့လုံးကို တော့က သရုပ်ပြကစားပြသည်။ အချို့သော ဘော့လုံးသများက လက်မှတ်ရေးထားသော ပို့စကဒ်လေးများကို လာကြည့်ကြသည့် ဒေသခံများကို ဝေငှပေးသည်။ ဗွက်ကျွံနေသည့်ကားသည် ရုန်းရင်းနစ်ရင်းဖြင့် နောက်ဆုံးတွင် ဘီးတစ်ဝက်ကျော်သည်အထိ နစ်သွားသည်။ နောက်ဆုံးတွင် ဗွက်ကျွံနေသော ကားကို ဘရာဇီး အသင်းသားများ ရပ်ကြည့်နေကြသူများ ကျောင်းသားများ အားလုံး ၀ိုင်းတွန်းကြသည့် အခါမှသာမှ ဗွက်က ရုန်းထွက်နိုင်ခဲ့သည်။ ထို့နောက်တွင် ကျောင်းသားများကို အားကစားသများ ၀ိုင်းဝန်းလက်မှတ်ရေးထိုးထားသည့် ဘော့လုံးတစ်လုံးကို လက်ဆောင်အဖြစ်ပေးအပ်ကာ ဖျာပုံမြို့မှ ထွက်ခွာခဲ့ကြသည်။ မူလက ဖျာပုံမြို့မှ ကျိုက်လတ်သို့ လှေဖြင့် မြစ်ကြောင်းအတိုင်း သွားရန်စီစဉ်ထားခဲ့သော်လည်း ဘော့လုံးသမား အများစုက လှေစီးရန် ငြင်းဆိုးခဲ့သောကြောင့် ကားဖြင့်သာခရီးဆက်ခဲ့သည်။
သုံးနာရီ အကျော်တွင် ဖျာပုံမြို့နယ် ရှမ်းကွင်းကြီး ကျေးရွာသို့ ရောက်ရှိသည်။ ရှမ်းကွင်းကြီး ကျေးရွာတွင် ကျောင်းသားများ ဒေသခံရပ်မိ ရပ်ဖများက ကြိုဆိုကြသည်။ ထို့နောက် ရွာမှ အုန်းရေ ကောက်ညှင်းဆနွင်းမကင်း လကဘ္ဘသုပ်များဖြင့် တည်ခင်းဧည့်ခံသည်။ ရှမ်းကွင်းကြီးကျေးရွာသည် ရွာတန်းရှည် ရွာလေးတစ်ရွာဖြစ်ပြီး ရွာလည်လမ်းမကို အုတ်စီထားကာ အိမ်နှင့်ခြံဝင်လေးများကို သပ်သပ်ရပ်ရပ် ဖြစ်အောင်စီမံထားသည်။ ဘရာဇီးအသင်းသားများသည် ရှမ်းကွင်းကြီးကျေးရွာတွင်း လှည့်လည်ကြည့်ရှုကြပြီး ယူနီဆပ်မှ ပေးသည့် Tank ဖြင့် စာသင်ကျောင်းလုပ်ကာ ကျောင်းသားများစာသင် နေရသည်ကို တွေ့ရသည့်အခါတွင် ယင်းရွာတွင်လည်း စာသင်ကျောင်းတစ်ကျောင်းကို ဆောက်လုပ်ပေးရန် သဘောတူညီခဲ့သည်။ ယင်းကျေးရွာတွင်လည်း လက်မှတ်ရေးထိုးထားသော ပို့စကဒ်လေးများ ကိုဝေငှခဲ့ပြီး ကျောင်းသားများအတွက် လက်မှတ်ရေးထိုးထားသော ဘောလုံးတစ်လုံးကို အမှတ်တရပေးအပ်ခဲ့ကာ ကျိုက်လတ်မြို့သို့ ဆက်လက်ခရီးထွက်ခဲ့သည်။

ညနေလေးနာရီခွဲ အချိန်ခန့်တွင် ကျိုက်လတ်မြို့ အားကစားသို့ ရောက်ရှိသည်။ ကျိုက်လတ်မြို့ အားကစားကွင်းတွင် သုရုပ်ပြကစားမည်ကို ပရိတ်သတ်များက ကွင်းလုံးပြည့်စောင့်ကြိုစောင့်ကြိုနေကြသည်။ ကွင်ထဲသို့ ၀င်သည်နှင့် ပရိသတ်များက ဘရာဇီး ဘရာဇီး ဟုသံပြိုင်ဟစ်ကြွေးကာကြိုဆိုကြသည်။ ထို့နောက် ဘာရာဇီး ဘော့လုံးသမားတစ်ယောက်က ဘောလုံးကို တော့ပြသည်။ ယင်းနောက်တွင် ကွင်းအတွင်းအသင့်စောင့်ဆိုင်းနေသည့် ဒေသခံကစားသမားများကို ဘော့လုံးလေ့ကျင့်နည်း နည်းစနစ်များကို လက်တွေ့သရုပ်ပြ သင်ကြားပြသပေးသည်။

ယင်းသို့သင်ကြားပြသပေးရာတွင် ရှေ့တန်းတိုက်စစ်မှူးများက ရှေ့တန်းအားတွင် ကစားသည့် အားစကားသမားကို လည်းကောင်း နောက်တန်းက နောက်တန်း ဂိုးသမားက ဂိုးအတွက်လည်းကောင်း အသီးသီးသင်ကြား သရုပ်ပြပေးကြသည်။ ယင်းသို့ သင်ကြားသရုပ်ပြပေးရာတွင် အချို့သော သင်ပြကွက်များသည် ဒေသခံများအတွက် ရယ်စရာဖြစ်နေသည့်အတွက်သည့် တစ်ကွင်းလုံး တ၀ါးဝါး တဟားဟားနှင့် ပွဲကြနေနေကြတော့သည်။ ညနေခြောက်နာရီ ထိုးခါနီးတွင် သင်ကြားမှုများကို အဆုံးသတ်ပြီး ဘရာဇီးမှာ ယူဆောင်လာသည့် လက်ပတ်ပုတီးကွင်းလေးများ ပို့စကဒ်များကို ဒေသခံများအတွက် အမှတ်တရအဖြစ်ပေးအပ်ကြသည်။

မူလက ကျိုက်လတ်တွင် ညနေငါးနာရီတွင် ညစာစားရန်စီစဉ်ထားသော်လည်း အချိန်မှာ မျှော်မှန်းထားသည်ထက် ပိုမိုကြာမြင့်သွားသောကြောင့် ညစာမစားပဲ ရန်ကုန်သို့ပြန်ရန်စီစဉ်ခဲ့ကြသည်။ ရန်ကုန်တွင် ဘော့လုံးအဖွဲ့ အချုပ်ဥက္ကဌ ဦးဇော်ဇော်အိမ်တွင် ညစာစားသုံးရန် စီစဉ်ထားသည်ဖြစ်သောကြောင့် အချိန်မှီပြန်ရန် စီစဉ်ခဲ့ခြင်းဖြစ်သည်။ ဘောလုံးသမားသည် ပထမနေ့က ဘောလုံးကစားပြီး ဒုတိယနေ့တွင် တစ်နေကုန် ခရီကားစီး ခရီးသွားရခြင်းဖြစ်သောကြောင့် အပြန်ခရီးတွင် ပင်ပန်းသဖြင့် တစ်ချို့က အိပ်ရင်းလိုက်ပါကြသည်။ လမ်းကလည်းကြမ်း ကားအဲကွန်းကလည်း အအေးသဖြင့်အချို့သော ကစားသမားများက အအိပ်နိုင်ပဲ ဒီတိုင်းလိုက်ပါလာကြသည်။ ကျိုက်လတ်မြို့မှ ညနေ ခြောက်နာရီ အကျော်လောက်တွင် စတင်ထွက်ခွာခဲ့ပြီး ရန်ကုန်မြို့သို့ ညဆယ့်နာရီခွဲအကျော်တွင် ခရီးစဉ်မှ ချောချောမောမော ရောက်ရှိလာခဲ့သည်။

နိဂုံး

ဘရာဇီးအသင်းသည် ပထမနေ့က ဘော့လုံးကစားထားလို့ ပင်ပန်းထားရသည့်ကြားက ဒုတိယနေ့တွင် လမ်းကြမ်းကြမ်းတွင် အနေကုန် ခရီးသွားသည်။ သေချာတာကတော့ တတိနေ့တွင် ကာစားမည့် ဘော့လုံးတွင် ဘရာဇီးအသင်း ခြေကုန်လက်ပန်းကျနေ ပေလိမ့်မည်။ ထို့အပြင် ဘော့လုံးသမား နှစ်ယောက်သည် ပထမနေ့ မြန်မာနှင့်ကစားသည့်ပွဲသည် ဒါဏ်ရာ အနည်းငယ်ရထားသဖြင့် ထမင်းပင်စားနိုင်ခြင်း မရှိပေ။ ယင်းအပြင် ဘော့လုံးသမား အများစုသည် သုံးဆယ့်ငါးနှစ် အထက်များဖြစ်ကြသည်။ ထို့ကြောင့် အားလုံးထင်ထားသည်မှာ နောက်နေ့ မြန်မာနှင့်ကစားမည့်ပွဲတွင် ကောင်းစွာကစားနိုင်ရှိတော့မည် မဟုတ်ဟု ယူဆထားခဲ့ကြသည်။

သို့ပေမယ့် တကယ်တန်းကစားသည့်အခါတွင် ဘရာဇီးအသင်းသားများသည် ထင်သလောက်ခြေကုန်လက်ပန်း ကျခြင်းမရှိကြပဲ ကောင်းစွာ ကစားနိုင်သည်ကိုတွေ့ရသည်။ “ သူတို့တဖွဲ့လုံးက ဆေးလိပ်လည်း မသောက်ဘူး။ အရက်လည်း မသောက်ကြဘူး” ဟု YMCA မှ အဖွဲ့ဝင်တစ်ဦးက ပြောသည်။ အခုလို သက်လုံကောင်းခြင်းသည် ဆေးလိပ်မသောက် အရက်မသောက်တာလည်း ပါကောင်းပါပါလိမ့်မည် သေချာသည်ကတော့ သက်လုံကောင်းအောင် လေ့ကျင့်သားပြည့်ဝနေခြင်းကြောင်း ဖြစ်ပေလိမ့်မည်။

အထက်တွင် ဖော်ပြခဲ့သည့်အတွင်း ယခုလာသည့် ဘရာဇီးကလပ်အသင်းသည် နိုင်ငံတကာစံနှုန်းနှင့် ကြည့်လျှင်ဘာမှမဟုတ်သော အသင်းလေးတစ်ခု ဖြစ်သော်လည်း မြန်မာဘော့လုံးသအင်းနှင့် ယဉ်ပြိုင်ကစားသည့်အခါတွင် နည်းစပိုင်းဆိုင်ရာတွေမှာ များစွာအားသာကိုတော့ ငြင်း၍ကားမရပေ။ ထို့ကြောင့် ဘောလုံးကစားသည့် အားကစားသမား ကိုယ်တိုင်သော်လည်းကောင်း ဘော့လုံးအဖွဲ့ချုပ်နေဖြင့်သော်လည်ကောင်း အနာဂတ် မြန်မာဘော့လုံးအတွင်းအတွက် ဘာတွေကို ပြုပြင်ရမည် ဘာတွေ ထပ်လုပ်ဖို့လိုသေးသည် ဆိုသည်ကို သိမြင်ရရှိသည်။

တကယ်တော့ ယခုလာသည့်ဘရာဇီး ဘော့လုံးမှ ရံပုံငွေမျှော်မှန်းထားသလောက် မရရှိခဲ့ပါ။ သို့ပေမယ့် မြန်မာဘောလုံးလောကအတွက်တော့ အသုံးဝင်မည့် အတွေ့အကြုံတစ်ခု ရသွားခဲ့သည်က မလွဲပေ။


Read More...

Tuesday, October 28, 2008

ငါးတင်ကားနဲ့ကုန်တင်ကားတိုက်မိ







မနေ့ည ဆယ်နာရီခွဲလောက်မှာ ရေကြောင်းသိပ္ပံ ကျောင်းအရှေ့မှာ ငါးတင်ကားနဲ့ ကုန်တင်ကားတိုက် မိတယ်။ ကားတိုက်တာကြောင့် ငါးကားပေါ်က လူခြောက်ယောက် ကုန်ကားက တစ်ယောက် ဒါဏ်ရာ ရသွားတယ်။ ပြီးတော့ ငါးတွေက အခုလို လမ်းမပေါ်မှာ ကြဲချထားသလို ကြည့်မကောင်း မြင်မကောင်း ဖြစ်နေတော့တာပဲ။

Read More...

Sunday, October 26, 2008

စက်ရပ်သတင်း

ရန်ကုန်မှာ မိုးများ အဆက်မပြတ်ရွာ သွန်းမှုကြောင့် မြန်မာဘလော့ဂ်ကာ တစ်ဦး ဒုက္ခရောက် ..........


အိမ်ရှေ့မှ မြင်ရသော မိုးရွာသွန်းမှု အခြေနေ



ရန်ကုန်မြို့တွင် မိုးများ အဆက်မပြတ် ရွာသွန်းနေမှုကြောင့် မြန်မာဘလော့ဂ် ကာတစ်ဦး ဖြစ်သူ ကျွန်ုပ်သည် ဒုက္ခရောက်လျှက် ရှိကြောင်း သိရသည်။

ဖြစ်ပွားပုံမှာ သူသည်(ကျွန်ုပ်သည်) ယနေ့ မိုးများ ရွာသွန်းခြင်းကြောင့် အပြင်သို့ မသွားနိုင်ပါ။ (ထီးမရှိတာကြောင့် လည်းဖြစ်နိုင်သည်) ထိုပြင် အိမ်မှာ မိုးမလုံသောကြောင့် ပုံတွင် မြင်ရသည့်အတွင်း မိုးယိုနေသော နေရာများတွင် ရေပုံလေးများ လိုက်လံခံထားရသည်။ ၀ါယာလက်သည် အိမ်၏၀ရံတာ အနီး တစ်နေရာတည်း တွင်မိသောကြောင့် ကွန်ပျူတာကို မိုးလုံသောနေရာသို့ ရွှေ့ပြောင်းသုံး စွဲရန် လည်းမဖြစ်နိုင်ပေ။ ထို့ကြောင့် မိုးယိုခြင်းကို သည်းခံကာ အင်တာနက်ကို သုံးနေရသည်။

မိုးယိုသောနေရာများတွင် ယခုကဲ့သို့ ရေပုံးလေးများ ခံထားရသည်

ထို့အပြင် ဈေးသွားရန် ထီးလည်းမရှိ (အကြောင်းပြခြင်းသာ ဖြစ်ပြီး အမှန်တကယ်မှာ ဈေးဝယ်ရန် ပိုက်ဆံမရှိခြင်းလည်း ဖြစ်နိုင်သည်) မနေ့ညက ၀ယ်ထားသော လက်ကျန် ချည်ပေါင်းလေး တစ်စီးကို ချက်ပြီး မိုးလည်းမလုံ အိမ်အိုကြီးထည်းတွင် ချည်ပေါင်းဟင်းနှင့် နှစ်ပါးသွားရမည့် ကိန်းဆိုက်လျှက် ရှိပေတော့သည်။


တနေ့လုံးစာအတွက် ချည်ပေါင်ရွက်

Read More...

Saturday, October 25, 2008

တန်ဖိုး

ကြယ်တွေကပြောတယ် မင်းမမြင်ပေမယ့်ကောင်းကင်မှာ ငါတို့ရှိနေတယ်တဲ့ ......

စမ်းချောင်းလေးကပြောတယ် တိတ်ဆိတ်နေရင် ရေစီးသံက တေးသွားတပုဒ်ပဲတဲ့ ......

လူတစ်ချို့ပြောတာပေါ့ ကြယ်တွေက တန်ဖိုးရှိတယ် ငါတို့ကို လမ်းပြတယ်တဲ့

လူတစ်ချို့ကပြောတာပေါ့ ကြယ်ဆိုတာ ကောင်းကင်မှ မရေတွက်နိုင်အောင် များနေတာ ဘာမှ တန်ဖိုးမရှိပါဘူးတဲ့

လူတစ်ချို့ကပြောတာပေါ့ ရေစီးသံကို နားထောင်ရတာ စိတ်ကိုအပမ်းပြေစေတယ်တဲ့

လူတစ်ချို့ကတော့ စမ်းချောင်းထဲက ရေကိုသာ ခပ်သောက်သွားကြတယ် ရေစီးသံကို မကြားမိလိုက်ကြဘူး

တကယ်တော့ အရာရာ အားလုံးဟာ အသုံးတည့်ရင် တန်ဖိုးရှိပေမယ့်၊ တန်ဖိုးမထားတတ်ရင် အရာရာ အလုံးဟာ အနုတ်စုတ်ဂုတ်စုတ် ပါပဲ

ဒါကြောင့် တစ်ရံတစ်ခါမှာ
တေးသွားတွေ ကဗျာတွေ အချစ်တွေဟာ တန်းဖိုးမထားတတ်သူရဲ့ အရှေ့မှာ အနုတ်စုတ်ဂုတ်စုတ် ဖြစ်ခဲ့ရဖူးတယ်

Read More...

Friday, October 24, 2008

အနာ

အရက်မူးတာလွန်ရင် အရက်နာကျသလို။ အချစ်ရူးတာ လွန်ရင်လည်း အရူးနာကျတယ်။ အရက်ကို သောက်ပါများရင် အသည်းကို ထိခိုက်တယ်။ အချစ်ကို စွဲလမ်းတာ များရင် နှလုံးကို ထိခိုက်တယ်။ အရက်နာကျနေတဲ့ လူတစ်ယောက် အဖို့ ဘလက်လေး သောက်ပြီး နေ့တစ်ဝက်လောက် နားလိုက်ရင် သက်သာသွားပေမယ့် အချစ်နာကျနေတဲ့ လူတစ်ယောက်ဖို့တော့ ဘ၀တစ်သက်သာ လုံးအချိန်ယူပြီး ကုရလိမ့်မယ်။
(စိုးဇေယျထွန်း)

Read More...

Monday, October 20, 2008

ဘာလိုလိုနဲ့နှစ်နှစ်ပြည့်ပြီ . . . . . .

အခုဆိုရင် ဘာလိုလိုနဲ့ ကျွန်တော်ဘလော့ဂ် ရေးလာတာ နှစ်နှစ်ပြည့်သွားပြီ။ ကျွန်တော်ပထဆုံး ဘလော့ဂ်ကို သိတာကတော့ Service+ က ကိုရဲဆီမှာ အင်တာနက်သင်တန်း တက်ရင်း ဘလော့ဂ်ဆိုတာ ကိုသိလာတယ်။ နောက်တော့ ဘလော့ဂ်ရေးဖို့ ကြိုးစားကြည့်တယ်။ အဲဒီတုန်းကတော့ ဘလော့ဂ်မှာ မြန်မာလို ရေးလို့ရတယ်ဆိုတာ မသိခဲ့ဘူး။ အင်္ဂလိပ်လိုကလည်း မတတ်နဲ့ဆိုတော့ ဘလော့ဂ်တွေ လုပ်ပြီးဆက်မရေးဖြစ်ဘူး။ အဲဒါနဲ့ပဲ ဘလော့ဂ်မှာ ကျွန်တော်ရိုက်ခဲ့တဲ့ ပုံလေးတွေကို တင်ပြီး အောက်မှာလည်း ခပ်တည်တည်နဲ့ ဈေးနှုန်းတွေ ကပ်ထားခဲ့တယ်။


နောက်တော့ ကျွန်တော်တို့ရုံးကို ရွှေမြတ် ရောက်လာတယ်။ အဲဒီတုန်းက ကျွန်တော်တို့ရုံးကို ကွန်ပျူတာ လာပြင်တာ။ ကွန်ပျူတာ ပြင်ရင်း သူ့ဘလော့ဂ်ကို သူဖွင့်ထားတာကို တွေ့တယ်။ ပြီးတော့ သူ့ဘလော့ဂ်မှာက မြန်မာစာတွေနဲ့။ အဲဒီတော့မှ ဘလော့ဂ်ပေါ်မှာ မြန်မာလို ရေးလို့ရတယ်ဆိုတာ သိရတယ်။ အဲဒီမှာ သူ့ကို ဘယ်လိုရေးရတာလည်း ဆိုတာမေးတယ်။ အဲတော့သူက ကိုညီလင်းဘလော့ဂ် လိပ်စာကိုပေးပြီး အဲဒီမှာ မြန်မာလို ဘယ်လိုရေးရတယ်ဆိုတာ ရှင်းပြထားတယ်။ အဲဒီမှာ ဖတ်ပြီးလုပ်ကြည့်တဲ့။ ပြီးတော့ သူက နည်းပညာ တစ်ခုကို သင်ပေးထားခဲ့သေးတယ် ဘလော့ဂ်မှာ ခင်ဗျားလိုချင်တဲ့ဟာတွေ ရှိရင် Selection မှတ် ပြီးရင် Right Click ပြီးရင် View Source ကိုနှိပ် ပြီးရင် Source ကို ကော်ပီကူး ပြီးရင် ကိုယ့်ရဲ့ တင်းပလိတ်ထဲမှာ ထည့်တဲ့။

အဲလိုနဲ့ ကျွန်တော် ဟိုလိုစမ်း ဒီလိုစမ်းနဲ့ ဆယ်ရက် ကျော်ကျော်လောက် အိပ်ရေးပျက်ပြီး သွားချိန်မှာ ဘလော့ဂ်က မြန်မာလို ပေါ်တဲ့ အဆင့်ကိုရောက်လာတယ်။ (မြန်မာလို စရေးလို့ ရကတည်းက ဘလော့ဂ်ကို တစိုက်မှတ်မှတ် ရေးဖြစ်ခဲ့တာ ဒီနှစ်အောက် တိုဘာမှာ နှစ်နှစ် ပြည့်သွားပါပြီ။ )

ဒါပေမယ့် ကျွန်တော့်ဘလော့ဂ်မှာ စီဘောက်မရှိဘူး။ အဲဒါကြောင့် ရုရှက ဘလော့ဂ်ကာ အကိုကြီး တစ်ယောက်ဆီက စီဘောက်ကို Selection မှတ်တယ်။ ပြီးတော့ Source ကိုယူတယ်။ ပြီးတော့ ကျွန်တော့် တင်းပလိတ်မှာ ထည့်ပြီး သူများ စီဘောက်ကြီးကို ကျွန်တော့်ဘလော့ဂ်မှာ ခပ်တည်တည်နဲ့ ကောက်တင်ထားလိုက်တယ်။ တစ်ရက်နှစ်ရက်လောက် အထိ မသိသေးဘူး။ ကျွန်တော့်စီဘောက်ကို လာလာအော်နေကြပါလား ပေါ့။ နောက်တော့မှ အဲဒီအကိုကြီးက လာပြောတယ်။ ငါ့ညီတပ်ထားတာ အကို့စီဘောက်ကြီးတဲ့။ အဲတော့မှ အဖြစ်မှန်ကို သိပြီး မဖြစ်ချိမ့်ဘူး ဆိုပြီး စီဘောက်ကို အသစ်ပြန်လုပ်ရတယ်။

နောက်တော့ ဘလော့ဂ်က ဒီတိုင်းကြည့်ရင် ပြောင်စပ်စပ်နဲ့ပါ ဘင်နာလေး ဘာလေးတင်မှ ဆိုပြီး ဘင်နာဒီဇိုင်းကို ဆွဲပါတယ်။ တင်ပုံတင်နည်းကတော့ ထုံးစံအတိုင်းပဲပေါ့ ဘလော့ဂ်နေရာမှာ ထားပုံထားနည်းကိုတော့ ကိုညီလင်းဆက် ဘလော့ဂ် ဘင်နာကို ဆလက်ရှင်မှတ် Source ကိုကော်ပီကူး ယူပြီး ကျွန်တော့်တင်းပလိတ်မှာ ထည့်ပါတယ်။ (အဲဒီတုန်းက ဘလော့ဂ် ဖူတာ၊ ဆိုက်ဘား၊ ဘင်နာတွေကို အခုလို Page Element ကနေ အလွယ်တကူ ၀င်ပြင်လို့ မရသေးပါဘူး။ အားလုံးကို Html ကုဒ်နဲ့ ၀င်ရေးပြီး ပြင်ရတာဖြစ်ပါတယ်။) အဲဒီမှ ပြသနာက ဘာလဲဆိုတော့ ကျွန်တော့်ဘလော့ဂ်က ဘင်နာကို ကလစ်ခေါက်လိုက်ရင် ကိုညီလင်းဆက် ဘလော့ဂ်ကို ရောက်ရောက် သွားပါတယ်။ ဒါပေမယ့် ပြသနာမရှိပါဘူး ထားလိုက်ပါဆိုပြီး ထားထားပေးလိုက်တယ်။


အဲဒီအချိန်တုန်းက မြန်မာစာရိုက်တာလည်း အခုလို ကျွမ်းကျွမ်းကျင်ကျင် မရှိသေးပါဘူး။ စာလေးတစ်ပိုဒ်ရဖို့ တစ်နာရီနှစ်နာရီလောက် ရိုက်ရပါတယ်။ ကီးဘုတ်ကို ကြည့်ရတယ်။ လက်ကွက်စာရွက်ကို ကြည့်ရတယ်။ ပြီးတော့ ကွန်ပျူတာ မော်နီတာကို ကြည့်ရတယ်။ အဲလိုဆိုတော့ စာရိုက်တာ ခရီးမတွင်လှပါဘူး။ အဲလို မတွင်တဲ့ ကြားထဲက တစ်ရက်မှာ ဇော်ဂျီမရှိတဲ့စက်မှာ သွားပြီး ၀င်းဖောင့်တွေနဲ့ ရိုက်ပါတယ်။ ၀င်းတွေကို အင်တာနက်ချိတ်ထားတဲ့ စက်ကိုရောက်မှာ ဇော်ဂျီပြောင်းမယ်ပေါ့။ တကယ်ပြောင်းတော့ ပြောင်းလို့မရပါဘူး။ မရဘူးဆိုတာက ကျွန်တော်က ကွန်ဘာတာနဲ့ ပြောင်းတာမဟုတ်ပဲ ၀င်းအင်းဝကနေ ၀င်းကလော အစရှိတဲ့ ဖောင့်တွေကို ပြောင်းတဲ့ ပုံစံမျိုး သွားပြောင်းတာကိုး။ အဲဒီတုန်းက ကွန်ဘာတာနဲ့ ပြောင်းလို့ရမှန်းလည်း မသိပါဘူး။ အဲဒါကြောင့် မထူးပါဘူးကွာ ဆိုပြီး ပရင့်စကင်ဖမ်းပြီး ဓာတ်ပုံဖိုင်အနေနဲ့ တင်ပေးလိုက်တယ်။ အစပိုင်းက Blog Post တစ်ချို့မှာ အဲလိုဖြစ်နေတာကို တွေ့နိုင်ပါတယ်။

နောက်တော့ တစ်ရက်မှာ ကိုညီလင်းဆက်က ရုံးကို ပေါက်ချလာပါတယ်။ ပြသနာကတော့ ဂန္ထ၀င်ကိစ္စပေါ့။ သူရေးထားတဲ့ ဂန္ထ၀င်ပုံပါတဲ့ ဘလော့ဂ်ပို့တစ်ခုကို ကျွန်တော်က ဂျာနယ်ထဲမှာ ထည့်ရေးလိုက်တယ်။ ညီလင်းဆက် ဘလော့ဂ်မှ ကူးယူဖော်ပြသည်ဆိုပြီး။ အဲဒီမှာ ကိုညီလင်းဆက်က ရုံးကို ပေါက်ချလာပြီး ကိုညီလင်းဆက်နဲ့ ခင်သွားပါတယ်။ နောက်တော့ ကိုညီလင်းဆက် အကူညီနဲ့ Hit Conter , Online User, Adress ဘားက ဒင်္ဂါးပုံလေး အစရှိတာတွေကို ထည့်ပါတယ်။

အဲဒီနောက်ပိုင်းမှာတော့ ဘလော့ဂ်လေးက လူစင်မှီသွားပြီး ပို့လေးတွေကိုပုံ မှန်လေးရေးဖြစ်ခဲ့ပါတယ်။ နောက်ပိုင်းတော့ တဖြည်းဖြည်းချင်း အိုကေလာခဲ့ပါတယ်။ အိုကေလာသလို ဘလော့ဂ်ပေါ်က လူတွေနဲ့လည်း ခင်မင်ရင်းနှီးလာခဲ့ပါတယ်။ တကယ်တော့ ကိုယ့်ဘလော့ဂ်ကို လာတဲ့ကောင်တာဟာ ပိုက်ဆံတစ်ပြားမှ မရပါဘူး။ ဒါပေမယ့် ကောင်တာမှာ ဂဏန်းတွေ တိုးလာလေလေ ရေးရတာ ပိုပြီး အားရှိလေလေပါပဲ။

လောလောဆယ်တော့ အိပ်ချင်ပြီ ကျန်တာ နောက်နေ့ မှ ခေါင်းစဉ်တစ်မျိုးနဲ့ ထပ်ရေးတာပေါ့ .....

Read More...

Saturday, October 18, 2008

ဖရုံသီးသရဲ


ဖိုတိုရှော့နဲ့ ဆွဲထားတာ

Read More...

Thursday, October 16, 2008

ယောက်ဖကြီးသို့ ဒုတိယအကြိမ်

ကျွန်တော့်ကို ယောက်ဖကြီး ကျန်ရစ်ဂိန်က အချစ်အကြောင်း ရေးဖို့ပြောလာပါတယ်။ ကျွန်တော်မှာ အိုင်ဒီယာ မရှိတာနဲ့ မရေးဖြစ်ခဲ့ပါဘူး။ ဒါပေမယ့် ပြန်စဉ်းစားကြည့်တော့ ဒါစာမေးပွဲ စစ်တာဖြစ်နိုင်တယ်။ ကျွန်တော်အချစ် အပေါ်ကို ဘယ်လိုခံယူထားတယ် ဆိုတာ သိမှ ကျွန်တော့်လက်မှာ စိတ်ချလက်ချ အပ်လို့ရမှာလေ။ ဒါကြောင့် ကျန်ရစ်ဂိန်အတွက် ကျွန်တော်ရေးဖို့ စဉ်းစားပါတယ်။

တကယ်တော့ အချစ်ဆိုတာ ပီကယ်လိုအရာမျိုးရယ်ပါ
ဆိတ်ပါးလိုအငြိမ်မနေပဲ အမြဲတမ်းတလှုပ်လှုပ်နဲ့ဝါးနေရတယ်
စားခါစမှာတော့ မွေးရနံ့လေးတွေနဲ့ ပါးစပ်ထဲမှာ ချိုမြနေတယ်
ဒီလိုနဲ့ ၀ါးတာလဲကြာရော
မွှေးရနံ့လေးတွေပျယ် အချိုရည်တွေကုန်ပြီး
ဘတ်သပ်ဘတ်သပ်နဲ့ ဘာမှ သုံးမရတဲ့ သားရေဖတ်ကြီး အဖြစ်ကို ရောက်ရှိလို့ သွားပါတော့တယ်
(ကျော်စံကေး)
ကျွန်တော်ငယ်ငယ်က ပြောင်းရှင်းစာအုပ်ထဲမှာ ကျော်စံကေးရေးထားတာကို ဖတ်ဖူးတဲ့ အချစ်ဆိုတဲ့ အရာပါ


အချစ်ဆိုတာ ကောက်ရိုးမီးလိုပဲ
လောင်ကျွမ်းလွယ်တယ်
ကုန်လွယ်တယ်
နောက်ဆုံးမှာ ပြာဖြစ်သွားတယ်
အဲဒီပြာတွေက တစ်ခါတံရံမှာ ပတ်ဝန်းကျင်ကို အမှိုက်ရှုပ်စေတယ်
(စိုးဇေယျထွန်း)


အချစ်ဆိုတာ
သူ့နားမှာနေ သူ့လိုအင်တွေကို
ဖြည့်ဆည်းခွင်ရရင် ကျေနပ်နေတဲ့ ပိတိလေးတစ်ခုပေါ့
အဲဒီပိတိကို အချစ်လို့လို့ ခေါ်ကြတယ်
(စိုးဇေယျထွန်း)

အချစ်ဆိုတာ . . . .
နှလုံသားကို သစ်စေ့လို့ပြောမယ်ဆိုရင်
လူစိမ်းတစ်ယောက်ရဲ့ မေတ္တာက ရေလေးတွေဖြစ်မှာပေါ့
လူတစ်ယောက်ရဲ့ နှလုံးသားပေါ်ကို လူစိမ်းတစ်ယောက်ရဲ့ မေတ္တာရေတွေ သွန်းလောင်းတဲ့အခါ
အပင်တစ်ပင်ပေါက်လာတယ်
အဲဒီအပင်နာမည်က သံယောဇဉ်တဲ့
အဲဒီသံယောဇဉ် အပင်က အချိန်တန်တော့ အပွင့်ပွင့်တယ်
အဲဒီအပွင့်နာမည်က အချစ်လို့ ခေါ်တယ်
တကယ်လို့များ အချိန်တွေကြာငြောင်းလို့ အဲဒီအပွင့်လေးတွေ ကြွေကျသွားခဲ့ရင်တောင်
အပွင့်ရဲ့မွှေးရနံ့လေးတွေက ပတ်ဝန်းကျင်မှာ ပျံ့နှံ့နေတတ်တယ်
အဲဒီမွေးရနံ့နာမည်က အကြင်နာတဲ့
(စိုးဇေယျထွန်း)


အချစ်ဆိုတာ . . .
လူသည်ဆင် အချစ်သည်မျက်မမြင်ပုံဏား
မျက်မမြင်ပုံဏားတွေက မိမိစမ်းသပ်မိတဲ့ အစိတ်ပိုင်းကို ဆင်လို့ပြောသလို
လူတွေကလည်း ကိုယ်နဲ့ထိတွေ့ခဲ့တဲ့ ခံစားမှုတွေကို အချစ်လို့ ထင်ကြတယ်
ဒါကြောင့် လူတစ်ချို့ကပြောတယ် အချစ်က ခါးတယ်
လူတစ်ချို့က ပြောတယ် အချစ်က ချိုမြိန်တယ်
လူတစ်ချို့က ပြောတယ် အချစ်ကခါးလည်းခါးတယ် ချိုလည်းချိုတယ်
တကယ်တော့ ....
အချစ်မှာ ခါးခြင်းလည်းမရှိသလို ချိုခြင်းလည်းမရှိဘူး
တကယ်တော့
အချစ်မှာ ကြင်နာခြင်းဆိုတာ မရှိသလို ရက်စက်ခြင်းဆိုတာမရှိဘူး
တက်တယ်တော့
အချစ်ဆိုတာ စွမ်းအားတစ်ခုပဲ
ဥပမာပြောရင် မော်တော်ဆိုင်ကယ်တစ်စီးနဲ့တူတယ်
သင်ဘုရားကို လမ်းလျှောက်သွားရင် ကြာလိမ့်မယ် မော်တော်ဆိုင်ကယ်နဲ့ဆိုရင် ပိုမြန်တယ်
အဲလိုပဲ
သင်အရက်ဆိုင်ကို လမ်းလျှောက်သွားရင် ကြာလိမ့်မယ် မော်တော်ဆိုင်ကယ်နဲ့ဆိုရင် ပိုမြန်မြန်ရောက်တယ်
ဒါပေမယ့် မော်တော်ဆိုင်ကယ်ကို စည်းမရှိကမ်းမရှိ မောင်းရင် ရဲဖမ်းလိမ့်မယ် ဒါဏ်ရိုက်လိမ့်မယ် အခန့်မသင့်ရင် အသက်ဆုံးရှုံးရလိမ့်မယ် ။

မောင်ကျန်ရစ်ဂိန်ရေ ဆက်ရေးရင်တော့ ကျမ်းတစ်စောင် ဖြစ်လာလိမ့်မယ်။ အဲခါကျရင် လူတွေက ၀ယ်ဖတ်လိမ့်မယ်။ မလောက်လို့ ပုံနှိပ်စက်မှာ ထပ်ရိုက်ရလိမ့်မယ်။ ပုံနှိပ်စက်မှာ ထပ်ရိုက်ရင်းရိုက်ရင်း ကမ္ဘာပေါ်က စက္ကူတွေကုန်သွားလိမ့်မယ်။ စက္ကူတွေ ကုန်ရင် ၀ါးပင်တွေထပ်ခုတ်။ နောက်ဆုံးကျရင် ကမ္ဘာပေါ်မှာ ၀ါးပင်တွေ မျိုးတုန်းသွားလိမ့်။

အဲဒီအခါကျရင် တရားခံတွေဖြစ်တဲ့ ခင်ဗျားကျုပ်တို့ သမီးယေက်ဖ နှစ်ယောက်ကို သဘာဝ ပတ်ဝန်းကျင် ထိန်းသိမ်းသူတွေက တရားစွဲလိမ့်မယ်။ မကောင်းဘူး။ အဲဒါကြောင့် ဒီနားတင်ပဲ ရပ်လိုက်ပြီနော်။

Read More...

ဘလာဂေါက်



ဒါကတော့ ဘလော့ဂ်ကာ ကိုဂေါက်ရဲ့ ပုံပါ။ မနေ့ညက စာရေးရမှာ ပျင်းတာနဲ့ ဖိုတိုရှော့နဲ့ ကလိထားတာ။ ပထမပုံပိုင်းပဲ ရှိသေးတယ်။ မိုးလင်းသွားလို့ လက်စ မသပ်ရသေးဘူး။ လက်စသပ်ပြီးရင် ထပ်တင်ပေးဦးမယ်။

Read More...

Wednesday, October 15, 2008

ရွှေတိံဂုံက သီတင်းလပြည့်ည







မနေ့ညက ဘုရားသွားဖူးရင်း ရိုက်လာခဲ့တဲ့ ပုံလေးတွေပါ ...

Read More...

Tuesday, October 14, 2008

အမည်မသိ ခေတ်မော်ဒယ်



























ဒီပုံက မြန်မာနိုင်ငံဓာတ်ပုံ အသင်းနဲ့ ကန်တော်ကြီးမှာ ရိုက်လာတာပါ။ ရိုက်ဆိုလို့တာ လုယက်တိုးဝှေ့ပြီး ရိုက်လိုက်တာ မော်ဒယ်နာမည်တောင် မမေးမိလိုက်ဘူး

Read More...