မြူ

မနက်မိုးလင်းလို့ အိမ်ရာထလိုက်တာ့ လှိုင်မြစ် ထဲမှာမြူတွေ ဖွေးနေအောင် မြင်ရသည်။ မြူတွေက လှိုင်မြစ်ပေါ်တင် မဟုတ်ပဲ ရန်ကုန်မြို့ ကအထပ်မြင့် အဆောက်အဦးတွေမှာပါ ရစ်ဆိုင်းနေသည်။ အဝေးကို မျှော်ကြည့်လိုက်တော့ နေရောင်ကမိုင်းပျပျ။ ကျွန်တော့ အတွေးများကလည်း အတိတ်ဆီ . . .

ရန်ကုန်မြို့ရဲ့ မြောက်ဘက် မိုင်လေးရာကျော် အကွာက တောင်ကြားမြို့လေးမှာ ဆောင်းရာသီရဲ့ သင်္ကေသ တစ်ခုအနေနဲ့ မြူနှင်းတွေက မတ်လ ပထမပတ် လောက်ထိ လွမ်းခြုံ ထားတတ်ကြတယ်။

ကျွန်တော်တို့ ဒေသမှာ မြူနှင်းကျပြီ ဆိုရင် ပတ်ဝန်းကျင် တစ်ခုလုံး ပိန်းပိတ် သွားပြီး ဆယ်ပေ ကျော်ရင် ဘာမှ မမြင်ရတော့ဘူး။ နေလုံး ကို နံနက် ၁၀ ကျော်မှ မြင်ရတယ်။ အစောဆုံးမြင်ရရင် ကိုးနာရီ တစ်ခါတရံမှာ ၁၂ နာရီလောက် မှနေလုံး ကို မြင်ရတယ်။ မှတ်မှတ်ရရ 2000 ပြည့်နှစ်ရဲ့ ပထမဆုံး နေလုံးကို နေ့လည် ၁၂ နာရီလောက် မှမြင်ရတယ်။

အဲဒီလို မြူတွေ ကြားထဲမှာ စက်ဘီးစီး ရတာ အရမ်းသဘော ကျတာပဲ။ တော်တော်ကြာကြာ စက်ဘီး စီးမိရင် ဆံပင်တို့ အင်္ကျီတို့က အမွေးလေးတွေမှာ ရေစက်ကလေးတွေ တွဲလွဲခို လာတတ်တယ်။

ီမြူတွေ ဘာကြောင့်ကျတာလဲ

မြေကြီးရဲ့ သဘာဝက နေ့အခါမှာ အပူကို စုပ်ယူပြီး ညအခါမှာ အပူကို လွတ်ထုတ် လေ့ရှိတယ်။ ဆောင်းရာသီ ရောက်ပြီ ဆိုတာနဲ့ အေးတဲ့ သဘာဝရှိတာကြောင့် နေ့ခင်းဘက်မှာ မြေကြီးက အပူကို ကောင်းစွာမရှိဘူး။ ဒါပေမယ့် ညအခါမှာ လွတ်ထုတ်တဲ့ အပူကတော့ ပုံမှန်အတိုင်းပဲ လွတ်ထုတ်ကြတယ်။ အဲဒီအခါမှာ မြေကြီးက အပူဆုံးရှုံးမှုကို ဖြစ်ပေါ်တယ်။

အပူဆုံးရုံးတော့ မြေကြီးက အေးသွားရော။ မြေကြီး အေးသွားတဲ့ အခါမှာ မြေကြီး အပေါ်ပိုင်း မှာရှိတဲ့ လေတွေကို အပူစီးကူးခြင်း နိယာမအရ အအေးဓာတ်တွေကို စီးကူသွားစေတယ်။ လေတွေဟာ အေးလာတော့ ငွေ့ရည်ဖွဲ့ပြီး ရေမှုံ ရေမွှားလေး တွေအဖြစ် ပြောင်းလဲသွားတယ်။ အဲဒီရေမှုံ ရေမွှားလေးတွေ များပြားလာတဲ့ အစုအဖွဲ့ကို မြူလို့ခေါ် ပါတယ်။

မြင်ရတဲ့ အကွာဝေးကို အဝေးမြင်တာ လို့ခေါ်တယ်။ ဒီအမှုံ အမွားလေးတွေ ကြောင့် အလင်းက မဖောက်နိုင်တော့ဘူး။ အဲဒီမှာ အဝေးမြင်တာက ကျဆင်းသွားတယ်။

မိုးဇလ ပညာရှင်များကတော့ မီတာနှစ်ထောင်ကို ကျော်ပြီး မမြင်ရတော့ရင် မြူ လို့ခေါ်တယ်။ မြူတွေဟာ အရွယ်အားဖြင့်လည်း ကြီးလားတယ်။ ပိုပြီးလည်း ပိတ်မှောင် လာတယ်။ အဝေးမြင်တာ ကလည်း မီတာတစ်ထောင် အောက်ကျသွားပြီ ဆိုရင် မြူထူ လို့ခေါ်တယ်။

မြူရဲ့ သဘာဝ

မြူတွေဟာ များသေားအားဖြင့် ဇန်န၀ါရီနဲ့ ဖေဖော်ဝါရီ လတွေမှာ ကျတတ်တယ်။ ဖေဖော်ဝါရီ နောက်ဆုံးပတ် အထိ မြူတွေကျဆင်း နေသေးတယ်ဆိုရင် အဲဒီနှစ်ရဲ့ မုတ်သုန်ရာသီ နောက်ကျခဲ့ တယ်ဆိုတာကို ဖော်ပြနေပါတယ်။

မြူဟာ များသောအား ဖြင့် ညပိုင်းတွေမှာ ကျလေ့မရှိပဲ နေစထွက်တဲ့ အချိန်ကနေ စကျလေ့ရှိတယ်။ နေမြင့်လာ တာနဲ့အမျှ မြူတွေက လည်းတဖြေးဖြေးချင်း ပျောက်ကွယ်ကုန် ကြတယ်။

မြူကျဆင်းခြင်းကြောင့် လေမုန်တိုင်းလို အန္တရယ် မပေးနိုင်ပေမယ့် အဝေးမြင်တာ ကျဆင်းသွား ခြင်းကြောင့်။ ယဉ်များတိုက် ခိုက်မိခြင်း။ ပင်လယ် မြစ်ကြောင်းတွင်း ရှိ ရေယဉ်များ လှေများ တိုက်ခိုက်ခြင်း။ လေယဉ်ဆင်း မရခြင်းတွေ ဖြစ်တတ်ပါတယ်။

မြူအကြောင်းကို စိတ်ရှည်လက် ရှည်ရှင်း ပြပေးတဲ့ မိုးလေ၀သနှင့် ဇလဗေဒ ဦးစီးဌာနမှ ညွှန်ကြားရေးမူးချုပ် ဦးထွန်းလွင် ကို ကျေးဇူးတင်ရှိပါသည်