ဘူတာရုံ

တစ်ခါတုန်းက
ဘူတာရုံလေး တစ်ခုရှိတယ်

အဲဒီဘူတာရုံလေးမှာ
ရထားတွေတစ်စီးပြီး တစ်စီးရပ်နားလို့

ခရီးသည်တွေ ၀င်ထွက်သူတွေနဲ့
စည်ကားလို့ပေါ့ . . . .

တစ်နေ့မှာ အဲဒီဘူတာရုံထဲကို
ထူးဆန်းဆန်း ရထားကြီးတစ်စင်းဝင်လာတယ်
အဲဒီရထားနာမည်က အချစ်တဲ့

အဲဒီရထားကြီး ထွက်သွားပြီးတော့
နှစ်လတွေကြာတဲ့အခါမှာ
ဘူတာရုံလေးကပြောတယ်
“ရထားဟာ ထွက်ခွာသွားခဲ့ပေမယ်၊ ဒီဘူတာရုံလေးထဲမှာ တစ်ချိန်က ရပ်နားခဲ့ဖူးတယ်ဆိုတဲ့ အသိနဲ့၊ ရထားသံလမ်းတွေကို ငေးကြည့်နေမိတယ်” တဲ့

ဒါပေမယ့် ဘူတာရုံက နောက်ထပ်ဘယ်ရထားကိုမှ လက်မခံတော့ဘူး
လူတစ်ယောက်ရဲ့ နှလုံးသားကို အရှင်လတ်လတ် တက်ကြိတ်သွားလို့တဲ့လေ

Read More...

Summary only...

ပေးဆပ်သူ

ဘ၀ဟာ ပုံပြင်တစ်ပုဒ်ဖြစ်ခဲ့မယ်ဆိုရင်
ကျွန်တော်က ပုံပြင်ထဲက ဇာတ်ရုပ်တစ်ခုဖြစ်ပြီး သူမသည် ပုံပြင်ပြောတဲ့သူ တစ်ယောက်ဖြစ်ပါလိမ့်မည်။ ပုံပြင်ထဲက ဇာတ်ကောင် ကျွန်တော့်ကို ပျော်စေချင်သလား၊ ငိုစေချယ်သလား၊ ကောင်းစေချင်လား၊ ဆိုးစေချင်လား အရာအားလုံးက သူမရဲ့ လက်ထဲမှာ။ နောက်ဆုံး ဇတ်ကောင်ကို သေစေချင်လား သေခိုင်းလို့ရသေးတယ်၊ ဘာဖြစ်လို့လဲဆိုတော့ သူမက ဇာတ်ကိုဖန်တီးတဲ့သူလေ၊ အရာအရာအားလုံး သူ့အလိုကျ ကျွန်တော်ပဲပေါ့။

ဘ၀ဟာပုစ္ဆာာတစ်ပုဒ် ဖြစ်ခဲ့မယ်ဆိုရင် …
ကျွန်တော်နဲ့ သူမဟာ ကိန်းကဏန်းလေးတွေဖြစ်မှာပါ၊ ကိန်းဂဏန်းနှစ်ခုကို ပိုင်းခြားထားတဲ့ ကြက်ခြေခတ်ကတော့ ကျွန်တော်တို့နှစ်ယောက်ကို မပေါင်းစည်းနိုင်အောင်ပိုင်ခြားတဲ့ ကံကြမ္မာပေါ့။ အဲဒီကြက်ခြေခတ်ကို အပေါင်းလက္ခာဖြစ်လာအောင် ကြိုးစားရင်း ……
ကျွန်တော့်အသက်တွေတောင် ကြီးခဲ့ပြီ

ဘ၀ဟာ ပန်းချီကားတစ်ချပ်ဖြစ်ခဲ့မယ်ဆိုရင်
သူမဟာ ပန်းချီဆရာမတစ်ယောက် ဖြစ်လိမ့်မယ်ထင်ပါတယ်။ ကျွန်တော်ကတော့ ပန်းချီကား ဘောင်ဖြစ်ပြီး အလည်က အဖြူရောင် ကင်းဘတ်ကတော့ ကျွန်တော့်နှလုံးသားပေါ့။ သူမက ကျွန်တော့် အဖြူရောင် ကင်းဘတ်လေးကို ဆေးရောင်စုံတွေခြယ်ခဲ့တယ်။
ပထဆုံးသူမခြယ်ခဲ့တဲ့ အရောင်နာမည်က အချစ်တဲ့ ….

အဲဒီနောက်မှာတော့ ကြေကွဲခြင်း၊ ရူးသွပ်ခြင်း၊ စတဲ့အရောင်တွေကို အချိုးကျပေါင်းစပ်လို့ ကျွန်တော့်နှလုံးသားပေါ်ကို တစ်ချက်ပြီးတစ်ချက် စုပ်ချက်တွေနဲ့ ရေးဆွဲခဲ့တယ်။
နောက်ဆုံး ခြယ်သွားတဲ့ အရောင်နာမည်ကတော့ အလွမ်းတဲ့ ………

မော်ဒန်ပန်းချီလို ခြယ်သထားတဲ့ ကားချပ်တစ်ခုက၊ ဘေးလူတွေအမြင်မှာတော့ ကြည့်ကောင်းချင် ကြည့်ကောင်း ပါလိမ့်မယ်။ ဒါပေမယ့် ကင်းဘတ်ပေါ်မှာ အရောင်တွေက မညီမညာနဲ့ ကင်းဘတ်ရဲ့ မူလအဖြူရောင်းလေး ဆုံးရှုံးသွားတာ ကိုတော့ ဘယ်သူမှ သတိမထားမိ လိုက်ကြဘူးလေ။

အခုတော့ ကျွန်တော့်နှလုံးသားမှာ သူမခြယ်သွားတဲ့ ဆေးရောင်စုံတွေက ပလပွပေကြမ်းလို့ပေါ့။ ဒါပေမယ့် ဆေးရောင်တစ်ခုကတော့ ကျွန်တော့်နှလုံးသားကို ဘယ်လောက် ခြယ်ခြယ် လုံးဝစွဲမထင်ရစ်ခဲ့ဘူး။ အဲဒီအရောင်နာမည်က အမုန်းတဲ့…..

ဟုတ်တယ် ကျွန်တော်ဒီနေ့အထိ သူမကို မုန်းလို့မရဘူး

Read More...

Summary only...

ကျွန်တစ်ယောက်၏ အိပ်မက်

ရှေးခေတ် အီဂျစ်ဘုရင်တွေဟာ သူတို့မသေခင်မှာ သူတို့သေရင် သင်္ဂြိုလ်ဖို့ ဂူသင်္ချိုင်းတွေကို သူတို့မသေခင်ကတည်းက ဆောက်လုပ် လေ့ရှိကြတယ်။ အဲလို ဆောက်လုပ်ရာမှာ ဘုရင်တွေဟာ သူ့ထက်ငါ ကြီးအောင် ပိုခမ်းနားလောင် အပြိုင်အဆိုင် ဆောက်လုပ်ခဲ့ကြတယ်။ အဲဒီအထဲမှာ အကြီးဆုံး ဂူသင်္ချိုင်းကြီး သုံးခုကတော့ ကိုင်ရိုမြို့နားလေးက ဂီဇယ်ဆိုတဲ့ အရပ်မှာရှိတယ်။ အဲဒီသုံးခုထဲက အကြီးဆုံး ပရမစ်လို့ခေါ်တဲ့ ဂူသင်္ချိုင်းကို ဘီစီ ၂၉၀၀ လောက်မှာ ကူဖူးလို့ခေါ်တဲ့ ဘုရင်တစ်ပါးကနေ တည်ဆောက်ခဲ့တာဖြစ်တယ်။

အဲဒီဂူသင်္ချိုင်းကြီးဟာ အခုအခါမှာတော့ ကမ္ဘာကနေရင်သပ်ရှုမောရတဲ့ ကမ္ဘာ့အံ့ဖွယ်တစ်ခု အဖြစ် အသိမှတ်ပြု ရင်သပ်ရှုမောနေကြရတယ်။ ဒါပေမယ့် အဲဒီလို ရင်သပ်ရှုမောဖွယ်ရာ ပိရစ်မစ်ကြီး ဖြစ်လာဖို့ ကျွန်တစ်သိန်းရဲ့ အင်အားကို သုံးပြီး အနှစ်နှစ်ဆယ်ကြအောင်တည်ဆောက်ခဲ့တယ်။ အစ်ကို အခုပြောမယ့် ပုံပြင်လေးက အဲဒီပိရစ်မစ်ကြီးကို တည်ဆောက်ရာမှာ ပါဝင်ခဲ့တဲ့ ကျွန်တစ်ယောက်ရဲ့ အကြောင်းပဲ။
သူ့နာမည်က အာခိလိ တဲ့။ သူဟာ ပိရစ်မစ်ကြီး မဆောက်ခင် အနှစ်ဆယ်လောက်မှာ စောပြီး လူ့လောကကြီးကို ရောက်လာတာပေါ့။ သူ့အဖေရော အမေရော ပါ ဂီဇာရပ်က သူဌေးကြီးတစ်ယောက်ရဲ့ ကျွန်တော် ဖြစ်ကြတယ်။ သူ့တို့ခေတ်က ကျွန်တော်တစ်ယောက်က မွေးလာတဲ့ သားသမီးတစ်ယောက်ဟာ အလိုလိုနေရင်း ကျွန်ဖြစ်ပြီးသားလေ။ ရိုင်းရိုင်း ပြောရရင်တော့ ကိုယ့်ခြံထဲမှာ ပေါက်လာတဲ့နွားဟာ ကိုယ့်နွားဆိုတဲ့ ပုံစံမျိုးပေါ့။

သူမွေးပြီး လူမှန်း သူမှန်း မသိခင်အစလေးမှာ သံတံဆိပ်တုံးကို မီးဖုတ်ပြီး သူ့ရဲ့လက်မောင်းမှာကပ်ပြီး တံဆိပ်နှိပ်လိုက်တယ်။ အဲဒီတံဆိပ်ကတော့ ဂီဇာရပ်က သူဌေးကြီးပိုင်တဲ့ အမှတ်အသားတစ်ခုပေါ့။ တစ်ခါတံရံမှာ အကိုတို့ကို ခြင်ဆေးခွေက မီးနဲ့ ထိမိရင်တောင် အဲဒီအပူဒဏ်ကို ဆတ်ဆတ်ခါနေအောင် ခံစားရတာလေ။ လူမှန်းမသိတဲ့ အရွယ်လေးမှာ မီးဖုတ်ထားတဲ့ သံတံဆိပ်တုန်းနဲ့ အသားကို နှိပ်လိုက်တယ်ဆိုတော့ သူဘယ်လောက်များ နာလိမ့်မလဲ။
သူလူမှန်းသိတဲ့အချိန်မှာ သူ့အသားကမဲပြီး သူ့ရဲ့ ခန္ဒာကိုယ်က ကျုံလီနေတယ်။ သူ့ကျော်ပြင်ပေါ်မှာတော့ အမာရွတ်တွေ ပလပွနဲ့။ ဒါပေမယ့် သူ့အဲဒီနေ့မှာ သူဆုံးဖြတ်လိုက်တယ် သူမိန်းမယူတော့ဘူးလို့ ……..။ ဘာဖြစ်လို့လဲဆိုတော့ သူမိန်းမယူပြီး ကလေးမွေးရင် အလိုလိုနေရင်း ကျွန်တစ်ယောက် ဖြစ်သွားလိမ့်မယ်။ အဲဒီလို ကျွန်တစ်ယောက် ဖြစ်လာရင် သူ့လို ဒုက္ခတွေခံစားနေရလိမ့်မယ်။ အခုလည်း ကြည့်လေ အဟာရ မပြည့်ဝလို့ ကုလားအုပ် တစ်ကောင်ရဲ့ လည်ပင်းက သွေးကို သွားဖောက်စုပ်တာ မိသွားလို့ ကြာပွတ်နဲ့ အရိုက်ခံ ထိခဲ့ရတယ်။ (ကုလားအုပ်ရဲ့ လည်ပင်းက သွေးကြောကို ဓားလေးနဲ့ သေးသေးလေး လှီးပြီးရင် သွေးတွေထွက်လာတယ်။ ဂန္ဓာရထဲမှာ ကုန်သည်ခရီးသွားတွေ အဟာရ ပြတ်ရင် အဲလိုနည်းနဲ့ အသက်ဆက်ရတယ်။ လူတစ်ယောက်စာ သွေးစုတ်လိုက်ခြင်းဟာ ကုလားအုပ်အတွက်တော့ ပြောပလောက်ဘူး)


သူ့အမေက သူ့ကျောကုန်းက ဒါဏ်ရာတွေကို ဆေးထည့်ပေးတယ်။ ဆေးထည့် ပေးနေတုန်းမှာ နာကျဉ်လွန်းလို့ သူ့ရဲ့ ကျောပြင်ဟာ တဆတ်ဆတ်တုန်နေတယ်။ အဲဒီအချိန်မှာ ကျွန်တွေကို အုပ်ချုပ်တဲ့ အကြီးကဲက ရောက်လာပြီး သူ့ကိုခေါ်သွားတယ်။ သူ့အမေက ဆေးထည့်တာလေးကို ပြီးအောင်ထည့်ပါရစေလို့ တောင်းပန်ပါသေးတယ်။ ဒါပေမယ့် တောင်းပန်မှုဟာ အချည်းနှီးပါပဲ။

သူ့ကိုခေါ်သွားပြီး ဘယ်ကမှန်းမသိတဲ့ ခရီးသွားကုန်သည်တွေလက်ထဲကို ထည့်ပေးလိုက်တယ်။ အဲဒီအချိန်မှာ သူဟာ ဆယ်နှစ်သားအရွယ်ပဲ ရှိသေးတယ်။ အဲဒီအချိန်က သူ့အမေနဲ့ သူ ဘယ်တော့မှ ပြန်တွေ့ခွင့်မရှိတော့ဘူး ဆိုတာကို သူမသိလိုက်ဘူး။ သူ့ကို တခြား ကုန်သည်လက်ထဲကို အပြီးအပိုင် ရောင်းစားလိုက်တာလေ။

အဲဒီလိုနဲ့ သဲဂန္ဒာရထဲမှာ ကုလားအုပ်တွေနဲ့ ရက်ပေါင်းများစွာ လမ်းလျှောက်ပြီးတဲ့ အချိန်မှာ မြိုတစ်မြို့ ကိုရောက်တယ်။ အဲဒီမြို့ကိုလည်း ရောက်ရော သူလက်မောင်းမှာရှိတဲ့ ကျွန်တော်တံဆိပ်နေရာကို မီးဖုတ်ထားတဲ့ သံပြားနဲ့ကပ်လိုက်တယ်။ သဘောကတော့ အရင်သူဌေးရဲ့ ကျွန်တံဆိပ်ကို ဖျက်ပစ်လိုက်တာပေါ့။ အဲလို ဖျက်ပစ်ပြီးမှ အခြားလက်မောင်းမှာ နောက်ထပ် တံဆိပ်အသစ်တစ်ခုကို မီးဖုတ်ပြီး ရိုက်ခဲ့တယ်။ အီဂျစ်သဲ ဂန္ဒာရ ရာသီဥတုဟာ နေ့ပိုင်းမှာ မီးလိုပူလောင်နေပေမယ့် ညပိုင်းမှာ လေစိမ်းတွေတိုက်ပြီး ချမ်းနေအောင် အေးတဲ့ သဘာဝရှိတယ်။ အဲဒီလို လေစိမ်းတွေ တိုက်နေတဲ့ အဲဒီညမှာ လက်မှောင်းနှစ်ဘက်က မီးလောင်ဒါဏ်ရာတွေက နာကျဉ်လွန်းလို့ အဲဒီညက သူအိပ်မပျော်ခဲ့ဘူး။ တစ်ချက်ချက် နာကျဉ်လာတိုင်းမှာ သူ့အမေသာရှိရင် ဆေးထည့်ပေးမှာပဲလို့ သူတွေးနေခဲ့မိတယ်။ သူဟာ အဲဒီအချိန်မှာ လူ့ဘ၀ဆိုတာကြီး နာကျဉ်းမုန်းတီးသွားတယ်။ သူအိမ်ထောင် မပြူဘူး သူ့လို ကျွန်လေးတစ်ယောက်ကို လူ့လောကထဲကို ထပ်မခေါ်တော့ဘူး ဆိုတဲ့ ဆုံးဖြတ်ချက်လည်း ပိုပြီး ခိုင်မာသွားခဲ့တယ်။ အဲဒီလိုနဲ့ ဝေဒနာတွေကို ခံစားရင်း အဲဒီမနက်ဟာ မိုးလင်းလို့ သွားခဲ့တယ်။

အဲဒီမြို့မှာ သူဟာ ကုလားအုပ်တွေကို ထိန်းကျောင်းတဲ့လုပ်ကို လုပ်ပြီး သူ့ရင်ဘတ်ထဲက အမာရွတ်တွေကို ဖျောက်ပစ်ဖို့ ကြိုးစားရင်း အချိန်ဆယ်နှစ်ဆိုတာ ကုန်မှန်းမသိ ကုန်ဆုံးသွားခဲ့တယ်။ အဲဒီအချိန်မှာတော့ သူ့အသက်က အသက်နှစ်ဆယ်အရွယ် ရောက်ပြီပေါ့။

သူအသက်နှစ်ဆယ် ရောက်တဲ့နှစ်မှာပဲ ခူးဖူဘုရင်ဟာ အကြီးအကျယ်အခန်းနားဆုံး ပိရစ်မစ်ကြီးကို ဆောက်ဖို့အတွက် လိုအပ်တဲ့ ကျွန်အင်အားတွေကို ပတ်ဝန်းကျင်ကိုပါ တောင်းခံလူစုခဲ့တယ်။ အဲဒီလိုလူစုတဲ့အထဲမှာ အာခိလိ လည်းပါသွားခဲ့တယ်။ အဲဒီပိရိမစ်ကြီးကို ဆောက်တဲ့နေရာမှာ ခက်ခဲကြမ်းတမ်း ပင်ပန်းမယ် ဒုက္ခတွေတွေ့လိမ့်မယ် ဆိုတာကို သူသိတယ်။ ဒါပေမယ့် သူပျော်နေခဲ့တယ်။ ဘာကြောင့်လဲဆိုတော့ အဲဒီပိရမစ်ဟာ သူ့ရဲ့ ဇာတိမြေဖြစ်တဲ့ အရပ်ဒေသမှာ ဆောက်မှာလေ။သူပျော်နေတယ် ဆိုတာကတော့ ဆယ်နှစ်လုံးလုံးဝေးကွာနေခဲ့တဲ့ မိခင်နဲ့ဖခင်ကို အဲဒီပိရစ်မစ်ကို ဆောက်ရင်းနဲ့ ပြန်လည်တွေ့နိုင်တယ်ဆိုတဲ့ သူ့ရဲ့ မျှော်လင့်ချက်အိပ် မက်ကြောင့်ပေါ့။

ဒါပေမယ့် သူ့မျှော်လင့်ချက်နဲ့ လက်တွေ့ဟာ တစ်ခြားစီဆိုတာကိုတော့ သူဇာတိမြေကိုရောက်မှ သူသိလိုက်ရတယ်။ သူဟာပိရစ်မစ်ကြီးဆောက်ဖို့ အလေးချိန်နှစ်တန်ခွဲရှိတဲ့ နှမ်းဖတ်ကျောက်တုန်းကြီးတွေကို သယ်နေရင်း..၊ ကျောကုန်းပေါ် ကျလာတဲ့ ကြာပွတ်ဒါဏ်ရာတွေကို ကြိတ်မိတ်ခံစားရင်းနဲ့ပဲ သူ့အမေကို ရှာဖို့ဆိုတာ သူ့မှာ အချိန်မရှိခဲ့ဘူး။ သူထွက်ပြေးဖို့ အကြိမ်ကြိမ် ကြိုးစားခဲ့မယ့် သဲကန္ဒာရ ဟင်းလင်းပြင်ကြီးကို ကျော်ဖြတ် ပြေးသွားဖို့ဆိုတာ မဖြစ်နိုင်ခဲ့ဘူး။

အဲဒီလိုနဲ့ သူတို့တွေ ပိရစ်ပစ်ကြီးကို တည်ဆောက်ခဲ့ကြတာ ရက်တွေကနေ လတွေ လတွေကနေ နှစ်တွေ ကူးပြောင်းလို့ အပြီးသတ်ဖို့နီးလာခဲ့ပြီ။ ပိရမစ်ကြီးကို စတင်တည်ဆောက်စဉ်မှာ ကျွန်သစ်သိန်းကျော် ရှိခဲ့မယ့်မယ့် အဆုံးသတ်ခါနီးမှာတော့ ကျွန်အင်အားဟာ ငါးသောင်းမပြည့်တော့ဘူး။ တစ်ချို့က ကျောက်တုံးပိလို့ တစ်ချို့က ပင်ပန်းလို့ အဲဒီလို အဲဒီလိုနဲ့ ကျွန်တွေတစ်ယောက် ပြီးတစ်ယောက် ဆုံးပါးသွားခဲ့ကြရတယ်။



အခုတော့ သူ့အသက်က လေးဆယ်နားနီးလာပြီ။ ဒါပေမယ့် ပူလောင်နေတဲ့ သဲကန္ဒာရထဲမှာ လူနဲ့မတူအောင် ကုန်းရုန်းခဲ့ရတာ ဖြစ်တာကြောင့် အသားအရေဟာ မဲကျုတ်ပိန်လှီပြီး အသက်ကြီးနေတဲ့ လူအိုတစ်ယောက်လို ဖြစ်နေပြီ။ သူ့အင်အားတွေလည်း ချိနဲ့နေပြီ။ ဒါပေမယ့် ကြာပွတ်ဒါဏ်ကတော့ အခုအချိန်ထိ မလွတ်သေးပါဘူး။ အသက်ကြီးလာလေလေ သူ့အင်အားတွေက ကုန်ခမ်းလေလေ။ အင်အားကုန်ခမ်းတာနဲ့အမျှ သူရဲ့လုပ်နိုင်စွမ်းရည်ကလည်း ကျဆင်းလေလေပေါ့။ လုပ်နိုင်စွမ်းရည်ကျဆင်းလာတဲ့အမျှ ကြာပွတ်ဒါဏ်ရာတွေ ရလာတာတွေကလည်း ပိုများများလေလေပါပဲ။ အင်အားချိနဲ့မှုတွေ ကြာပွတ်ဒါဏ်တွေရဲ့ ကြားမှာ သူ့အမေကိုတောင် သူသတိမရနိုင်တော့ဘူး သူသတိရနေရတာက လူ့ဘ၀ဆိုတာ ကြာပွတ်ဒါဏ်သင့်နေတဲ့ ခံစားရမှုတစ်ခုတာပဲပေါ့။


တစ်ရက်မှာတော့ သူနေမကောင်းဖြစ်တယ်။ အဲဒီနေ့က နေမကောင်းဖြစ်တာဟာ ခါတိုင်းနေ့နဲ့လုံးဝ မတူဘူးဆိုတာကို သူသတိထားမိတယ်။ ဘာဖြစ်လို့လဲဆိုတော့ သူအိပ်ရာထဲကလုံးဝ မထနိုင်ဘူးလေ။ အဲဒီလို အိပ်ရာကနေ မထနိုင်တဲ့လူနာတစ်ယောက်ဟာ နှစ်တန်ခွဲအလေးချိန်ရှိတဲ့ နှမ်းဖတ်ကျောက်တုံးကြီးတွေကို ဘယ်လိုဖြစ်လို့ သယ်နိုင်မှာလဲ။ အိပ်ရာထဲမှာတောင်မှ အနည်းကို ကြိုးစားပြီး အသက်ရှုနေရတာလေ။ အဲဒါကြောင့် အဲဒီနေ့က သူအလုပ်ကို မသွားတေ့ပဲနဲ့ သဲပြင်မှာပေါ်မှာ မှောက်ချပြီး အိပ်နေလိုက်တယ် …… ။

သူဘယ်လောက် အထိ အိပ်ပျော်သွားတယ် မသိဘူး။ သူ့ဘေးနားမှ ဆူဆူညံညံအသံတွေကြားတော့မှ သူအိပ်ရာကနေ နိုးလာခဲ့တယ်။ သူနိုးလာတဲ့အချိန်မှာ ပတ်ဝန်းကျင်မှာ အရောင်တွေ ၀င်းနေလို့ သူ့မျက်လုံးကို တော်တော်နဲ့ မဖွင့်နိုင်ဘူး။ သူကြိုးစားအားယူပြီး ဖွင့်လိုက်တော့ သူ့အံသြသွားတယ် သူ့ပတ်ဝန်းကျင်က နှမ်းဖတ်ကျောက်တုန်းတွေကို ထမ်းသယ်နေရတဲ့ ပိရိမစ်ဆောက်တဲ့ ကျွန်တွေ မဟုတ်တော့ဘူး၊ ခမ်းနားတဲ့ အဆောင်အယောင်တွေနဲ့ ရွေရောင်တွေ တ၀င်းဝင်းတောက်နေတဲ့ နန်းတော်ကြီးထဲမှာ။ အဲဒီလိုနဲ့ အံ့သြလွန်းလို့ သူ့ကိုယ်သူ မယုံကြည်နိုင်အောင် ဖြစ်နေတုန်းမှာ ရံရွေတော်မိန်းမပျိုတွေက သစ်သီးတွေနဲ့ စားကောင်း သောက်ဖွယ်တွေ အပြည့်ထည့်ထားတဲ့ စားပွဲတစ်လုံးကို သူ့အရှေ့ကို ယူလာခဲ့တယ်။

သူ စားကောင်း သောက်ဖွယ်တွေကို ယူဖို့ လက်လှမ်းနေတုန်းမှာ သူနေထိုင်ရာ အခန်းထဲကို ဘုရင်ဝင်လာတာကို တွေ့လိုက်ရတယ်။ ဒါကြောင့် သူလှမ်းနေတဲ့ လက်ကို ရပ်ပြီး ထွက်ပြေးဖို့လုပ်နေတုန်းမှ ဘုရင့်ဆီကနေ အသံတစ်ခုထွက်လာတယ်။ နောင်တော် ဘယ်ကိုမှ မသွားပါနဲ့။

သူအဲဒီအသံကို ကြားပြီးတော့ သူ့နားကိုသူ မယုံနိုင်ဘူး။ ဟုတ်တယ်လေ သူအနှစ်နှစ်ဆယ်လုံးလုံး ဘုရင်သေရင် မြှတ်နှံရမယ့် ဂူသင်္ချိုင်းတစ်ခုကို ဒုက္ခဆင်းရဲခံပြီး တည်ဆောက်နေခဲ့ရတယ်။ သက်တောင့်သက်သာနေဖို့ ဆိုတာဝေးစွ အစားအသောက်အသောက်လေးတောင် မသေရုံတမည်စားပြီး ငါရဲကျသလို နေပူထဲမှာ အလုပ်တွေလုပ်နေရတာလေ။ အခုတော့ ဘုရင်ကိုယ်တိုင်က သူ့ကို နောင်တော်လို့ ခေါ်ပြီး သူရောက်နေတဲ့ နေရာက စားကောင်းသောက်ဖွယ်တွေနဲ့ သူ့တစ်သက်မှာ ရမယ်လို့ မထင်ရတဲ့ အရာတွေက သူ့ဘေးနားပတ်ဝန်းကျင်မှာ ရောက်နေပြီလေ။

အဲဒီမှာ သူက အံ့သြထိတ်လန့်စွာနဲ့ ဘယ်လိုဖြစ်တာလဲလို့မေးတော့။

“ နောင်တော် ညီတော်ဟာ နောင်တော်ရဲ့ ညီအရင်းပါ။ တကယ်တော့ နောင်တော်ဟာ နောင်တော်ထင်သလို ကျွန်တစ်ယောက် မဟုတ်ပါဘူး။ ကျွန်တော့်ရဲ့ နောင်တော်တစ်ပါးသာလျှင်ဖြစ်ပါတယ်။ မနာလိုသူ အထိမ်းတော်များက စွန့်ပစ်ခြင်းကြောင့်သာလျှင် နောင်တော်ဟာ ကျွန်မိသားစု အသိုင်းဝိုင်းကို ရောက်ရှိသွားခြင်း ဖြစ်ပါတယ် ”

သူ့ရဲ့ဖြစ်ရပ်တွေကို သူမယုံကြည့်နိုင်ဘူး။ ဒါကြောင့် သူစကားပြောဖို့ အားယူနေတုန်းမှာ
“ နောင်တော် အဲဒီအတွက်ဘာကို သံသယမဖြစ်ပါနဲ့ ဒီနန်းဆောင်ထဲမှာ နောင်တော်လွတ်လွတ်လပ်လပ် စိတ်တိုင်းကြနေနိုင်ပါတယ်။ လောလောဆယ် ညီတော်မှာ ဆောင်ရွက်စရာတွေ ရှိသေးတာကြောင့် ခွင့်ပြုပါဦး” ဟုဆိုကာ ဘုရင်ထွက်ခွာသွားတယ်။

ထိုအခါမှ သူ့ကိုယ်သူ စိတ်ချသွားပြီး စားကောင်းသောက်ဖွယ်တွေကို စိတ်တိုင်းကျ စားပါတော့တယ်။ အဲဒီအစားအသောက်တွေ စည်းစိမ်တွေ သူ့ပတ်ဝန်ကျင်က ရံရွေတော်တွေဆိုတာ သူ့တစ်သက်မှာ တစ်ခါမှ မမျှော်လင့်ခဲ့ဖူးတဲ့ အရာတွေပေါ့။ အဲဒီလိုနဲ့ သူစားနေတဲ့ ဟင်းလျှာထဲမှာ ကုလားအုပ်သား ပါတော့ သူငယ်စစဉ်ဘ၀က ကုလားအုပ် တစ်ကောင်ရဲ့ လည်ပင်းသွေးကို ဖောက်စုပ်မိလို့ ကျောပြင်ကို ကြာပွတ်နဲ့ အရိုက်ခံရတာကို သတိရသွားတယ်။ အဲဒီလို သတိရသွားတုန်းမှာ သူ့နားထဲမှာ ကြာပွတ်သံလိုလို အသံတစ်ခုကို ကြားလိုက်ရတယ်။ အဲဒီအသံနဲ့အတူ သူ့ကျောပြင်ဟာလည်း နာကျဉ်သလို ခံစားလိုက်ရတယ်။

“ ဟေ့ကောင် အလုပ်မလုပ်ပဲ ဒီနေရာမှာ ဘာဖြစ်လို့ အိပ်နေတာလဲ။ အခုချက်ခြင်းထ”

သူ့နားထဲမှာ မသဲမကွဲ အသံတစ်ခုကို ကြားလိုက်ရတယ်။ အဲဒီလိုကြားလိုက်ရခြင်းနဲ့ အတူ ကြိုးစားပြီး မျက်လုံးကို ဖွင့်ကြည့်တော့ လူတစ်ယောက်က သူ့ကျောပြင်ကို ကြာပွတ်နဲ့ရိုက်နေတယ်။ အဲဒါကြောင့် သူပြောလိုက်တယ် ငါက ဘုရင့်နောင်တော်ကွ မင်းသေသွားချင်တာလား ……. သူအကျယ်ကြီး အော်ပြောလိုက်ပေမယ့် သူ့အသံကားထွက်မလာခဲ့ဘူး။

ဒါ့ကြောင့် သူ့အားကို အများကြီးစိုက်ပြီး ထပ်အော်ကြည်တယ်။ ဒါပေမယ့် အချည်းနီးပဲ။ အဲဒီတော့မှ သူသဘောပေါက်လိုက်တယ်။ တကယ်တော့ သူ့ဘ၀ဟာ ကျွန်တစ်ယောက်ပဲလေ။ ဘုရင့်နောင်တော်၊ စားသုံးလို့ မကုန်တဲ့ စည်းစိမ်တွေဆိုတာက အိပ်မက်တွေပဲ။ လက်တွေ့ဘ၀ဟာ ကြာပွတ်ဒါဏ်ရာတွေပဲလေ………….

သူ့မထမချင်း သူ့ကျောပြင်ကို ကြာပွတ်ရိုက်ချက်တွေက အဆက်မပြတ်ကျနေရာက်နေတယ်။ သူအားတင်းပြီး ထဖို့ကြိုးစားကြည့်တယ်။ ဒါပေမယ့် အချည်းနည်းပဲ ဘာဖြစ်လို့လဲဆိုတော့ သူဟာချိနဲ့ပြီးအားနည်းနေပြီလေ။ သူဘယ်လိုမှ မနိုင်တော့ဘူး။ မထနိုင်တဲ့အဆုံးမှာ သူဆုံးဖြတ်လိုက်တယ်။ ငါလုံးဝမထတော့ဘူး အဲဒီကြာပွတ်ဒါဏ်တွေကို ခါးစည်းခံလိုက်တော့မယ်။

သူက ပေပြီးမထလေ ကြာပွတ်ရာတွေက သူ့ကျောကို ထပ်ပြီးရောက်လာလေလေပဲ။ အဲလိုရောက်လာတဲ့ ကြာပွတ်ရာတွေက တဖြည်းဖြည်းနဲ့ ပိုပိုပြီးနာလာသလို သူခံစားရတယ်။ အဲဒီလိုနဲ့ နောက်ဆုံးတစ်ချက် ရိုက်လိုက်တဲ့ ကြာပွတ်ရိုက်ချက်က သူ့တစ်သက်နဲ့ တစ်ကိုယ်မှာ အနာကျဉ်ဆုံး ရိုက်ခံရတဲ့ ရိုက်ချက်ပဲ။ အဲဒီ ရိုက်ချက်ကြောင့် သူ့ရဲ့ ကျောပြင်ကနေ ဦးခေါင်း ဦးခေါင်းကနေ ခြေဖျားအထိ တုန်ခါသွားပြီး တစ်ကိုယ်လုံးမှာ ဆတ်ဆတ်တုန်သွားတယ်။

ကြာပွတ်ရိုက်သမားကတော့ မလျှော့ပါဘူး။ နောက်ထပ် ဆက်ရိုက်ပါသေးတယ်။ ဒါပေမယ့် အဲဒီရိုက်ချက်တွေကို သူမသိတော့ဘူး … .။ သူခန္ဒာကိုယ်မှာလဲ သူမရှိတော့ဘူး။ သူ့ဝိညာဉ်ဟာ တစ်ခြားနေရာကို ရောက်သွားခဲ့ပြီလေ……………
(စိုးဇေယျထွန်း- ၁၂.၉.၂၀၀၈)


မှတ်ချက်။ ။ ၂၀၀၈ ခုနှစ်အတွင်းက ပေးခဲ့သော ပေးစာတစ်စောင်မှ ကောက်နုတ်ချက်ဖြစ်သည်

Read More...

Summary only...

အပိုင်းအစ

အဲဒီအပိုင်းအစဟာ ပုံပြင်တစ်ပုဒ်ရဲ့ အပိုင်းအစလည်း ဖြစ်နိုင်တယ်။ အဲဒီအပိုင်းစဟာ ချစ်ခြင်းရဲ့ အပိုင်းအစလည်း ဖြစ်နိုင်တယ်။ အဲဒီအပိုင်းအစဟာ လူတစ်ယောက်ရဲ့ နှလုံးသားရဲ့ အပိုင်းအစလည်း ဖြစ်နိုင်တယ်

* * * * * *

လမင်းက ပြောတယ် .....

သူဟာ ကမ္ဘာမြေကို အကြိမ်ပေါင်းများစွာ ပတ်ပြီး သူ့ရဲ့ ကြင်ယာဖက်ကို ရှာနေခဲ့ဖူးတယ်တဲ့ ....

သစ်ခြောက်ပင်က ပြောတယ် ........

သူဟာ ကမ္ဘာပေါ်မှာ အမွှေးဆုံးပန်းတစ်ပွင့်ကို ပွင့်ပေးချင်ခဲ့တာတဲ့ .........

ငှက်ကလေးတစ်ကောင် ကတော့ အမြဲတမ်း ပျံသန်းနေတယ် သူဘာမှ မပြောဘူး

* * * * *

တစ်ခါတုန်းက ကမ္ဘာပေါ်မှာ လ တစ်စင်းရယ်။ သစ်ရွက်တစ်ရွက်မှ မကျန်တဲ့ သစ်ခြောက်ပင်ကြီး တစ်ပင်ရယ်။ မရပ်မနား ပျံသန်းနေတဲ့ ငှက်ကလေး တစ်ကောင်ရယ် ရှိကြတယ်။ သူတို့ဟာ တစ်နေရာစီမှာ နေပြီး တစ်ယောက်နဲ့ တစ်ယောက်လည်း မသိကြဘူးပေါ့။ ဒါပေမယ့် သူတို့မှာ တူညီနေတဲ့အချက်က ရယ်ရွယ်ချက် တစ်ခုတော့ ရှိနေကြတယ် ... ။

* * * *

ငါကမ္ဘာမြေကို ပတ်လာတာ နှစ်တွေ သန်းပေါင်းမြောက်များစွာ ကြာခဲ့ပြီ

သေချာတာကတော့ ဒီကမ္ဘာမြေမှာ ငါ့ရဲ့ကြင်ရာဖက် မတွေ့နိုင်တော့ပါဘူး .....

စိတ်ပျက်အားငယ် ဟန်နဲ့ လမင်းက ငြီးတွားရှာတယ်။

တကယ်တော့ ငါက ကမ္ဘာမြေမှာ အမွှေးဆုံးပန်းလေးတစ်ပွင့် ပွင့်ချင်ခဲ့တာပါ

အခုတော့ ငါ့ကို သင်းသတ်သွားကြလို့ အပွင့်မပြောနဲ့ အရွက်တောင်မရှိတဲ့ဘ၀။ ငါဘ၀က သေဆုံးခဲ့ရပြီးကိုး။

သစ်ပင်က သူ့ရဲ့ ရိုးတန်းကြဲနေတဲ့ အကိုင်းခက်တွေကို ကြည့်ရင်းငိုတယ်..။

ငှက်ကလေးကတော့ ဘာမှ မပြောဘူး ..........

* * * *

တစ်ရက်မှာ လမင်းရယ်။ သစ်ခြောက်ပင်ရယ်။ ငှက်ကလေးရယ် သွားဆုံးမိကြတယ်။ လမင်းကတော့ အရှေ့မှာ ထိန်ထိန်သာလို့၊ သစ်ခြောက်ပင်ကတော့ လရောင်အောက်မှာ မားမားရပ်လို၊ ငှက်ကလေးကတော့ စွန်းထွက်နေတဲ့ သစ်ကိုင်းခြောက်လေးမှာ နားခိုလို့ . . .။ အဲဒီလို သူတို့ တွေ့ဆုံဖြစ်ချိန်မှာ တစ်ယောက်အကြောင်း တစ်ယောက် ပြောဖြစ်ကြတယ်

* * * *

ငါကတော့ ဒီကမ္ဘာကို တတ်နိုင်သလောက် အလင်းရောင်လေး ပေးပြီး နေတော့မယ်။ ငါဆက်ရှာနေလည်း အပိုပဲလေ...

လမင်းကသူ့ရဲ့ နောက်ဆုံး ရည်မှန်းချက်ကို ပြောပြတယ်။

တကယ်တော့ငါက ရိုးရိုး သစ်ပင်မဟုတ်ဘူး။ အနှစ်တစ်ရာမှာ တစ်ပွင့်တည်းပွင့်တဲ့ သစ်မွှေးပင်လေ။ အနှစ်တရာ ပြည့်ခါနီးမှာ ငါ့ကိုလူတွေက သင်းသတ်သွားတယ်။ မကြာခင်မှာပဲ ငါဟာခုတ်လှဲခံရလိမ့်မယ်......

သစ်ပင်က သူ့ရဲ့ အဖြစ်ကို ပြောပြတယ်။

ငှက်ကလေးက ဘာမှ မပြောဘူး ................... ။ သူဆိတ်ဆိတ်ပဲနေတယ်။

* * *

နောက်ဆုံးမှာ သစ်ပင်နဲ့ လမင်းက မရမက အတင်းမေးတော့ ငှက်ကလေးက ဖြေတယ် ....

ငါက ရိုးရိုက် ငှက်မဟုတ်ဘူး။ အောက်ချင်းငှက် .....

အောက်ချင်းငှက်ဆိုတာ တွန်သံကို နားထောင်ပြီး ကြင်ယာဖက်ကို ရွေးချယ်တယ်။ တစ်သက်မှာ တစ်ကောင်ပဲ ပေါင်းတယ်။ အဖိုသေရင် အမလိုက်သေတယ်။ အမသေရင် အဖိုလိုက်သေတယ်။ အခု ငါ့ကြင်ယာဖက်ရဲ့ အသံကို ငါကြားနေရပါပြီ။ ဒါပေမယ့် သူက အချိန်မတန်သေးလို့ပါဆိုပြီး အတွေ့မခံပဲ ပုန်းနေတယ်။ ဒါကြောင့် သူ့ရဲ့ တွန်သံကြားရာ နောက်ကိုလိုက်ပြီး ရှာနေမိခဲ့တာပေါ့.........

* * * *

ငှက်ကလေးရဲ့ စကားသံဆုံးတာနဲ့ ကောင်းကင်က ရုတ်တရက် တိမ်မည်းတွေတက်လာတယ်။ ပြီးတော့ မိုးတွေရွာချပြီး တိမ်မည်းတွေက လမင်းကို ဖုံးကွယ်သွားတယ်။ အဲဒီမိုးရေတွေကြားမှာ လွှဆွဲသံကို ကြားရတယ်။ ခဏကြာတော့ သစ်ခြောက်ပင်ဟာ သစ်ငုတ်တိုဖြစ်သွားတယ်။ ငှက်ကလေးကတော့ မှောင်မည်းနေတဲ့ ကောင်းကင်ထဲကို တိုးဝင် ပျံသန်းသွားလေရဲ့ ........

* * * * *

ပျံသန်းသွားတဲ့ ငှက်ကလေးရဲ့ ရင်ဘတ်ထဲမှာ တစ်ခုခုကို စိုးရိမ်ကြောင့်ကျနေတယ်။ အဲဒါကတော့ သူ့ဘ၀ဟာ လမင်းနဲ့ သစ်ခြောက်ပင်လို အဖြစ်မျိုးကြုံတွေ့ရမှာ သူကြောက်နေတာလေ. .. . .

* * * *

ကိုယ်ပြောတဲ့ ပုံပြင်လေးက ဒီမှာ ပြီးပါပြီ ..........။

ဒါပေမယ့် အဆုံးအထိ မပြီးသေးဘူး။ အခုပြောခဲ့တာက ပုံပြင်တစ်ပုဒ်ရဲ့ ပိုင်းစလေးတစ်ခု။ ကျန်နေတဲ့ လက်ကျန်အပိုင်းစရဲ့ ဇာတ်သိမ်းက ဘယ်လိုသိမ်းမလဲ ဆိုတာ ကိုယ့်ထက် မိန်းကလေးက ပိုသိမှာပါ။

မိန်းကလေးရေ ......

နင်ဆက်ပြောမဲ့ ပုံပြင်ရဲ့ ဇာတ်သိမ်းပိုင်းလေးကို ငါရင်ခုန်စွာနဲ့ စောင့်မျှော်နေမယ်နော်..........

Read More...

Summary only...

ကနွဲ့ကလျ အင်တာန

ညဆိုရင် ကျွန်တော်က သိပ်အိပ်လေ့မရှိဘူး။ ဒီလိုပဲ ဟိုဟာ ကိလိ ဒီဟာကိလိပေါ့။ အင်တာနက် ကော်နက်ရှင်ရရင် အင်တာနက်တာ နက်သုံးပေါ့။ အင်တာနက်ကော်နက်ရှင် မရှိရင်လည်း ကင်မရာ တစ်လုံးနဲ့ ဟိုရိုက်ဒီရိုက်ပေါ့။ ဟိုးအရင်ကတော့ အိပ်မရရင် ဂျာနယ်လေး ဖတ်လိုက် စာအုပ်လေး ဖတ်လိုက်။ အခုတော့ ဂျာနယ်ဆိုတာကလည်း ဈေးကြီးတော့ မ၀ယ်နိုင်တော့ဘူး။ ဂျာနယ်လစ်တွေနဲ့ တွေ့မှာပဲ ခြိမ်းခြောက် ဟောက်ဟမ်း မရမကတောင်းပြီး ဖတ်ရတော့တယ်။ ထားပါတော့ ကျွန်တော် ပြောချင်တာ့ ညပိုင်း သိပ်အိပ်လေ့ မရှိဘူး။

အခု ကံကောင်းတယ်ပဲ ဆိုမလား ကံဆိုးတယ်ပဲ ပြောမလား။ အခုကျွန်တော့် ၀ပ်ကျင်းနဲ့ မနီးမဝေးမှာ ရှိတဲ့ အင်တာနက်ဆိုင်လေး တစ်ဆိုင်ကတော့ မနက် နှစ်နာရီ သုံးနာအထိ သုံးလို့ရတယ်။ ပြောမယ်ဆိုရင်တော့ ညလုံးပေါက်နီးနီးပေါ့။ အဲဒီတော့ အိပ်မပျော်တဲ့ ကျွန်တ်ာနဲ့ အင်တာရှော့( Internet Shop ကို အတိုကောက်သုံးနှုန်းခြင်း ဖြစ်သည်) ကတော့ အဲဒီမှာ စတွေ့တော့တာပဲ။

အင်တာနက်ဆိုင်ကတော့ သုံးလို့ကောင်းပါတယ်။ ကွန်နက်ရှင်ကလဲ ပုံမှန်ဆိုင်တွေ ပိုမြန်တယ်ဗျ (စိတ်ထင်ပြောခြင်းမျှသာဖြစ်သည်) ပြီးတော့ ၀ပ်ကျင်းနဲ့ကလည်း နီးဆိုတော့ မကြာခဏ ဗလာဂေါက် စကား ငှားသုံးရရင်တော့ ဂတီးတီး သွားသုံးဖြစ်တယ်ပေါ့ဗျာ။ အဲဒီလို သွားသုံးရင်းနဲ့ ပတ်ဝန်းကျင်မှာ ခေတ်ကာလ သမီးအချို့လည်း သုံးကြတာကို သတိထားမိတယ်ဗျ။ သတိထားမိရုံလား ဆိုတော့လည်း ဟုတ်သေးဘူး နဂိုကတည်းကမှ စပ်စပ်စုစုမှာ ၀ါသနာ ပါသူပီပီ ခေတ်ကာလ သမီးလေးတွေရဲ့ ချက်တင်ပေါ် ခံစားမှုတွေကို နည်းနည်း လေ့လာမိတယ်။

ကျွန်တော်တို့ ခေတ်ကာလသားလေးတောင် ကောင်မလေးနဲ့ စကားပြောတာ သူများကြားမှာ စိုးလို့ တိုးတိုးလေးပဲ ပြောတယ်။ ပြောလို့ ဟိုဘက်က မကြားတော့ဘူးဆိုရင် စာလေးနဲ့ပဲ ရိုက်တယ်။ ဘေးကြားမှာ ရှက်လို့။ ဒါပေမယ့် ခေတ်ကာလ သမီးလေးတွေကတော့ ကိုကို ကြားရဲ့လား။ ကိုကို ဘယ်သူနဲ့ ချက်နေတာလဲ။ ကိုကို တကယ်ချစ်ရဲ့လား။ ကိုကြီးပြောတဲ့စကား တွေကလဲ ....... ဟင့်ဟင့် ရှက်တယ်။ အင်းသူတို့တော့ မသိဘူး ကျွန်တော့်မှာတော့ သူတို့ရဲ့ ခုနှစ်သံချီ ရှစ်သံချီစကား တွေကို ကြားပြီး ကြက်သီးတောင် ထမိပါရဲ့။

တစ်ခါတစ်လေကျတော့ အဲဒီခေတ်ကာလ သားသမီးလေးတွေက ၀က်ကင်မရှိတဲ့ မပီဝိုးတ၀ါး ပုံလေးတွေကို ကြည့်ပြီး တခွီးခွီး သဘောကျနေ တတ်ကြပြန်သေးတယ်။ မသိရင် ချာလီချက်ပတင် ကားကြည့်နေသလိုပဲ။ အဲဒီလို ချာလီ ချက်ပလင်ကား ကြည့်သလို တခွီးခွီး ရယ်ရာကနေ ကိုးရီးယားလို့ တဟီးဟီးနဲ့ ငိုလိုက်တတ် ပြန်ပါသေးတယ်။ အဲဒါနဲ့ ဗလာဂေါက်ကတောင် နာမည်ပေးထားသေးတယ် တဟီဟီ ကျွန်းသူတဲ့။

ထားလိုက်ပါ။ တစ်ရက်။ ထားလိုက်ပါ နှစ်ရက်။ ထားလိုက်ပါ ဒီလိုနဲ့ အဲဒီ ၀ပ်ကျင်းကို ရောက်တာ တစ်လကျော်သွားပြီ။ အဲဒီ အင်တာရှော့မှာလည်း ရက်သုံးဆယ်ကျော် သုံးပြီးသွားပြီ။ အဲဒီလိုနဲ့ တစ်ရက်မှာ . . . . . . .

ကော်နက်ရှင် မကောင်းလို့ စိတ်ညစ်တယ်။ အဲဒီတော့ အဲဒီကော်နက်ရှင်ကို နာမည်ပေးလိုက်တယ် အင်တာန လို့ .............
အဲလို နနေတဲ့ အင်တာနက်ကို သုံးရတာ အခြောက်တစ်ယောက်ရဲ့ မျက်နှာကို ကြည့်နေရသလိုပဲ။ ကနွဲ့ကလျနဲ့ ကြည့်ရင်း ကြည့်ရင်း အော့နလုံးနာတယ်

အဲဒီအချိန်မှာ အသံတစ်သံ ထွက်လာတယ်။ ဟင့်ဟင့် ဟင့် .................

ကျွန်တော် ကြည့်လိုက်တော့ ကောင်မလေးတစ်ယောက် ကီးဘုတ်ပေါ်မှာ မျက်နှာမှောက်ပြီး ကိုးရီးယားဇာတ် ခင်းနေလေရဲ့

Read More...

Summary only...

ဂျိုးဖြစ်သွားတဲ့ငါး

အဲဒီနေ့က ကျွန်တော် ခရေတွေ အများကြီး ပွင့်နေတဲ့ လမ်းပေါ် ရောက်သွားတယ်။ အဲဒီလမ်းကို ဖြတ်လျှောက်တော့ ခရေတွေက တဖွဲဖွဲ ကြွေကျနေတယ်။ မြေပေါ်က ခရေတွေကို မ၀ံ့မရဲနဲ့ နင်းဖြတ်သွားတော့ အိမ်ကြီး တစ်လုံးရှေ့ကို ရောက်တယ်။ အဲဒီအိမ်ရှေ့မှာ ဗီးနပ်အရုပ် တစ်ရုပ်ကိုတွေ့တယ်။

အဲဒီဗီးနပ်ရုပ်ရှိတဲ့ အိမ်ထဲက မိန်းကလေး တစ်ယောက်ထွက်လာတယ်။ ပြီးတော့ပြောတယ် သူကံမကောင်းဘူးတဲ့။ ဘာဖြစ်လို့လဲ လို့မေးတော့ အိပ်မက်တွေ မကောင်းလို့တဲ့။

အဲဒီလိုနဲ့ ငါးဖမ်းဖို့ ကျွန်တော် ထွက်လာတယ်။ ငါးလေးကောင်မိတယ်။ အဲဒီငါးတွေက ကျွန်တော်အရပ်မှာတော့ ငါးဖမ်းမလို့ ခေါ်တယ်။ တစ်ချို့ကတော့ အဲဒီငါးတွေကို ငါးဖယ်အောင်းလို့ ခေါ်ကြတယ်။

ကျွန်တော် ဖမ်းမိထားတဲ့ ငါးလေးကောင်ကို ကြည့်တော့ တစ်ကောင်က ရှင်နေတယ်။ ကျွန်တော်က သနားလို့ ရေထဲကို ပြန်လွတ်ပေးတယ်။ ဒါပေမယ့် အဲဒီငါးက ကုန်းပေါ်ကို ပြန်တက်လာတယ်။ ပြီးတော့ ရေထဲကို ပြန်ဆင်းသွားတယ်။ ပြီးတော့ သစ်ပင်ပေါ်ကို ပျံတက်သွားတယ်။ ကျွန်တော် သစ်ပင်ပေါ်တက်သွားတဲ့ ငါးကို ဂရုမစိုက်အားသေးဘူး။ ကျန်နေသေးတဲ့ ငါးသုံးကောင်ကို အိမ်မှာ ချက်ပြုတ်ဖို့ စီစဉ်ရဦးမယ်။

ငါးသုံးကောင်ကို ကြိုးနဲ့သီပြီး ပြန်ဖို့လုပ်တော့ သစ်ပင်ပေါ်က ချိုးကူသံကိုကြားရတယ်။ မော့ကြည့်လိုက်တော့ စောစောက သစ်ပင်ပေါ် တက်သွာတဲ့ ငါးက ဂျိုးငှက်တစ်ကောင် ဖြစ်နေတယ်။

အဲလိုနဲ့ မနက်မိုးလင်းတော့ ချဲဒိုင်တစ်ယောက်ကို အသည်းသန် လိုက်ရှာမိတယ်။

Read More...

Summary only...

ခေတ်သစ်တောကြောင်

ခေတ်သစ်တောကြောင် . . . . .

လေမုန်တိုင်းသည် မျှက်လှည့်ပြလိုက်သလို မြို့ကြီးတစ်ခုလုံးကို စုတ်ပြတ်သွားအောင် နေ့ခြင်းညခြင်းမှာပင် ဖျက်ဆီးပစ်လိုက်သည်။ ထို့အတူ ကုန်ဈေးနှုန်းသည်လည်း မျက်လှည့်ပြသလို နေ့ခြင်းညခြင်းမှာပင် ခေါင်ခိုက်အောင် တက်သွားသည်။

ယခင်က တစ်ချောင်းကို နှစ်ဆယ်ခန့်သာတန်ဖိုးရှိသည့် အိပ်သွပ်မိုးရိုက်သည့်သံများသည် တစ်ချောင်းသုံးရာ ဖြစ်သွားသည်။ ဘဲဥတစ်လုံးကို သုံးလေးရာဖြစ်သွားသည်။ ဆန် နှင့်မီးသွေးဈေးက နှစ်ဆခုန်တက်သွားသည်။ သည့်အပြင်အခြားသော စားသောက်ကုန်များနှင့် အသုံးအဆောင် ပစ္စည်းတော်တော်များများလည်း ဈေးနှုန်းတွေ အဆမတန် မြှင့်တက်ကုန်ကြသည်။

ဘာကြောင့်လဲလို့ မေးတော့ ………

လေမုန်တိုင်းကြောင့်တဲ့


လေမုန်တိုင်းတိုက်ပြီးနောက် ဆန်ဆိုင်အများစုသည် ဆန်ဈေးများကို အနည်းဆုံး နှစ်ဆတင်ပြီးရောင်းကြသည်။ ထိုသို့ နှစ်ဆတင်ရောင်းသည့် ဆန်ဆိုင်လေးများတွင် ရန်ကုန်မြို့စွန်ရှိ ဆန်ဆိုင်လေး တစ်ဆိုင်လည်း ပါဝင်လေသည်။
ပုံမှန် တစ်ပြည်လေးရာ ရှိသော ဆန်ကို ထိုဆန်ဆိုင်လေးတွင် တစ်ပြည်ကို ရှစ်ရာနှင့်ရောင်းလေသည်။ ထိုသို့တစ်ပြည်ရှစ်ရာနှင့် နှစ်ဆတင်ရောင်းသည့်တိုင် ၀ယ်ယူလိုသူများ ကြိတ်ကြိတ်တိုးကာများပြားနေသဖြင့် ဆိုင် သံပန်း ဘာဂျာတံခါးကို ဆွဲပိတ်လိုက်သည်။ ဆိုင်က ဘာဂျာတံခါးကို ပိတ်ထားပေမယ့် ၀ယ်မည့်သူများက မပြန်ကြသေးပဲ ဆန်ပြန်ရောင်းမည့် အချိန်ကို စောင့်နေကြသည်။

ခဏလောက်ကြာတော့ ဆိုင်ထဲက လူတစ်ယောက်က လက်ထဲတွင်ဆိုင်းပုတ်တစ်ခုကို ကိုင်ပြီးအပြင်ထွက်လာသည်။ အပြင်ရောက်တော့ ထိုဆိုင်းဘုတ်ကို ဆိုင်အရှေ့တွင် ချိတ်ဆွဲပြီး ဘာဂျာတံခါကို ပြန်ပိတ်သွားသည်။

လူအများက ထိုဆိုင်းဘုတ်ကို ဖတ်ကြည့်တော့ ဆန်တစ်ပြည် ၁၆၀၀ ၀ယ်ချင်ဝယ် မ၀ယ်ချင်နေဟူ၍ ရေးထားသည်။ ထိုအခါလူများက မ၀ယ်ဘူးဟေ့ လုတယ်ဟု အော်ဟစ်ကြကာ ဆိုင်ဘာဂျာတံခါးကို ရိုက်ချိုးပြီး ဆန်များကို ၀င်လု လိုက်ကြသည်။

* * * * *

လပွတ္တာမြို့တွင် ဘာကိုစားစား ဘာကိုသောက်သောက် ဘာကိုဝယ်ဝယ် ပုံမှန်ထင်ထားတာထက် ဈေးကြီးနေတတ်သည်။ ဘာဖြစ်လို့ ကြီးတာလဲဟု မေးလျှင် သူတို့က ပြန်ဖြေလိမ့်မည် နာဂစ်ဈေးတဲ့ …

* * * * *

ကျွန်တော်တို့ လပွတ္တာမြို့ရှိ စားသောက်ဆိုင် တစ်ခုအတွင်း ထမင်းစားနေကြစဉ် နိုင်ငံခြားသား များစားသောက်နေသည့် ၀ိုင်းသို့ စစ်သားများ ရောက်ရှိလာသည်။ ပြီးနောက် နိုင်ငံခြားသူတစ်ဦးနှင့် စစ်ဗိုလ်တစ်ဦး စကားအခြေအတင် ပြောနေကြသည်။ ကျွန်တော်တို့ ထိုင်နေသည့် စားပွဲနှင့် နိုင်ငံခြားသားများ ထိုင်နေသည့် ၀ိုင်းက အနည်းငယ်ဝေးသောကြောင့် ဘာဖြစ်နေသည်ကို ကျွန်တော် အသေအချာ မသိရပေ။ သို့ပေမယ့် နိုင်ငံခြားသူကတော့ စစ်ဗိုလ်ကို စကားအခြေအတင် ပြောနေသည်။

ကျွန်တော်တို့ထင်လိုက်သည်က လပွတ္တာသို့ ၀င်လာသော နိုင်ငံခြားသားကို စစ်တပ်က လာရောက်စစ်ဆေးနေသည်ဟု ထင်လိုက်သည်။ ထို့ကြောင့် အကျိုးအကြောင်းသိရအောင် စစ်ဗိုလ်နှင့် နိုင်ငံခြားများ အခြေအချ ပြောနေသော နေရာသို့ သွားပြီး ဘာဖြစ်တာလဲလို့ မေးကြည့်သောအခါ။

စစ်ဗိုလ်ကရှင်းပြသည် ယခုနိုင်ငံခြားသားများသည် အစိုးရက ဖိတ်ထားသော အဖွဲ့တစ်ဖွဲ့ဖြစ်သည်။ ယခုဆိုင်တွင် စားသောက်ရာတွင် ပိုက်ဆံ နှစ်သောင်းပေး ထားနှင့်ပြီး ဖြစ်ကြောင်း နောက်ဆုံး ဘီလ်ရှင်းသည့် အခါတွင် ဆိုင်က နောက်ထပ် လေးသောင်း ထပ်တောင်းကြောင်း။ သူတို့ စားသောက်ထားသော တန်ဖိုးပမာဏသည် မည်သည့်နည်းနှင့်မျှ ငွေခြောက်သောင်း ကျနိုင်ဖွယ်ရာမရှိသည့် အတွက်ကြောင့် သူ့ကိုလာခေါ်ပြီး ကွန်ပလိမ်းတက်ခြင်း ဖြစ်ကြောင်း စစ်ဗိုလ်က ပြောပြသည်။
* * * * *
လပွတ္တာမြို့ကို ကျွန်တော်တို့ လေမုန်တိုင်းပြီး တစ်ပတ်အကြာမှာ ရောက်သည်။ ထိုစဉ်လပွတ္တာမြို့ပေါ်တွင် ဒုက္ခသည် သိန်းချီရှိပြီး သောက်ဖို့ ရေပင်အခက်အခဲ ရှိနေဆဲကာလ ဖြစ်သည်။ ထိုကဲ့သို့ လူအများအတွက် သောက်စရာ ရေပင်မရှိသည့်အချိန်တွင် လပွတ္တာမြို့ပေါ်တွင် စည်ဘီယာ ရသည်။

စည်ဘီယာ ရသည်ဆိုတော့ ကျွန်တော် သွားသောက် ဖြစ်သည်။ မြန်မာဘရူဝါရီ ကုပ္ပဏီက တစ်နိုင်ငံလုံးရှိ ဘီယာဆိုင်များကို ရောင်းဈေး သတ်မှတ် ပေးထားပေမယ့် လပွတ္တာကတော့ ချွင်းချက်အနေဖြင့် ဈေးကြီးနေမည်မှာ စိတ်ကအလိုလို ကြိုသိနေသည်။ ထင်ထားသည့်အတိုင်း စည်ဘီယာ တစ်ခွက်ကို ခြောက်ရာပေးရသည်။

သွားရေးလာရေးအခက်အခဲကြောင့် ရန်ကုန်ထက်တစ်ရာ ပိုသည်ကို ကျွန်တော်လက်ခံ၍ ရသည် သို့ပေမယ့် ထည့်ထားသည့် ဘီယာကိုတော့ လက်ခံ၍ကား မရနိုင်။ ဘီယာတစ်ခွက်ဟု မှာလိုက်လျှင် ထည့်ပေးသည့် ဘီယာပမာဏသည် အမြုတ်အပါတောင် လက်ကိုင်ကွင်းနားမရောက်။ ကျွန်တော်က စားပွဲထိုးကို ခွက်မပြည့်ဘူးဟု ဆိုကာ ပြန်ထည့်ခိုင်းသည်။ ထိုအခါ စပွဲထိုးက ဘီယာခွက်လေးကိုယူ အမြုတ်လေး နည်းနည်းချ ပြီးပြန်ယူလာသည်။

ဈေးကလည်း သူများထက်ပိုယူထားသေးသည် ဈေးပိုယူထားလျှင်တော့ ဘီယာကို ပြည့်အောင်ထည့်သင့်သည် ထို့ကြောင့် ကျွန်တော်က ပြန်ထည့်ခိုင်းသည်။ ထိုအခါစားပွဲထိုးက မရတော့ဘူးဆရာ ဒါကနာဂစ်ဘီယာတဲ့ …….။ ခက်သည်က လပွတ္တာမြို့မှာ ဘီယာဆိုင်တစ်ဆိုင်ပဲရှိသည်။ တစ်ခြားရွေးချယ်စရာ ဆိုင်မရှိ ထို့ကြောင့် သူတို့ထည့်ချင်သလောက် ထည့်၍ ရသည့်ဆိုသည့် အချိုးမျိုးနှင့်ရောင်းသည်။ ဘီယာတင်လားဆိုတော့ ဟင်းပွဲများလည်း ထိုကဲ့သို့ပင်ဖြစ်သည်။ တစ်ကယ်တော့ စားသောက်ကုန်ဈေးနှုန်းများသည် ဧရာဝတီတိုင်းက ရန်ကုန်လောက် ဈေးမကြီးပါ။ လေမုန်တိုင်းတိုက်ပြီး သူတို့မြို့ကို ရန်ကုန်မှ ကယ်ဆယ်ရေးအဖွဲ့တွေ ဆင်းလာသည့်အခါ ရောင်းအားက ယခင်ထက် ဆယ်ဆဆောက်လောက်မြှင့်တက်လာသည်။ မြှင့်တက်လာသည့် ၀ယ်လိုအားကို အခွင့်ကောင်းယူကာ တင်လိုက်သည့်ဈေးက ရန်ကုန်ထက် ပိုကြီးသည်။

ဈေးပိုကြီးလို့ ထည့်ပေးသည့် ပမာဏမှာလည်း ပုံမှန်မရ။ တော်တော်ကြီးနည်းပြီး တစ်ခါတစ်ရံဟင်းပွဲများတွင် ယင်ကောင်များ ပါလာတတ်သေးသည်။ ယင်ကောင်ပါသည်ဟုဆိုကာ သွားပြတော့ အားလုံးက မထူးဆန်းသလို ကြည့်နေကြသေးသည်။

ဈေးကလည်းကြီး ထည့်ပေးတာကလည်း နည်းသည့် ထိုဘီယာဆိုင်ကို နောက်ပိုင်းတော့ ဘီယာသောက်ချင်သည့်တိုင် သွားမသောက်တော့သလို ထိုဆိုင်တွင် ထမင်းတောင် မစားတော့ပဲ သပိတ်မှောက်ထားလိုက်သည်။
* * * * *
ကျွန်တော်လပွတ္တာရှိ ပဲ့ထောင်ဆိပ်ကမ်းတွင် ပဲ့ထောင်ငှားဖို့ ဆင်းလာသည်။ ထိုနေ့က ရာသီဥတု သာယာသည့်နေ့ဖြစ်သောကြောင့် အလှူ့ရှင်တော်တော်များများ တောဘက်သို့ လှေများဖြင့် ဆင်းလှူကြသည်။ ကျွန်တော်လှေဆိပ်ကို ဆင်းလာတာ နောက်ကျသည်ကတစ်ကြောင်း အလှူ့အရှင်များ အလာများသည်က တစ်ကြောင်းကြောင့် လှေဆိပ်တွင် ပဲ့ထောင်တစ်စီးသာ ရှိသည်။

လှေဆိပ်မှာ ပဲ့ထောင်တစ်စီးတည်းကျန်တော့တာ ဆိုရင်တော့ ဈေးကိုင်တော့မှာပဲဟု ကျွန်တော်တွေးလိုက်မိသည်။ သို့ပေမယ့် ဒီတစ်စီးတည်းသာ ရှိသည့်အတွက် ဈေးကိုင်လျှင်လည်း မတတ်နိုင် ပိုပေးတန် ပေးရတော့မည်ဟု တွေးပြီး ထိုပဲ့ထောင်ကို သွားငှားလိုက်သည်။

ကျွန်တော်သွားမည့် ခရီးကို ပြောတော့ ပဲ့ထောင်သမားက ငါးသောင်း တောင်းသည်။ တကယ်တော့ ထိုခရီးသည် ပဲ့ထောင်ဖြင့် မိနစ်ရှစ်ဆယ်ခန့်သာ မောင်းရမည့် ခရီးဖြစ်သည်။ ထိုခရီးကို ငါးသောင်း တောင်းသည်ကတော့ တော်တော်ကြီးကို လွန်သည်ဟု ပြော၍ရသည်။ ခါတိုင်း ထိုခရီးသွားပါက သုံးသောင်းသာ ပေးရသည်။

ထိုသုံးသောင်းဆိုသော ဈေးမှာလည်း လေမုန်တိုင်းတိုက်ပြီးမှ တက်ထားသော ဈေးဖြစ်သည်။ လေမုန်တိုင်း မတိုက်ခင်က ဆိုပါက ထိုခရီးကို နှစ်သောင်းပေးမည့်သူပင် ရှိလိမ့်မည်မထင်။ သို့ပေမယ့် ထိုသူက အားမနာရှာမကျိုး ငါးသောင်းတောင်းသည်။

ကျွန်တော်က ဒီခရီးက သွားနေကြခရီးဖြစ်ကြောင်း ခါတိုင်းဈေး အဲဒီလောက် မရှိကြောင်း သို့ဖြစ်သောကြောင့် နည်းနည်းလျော့ပေးဖို့ လှေသမားကို ပြောသည်။ သို့ပေမယ့် လှေသမားက ငါးသောင်းမှ ငါးသောင်း ငါးသောင်း မရလျှင် မလိုက်နိုင်ဟုဆိုသည်။

တကယ်တော့ ကျွန်တော်တို့က လပွတ္တာမှာ စီးပွားလာလုပ်နေကြသူများမဟုတ်ပါ။ သူလှေကိုငှားပြီး စီးပွားရေး ကိစ္စသွားမည်မဟုတ်ပဲ သူတို့ဒေသတွက် အလှူလာလုပ်ပေးနေခြင်း ဖြစ်သည်။ ကျွန်တော်တို့က သူတို့ဒေသအတွက် အလုပ်လုပ်လာလုပ်ပေးနေတာကြောင့် လှေခကို လျှော့ယူရမည်ဟု ဆိုလိုခြင်းမဟုတ်ပါ။ တန်ရာတန်ကြေးယူ။ ယခုတော့ ထိုလူများက ထိုသို့မဟုတ် ရတုန်းကို အဆမတန် ရိတ်လိုက်မယ် ဆိုသည့် အချိုးမျိုးချိုးချင်ကြသည်။

လှေဈေးမတည့်သဖြင့် ကမ်းပေါ်တို့ ကျွန်တော်ပြန်တက်ဖို့ လုပ်နေစဉ်မှာ နှစ်ရစ်နှင့် စစ်သားတစ်ယောက် ဆင်းလာသည်။ ထို့နှောက်ထိုလှေကို ချောဆွဲပါ တော့သည်။ လှေကိုချောဆွဲသည့် အချိန်ရောက်မှ လှေသမားက ကျွန်တော့်ကို လှမ်းကြသည့်။ ယခုအကြည့်က ငါးသောင်းမှငါးသောင်း ဆိုတုန်းက အကြည့်နှင့် လုံးဝတစ်ခြားစီ။

သူကြည့်သည့် အကြည့်ကို ကျွန်တော်သဘောပေါက်ပါသည်။ ထိုအချိန်တွင် ကျွန်တော်က ဒီလှေကို ကျွန်တော် ကယ်ဆယ်ရေးအဖွဲ့က အော်ဒါငှားထားတာပါဟု ပြောလျှင် ထိုစစ်သားက ချောဆွဲတော့မည်မဟုတ်ပေ။ သို့ပေမယ့် ကျွန်တော်မပြောပေးနိုင်ပါ။ သာမန်အချိန်တွင် ကျွန်တော် ပြောပေးကောင်းပြောပေးလိမ့်မည်။ လောဘဇောတက်နေပြီး မတန်တစ်ဆ အမြတ်ကြီးရလိုသူတစ်ယောက် အတွက်တော့ ကျွန်တော်မကူညီနိုင်ပါ။ ထို့ကြောင့် ကျွန်တော် ဘာမျှဝင်မပြောတော့ပဲ ကမ်းပေါ်သို့သာ တက်လာခဲ့တော့သည်။
* * * * *
တောထဲတွင် မီးလောင်ပါက တောနေသတ္တာဝါလေးများ ပြေးကြလွှားကြနှင့် ဒုက္ခရောက်ကြရသည်။ သို့ပေမယ့် တောကြောင်ကတော့ သဘာဝက ပေးထားသည့် စွမ်းအားအတိုင်း ပြေအားရှိသည့်အတွက် တောမီးသည် သူ့အတွက် အခြားတိရိစ္ဆာလောက်တော့ ပူစရာမဟုတ်သည့်အပြင် တောမီးကြောင့် ပြေးထွက်လာကြတော့ တောနေ သတ္တ၀ါလေးများကို ပင် တစ်နေရာက စောင့်ကာ အသင့်ဖမ်းစားလိုက်သေးသည်။ ထိုကြောင့် တောမီးသည် တောကြောင်အတွက် ဒုက္ခမရောက်သည့်အပြင် တောမီးကြောင့် တောကြောင်ကို များစွာ အဆင်ပြေစေသည်။
ခေတ်တစ်ခေတ်ပျက်သည့်အခါတွင် သာမန်လူများအတွက် ဒုက္ခရောက်စေသော်လည်း သူခိုး ဓားပြကဲ့သို့သော လူများအတွက်တော့ အကွက်ကောင်းဖြစ်သည်။ ခေတ်ပျက်သော အခါ အုပ်ချုပ်ရေး ပျက်ပြားပြီး လူအများဒုက္ခရောက်သည့် အခါတွင် သူခိုး ဓားပြများ အတွက်အခွင့်ကောင်း တစ်ခုဖြစ်ပြီး အပျော်ကြီး ပျော်တော့သည်။

တောမီးလောင်လျှင် တိရိစ္ဆာန်လေးများ ဒုက္ခရောက်ကြသည် သို့ပေမယ့် တောကြောင်များကတော့ အပျော်ကြီးပျော်ကြသည်။ ထို့အတူ ခေတ်ပျက်သည့်အခါ လူအများဒုက္ခရောက်ကြသည် သို့ပေမယ့် သူခိုး ဓားပြများကတော့ အပျော်ကြီး အပျော်ကြသည်။ အများဒုက္ခရောက်သည့် အခါတွင် အပျော်ကြီး ပျော်တတ်သည့် သူခိုးဓားပြ များကို တင်စားပြီး တော်ကြောင်ဟု ခေါ်ကြသည်။ ထိုအခါ တောမီးလောင် တောကြောင် လက်ခါးမောင်းခတ် ဆိုသည့် စကားပုံဖြစ်လာတော့သည်။

မြန်မာ အဘိဓာန်တွင်တော့ ဓားပြဆိုသည်မှာ လက်နက်ဖြင့် အကြမ်းဘက် ခြိမ်းခြောက်၍ ပစ္စည်းလုယူသူဟု အဓိပ္ပယ်ဖွင့်ထားသည်။ ထို့ကြောင့် သူခိုးဓားပြ ဟုပြောသည့်အခါတွင် ဓားကြီးကိုင် သေနတ်ကြီးကိုင်ပြီး ရိုက်နှက်လုယူသူများကို ပြေးမြင်ကြသည်။

တကယ်တော့ လောကတွင် သူတစ်ပါးပစ္စည်းကို မတရားသဖြင့်ရယူခြင်းသည်လည်း ဓားပြတိုက်ခြင်း တစ်မျိုးဖြစ်သည်။ သို့ပေမယ့် ယခင်ခေတ်ဓားပြများသည် ဒုတ်ဓားများကို အသုံးပြုကြသော်လည်း ယခုခေတ်ဓားပြများ သုံးသည့်လက်နက်က ဒုတ်ဓားများ မဟုတ်တော့ပဲ အသုံးပြုသည့် လက်နက်များသာ ပြောင်းသွားခြင်းသာ ဖြစ်ပါတော့သည်။

Read More...

Summary only...