အပ်စိုက်ကုပညာ

ကဲအပ်စိုက်ကု ပညာအကြောင်း ပြောကြည့်ရအောင်။ အပ်စိုက်ကု ပညာ acupuncture ဟာ လွန်ခဲ့တဲ့ နှစ်ပေါင်းလေးထောင်ကျော် လောက်က တရုတ်ပြည်မှ စတင်ပေါ်ပေါက်လာတဲ့ ပညာရပ်ဖြစ်တယ်။ လူ့ခန္ဒာကိုယ်ပေါ်မှာ သတ်မှတ်ထားတဲ့ အချက်အချာနေရာ များကို အပ်ငယ်များဖြင့် ထိုးစိုက်လုံ့ဆော်ပေးခြင်း ဖိနှိပ်ခြင်း လျှပ်စီးစေခြင်းအားဖြင့် နာကျဉ်မူကို သက်သာစေခြင်း ရောဂါပျောက်ကင်းစေခြင်း တို့ကိုဖြစ်စေတယ်။

ခောတ်ဦးကာလက ၀ါး ငါးရိုး ဖြူဆူးများကို အသုံးပြုခဲ့ကြပေမယ့် နောက်ပိုင်းမှာ ကြေးဝါအပ်ငယ်များ ငွေအပ်ငယ်များ သုံးလာရာက အခုဆိုရင် စတီးအပ် တစ်ခါသုံးအပ် (DISPO-SIBLENEEDLE) များကို အသုံးပြုနေကြပါပြီ။

အပ်စိုက်ကု ပညာသည် ခြောက်ရာစုခန့်တွင် ဂျပန် ကိုးရီးယား ဗီယက်နမ်နိုင်ငံများသို့ ပျံ့နှံ့သွားခဲ့ပြီး၊ ၁၉၂၈ တွင် ပြင်သစ်နိုင်ငံ ၁၉၇၁ တွင်အမေရိကန် နိုင်ငံတို့ကို ရောက်ရှိသွားပါတယ်။

၁၉ ရာစု အရောက်မှာတော့ ဆရာဝန်အပ်စိုက် ကုပညာနဲ့ တရုပ်တိုင်းရင်း အပ်စိုက်ကု ပညာဆိုပြီး နှစ်မျိုးကွဲသွားခဲ့တယ်။

တရုပ်တိုင်းရင်း အပ်စိုက်ကုပညာက ရောဂါရှာဖွေရာမှာ သူတို့ရိုးရာနည်းဖြစ်တဲ့ ယင်နဲ့ယန်နဲ့ ရှာဖွေတယ်။ ပျောက်ကင်းခြင်း ရှိမရှိဆိုတာကို လည်းတရုပ်တိုင်းရင်းနည်းနဲ့ စမ်းသပ်ပြီးပြောတယ်။

ဆရာဝန် အပ်စိုက်ကု ပညာက ရောဂါရှာဖွေတာကို သိပ္ပံနည်းကျ ဆရာဝန်ပညာနဲ့ ရှာတယ်။ ပျေက်ကင်းခြင်းရှိမရှိ ဆိုတာကိုလည်း ဆရာဝန်နည်းနဲ့ စမ်းသပ်ပြီး ပြောတယ်။ အပ်စိုက်ကု သတဲ့ အပိုင်းမှာ ဘယ်ရောဂါ ဖြစ်ရင် ဘယ်နားကိုအပ်စိုက်ရ မယ်ဆိုတာ ကတော့ အတူတူပါပဲ။

ကမ္ဘာ့ကျမ္မာရေးအဖွဲ့ WHO က သုသေသနပြုချက်အရ အပ်စိုက်ကု ပညာနဲ့ ရောဂါအမျိုးပေါင်း ၁၀၇ မျိုးကိုပျောက်ကင်းအောင် ကိုသနိုင်တယ် ဆိုတာကိုလည်း တရားဝင် ထုတ်ပြန်ကြေငြာ ထားပြီးတာဖြစ်တယ်။

ဆရာဝန်ပညာနဲ့ ကုလို့မပျောက် နိုင်တဲ့ ဒူးနာတာ လေဖြတ်တာ မျက်စိအရောင်ကြောင် ( Color Blind ) ဖြစ်တာ တို့ကို အပ်စိုက်ကု ပညာနဲ့ ကုသရင် လူ၁၀၀ မှာ ၉၉ ယောက် သက်သာပျောက်ကင်းတာကို တွေ့ရတယ်။

ဒါကြောင့် ဆရာဝန် အပ်စိုက်ကုထုံးကို နိုင်ငံတကာက ဆေးရုံးကြီးတွေမှာ လက်ခံကျင့်သုံးနေကြပြီ ဖြစ်သလို အချို့သော ဆေးတက္ကသိုလ်တွေမှာ ဘာသာရပ် တစ်ခုအနေနဲ့ ထည့်သွင်းသင်ကြားနေကြပါပြီ။

အပ်စိုက်ကု ပညာရဲ့ နောက်ထပ် စွမ်းဆောင်ချက်တစ်ခုက ထုံးဆေးလိုလဲ သုံးလို့ရပါတယ်။ ဥပမာ ဦးခေါင်းခွဲစိတ်တဲ့ လူနာကို ခေါင်းရဲ့ တစ်နေရာမှာ အပ်လေးတစ်ချောင်း စိုက်ထားလိုက်ရုံနဲ့ လူနာဟာ ပန်းသီးစား မပျက်ပဲ ခေါင်းခွဲစိတ်ကုသ မှုကိုခံနိုင်ပါတယ်။

WHO ရဲ့သုတေသနပြုချက်အရ အချက်အချာကျတဲ့နေရာ ACU-POINTS တွေကို ဖိနှိပ်ခြင်း လျှပ်စစ်ဓာတ်ဖြင့် လှုံ့ဆော်ခြင်းအားဖြင့် ကိုယ်ခန္ဒာရှိ အာရုံကြောများမှ လှုံ့ဆော်မူပစ္စည်း NEURO-TRANSMITTOR များ ထွက်လာစေပြီး ရောဂါကို ပျောက်ကင်းစေတယ်လို့ ဆိုပါတယ်။

အပ်စိုက်ကု ပညာအကြောင်း ပြောပြပေးတဲ့ ပါမောက္ခဒေါက်တာ အောာင်မြတ်သွင် မေ့ဆေးဆရာဝန်ကြီး ဆေး ၂ ကို အထူးကျေးဇူးတင်ရှိပါတယ်