ဥာဏ်ကိုဘယ်လို သုံးမလဲ

ကျွန်တော်ငယ်ငယ်က ရွှေသွေးစာစောင်တွင် ကာတွန်းပုံပြင်လေး တစ်ပုဒ်ကို
ဖတ်ဖူးသည်။ ယင်းပုံပြင်လေးတွင် ကြက်မိသားစု တစ်စုရှိသည်။ ကြက်မိသားစုတွင်
ကြက်အဖေကြီး ကြက်အမေကြီးနဲ့ ကြက်သားလေး စုစုပေါင်းသုံးကောင်ရှိသည်။
တစ်ရက်တွင် ကြက်အမေကြီးနှင့် အဖေကြီး အစာရှာသွားနေခိုက် အိမ်တွင်
ကြက်သားလေး တစ်ကောင်သာ ကျန်ရစ်ခဲ့သည်။
ထိုအချိန်တွင် သူ့သူငယ်ချင်းဘဲလေးက ဆော့ကစားကြရန်လာခေါ်သည်။ ထို့ကြောင့်
ကြက်ပေါက်စလေးနှင့် ဘဲပေါက်စလေးတို့သည် သစ်ပင်တစ်ပင်အောက်တွင် သွားရောက်
ဆော့ကစားနေကြသည်။ ထိုသို့ သစ်ပင်အောက်တွင် ကစားနေစဉ် သစ်ပင်ပေါ်တွင်
ရှည့်လေးတစ် ကောင်သည် အစာစားလျှက်ရှိသည်။ ရှည့်လေး အစာစားပြီးနှောက်
သစ်စေ့လေးကို အောက်သို့ ပစ်ချပြီး သစ်ခေါင်းတွင်းသို့ ၀င်သွားသည်။
ထိုသစ်စေ့လေးသည် ကြက်ပေါက်စလေး ခေါင်းပေါ်သို့ ကျသွားသည်။ ထိုအခါ
ကြက်ပေါက်စလေး သည်ထိတ်လန့်သွားသည်။ ဒီစေ့လေး ဘယ်ကကျလာတာလဲ ဆိုတာ
ရှာကြသည်။ သူတို့ မတွေ့ ။ ဘယ်က ကျလာမှန်း မသိသည့်အခါတွင် ဒါမိုးပြိုတာ
ဖြစ်မယ်ဟု ဘဲပေါက်စလေးက သူ့၏ ထင်မြင်ချက်ကို ပြောသည်။ ထိုအခါတွင်
ကြက်ပေါက်စလေးက ဟုတ်နိုင်သည်ဟု ဆိုသည်။ မိုးပြိုရင် လိုလုပ်မလဲ
ဆိုသည့်မေးခွန်းကို သူတို့နှစ်ယောက် မေးကြသည်။ ထို့နှောက် နှစ်ကောင်သား
စဉ်းစားမနေနိုင်တော့ပဲ သူ့တို့ အိမ်ဆီသို့ တန်းပြေးလာခဲ့ကြသည်။
ကြက်ပေါက်စလေး နှစ်ကောင်ပြော သောစကားကို ငှက်တစ်ကောင်က ကြားသွားသည်
ထို့ကြောင့် မကြာမီ မိုးပြိုတော့မည်ဖြစ်ကြောင်း တစ်တောလုံး သိအောင်
ကြေငြာပါတော့သည်။

တခါတုန်းက ရွာတစ်ရွာတွင် ဥာဏ်ကိုလွှာ မသုံးပဲ အတုံးအလိုက် အတစ်အလိုက်
သုံးလေ့ရှိသော လူတစ်ယောက်ရှိသည်။ သူသည် အရာရာကို ပါးပါးလွှာ မစဉ်းစားပဲ
အတုံးအလိုက် အတစ်လိုက်သာ စဉ်းစားသည်။
တစ်ရက်တွင် သမင်တစ်ကောင်သည် အနောက်ဘက် တောအုပ်နေ၍ှ ကွင်းပြင်တစ်ခုကို
ဖြတ်ကာ အရှေ့ဘက် တောအုပ်အတွင်းသို့ ၀င်သွားသည်။ သမင်သည် ကွင်းပြင်သို့
ဖြတ်စဉ်က ကျောက်ဖျာတစ်ချပ် ပေါ်သို့ ဖြစ်သန်း သွားခဲ့သည်။
မကြာမီ သမင်ဖြတ်သွားသော ကွင်းပြင်သို့ ဥာဏ်ကို အတုံးအလိုက် အတစ်လိုက်
သုံးလေ့ရှိသည့် ရွာသားရောက်လာသည်။ ရွာသားသည် သမင်ခြေရာများကို
တွေ့ရှိသွားပြီး ခြေရာအတိုင်း လိုက်ပါက သမင်ကို တွေ့မည်ဟု ယုံကြည်သည်။
ထို့ကြောင့် ခြေရာခံကာ သမင်နောက်တို့ လိုက်လာခဲ့သည်။
လိုက်ရင်းလိုက်ရင်းဖြင့် သမင်ဖြတ်သွားသော ကျောက်ဖျာသို့ ရောက်သွားသည်။
ကျောက်ဖျာသည် မာသောကြောင့် ကျောက်ဖျာပေါ်တွင် သမင်ခြေရာများ
ပျောက်သွားသည်။ ထိုအခါ ရွာသားက ဧကန သမင်ကျောက်ဖျာအောက်မှာ ၀င်ပုန်းနေတာ
ဖြစ်မယ်ဟု ဆိုကာ ကျောက်ဖျာကို တူးရန်ကြံသည်။ ထိုသို့တူးရန် ပြင်ဆင်ပြီး
ကျောက်ဖျာပေါ်သို့ တက်ခဲ့သည်။ ကျောက်ဖျာ အဆုံးရောက်တော့ သမင်းခြေရာများကို
ပြန်တွေ့ပြန်သည်။
ထိုအခါ ရွာသားက ဒါဆိုရင် သေချာပြီ အနောက်ဘက်ကလာတဲ့ သမင်က ဒီကျောက်ဖျာ
အောက်ကို ၀င်သွားတယ်။ အဲလိုပဲ အရှေ့ဘက်က လာတဲ့ သမင်ဟာလဲ
နှေက်ပြန်လှမ်းလျှောက်ပြီး ဒီကျောက်ဖျာအောက်ကို ၀င်သွားတယ်။ ငါသာ
ဒီကျောက်ဖျာကြီးကို တူးနိုင်ရင် သမင်နှစ်ကောင်ရမှာပဲဟုဆိုက
ကျောက်ဖျာကြီးကို အပိုင်တူးပါတော့သည်။

ထို့ကြောင့် ကြက်အဖေကြီး နှင့် အမေကြီးလည်း အစာရှာရာက အိမ်သို့
အမြန်ပြန်ခဲ့ကြရသည်။ အိပ်သို့ ရောက်သောအခါ ဘဲစုံတွဲ အပါအ၀င် တိရိစ္ဆာန်
တော်တော်များများ ရောက်ရှိနေကြသည်။ သို့ရာတွင် သူတို့သည် ဘယ်မှာ
သွားပုန်းလို့ ပုန်းရမှန်း မသိဖြစ်နေကြသည်။
ထိုအချက်တွင် အဖြစ်အကြောင်းအရာ အားလုံးကို သိသောမြေခွေးက အခွင့်ကောင်းယူ၍
အားလုံးလာကြ ငါ့ဂူကလုံခြုံတယ် ငါ့ဂူကိုလာ ဆိုပြီးခေါ်သွားသည်။ အားလုံးကို
မြေခွေးကို ယုံကြည်ပြီးလိုက် ရန်ပြင်ကြသည်။
ထိုအချိန်တွင် သစ်ခေါင်းထဲတွင် အိမ်နေသော ရှည့်လေး နိုးလာသည်။
မိုးပြိုမည်ဆိုသည့် သတင်းကြောင့် တိရစ္ဆာန်များ ရုတ်ရုတ်သဲသဲ ဖြစ်နေသည်ကို
ရှည့်လေးသိသွားသည်။ ရှည့်လေး အဖြစ်ပျက်အားလုံးကို ရိပ်စားမိပြီး
ဦးဇီးကွက်ကြီးကို အကူညီသွားတောင်းသည်။ အချိန်မီ သွားမပြောနိုင်ပါက
မြေခွေဂူထဲတွင် တိရိစ္ဆာန်များ ဒုက္ခရောက်နိုင်သည်။

နောက်ဆုံးသည် ဦးဇီးကွက်ကြီး ရောက်လာပြီး တိရစ္ဆာများကို အဖြစ်မှန်တွေ
ပြောကာ မြေခွေးဂူတို့ မလိုက်ရန် အချိန်မီတားလိုက်ရသည်။ ထို့နောက်
သစ်စေ့ကျ သည်ကို မိုးပြိုမည်ဟု မစဉ်းစား မဆင်းချဉ်ပဲ ပြောခဲ့သော
ဘဲလေးနှင့် ဘာကိုမျှ မစူးစမ်းပဲ သတင်းလိုက်ဖြန့် ခဲ့သော ငှက်တို့
ဇီးကွက်ကြီးက ဆုံးမလေတော့သည်။

ဘယ်အရာကို မဆို အကြောင်းရာတစ်ခု၏ ဇတ်မြစ်ကို သေချာသိအောင်
မစူးစမ်းရသေးခင် ထင်ရာကို အမှန်ထင်ပြီးလုပ်မည်ဆိုပါက ကျောက်ဖျာကို တူးသော
ရွာသားကဲ့သို့ ပင်ပန်းပြီး မိုးပြိုမည်ကို ကြောက်သော ကြက်မိသားစု ကဲ့သို့
ကြေက်မက်ဖွယ်ရာဟု ထင်မြင်နေကြ မည်ဖြစ်ပါသည်။

ထို့ကြောင့် ဥာဏ်ကို အတုံးလိုက်မသုံးပဲ လွှာသုံးမှသာ အမှန်တရားကို ရောက်ပေမည်