ဘာရာဇီးဘော့လုံးအသင်းရဲ့ လေဘေးခရီးစဉ်

ရန်ကုန် ထွက်ခါစ


ဖျာပုံအရောက်




ဖျာပုံ အထက ၃


ရှမ်းကွင်းကြီးကျေးရွာ



ဖျာပုံကျောင်းအထွက်မှာ ကားတွန်း

ဖျာပုံ အထက ၃ ကျောင်းသားတွေကို ဘော့လုံး လက်ဆောင်ပေး


ကားဗွက်ကျွံနေတုန်း ဘောလုံးကစားပြ



ဆိုက္ကားစီးပြီး သဘောကျ


ကျိုက်လတ် ဘောလုံးကွင်းမှာ လက်တွေ့သရုပ်ပြ သင်တန်းပေး



လာအားပေးတဲ့ ပရိသတ်က ရန်ကုန်ထက်တောင် များသေးတယ်



တချိန်မှာတော့ ကမ္ဘာကျော်မယ်


ရှမ်းကွင်းကြီးရွာမှာ ဘော့လုံးလက်ဆောင်ပေး




နိဒါန်း


ရန်ကုန်ပုသိပ်လမ်းမကြီးပေါ်တွင် ဖြစ်သည်။ အရှေ့မှ လမ်းရှင်းမော်တော်ပီကယ်က ဦးဆောင်ပြီး အနောက်မှ လေအိတ်ဘတ်စကား တစ်စီးက လိုက်ပါလာသည်။ ကားရှေ့တွင် Brazil (AME) ဆိုသည့် စတေကာကို ကပ်ထားတာကို ကြည့်ခြင်းအားဖြင့် ထိုကားသည် ဘရာဇီး ဘော့လုံးသမားများကို တင်ဆောင်လာသော ကားဖြစ်ကြောင်း မြင်ရုံနဲ့ သိကြသည်။ ထို့ကြောင့် လမ်းဘေးဝဲယာမှ ဘောလုံးပရိတ်သတ်များက ကားကိုလက်ဝှေ့ရမ်းကာ နုတ်ဆက်ကြသည်။

ရန်ကုန်ဟိုတယ်က ထွက်လာခါစက ကားပေါ်တွင် ဘရာဇီးဘော့လုံး အသင်းသား အားလုံး ခရစ်ယန်ဘာသာတရားစာများကို ရွတ်ဆိုဆုတောင်းကြသည်။ မြို့အပြင်ရောက်သည့်အခါတွင် ခပ်မြူမြူး ဘရာဇီးသီချင်းတစ်ပုဒ်ကို ဖွင့်ပြီး အသင်းသားအားလုံး ခုန်ပေါက်မြူးတူးကြသည်။ တစ်ယောက်နှင့် တစ်ယောက်စနောက်ကြသည်။ မရောက်ဖူးသည့်နေရာ မရောက်ဖူးသည့် ဒေသ ရေမြေအသစ်တစ်ခုကို မြင်တွေ့ရခြင်း မြူးတူးပျော်ပါးကြခြင်း ဖြစ်နိုင်ပါသည်။

ကားသည်တရွှေ့ရွှေ့မောင်းလာခဲ့ပြီး ကော့မှူးမြို့အ၀င်နားရောက်သည့် ဦးသာဥာဏ်က လေမုန်တိုင်းနှင့် ပတ်သက်ပြီး ဖြစ်ပွားခဲ့ပုံများ ပျက်စီးဆုံးရှုံးရမှုများကို ရှင်းပြသည်။ ဦးသာဥာဏ်က အင်္ဂလိပ်လို ပြောပြီး အသင်းအုပ်ချုပ်သူက အသင်းသားများကို ဘရာဇီးဘာသာစကားဖြင့် တဆင့်ပြန်လည်ရှင်းပြသည်။ ထိုအချိန်မှစ၍ သချင်းကိုပိတ်ပြီး သူတို့ပျော်ရွှင်မြူးတူးမှုတွေကို ရပ်လိုက်ကြပြီး မုန်းတိုင်းနှင့် ပတ်သက်ပြီး ပြောပြသည်များကို စိတ်ဝင်တစား နားထောင်နေကြသည်။ အသင်းသားများထဲမှ တစ်ချို့က ကင်မရာလေးများဖြင့် လမ်းဘေးဝဲယာက အိမ်တွေကို ဓာတ်ပုံရိုက်ကြသည်။

တကယ်တန်း ဘရာဇီးဘော့လုံးသာများ၏ အစီစဉ်မှာ ကားပေါ်တွင်အိပ်ပြီး လိုက်ရန်စီစဉ်ခဲ့ပြီး ဟိုတယ်မှ ခေါင်းအုံးများကိုလည်းယူဆောင်လာကြသေးသည်။ သို့ပေမယ့် ပတ်ဝန်းကျင်နှင့် လက်ဝှေ့ရမ်း နုတ်ဆက်ပြနေသည့် လူများကိုကြည့်ပြီး သူတို့အိပ်ဖို့ စိတ်ကူးရှိဟန်မတူတော့ပေ။ မုန်တိုင်းနှင့် ပတ်သက်ပြီး ပြောပြသည့်အကြောင်းအရာများကို နားထောင်ရင်း လမ်းဘေးဝဲယာက တာပေါ်လင်မိုးထားသည့် အိမ်လေးများ ကျောင်းလေးများကို ကြည့်ရှုရင်း လိုက်ပါလာကြသည်။


စာကိုယ်

ဟိုတယ်ရန်ကုန်မှ နံနက်ရှစ်နာရီခွဲ အချိန်ခန့်တွင် စတင်ထွက်လာခဲ့ခြင်းဖြစ်ပြီး နေ့လည် ဆယ့်နှစ်နာရီခန့်တွင် ဖျာပုံတံတားသို့ရောက်သည်။ တံတားပေါ်တွင် ဒေသဆိုင်ရာ အာဏာပိုင်အဖွဲ့အစည်းများက အသင့်စောင့်ကြိုကြသည်။ အသင်းသားများကလည်း ကားပေါ်မှ ဆင်းကာ တံတားပေါ်မှ ဧရာဝတီမြစ်မြင်ကွင်းကို ကြည့်ရှုခံစားကြပြီး အမှတ်တရာဓာတ်ပုံများကို ရိုက်ကြသည်။ အသင်းသားများထဲမှာ တစ်ယောက်ကတော့ ဘေးနားမှ ဖြတ်သွားသည့် ဆိုင်ကယ်တစ်စီးကို တားပြီး တံတားပေါ်တွင် ဆိုင်ကယ်ပတ်စီးကာ သဘောကျနေသည်။ ထို့နောက်ကား မစီးကြတော့ပဲ တံတားဆုံးသည်အထိ တစ်ဖွဲ့လုံးလမ်းလျှောက်ကြသည်။ တံတားဆုံးမှသာ ကားပေါ်သို့ ပြန်တက်ကြပြီး ဖျာပုံမြို့ထဲသို့ ၀င်သည်။ ဖျာပုံမြို့ခံများကလည်း ဘရားဇီးအသင်းသားများ လိုက်ပါလာသည့် ကားကိုမြင်သည်နှင့် လမ်းမပေါ်သို့ ပြေးထွက်တဖွဲဖွဲပြေး ထွက်လာကြပြီး လက်ဝှေ့ရမ်းကာ နုတ်ဆက်ကြသည်။ တစ်ချို့က ဘရာဇီး ဘရာဇီး ဟု သံပြိုင်ဟစ်အော်ကြသည်။

တကယ်တော့ ယခုမြန်မာပြည်ကိုလာရောက်သည့် အသင်းသည် ဘရာဇီးနိုင်ငံ ကိုယ်စားပြု လက်ရွှေးစင်အသင်း မဟုတ်ပေ။ ဘရာဇီးနိုင်ငံရှိ ကလပ်သင်းတစ်ခုသာ ဖြစ်ပြီး ဘရာဇီးလက်ရွှေးစင်ဟောင်း ခြောက်ဦးသာပါသည်။ နိုင်ငံတကာစံနှုန်းအနေဖြင့် ပြောမည်ဆိုလျှင် ကလပ်အသင်းလေး တစ်ခုသာဖြစ်သော်လည်း မြန်မာပြည်သူ ပရိတ်သတ်များက လမ်းဘေးဝဲယာတစ်လျှောက်တွင် ယခုလို အုပ်အုပ်ကြက်ကြက် အားပေးကြသည်ကို မြင်တွေ့ရသောအခါ သူတို့ အရမ်းဝမ်းသာကြသည်။ အသင်းအုပ်ချုပ်သူက “ ထိုင်းနိုင်ငံက သူတို့နိုင်ငံဟာ Country Of Smile (အပြုံးနိုင်ငံ) လို့ နိုင်ငံတကာကို ကြေငြာထားတယ်။ ဒါပေမယ့် သူတို့နိုင်ငံက မြန်မာနိုင်ငံလောက် မပြုံးဘူး တကယ်တော့အပြုံးနိုင်ငံဆိုတာကို မြန်မာနိုင်ငံကို ပိုပြီး ခေါ်သင့်တယ် ” ဟု အားပေးနေသော ပရိတ်သတ်များကို ကြည့်ပြီး ကြေနပ်စွာ ပြောဆိုသွားခဲ့သည်။

နေ့လည်စာကို ဖျာပုံမြို့ရှိ စားသောက်ဆိုင် တစ်ခုမှာ စားကြသည်။ စားသောက်ဆိုင် အပြင်မှာတော့ ဘရာဇီးဘော့လုံး အသင်းကို နုတ်ဆက်ဖို့ ဒေသခံ ပြည်သူများက ရပ်ကာ စောင့်ဆိုင်းနေကြသည်။ နေ့လည်စားပြီး ထွက်လာသည့်အခါ စောင့်နေသည့် ပရိတ်သတ်များကို မနေ့က တီဗီမှာလာတဲ့ ဘော့လုံးပွဲကို ကြည့်ဖြစ်ပါသလားဟု အသင်းအချုပ်သူက မားကို့စ်က မေးသည်။ ထိုအခါ ပရိတ်သတ်များက ကြည့်ဖြစ်ပါတယ်ဟု ပြောတော့ ဂိုးအရေအတွကို ထပ်မေးသည်။ ဒေသခံများက လက်လေးချောင်းကို ထောင်ပြပြီး လေဂိုးဟုပြောတော့ မြန်မာနဲ့ ဘရာဇီး ကန်တဲ့ပွဲမှာ ဘယ်ဘက်ကို အားပေးပါသလဲဟု ထပ်မေးသည်။ အားလုံးက ဘရာဇီးဟု အော်ကြတော့ သူတို့တော်တော် သဘောကျသွားသည်။ ထိုအချိန်တွင် တစ်ချို့သော ဘော့လုံးသများက ဆိုက်ကား တက်စီးသူများက တက်စီး ဆိုင်ကယ်တက်စီးသူများက တက်စီး။ ဒေသခံများနှင့်  ဓာတ်ပုံတွဲရိုက်သူက တွဲရိုက်ဖြင့် တော်တော်လေး သဘောကျနေကြသည်။

ထို့နောက် ဖျာပုံ မယက ရုံးတွင် မုန်တိုင်းမှတ်တမ်း ခွေကို ဘရာဇီး ဘော့လုံးသမားများကို ပြသသည်။ ထိုခွေတွင် မုန်တိုင်းအတွင်းက ပျက်စီးဆုံးရှုံးရမှုများ ပြန်လည်ကယ်ဆယ်ရေး လုပ်ငန်းများ အလှုရှင်များထံမှာ အလှုပစ္စည်းရောက်ရှိမှုများ ပါဝင်သည်။ ထိုခွေကိုကြည့်ပြီးနောက် မြန်မာနိုင်ငံသို့ နိုင်ငံအလိုက် လေယဉ်များဖြင့် လာရောက်လှုဒန်းသည့် အထဲတွင် ဘရာဇီးနိုင်ငံရောပါပါသလားဟု အသင်းအုပ်ချုပ်သူ မားကိုစ်က မေးသည်။ မပါကြောင်း ပြောသည့်အခါတွင် သူ့အနေနဲ့ များစွာ စိတ်မကောင်းဖြစ်ရပါကြောင်း သူနိုင်ငံသို့ ပြန်လည်ရောက်ရှိသည့်အခါတွင် ယခုမုန်တိုင်းသင့်ဒေသတို့ လှုဒန်းနိုင်ရန် သက်ဆိုင်ရာနှင့် မီဒီယာများသို့ တင်ပြအသိပေးသွားမည် ဖြစ်ကြောင်း ပြောကြားသည်။ မားကို့စ်အနေဖြင့်လည်း နောက်တစ်ကြိမ်းထပ်မံ လာရောက်မည်ဖြစ်ပြီး နောက်တစ်ကြိမ်တွင် ဘရာဇီးမှာ ဆေးဝါကုသရေး အဖွဲ့များကို ခေါ်ဆောင်လာခဲ့မည်ဖြစ်ကြောင်း နှင့် စာသင်ကျောင်းအချို့ကို ပြန်လည်ဆောက်လုပ် လှုဒန်းသွားမည်ဖြစ်ကြောင်း ပြောကြားသည်။

ယင်းနောက် ဖျာပုံ အထက(၃) ကျောင်းသို့ သွားရောက်ကြပြီး မုန်တိုင်းဖြစ်စဉ်က ပြိုကျပျက်စီးခဲ့ရသည့် ကျောင်းဆောင်တစ်ခုကို ယခုဘောလုံးကန်၍ ရသော ရံပုံငွေဖြင့် ပြန်လည်တည်ဆောက်ပေးရန် သဘောတူခဲ့ကြသည်။ ဘရာဇီး ဘော့လုံးအသင်းသားများကတော့ ကျောင်းစာသင်ခန်းများအတွင်းသို့ လှည့်ပတ်သွားလာကြပြီး ကျောင်းသားများကို လက်မှတ်ရေးထိုးထားသော ပို့စကဒ်လေးများ ဝေငှပေးသည်။ အချို့သော အသင်းသားများကတော့ ကျောင်းစာသင်ခုံများ ကျောင်းသားများနှင့် ရောထိုင်ကာ စာသင်တာကို ထိုင်ကြည့် အချို့ကတော့ ကလေးများနှင့်တွဲကာ အမှတ်တရ ဓာတ်ပုံများကို ရိုက်ကူးသည်။ ကျောင်းအတွင်းမှ ဘော့လုံးအသင်းသားများ ထွက်လာသည့်အခါ ရန်ကုန်မှစီးလာသော ဘတ်စကားသည် ကျောင်းအရှေ့တွင် ဗွက်ကျွံနေသည်။ ဗွက်ကျွံနေသော ကားကို ဗွက်မှရုန်းနေစဉ် ဘော့လုံးသမားတစ်ယောက်က လမ်းမပေါ်တွင် ဘော့လုံးကို တော့က သရုပ်ပြကစားပြသည်။ အချို့သော ဘော့လုံးသများက လက်မှတ်ရေးထားသော ပို့စကဒ်လေးများကို လာကြည့်ကြသည့် ဒေသခံများကို ဝေငှပေးသည်။ ဗွက်ကျွံနေသည့်ကားသည် ရုန်းရင်းနစ်ရင်းဖြင့် နောက်ဆုံးတွင် ဘီးတစ်ဝက်ကျော်သည်အထိ နစ်သွားသည်။ နောက်ဆုံးတွင် ဗွက်ကျွံနေသော ကားကို ဘရာဇီး အသင်းသားများ ရပ်ကြည့်နေကြသူများ ကျောင်းသားများ အားလုံး ၀ိုင်းတွန်းကြသည့် အခါမှသာမှ ဗွက်က ရုန်းထွက်နိုင်ခဲ့သည်။ ထို့နောက်တွင် ကျောင်းသားများကို အားကစားသများ ၀ိုင်းဝန်းလက်မှတ်ရေးထိုးထားသည့် ဘော့လုံးတစ်လုံးကို လက်ဆောင်အဖြစ်ပေးအပ်ကာ ဖျာပုံမြို့မှ ထွက်ခွာခဲ့ကြသည်။ မူလက ဖျာပုံမြို့မှ ကျိုက်လတ်သို့ လှေဖြင့် မြစ်ကြောင်းအတိုင်း သွားရန်စီစဉ်ထားခဲ့သော်လည်း ဘော့လုံးသမား အများစုက လှေစီးရန် ငြင်းဆိုးခဲ့သောကြောင့် ကားဖြင့်သာခရီးဆက်ခဲ့သည်။
သုံးနာရီ အကျော်တွင် ဖျာပုံမြို့နယ် ရှမ်းကွင်းကြီး ကျေးရွာသို့ ရောက်ရှိသည်။ ရှမ်းကွင်းကြီး ကျေးရွာတွင် ကျောင်းသားများ ဒေသခံရပ်မိ ရပ်ဖများက ကြိုဆိုကြသည်။ ထို့နောက် ရွာမှ အုန်းရေ ကောက်ညှင်းဆနွင်းမကင်း လကဘ္ဘသုပ်များဖြင့် တည်ခင်းဧည့်ခံသည်။ ရှမ်းကွင်းကြီးကျေးရွာသည် ရွာတန်းရှည် ရွာလေးတစ်ရွာဖြစ်ပြီး ရွာလည်လမ်းမကို အုတ်စီထားကာ အိမ်နှင့်ခြံဝင်လေးများကို သပ်သပ်ရပ်ရပ် ဖြစ်အောင်စီမံထားသည်။ ဘရာဇီးအသင်းသားများသည် ရှမ်းကွင်းကြီးကျေးရွာတွင်း လှည့်လည်ကြည့်ရှုကြပြီး ယူနီဆပ်မှ ပေးသည့် Tank ဖြင့် စာသင်ကျောင်းလုပ်ကာ ကျောင်းသားများစာသင် နေရသည်ကို တွေ့ရသည့်အခါတွင် ယင်းရွာတွင်လည်း စာသင်ကျောင်းတစ်ကျောင်းကို ဆောက်လုပ်ပေးရန် သဘောတူညီခဲ့သည်။ ယင်းကျေးရွာတွင်လည်း လက်မှတ်ရေးထိုးထားသော ပို့စကဒ်လေးများ ကိုဝေငှခဲ့ပြီး ကျောင်းသားများအတွက် လက်မှတ်ရေးထိုးထားသော ဘောလုံးတစ်လုံးကို အမှတ်တရပေးအပ်ခဲ့ကာ ကျိုက်လတ်မြို့သို့ ဆက်လက်ခရီးထွက်ခဲ့သည်။

ညနေလေးနာရီခွဲ အချိန်ခန့်တွင် ကျိုက်လတ်မြို့ အားကစားသို့ ရောက်ရှိသည်။ ကျိုက်လတ်မြို့ အားကစားကွင်းတွင် သုရုပ်ပြကစားမည်ကို ပရိတ်သတ်များက ကွင်းလုံးပြည့်စောင့်ကြိုစောင့်ကြိုနေကြသည်။ ကွင်ထဲသို့ ၀င်သည်နှင့် ပရိသတ်များက ဘရာဇီး ဘရာဇီး ဟုသံပြိုင်ဟစ်ကြွေးကာကြိုဆိုကြသည်။ ထို့နောက် ဘာရာဇီး ဘော့လုံးသမားတစ်ယောက်က ဘောလုံးကို တော့ပြသည်။ ယင်းနောက်တွင် ကွင်းအတွင်းအသင့်စောင့်ဆိုင်းနေသည့် ဒေသခံကစားသမားများကို ဘော့လုံးလေ့ကျင့်နည်း နည်းစနစ်များကို လက်တွေ့သရုပ်ပြ သင်ကြားပြသပေးသည်။

ယင်းသို့သင်ကြားပြသပေးရာတွင် ရှေ့တန်းတိုက်စစ်မှူးများက ရှေ့တန်းအားတွင် ကစားသည့် အားစကားသမားကို လည်းကောင်း နောက်တန်းက နောက်တန်း ဂိုးသမားက ဂိုးအတွက်လည်းကောင်း အသီးသီးသင်ကြား သရုပ်ပြပေးကြသည်။ ယင်းသို့ သင်ကြားသရုပ်ပြပေးရာတွင် အချို့သော သင်ပြကွက်များသည် ဒေသခံများအတွက် ရယ်စရာဖြစ်နေသည့်အတွက်သည့် တစ်ကွင်းလုံး တ၀ါးဝါး တဟားဟားနှင့် ပွဲကြနေနေကြတော့သည်။ ညနေခြောက်နာရီ ထိုးခါနီးတွင် သင်ကြားမှုများကို အဆုံးသတ်ပြီး ဘရာဇီးမှာ ယူဆောင်လာသည့် လက်ပတ်ပုတီးကွင်းလေးများ ပို့စကဒ်များကို ဒေသခံများအတွက် အမှတ်တရအဖြစ်ပေးအပ်ကြသည်။

မူလက ကျိုက်လတ်တွင် ညနေငါးနာရီတွင် ညစာစားရန်စီစဉ်ထားသော်လည်း အချိန်မှာ မျှော်မှန်းထားသည်ထက် ပိုမိုကြာမြင့်သွားသောကြောင့် ညစာမစားပဲ ရန်ကုန်သို့ပြန်ရန်စီစဉ်ခဲ့ကြသည်။ ရန်ကုန်တွင် ဘော့လုံးအဖွဲ့ အချုပ်ဥက္ကဌ ဦးဇော်ဇော်အိမ်တွင် ညစာစားသုံးရန် စီစဉ်ထားသည်ဖြစ်သောကြောင့် အချိန်မှီပြန်ရန် စီစဉ်ခဲ့ခြင်းဖြစ်သည်။ ဘောလုံးသမားသည် ပထမနေ့က ဘောလုံးကစားပြီး ဒုတိယနေ့တွင် တစ်နေကုန် ခရီကားစီး ခရီးသွားရခြင်းဖြစ်သောကြောင့် အပြန်ခရီးတွင် ပင်ပန်းသဖြင့် တစ်ချို့က အိပ်ရင်းလိုက်ပါကြသည်။ လမ်းကလည်းကြမ်း ကားအဲကွန်းကလည်း အအေးသဖြင့်အချို့သော ကစားသမားများက အအိပ်နိုင်ပဲ ဒီတိုင်းလိုက်ပါလာကြသည်။ ကျိုက်လတ်မြို့မှ ညနေ ခြောက်နာရီ အကျော်လောက်တွင် စတင်ထွက်ခွာခဲ့ပြီး ရန်ကုန်မြို့သို့ ညဆယ့်နာရီခွဲအကျော်တွင် ခရီးစဉ်မှ ချောချောမောမော ရောက်ရှိလာခဲ့သည်။

နိဂုံး

ဘရာဇီးအသင်းသည် ပထမနေ့က ဘော့လုံးကစားထားလို့ ပင်ပန်းထားရသည့်ကြားက ဒုတိယနေ့တွင် လမ်းကြမ်းကြမ်းတွင် အနေကုန် ခရီးသွားသည်။ သေချာတာကတော့ တတိနေ့တွင် ကာစားမည့် ဘော့လုံးတွင် ဘရာဇီးအသင်း ခြေကုန်လက်ပန်းကျနေ ပေလိမ့်မည်။ ထို့အပြင် ဘော့လုံးသမား နှစ်ယောက်သည် ပထမနေ့ မြန်မာနှင့်ကစားသည့်ပွဲသည် ဒါဏ်ရာ အနည်းငယ်ရထားသဖြင့် ထမင်းပင်စားနိုင်ခြင်း မရှိပေ။ ယင်းအပြင် ဘော့လုံးသမား အများစုသည် သုံးဆယ့်ငါးနှစ် အထက်များဖြစ်ကြသည်။ ထို့ကြောင့် အားလုံးထင်ထားသည်မှာ နောက်နေ့ မြန်မာနှင့်ကစားမည့်ပွဲတွင် ကောင်းစွာကစားနိုင်ရှိတော့မည် မဟုတ်ဟု ယူဆထားခဲ့ကြသည်။

သို့ပေမယ့် တကယ်တန်းကစားသည့်အခါတွင် ဘရာဇီးအသင်းသားများသည် ထင်သလောက်ခြေကုန်လက်ပန်း ကျခြင်းမရှိကြပဲ ကောင်းစွာ ကစားနိုင်သည်ကိုတွေ့ရသည်။ “ သူတို့တဖွဲ့လုံးက ဆေးလိပ်လည်း မသောက်ဘူး။ အရက်လည်း မသောက်ကြဘူး” ဟု YMCA မှ အဖွဲ့ဝင်တစ်ဦးက ပြောသည်။ အခုလို သက်လုံကောင်းခြင်းသည် ဆေးလိပ်မသောက် အရက်မသောက်တာလည်း ပါကောင်းပါပါလိမ့်မည် သေချာသည်ကတော့ သက်လုံကောင်းအောင် လေ့ကျင့်သားပြည့်ဝနေခြင်းကြောင်း ဖြစ်ပေလိမ့်မည်။

အထက်တွင် ဖော်ပြခဲ့သည့်အတွင်း ယခုလာသည့် ဘရာဇီးကလပ်အသင်းသည် နိုင်ငံတကာစံနှုန်းနှင့် ကြည့်လျှင်ဘာမှမဟုတ်သော အသင်းလေးတစ်ခု ဖြစ်သော်လည်း မြန်မာဘော့လုံးသအင်းနှင့် ယဉ်ပြိုင်ကစားသည့်အခါတွင် နည်းစပိုင်းဆိုင်ရာတွေမှာ များစွာအားသာကိုတော့ ငြင်း၍ကားမရပေ။ ထို့ကြောင့် ဘောလုံးကစားသည့် အားကစားသမား ကိုယ်တိုင်သော်လည်းကောင်း ဘော့လုံးအဖွဲ့ချုပ်နေဖြင့်သော်လည်ကောင်း အနာဂတ် မြန်မာဘော့လုံးအတွင်းအတွက် ဘာတွေကို ပြုပြင်ရမည် ဘာတွေ ထပ်လုပ်ဖို့လိုသေးသည် ဆိုသည်ကို သိမြင်ရရှိသည်။

တကယ်တော့ ယခုလာသည့်ဘရာဇီး ဘော့လုံးမှ ရံပုံငွေမျှော်မှန်းထားသလောက် မရရှိခဲ့ပါ။ သို့ပေမယ့် မြန်မာဘောလုံးလောကအတွက်တော့ အသုံးဝင်မည့် အတွေ့အကြုံတစ်ခု ရသွားခဲ့သည်က မလွဲပေ။

Read More...

Summary only...

တမာပင်

တမာသည် အသိတရားများစွာပေးသည်

တမာခေါက်သည် ခါးသည်။ တမာရွက်သည် ခါးသည်။ တမာမြစ်သည် ခါးသည်။ တမာသည် တပင်လုံးခါးသည်။ ထိုကဲ့သို့ တပင်လုံးခါးသော တမာပင်က သီးသည့် အသီးသည်လည်း ခါးသည်။ သို့ရာတွင် တမာသီးသည် ရင့်မည့်လာချိန်တွင် ချိုသွားသည်။

ခါးသောပင်မှာ သီးလာပြီး ငယ်စဉ်က ကိုယ်တိုင်ခါးသော တမာသီးသည် ရင့်မည့်လာချိန်တွင် အချိုဘက်သို့ ကူးပြောင်းသွားနိုင်ပါက အတွေးအခေါ် စာပေနှင့် ယဉ်ကျေးမှု အသိုင်းဝိုင်းတွင် ရှင်သန်လာကြသော လူသားများကသည် ကြီးရင့်လာသည့် အချိန်မှာ ငယ်စဉ်ကလိုပဲ ခါးနေကြဦးမည်လော.......

* * * *

တမာပင်သည် သူ၏အိမ်ရှေ့တွင် တည်ရှိသည်။ အခုလို ဆောင်းအကုန် နွေးဦကာလတွင် သူ့အိမ်ရှေ့ တမာပင်မှ ၀ါကြံ့ကြံ့ သစ်ရွက်များ မြေပြင်ပေါ်သို့ ကြွေကျကြသည်။ သူသည် နေပူသော နေ့ခင်းများတွင် တမာပင် အောက်တွင်ထိုင်ကာ စာအုပ်တစ်အုပ်ကို လက်ကကိုင်းရင်း လေနှင့်အတူ တဖြုတ်ဖြုတ်ကြွေကျလာသော တမာရွက်လေးများကို ငေးနေမိတတ်သည်။ ထိုအချိန်မျိုးတွင် သူသည် စာအုပ်ထဲမှ ဇာတ်ကောင် ဖြစ်သွားသည်၊ တခါတံရံတွင် လေနှင့်အတူ ကြွေကျလာသော တမာရွက်လေးများ ဖြစ်သွားသည်။

အခုလို တမာရွက်များ ကြွေချိန် ရောက်ပြီဆိုလျှင် အိမ်ရှေ့က ရေတွင်းကို နှီးဖြာကြီးတစ် ချပ်ဖြင့် အုပ်ထားရသည်။ အဘယ်ကြောင့်ဆိုသော် တမာရွက်များသည် ရေတွင်း အတွင်းသို့ ကြွေကျပါက ရေတွင်းရေ ပုတ်တတ်သောကြောင့် ဖြစ်သည်။

တမာပင်မှာ ပင်စည်တွင် အပွေးရှိသော တမာနှင့် အပွေးမရှိသော တမာဟူ၍ နှစ်မျိုးကွဲသည်။ အပွေးမရှိသော တမာပင်သည် ခါးသောကြောင့် ရေဖြင့် အချိန်အတန်ကြာ ပြုတ်ယူရသည်။ အပင်တွင် အပွေးရှိသော တမာပင်သည် သိပ်မခါးသောကြောင့် ရေနွေးပူပူတွင် ခေါက်ဆွဲစိပ်သလို သုံးမိနှစ်လောက် စိပ်ထားရုံဖြင့် စား၍ရသည်။ ရေနွေးတွင် အကြာကြီး ပြုတ်ရသော တမာရွက်သည် အပူချိန်များခြင်းကြောင့် ၀ါသွားလေ့ရှိပြီး ရေနွေးတွင် ခဏလေးစိမ်ရုံဖြင့် စား၍ရသောတမာရွက်သည် ရေနွေးစိပ်ချိန် မကြာသောကြောင့် စိမ်းစိမ်းစိုစိုနှင့် စားရသည်မှာ ပိုပြီးလတ်ဆတ်သည်။

သူတို့အိမ်ရှေ့က တမာပင်သည် ပင်စည်တွင် အပွေးရှိသော တမာအမျိုးစား ဖြစ်ပြီး နွေရောက်လို့ တမာရွက်တွေ နုပြီဆိုလျှင် သူသည် တမာပင်ပေါ်သို့ တက်ပြီး တမာရွက်များကို ခူးလေ့ရှိသည်။ တမာရွက်သည် ကိုင်းဖျားများ တွင်သာ နုလေ့ရှိသည်။ လူသည် ကိုင်းဖျားနားသို့ ရောက်အောင် သွား၍ မရနိုင်သဖြင့် သစ်ပေါ်တက်ပြီး ခူးရုံနှင့် တမာရွက်များကို့ လက်လှမ်းမမှီနိုင်ပေ။ ထို့ကြောင့် သူသည် တမာပင်ပေါ်သို့ တက်ပါက လက်ထဲတွင် ၀ါးခြမ်းပြားတံချူလေးကို ကိုင်သွားရသည်။

သစ်ကိုင်းခွဆုံတွင် ကားလားခွထိုင် လူပြုမကျအောင် လက်တစ်ဘက် တမာပင်ကိုဖက် ကျန်လက်တစ်ဘက်က ၀ါးခြမ်းပြား တံချူလေးကို ကိုင်းပြီး တမာနုလေးတွေကို ခူးရသည်မှာ လွယ်တော့မဟုတ်။ တခါတရံတွင် ၀ါးခြမ်းပြားတံချူနှင့် တံမာနုရှိသည့် သစ်ကိုင်းဖျားလေးကို လိမ်ချိုးရန် ကြိုးစားရင်း ချော်ထွက်သွားသည် လည်းရှိသည်။ တခါတရံတွင် ၀ါးခြမ်းပြားတံချူလေး ပဲသွားသည့် အခါမျိုးလည်းရှိသည်။ ၀ါခြမ်းပြား တံချူလေး ပဲ့သွားပြီ ဆိုလျှင် သစ်ပင်အောက်သို့ ပြန်ဆင်ကာ တံချူလေးကို ပြန်ပြင်ပြီး သစ်ပင်ပေါ်ပြန် တက်ရသည်။ ထို့ကြောင့် တခါတရံ သူစိတ်ထဲမှာ မိုးပေါ်ပျံပြီး တမာတစ်ပင်လုံး ပြောင်အောင် လိုက်ခူးပစ်လိုက်ချင်သည်။

သူကိုယ်တိုင် ခူးလာသော တမာရွက်ပြုတ်ကို ငါးပိရည်နှင့် တို့ပြီးစားရသည်ကို သူခံတွင်းတွေ့သည်။ တမာရွက်ဟု ဆိုသော်လည်း အရွက်ကြီးပဲ မဟုတ် တမာအဖူး လေးများပါသည်။ ထိုအဖူးလေးများ စိမ်းရွှေရွှေ အနံ့ရှိပြီး ထိုအနံ့ကို သူက မွေးသည်ဟု ထင်ထားကာ အဖူးလေးများသည် အရွက်များထက် အရသာပိုရှိသည်ဟု ထင်နေသည်။

သင်္ကြန်အကြို ရောက်ပြီဆိုလျှင် သူသည် ဓားတစ်ချောင်းဖြင့် ထိုတမာပင်သို့ တက်လေ့ရှိသည်။ သူ့ အဖွားက သူခုတ်ချလိုက်သော တမာကိုင်းများကို ဖဲ့၍ သိကြားကြိုသည့် အိုးတွင် ထိုးလေ့ရှိသည်။ ရပ်ကွက်ထဲမှာ သိကြားကြိုအိုးတွင် တမာခက် ထိုးလိုသူများလည်း သူခုတ်ချလိုက်သော တမာကိုင်းမှ တမာခက်များကို လာရောက်ချိုးယူကြသည်။ ထိုတမာပင်သည် မြောင်းကမ်းပါးတွင် ရှိသောကြောင့် အရမ်းမြင့်လာပါက ပြိုလှဲသွားမည်ကို စိုးရိမ်ရသောကြောင့် နှစ်စဉ် အပင်ကို ချိုင်ပေးရသည်။ သူသည် တစ်ချို့သော နှစ်များတွင် တမာရွက်နု ချိန်တွင်လည်းကောင်း၊ တစ်ချို့သောရက်များတွင် သင်္ကြန်အကြိုနေ့တွင် လည်းကောင်း တစ်ချို့သော နေ့များတွင် နှစ်သစ်ဆန်း တစ်ရက်နေ့တွင် လည်းကောင်း တမာပင်ကို ချိုင်လေ့ရှိသည်။

ထိုတမာပင်ကို သူငါးနှစ်သား အရွက်ခန့်က သူ့အဖွားဖြစ်သူက စိုက်ခဲ့ခြင်း ဖြစ်ပြီး၊ ငယ်စဉ်က တမာပင်တွင် တခြားလူများ တမာရွက်လာခူးကြသည့် အခါ၊ တမာခေါက်လာခွာ ကြသည့်အခါ ထိုသူများကို သူက ရန်လုပ်လေ့ရှိသလို ဓာတ်ကြိုးနှင့် မလွတ်ဟု ဆိုကာ လျှပ်စစ်က လာခုတ်သည့် အခါတိုင်းတွင်လည်း သူနှမျှောရသည်။

မိုးကျပြီ ဆိုသည်နှင့် တမာသီးများ မည့်ကြပြီ။ တမာသီးသည် စိမ်းစဉ်က ခါးသော်လည်း မည့်လာသည့် အခါတွင် ချိုသည်။ သူငယ်စဉ်က တမာသီးမည့်များလည်း ကောက်စားခဲ့ဖူးသည်။ တမာသီးမည့်သည် ချိုသည်ဟုဆိုသော်လည်း အရသာရှိလောက်အောင် စားကောင်းသည့် အသီးမဟုတ်သည့်အတွက် တစ်ခါးစားလျှင် တစ်လုံးစ နှစ်လုံး ကောက်စားသည်မှ အပ တကူးတကကြီး ခူးစားတာမျိုးကိုတော့ သူမလုပ်ဖြစ်ပေ။ ထိုသမာသီး မည့်တို့သည် မိုးရေတို့နှင့် ကြွေကျ၍ မြေပြင်တွင် အပင်များ ပေါက်ကြသည်။ ထို့ကြောင့် မိုးရာသီတွင် တမာပင်ကြီး အောက်၌ တမာပင်ပေါက်လေးများက ဟိုတစ်စု ဒီတစ်စုဖြင့် ပေါက်ရောက်နေ တတ်ကြသည်။

သူသည် ထိုတမာပင် အောက်တွင် စာဖတ်ခဲ့ဖူးသည်။ သူသည် တမာရွက်များကို စားရန်အတွက်သော် လည်းကောင်း ခေါင်းလျှော်ရန် အတွက်သောလည်းကောင်း ခူးခဲ့ဖူးသည်။ ထိုတမာပင်၏ သစ်ကိုင်းများကို ဓားဖြင့်ချိုင်ခဲ့ဖူးသည်။ သူသည် ထိုအပင်မှာ တမာကိုင်းများ ဖြင့် သွားတိုက်ဖူးသည်။ တမာပင်ကို မကောင်း ဆိုးဝါး မကပ်နိုင်ဟု အယူအဆရှိသော ထိုနယ်တွင် သူငယ်စဉ်က ထိုအပင်က တမာသားလေးကို ပရိတ်ကြိုးတွင် ချည်ကာ လည်ပင်းတွင် ဆွဲထားခဲ့ဘူးသည်။

အခုတော့သူ ထိုတမာပင်နှင့် ဝေးခဲ့သည်မှာ နှစ်အတန်ကြာခဲ့ပြီ။ တမာပင်နှင့် သူခွဲခဲ့သည့်နှစ်က မွေးသည့် သူ့တူလေးပင် သူငယ်တန်း တက်နေပြီ။

အခုအချိန်တွင် အရံဟင်းအဖြစ် အရေးမပါစွာဖြင့် သခွားသီး ရုံးပတီသီးနှင့် ပူစီနှံနှံ ကြားတွင် ရောနှောနေသော တမာရွက်လေးများသည် တချိန်က သူ့အတွက် အဓိကဟင်း တစ်ခွက်ဖြစ်ခဲ့ဘူးသည်။ သူသည် ထိုတမာပင်ကို နေ့ရှိသရွေ့ အချိန်တိုင်း သတိရနိုင်ခြင်း မရှိပါ။ သို့ရာတွင် ထမင်းဆိုင်ရှိ တို့စရာ မြုတ်စရာတွင် တမာရွက်ကို တွေ့ပါက အချိန်အတော်ကြာ ခွဲနေရသော သူ့မိသားစုကို သတိရမိသည်။

ထိုတမာပင်ကြီးသည် သူ့အိမ်ရှေ့တွင် တည်ရှိပြီး တမာပင်ကြီး နောက်တွင် သူ့အိမ်တည်ရှိကာ သူ့အိမ်ထဲတွင် သူ့မိသားစု ရှိနေသည် မဟုတ်ပါလား……

Read More...

Summary only...

လူ့လောက နိဗ္ဗာန်ဘုံ

ကျွန်တော်၏ သူငယ်ချင်း တစ်ယောက်က သူ့တူလေး အကြောင်း ပြောပြသည်။ သူ့တူလေးသည် ငါးနှစ်အရွယ်ခန့် ရှိနေပြီ ဖြစ်ပြီး လန်ဒန်တွင်မွေးသည်ဟု ဆိုသည်။ မိဘများသည် မြန်မာနိုင်ငံသား များဖြစ်သော်လည်း လန်ဒန်တွင် နေရသောကြောင့် မြန်မာစကား တတ်ခြင်းမရှိဟု ဆိုသည်။

“ငါတို့ အစ်ကို အလည်ပြန်လာတော့ ငါတို့တူလေးလည်း ပါလာတယ်။ သူ့ကို မြန်မာစကား ပြောတတ်အောင် ဆိုပြီး ငါတို့ ၀ိုင်းသင်ကြတာ။ သူနေသွားတဲ့ နှစ်ပတ်လောက် အတွင်းမှာ တခြား စကားတွေ တတ် မတတ်တော့ မသိဘူး။ စကား နှစ်ခွန်းကိုတော့ ကောင်းကောင်း ပြောတတ်သွားတယ်”

သူ့တူလေး ပြော တတ်သွားသည့် စကားနှစ်ခွန်းက ဘာလဲဟု မေးကြည့်လိုက်တော့။

“ဟေး …. မီးလာပြီ”

“ဟာ…. မီးပျက်သွားပြီ”

* * * *

ကျွန်တော် အလုပ်အတွင်း၌ ရှိနေစဉ်က ဖြစ်သည် . . . . .

ကျွန်တော်တို့ ရုံးမှာ အိပ်ကြသော သူများသည် ညပိုင်းတွင် တော်ရုံ တန်ရုံနှင့် မအိပ်ဖြစ်ကြ။ အနည်းဆုံးတော့ ညတစ်နာရီကျော် နှစ်နာရီလောက်မှသာ အိပ်ဖြစ်ကြသည်။ ထို့ကြောင့် နံနက် စောစောစီးစီး ဖုန်းလာပါက ထကိုင်ရမှာ ပျင်းကြသည်။

ထိုနေ့က ကျွန်တော် မိုးလင်းခါနီးမှာ အိပ်သည်။ အိပ်ပြီး သိပ်မကြာသေး တယ်လီဖုန်းက မြည်လာသည်။ ကျွန်တော် ခေါင်းတစ်ချက် ထောင်ကြည့်လိုက်သည်။ ကျန်အိပ်နေသူများ တုတ်တုတ်မျှ မလုပ်ကြ။ ထို့ကြောင့် မြည်နေသော တယ်လီဖုန်းကို ကိုင်ရန် အတွက် ကျွန်တော် လေးဖင့်စွာ ထလာခဲ့သည်။ ဖုန်းကို ကောက်ကိုင် လိုက်တော့ ဖုန်းက ကျသွားပြီ။ ထို့ကြောင့် ကျွန်တော် ပြန်အိပ်ဖို့ အိပ်ရာဆီသို့ ပြန်လာခဲ့သည်။

အိပ်ရာပေါ်တွင် လှဲလိုက်ခါရှိသေးသည် ဖုန်းက မြည်လာပြန်သည်။ ထို့ကြောင့် ကျွန်တော် ဖုန်းကို ထပြီး ကိုင်ရပြန်သည်။ ကိုင်လိုက်တော့ စောစောက ကဲ့သို့ပင် ဖုန်းကျသွားပြန်သည်။ ကျွန်တော် စိတ်ပျက်လက်ပျက်ဖြင့် ဖုန်းကို ပြန်ချလိုက်တော့ ဖုန်းက ပြန်မြည်လာပြန်သည်။

နံနက်စောစော စီးစီး အိပ်ကလည်း အိပ်ချင် ဖုန်းကလဲ ကိုင်ရင်ကျ သွားလိုက် ပြန်ခေါ်လိုက် လုပ်နေသော ကြောင့် ကျွန်တော် စိတ်တိုသွားသည်။ ထို့ကြောင့် ဖုန်းကို ချက်ခြင်း ကောက်ကိုင်ပြီး ဘာကိစ္စလဲဟု မေးလိုက်သည်။ ကျွန်တော်သည် ထိုအချိန်တွင် စိတ်အနည်းငယ် တိုနေသောကြောင့် ကျွန်တော့် အသံမှာလည်း နဲနဲ မာဆတ်ဆတ် ဖြစ်သွားဟန် တူသည်။ ထိုကြောင့် တစ်ဖက်က ဖုန်းပြောသူ အသံက မ၀ံ့မရဲ ဖြစ်သွားသည်။

“ဂျာနယ်တိုက်က ပါလားကွယ် . . . . ”

တစ်ဖက်မှ အသံသည် အသက်ခြောက် ဆယ်ကျော် အရွယ်ခန့်ရှိသော အမျိုးတစ်မီး တစ်ဦး ဖြစ်ဟန် တူသည်။ ကျွန်တော်က ဂျာနယ်တိုက် ဟုတ်ပါကြောင်းနှင့် ဖုန်းဆက်ရင်း ကိစ္စကို မေးကြည့်တော့။ သူက တောင်ဒဂုံကပါတဲ့ သူတို့ တောင်ဒဂုံမှာ မီးပျက်နေလို့ဟု ဆိုသည်။ ကျွန်တော် စိတ်ထဲမှာ ရယ်ချင် သလိုဖြစ်သွားသည်။ မီးပျက်တာ လျှပ်စစ် ဌာနကို မဆက်ပဲ ဂျာနယ်တိုက်ကို ဆက်နေတော့ ကျွန်တော်တို့က ဘာလုပ်ပေးနိုင်မည်နည်း။

“အဖွားကလဲ၊ ကျွန်တော်တို့ ရုံးလည်း ပျက်တာပဲလေ”

ဟု ကျွန်တော်က ပြောလိုက်တော့

“အေးကွယ် မနက်စောစော စီးစီး ဒီအဖွားကြီး အလုပ် လိုက်ရှုတ်ပြီး ဟိုဖုန်းဆက် ဒီဖုန်းဆက် လျှောက်ဆက်နေတယ်လို့ ထင်မှာပဲလေ . .. ”

ဆိုပြီး သူ့စကားကို ခဏဖြတ်သွားသည်။ ကြည့်ရတာ သူ့စိတ်ထဲမှာ ထပ်ပြောချင်ပုံ ရသည်။

ထို့ကြောင့် ကျွန်တော်က

“သြော် . .. ရပါတယ် ကိစ္စမရှိပါဘူး”

ဟုပြောလိုက်တော့ သူစကားတွေ ဆက်ပြောသည်။

“အဖွားတို့ မီးမလာလို့ ရေမချိုးရတာ နှစ်ရက်ရှိပြီ။ အိမ်မှာက ရေစက်နဲ့ အ၀ီစိ တွင်းကနေ ရေတင်ရတာလေ။ မီးမလာတော့ ရေမတင်ရဘူး။ မီးကလည်း လာရင် ညဘက် ညဉ့်နက် သန်းခေါင်မှ လာတယ်။ မိုးလင်းရင် ပျက်သွားတယ်။”

“အဖွားကလည်း အဲလို မီးလာတဲ့အချိန်မှာ တင်လေ”

“အေးကွယ် အဖွားတို့က အိမ်မှာ ယေကျာင်္းလေးလဲ မရှိဘူး။ အသက်ကြီးကြီး မိန်းမတွေ ချဉ်းပဲဆိုတော့ ညဘက်ကို မထနိုင်ဘူးလေ။ အခုလဲ မီးမလာဘူး။ ရေမရှိတော့ ဘယ်လို လုပ်ရမှန်း မသိလို့ ဂျာနယ်တိုက်ကို ဖုန်းဆက်ကြည့်လိုက်တာ။”

ကျွန်တော်က ဒါများ ဖွားရယ် လျှပ်စစ်ရုံးကို ဖုန်းဆက် မေးကြည့်ပါလားလို့ ပြောတော့၊ လျှပ်ရုံး ဖုန်းနံပါတ်ကို မသိကြောင်း။ မီးပျက်နေတော့ ဘာလုပ်လို့ လုပ်ရမှန်း မသိလို့ ဖတ်နေကျ ဂျာနယ်ထဲက ဖုန်းနံပါတ်ကို ဆက်ခြင်း ဖြစ်ကြောင်း ပြန်ပြောသည်။

“မီးကလဲပျက်။ ရေကလဲ ချိုးစရာမရှိဆိုတော့။ အဖွားတို့မှာ ဘယ်ကို ဘာပြောလို့ ဘာလုပ်ရမှန်း မသိဘူးလေ။ အဲဒါကြောင့် ဂျာထဲက နံပါတ်အတိုင်း ဆက်ကြည့်လိုက်တာပါ။ ဂျာနယ်တိုက်က ဘာမှ လုပ်ပေးလို့ မရမှန်းတော့ သိပါတယ်။ ဒါပေမယ့် အခုလို ပြောစရာ ရှိတဲ့ စကားကို ပြောလိုက်ရတော့လည်း စိတ်ထဲမှာ ပေါ့သွားတာပေါ့ကွယ်” ဟု ပြောပြီး ထိုအမျိုး သမီးကြီး ဖုန်းချသွားသည်။

* * * * *

အဒေါ်က ရိပ်သာ ၀င်မည် ဖြစ်သောကြောင့် အိမ်တွင် အစ်မတစ်ဦးတည်း ကျန်ခဲ့မည်ဟု ဆိုသည်။ ထို့ကြောင့် ကျွန်တော့်ကို အိမ်ကို လာအိပ်ပေးဖို့ အစ်မတစ်ဝမ်းကွဲ ဖြစ်သူက ခေါ်သည်။

ထို့ကြောင့် ကျွန်တော် အဒေါ်အိမ်တွင် အိပ်ရှိရာ ဒဂုံ အရှေ့သို့ ထွက်လာခဲ့သည်။ ထွက်သာ လာခဲ့ရသည် အဒေါ်အိပ်ရှိရာ ရပ်ကွက် မီးမှ လာပါ့မလား မသိ။

ကျွန်တော် ဒဂုံ အရှေ့ကို ရောက်တော့ မိုးချုပ်နေပြီ။ အဒေါ်အိမ်ရှိရာ ရပ်ကွက်ထဲကို ၀င်လိုက်တော့ မီးလေးတွေ လင်းနေသည်။ ကျွန်တော် စိတ်ထဲမှာ အဲဒီ အချိန် ရောက်မှာ သက်ပြင်း ချနိုင်တော့သည်။

အိမ်ရောက်တော့ ရေချိုး ထမင်းစားပြီး ကွန်ပျူတာသုံးမယ် လည်းလုပ်ရော။ အမက ဖွင့်လို့ မရသေးဘူးတဲ့။ ဘာဖြစ်လို့လဲ လို့မေးတော့ မီးအားကျနေတယ်ဟု ဆိုသည်။ ကျွန်တော် မီးအား အတက်ကျ ပြသည့် မီတာလေးကို ကြည့်လိုက်တော့ မီးအားက ၁၄၀ နှင့် ၁၅၀ ကြားမှာပဲ ရှိသည်။ ထိုကဲ့ သို့မီး အားကျနေခြင်းမှာ ကျွန်တော့် အထင်တော့ မီးလာသည့် အချိန်လေးတွင် မီးအားမြှင့်စက် ရှိသူများက မီးအားမြှင့်စက်များ ဖြင့် ၀ိုင်းဆွဲကြသော ကြောင့် မီးအား မြှင့်စက် မရှိသော အိမ်များ တွင်မီးအား ကျသွားကြ ဟန်တူသည်။

ထို့ကြောင့် မီးလာပြန်သော်လည်း မီးအားတက်လာရန် စောင့်ရပြန်သေးသည်။ ညဆယ်နာရီ လောက်ရောက်တော့ မီးအား ပြန်တက်လာသည်။ ဒီတစ်ကြိမ်တွင်တော့ မီးအားက ၂၀၀ နှင့် ၂၁၀ ကြားမှာ ရှိသည်။ ထို့ကြောင့် ကျွန်တော် ကွန်ပျူတာကို ဖွင့်ပြီး ဓာတ်ပုံ ပြင်စရာရှိသည် များကို ပြင်နေသည်။ ညဆယ့်တစ်နာရီ လည်းထိုးရော မီးက ပျက်သွားပြန်သည်။ ထိုအချိန် ကတည်းက ပျက်သွားသော မီးသည် မနက် ကျွန်တော် အိမ်က ထွက်ခဲ့တဲ့ အထိပြန်လာခြင်း မရှိတော့ပေ။ မီးပျက်သွားသည့် အတွက် အလုပ်က မပြီးလိုက်။

* * * *

ကျွန်တော် အဒေါ်အိမ်ကပြန်လာတော့ ဘတ်စကားက ထုတ်ပေးစဉ် ပိုက်ဆံကြားမှ စာရွက်တစ်ရွက် ညှပ်ပါလာသည်။ ကျွန်တော် ကြည့်လိုက်တော့ မီတာ စာရွက်။ အဲတော့မှ သတိရသည် ကျွန်တော် မီတာ ဆောင်ရခြင်း မရှိသေး။

ကျွန်တော်သင် တန်းဆင်းသည်နှင့် မီတာရုံးသို့ တန်းလာခဲ့ရသည်။ မီတာဆောင်ရက်မှာ ရက်လွန်နေပြီ ဖြစ်သောကြောင့် ခါတိုင်းလို အောက်ထပ်တွင် မပြီးပေ။ မီတာရုံး အပေါ်ထပ်သို့ တက်ကာ ဒါဏ်ကြေး တစ်ထောင်သွင်းရသည်။

စာရေးမက ဒါဏ်ကြေးကို ဘောင်ချာ စာရွက်မှာ ရေးနေတုန်း ရုံးနံရံတွင် ကပ်ထားသော ဘုတ်များကို စပ်စပ်စုစု လိုက်ဖတ်ကြည့်သည်။ ထိုဘုတ်များထဲမှာ တစ်ခုမှာ လျှပ်စစ် ပေးဝေရေး အဖွဲ့၏ ရည်မှန်းချက်များကို ရေးထားခြင်းဖြစ်သည်။ ထိုရည်မှန်းချက်များ ထဲမှ အောက်ဆုံး အကြောင်းမှာ

လျှပ်စစ်မီးဖြင့် လူ့လောက နိဗ္ဗာန်ဘုံကြီးကို ဖော်ဆောင်အံ့

ဟုရေးထားသည်။ စာသား အနည်းငယ် လွဲကောင်း လွဲပါမည် ဆိုလိုရင်းကတော့ လျှပ်စစ်မီးဖြင့် လူ့လောက နိဗ္ဗာန်ဘုံကြီးသဖွယ် ဖြစ်လာအောင် စွမ်းဆောင်ဖို့ ရည်းမှန်းထားသည်ဟူ၍ ဖြစ်သည်။

* * * *

ကျွန်တော် နေထိုင်ရာ လမ်းထဲကို ၀င်လိုက်သည့် နှင့် မီးစက်သံကြီးများက ကျွန်တော့်ကို ဖုန်းဒိုင်း ဖုန်းဒိုင်းနှင့် ဆီးကြိုနေကြသည်။ သောချာပြီ ကျွန်တော်တို့ လမ်းထဲမှာ မီးပျက်နေပြီ။ ကျွန်တော် စိတ်ပျက်လက် ပျက်နှင့်ပင် အိမ်ပေါ်သို့ တက်လာခဲ့သည်။ မီးပျက်တော့ ဘာအလုပ်မှ လုပ်စရာ မရှိသည့် အတူတူ အိပ်တာပဲ ကောင်းသည်ဟု ကျွန်တော် တွေးလိုက်မိသည်။

မနေ့ညက မပြီးဆုံးသေးသော အိမ်စာများကို လုပ်မည်ဆိုသည့် စိတ်ကူးများကို ဖုန်းဒိုင်း ဖုန်းဒိုင်း နှင့် မြည်နေသော မီးစက်သံကြီးများက လွမ်းမိုးသွားသည်။ လျှပ်စစ်မီးဖြင့် လူ့လောက နိဗ္ဗာန်ဘုံကြီး ပေါ်ပေါက်လာမည့် အချိန်ကို စိတ်ကူးကြည့်ရင်း ထိုနေ့ နေ့လည်ခင်းက မီးပျက်နေသော အခန်းကျဉ်းလေး တစ်ခုတွင် ကျွန်တော် အိပ်ပျော်သွားခဲ့သည်။

Read More...

Summary only...

ကျွန်တော်နှင့် ချေင်းသာ ၂

နေကအတော် လေးမြင့်နေပြီ။ မြင့်ဆို ၁၀ ရာရီ ကျော်လာပြီကိုး။ ကျွန်တော်စက် ဘီးစီးနေရတာလဲ မောလာပြီ ဒါကြောင့် စက်ဘီးကို ငှားတဲ့ ဆီမှာ ပြန်အပ်လိုက်ပြီး ဧည့်ကြိုကို အခန်းရပြီးလားလို့ စုံစမ်းကြည့်တယ်။ အခမ်းက မရသေးဘူး။ အခမ်းရနေ အောင်စောင့် နေရင်တော့ ပင်လယ်ထဲ ဆင်းဖို့ အချိန်ရှိတော့မှာ မဟုတ်ဘူး။ ၁၀ နာကျော်တာ တောင်နေက တော်တော်လေး ပြင်းနေပြီ။ ဒါကြောင့် ပင်လယ်ထဲကို ဒီတိုင်းပဲ ဆင်းခဲ့တယ်။ ပင်လယ်ထဲ ရောက်တော့ ကဲကဲသဲသဲ အော်ဟစ်ပြီး ဆော့နေတဲ့ မိန်းကလေးတွေကို တွေ့ရတယ်။ ခဏလောက်နေတော့ ရေနစ်လို့ရေနစ် လို့ ဆိုပြီး ၀ိုင်းကယ်နေကြ တာကို တွေ့လိုက်တယ်။ ဒါကြောင့် ကျွန်တော်လဲ စပ်စပ်စုစုနဲ့ သွားကြည့်လိုက်တယ်။
သူများတွေ လားလို့ အောင်းမိပါတယ် ကျွန်တော် အုပ်စုက ကောာင်မလေးတွေ။ ပြီးတော့ ရေနစ်တယ် ဆိုတဲ့ ကောာင်မလေးက ပြောလိုက်သေးတယ်။ သြော် ဘဲချောချော လေးတွေ့လို့ ဇာတ်လမ်းရလိုရ ငြား ရေနှစ်ချင်ယောင် ဆောင်လိုက်တာ လာကယ်တာက ကိုယ့်အုပ်စု ကလူတွေ ဖြစ်နေတော့ ငါပဲ ဆပ်ဆလူးစိန် ဖြစ်သွားတော့တယ်တဲ့။ အင်း သူပြောပုံအရ ဆိုရင်တော့ ရေနစ်တဲ့ သူမှာ အပြစ်မရှိဘူး ကယ်မိသူတွေရဲ့ အမှားတာ ဖြစ်ပါတော့တယ်။
အဲလိုရေကစား နေတုန်း ကမ်းခြေမှာ ဈေးလာရောင်းတဲ့ ဈေးသည်တွေကိုလဲ တွေ့ရပါတယ်။ သူ့တို့ကတော့ ငါးကင် ပုစွန်ကင် ရောင်းတဲ့ ဈေးသည်တွေပါ။ သူတို့ တွေကတော့ ထုံစံအတိုင်း ပုစွန်ကင် တစ်ကင်ကို ၁၀၀ လို့ပြောရောင်း ပါတယ်။ ဆစ်ရင်တော့ ငါးဆယ်နဲ့ ပေးပါတယ်။ ငါးကင်ကတော့ အရွယ်အကြီး အသေးပေါ် မူတည်ပြီး ၃၀၀ ကနေ ငါးရာ လောက်ထိ ရောင်းကြပါတယ်။ ရန်ကုန် ဘီယာဆိုင် တွေမှာ ၈၀၀ လောက်ရောင်းတဲ့ အကောင်ကို သူတို့ရောင်းတာ ၄၀၀ လောက်ပဲရှိပါတယ်။ ဒါပေမယ့် တလားဗီးယားနဲ့ ပင်လယ်ငါး အမျိုးစာချင်းတော့ မတူသလို ကင်တဲ့ပုံချင်းလဲ မတူဘူးပေါ့။ လာရောင်းတဲ့ ငါးကင် ပုစွန်ကင်တွေက စောစောက ဟိုတယ်ဝန်ထမ်း ပြောသလို တချို့ ဟာတွေက မကျက်တကျက် ဖြစ်သလို ကင်ထားတာကို တွေ့ရပါတယ်။ ထုံးစံတစ်ခုက ပိုက်ဆံမပါလဲ ရောင်းပါတယ်။ ကမ်းခြေမှာရှိတဲ့ ဘောကွင်း ငှားခြင်း အုန်းရည်သောက် ခြင်း ငါးကင်ပုစွန်ကင်စား ခြင်းအားလုံး ပိုက်ဆံမပါပဲ ငှားလို့ စားလို့ရပါတယ်။ ပြီးမှ သူတို့က တည်းတဲ့ဟိုတယ် အခန်းကို လိုက်ပြီး ပိုက်ဆံယူကြတပါ။ စီးပြီးသား ဘောကွင်းကိုလဲ ပြန်အပ် စရာမလိုပါဘူး ကမ်းခြေမှာ ပစ်ထားခဲ့လဲ သူတို့တံဆိပ်နဲ့ သူတို့လိုက်သိမ်း ကြပါတယ်။ အဲဒီမှာ ပြသနာက ဘာရှိသလဲဆိုတော့ ဒီအဖွဲ့က ဘောကွင်း သုံးကွင်းငှားတယ် ဆိုရင် တခါတရံမှာ လေးကွင်းငှားတယ် ငါးကွင်းငှားတယ် ဆိုတာမျိုးတွေ လုံးဝမငှားပေမယ့် အခန်းကို ပိုက်ဆံလာတောင်း တမျိုးတွေ ကြုံရပါတယ်။ ဒါကသူတို့ကအကြံ ဖန်လုပ်ပြီး လာတောင်းတာ ဖြစ်နိုင်သလို အကျင့်မကောင်းတဲ့ လူတွေက အခန်းနံပါတ် လိမ်ပြောပြီး ငှားတာမျိုးလဲ ဖြစ်နိုင်ပါတယ်။
အဲလို ဘောကွင်းငှားတာ တို့စက်ဘီးငှားတို့က သာမန်အားဖြင့် ကြည့်ရင် ဘာမှမဟုတ်လောက် ဘူးထင်ပေမယ့် ၀င်ငွေက မဆိုးဘူးဗျ။ ၀င်ငွေ မဆိုးသလို ပေးရတဲ့ အခွန်ကမနည်းဘူး။ ဘောကွင်း ငှားခြင်းလုပ် ငန်းဆိုရင် တစ်နှစ်ကို ငါးသိန်းပေးရတယ် လို့သိရတယ်။ ငါးသိန်းဆိုတာက အကွက် တစ်ကွက်ကို ပြောတာပါ။ အကွက်တစ်ကွက်ကို မီတာ တစ်ရာလောက်တော့ ရှိမယ်ထင်ပါတယ်။ ကိုရထားတဲ့ အကွက်တွင်းမှာ ဘောကွင်းငှား ခြင်းလုပ်ငန်းကို သူများလာလုပ်လို့ မရသလို သူများအကွက်မှာ လဲကိုသွားလုပ်လို့မရပါဘူး။ ဘောကွင်း တစ်ကွင်းကို တစ်ထောင်လောက် ပေးဝယ်ရပါတယ်တဲ့ ။ တစ်ကွင်းကို တစ်ခါငှားရင် သုံးရာ ယူပါတယ်။ တစ်ရက်ကို အနည်းဆုံး ခြောက်ထောင်ကနေ နှစ်သောင်း ကျော်လောက်ထိ ပြန်ဝင်ပါတယ်တဲ့။
စက်ဘီငှားတာလဲ အဲလိုပါပဲ။ ဒါပေမယ့် စက်ဘီးက ကမ်းခြေစီနှင်းခွင့် လိုင်စင်ဝင်ရပါသေးတယ်။ စက်ဘီတစ်စီးကို လိုင်စင်ဝင်ရင် သုံးသောင်းကျပ် ပေးရပြီး နှစ်စဉ်ကြေးကတော့ ခုနှစ်ထောင်ကျပ် ဆောင်ရပါတယ်တဲ့။ စက်ဘီးတစ်စီးရဲ့ တန်ဖိုးကတော့ တစ်စီးကို ခုသောင်းသောင်းကနေ တစ်သိန်းခွဲလောက်ထိ တန်တယ်လို့ ဆိုပါတယ်။ သူတို့ရဲ့ ၀င်ငွေကတော့ စက်ဘီးအရေတွက် များရင်များသလို ကွာခြားကြပါတယ်။ စက်ဘီကတော့ တစ်ယောက်နင်း တစ်ဘီးကို တစ်နာရီ ငါးရာ၊ နှစ်ယောက်နင်း ဘီးကို တစ်ထောင်ယူပါတယ်။
ကျွန်တော်ရေထဲက တက်တော့ မနက်၁၁နာရီ ကျော်နေပါပြီ။ ဟိုတယ်ကို ပြန်ရောက်တော့ ကျွန်တော်တို့ နေမဲ့ အခန်းက မရသေးပါဘူးတဲ့။ ပထမ ဧည့်သည်ကလဲ ကြည့်ရတာ ၁၂ နာရီအထိ တန်အောင်နေမလို့ လားမသိပါဘူး။ အဲဒီတော့ ကျွန်တော်လဲ အခန်းရပြီးသား လူတွေရဲ့ အဆေင်မှာ ရေချိုးပါတယ်။ ရေချိုးပြီးတော့ အ၀တ်စားလှဲမလို့ ကြည့်လိုက်တော့....။
သေပါပြီ။ ထုံးစံအတိုင်း ဖြစ်လာရင် အရာရာနဲ့ အကြောင်းကြောင်း။ ပါလာတဲ့ အ၀တ်က နှစ်စုံထဲ ပိုဆိုးတာက မလျှော်ရသေးတဲ့ အ၀တ်တွေ။ ဆရာ လုပ်ချင်တဲ့ အကြိုးဆက်ခံ ဦးပေါ့။ ဖြစ်ပုံက ဒီလိုပါ။ ကျွန်တော်က အ၀တ်တွေကို ကိုယ်တိုင် မထည့်ပဲ။ ကျွန်တော့တို့ထဲက လူနိုင်တစ်ယောက် ကို ငါ့သေတ္တာထောင့်မှာ ပုံထားတဲ့ အ၀တ်တွေ ထည့်လိုက်ဆိုပြီး ပြောလိုက်မိပါတယ်။ တကယ်ပဲ မှားတာလား တမင် ပညာပြတာ လားတေ့ာ့ မသိဘူးဗျာ။ သေတ္တာထောင့်ပါဆို အခန်းထေင့်မှာ လျှော်မလို့ပုံထားတဲ့ အ၀တ်တွေ ကောက်ထည့်လာတယ်။ သြော် တော်တော်ကံ ဆိုးတဲ့ငါပေပဲ။ ချောင်းသာရယ် ငါရယ် မလျှော်ရသေးတဲ့ အ၀တ်တွေရယ်တော့ တွေ့ကြပြီပေါ့လေ။

Read More...

Summary only...

ကျွန်တော်နှင့်ချောင်းသာ

ဒီတစ်ခေါက်သွားရတဲ့ ချောင်းသာ ခရီးကတော့ အပန်းပြေမဟုတ်ပဲ အပန်းယူခရီးလို့ ပြောရင်မှန်မလား မသိဘူး။ ဘာဖြစ်လို့လဲ ဆိုတော့ စထွက်ကတည်းက အစစအရာရာ ကမောက်ကမတွေ ဖြစ်နေလို့ပေါ့။ ငှားထားတဲ့ကားကို ကိုးနာရီးချိန်းထားတာ ရောက်လာတေ့ ည ၁၂ နာရီ။ ပုသိမ် အ၀င်မှာက ပျက်လိုက်သေးတယ်။ ပုသိမ်ရောက်တော့ မိုးလင်းနေပြီ။ ကျွန်တော်တို့ လူစုကို လက္ဘက်ရည်ဆိုင်မှာ ချထားခဲ့ပြီး ကားသွားပြင်ဦး မယ်ဆိုပြီး ထွက်သွားပါ လေရော။
မြန်မာပြည်က ဘယ်လက္ဘရည်ဆိုပဲဖြစ်ဖြစ် ထမင်းဆိုင်ပဲ ဖြစ်ဖြစ် ကားသမားတွေကို အလကား ကျွေးလေ့ရှိကြတယ် အဲဒါမှလဲ သူတို့ဆိုင်မှာ ကားရပ်မှာကို။ ကားရပ်မှလဲ ကားပေါ်မှာပါတဲ့ လူတွေက သူတို့ဆိုင်မှာ စားကြသောက်ကြမှာ။ ကားထွက်သွားတော့ ကျွန်တော်အကြံ တစ်ခုရတယ် ကားသမားတွေ ကားသွားပြင်နေတုန်း ကားသမား အယောင်ဆောင်ပြီး ဖရီးကြိတ်ရင် ရနိုင်တယ်ပေါ့။ ဒါကြောင့် ကျွန်တော်တို့ အုပ်စု လူ၄၀ ထဲမှာ ကြည့်လိုက်တာနဲ့ ကားသမားလို ပုံစံပေါက်တဲ့ လူသုံးယောက် လောက်ကို ကျွန်တော်လိုက်ရွေးပြီး သတ်သတ် တ၀ိုင်းစီ ထိုင်လိုက်တယ်။ ပြီးတော့ ဒါကားသမား ၀ိုင်းလို့ စားပွဲထိုးလေးကို ပြောပြီး မှာစားချင်တာတွေကို မှာစားပါတော့တယ်။ အဲဒီလို လုပ်နေတာကို အလိုက်ကန်းဆိုး မသိတဲ့ ကောင်တွေက ကျွန်တော်တို့ ၀ိုင်းဘက်ကို ပြောင်းပြောင်း ပြီးလာထိုင်နေလို့ မကြာခဏ မောင်းထုတ်ရတာလဲ အမောပေါ့။
ကားသမား အယောင်ဆောင်တာ ကျွန်တော်နဲ့ ဒီသုံးယောက်ပေါ့
တစ်ခု ကောင်းတာက ပုသိမ် အစားအသောက် ဈေးက ရန်ကုန်နဲ့ တခြားစီပဲ။ မုန့်ဟင်းခါး တစ်ပွဲ အကြော်နဲ့ တစ်ရာ ငါးဖယ်နဲ့ မှ ၁၅၀။ ရန်ကုန်မှာ ဆိုရင်တော့ အလွတ်ဆိုရင် ၃၀၀ ငါးဖယ်နဲ့ ၄၅၀ ဟင်းရေထပ်တောင်းရင် ငါးဆယ်။ အဲဒီဆိုင်မှာက နန်းကြီးသုပ် တစ်ပွဲကို ကြက်သား ကြက်ဥနဲ့ ၄၀၀ ပဲရှိတယ်။ အဲလို စားပြီးသောက်ပြီးတော့ ပိုက်ဆံရှင်းချိန် ရောက်လာတယ်။ စားပွဲထိုးလေးက ပိုက်ဆံတွက် မလို့လုပ်ကာရှိသေးတယ် ဟေ့ကောင် ဒါကားသမားတွေ ၀ိုင်းကွလို့ ပြောလိုက်တော့ ကြောက်ကြောက်နဲ့ လည့်ထွက်သွားပါတယ်။ ပြီတော့ ကောင်တာမှာ သွားပြောတယ်။ ကောင်တာက သူကိုဘာပြောလိုက် သလဲမသိဘူး ကျွန်တော်တို့ ၀ိုင်းမှာ ပိုက်ဆံလာ မတောင်းရဲတော့ ပါဘူး။ ဟုတ်တယ်လေ သူတို့ဆိုင်မှာ လူလေးဆယ်တောင် အားပေးနေတာ လေးယောက်စာ လောက်တော့ ဒစ်စကောင့်ပေး သင့်တာပေါ့။
ဒါပေမယ့် ပြသနာက ကျွန်တော်တို့ ၀ိုင်းထဲက ကောင်က လိပ်ပြာမလုံဘူးဗျ။ တကယ်လို့ ကာသမား အစစ်တွေ ကားပြင်တဲ့ ဆီကနေပြန်လာရင် ဘယ်လို လုပ်မလဲတဲ့။ ကျွန်တော်ကလဲ စိတ်ချပါကွာ ကားသမားတွေ လာတာနဲ့ ကားကိုထွက်ခိုင်းတော့မှာ မပူပါနဲ့ လို့ပြောလိုက် ရပါသေးတယ်။ နောက်တော့ ကားရောက်လာပါတယ်။ ကျွန်တော်တွက် ထားတဲ့အတိုင်းပါပဲ ကားသမားတွေကို တခါတည်း မောင်းခိုင်းပါတယ်။ ဒါပေမယ့် ကျွန်တော်ကိုယ် တိုင်လဲ နှစ်ထောင်ကျော်လေးနဲ့ လိပ်ပြာမလုံတာကြောင့် ကျသင့်ငွေကို ဆိုင်ကို ပြန်ပေးလိုက်ပါတယ်။ ဆိုရှင်က အရေးထဲမှာ လော်ဂုတ် ချော်နေ လိုက်တာ ကိစ္စမရှိပါဘူးတဲ့။ သူကိစ္စမရှိပေမယ့် ကိုယ့်လိပ်ပြာ မလုံတာကြောင့် ပေးထားခဲ့ လိုက်ပါတယ်။
ပုသိမ်ကထွက် ပြီး င၀န်မြစ်ကို ကျော်ပြီဆိုတာနဲ့ ငွေဆောင်နဲ့ ချောင်းသာ လမ်းခွဲကို တွေ့ရပါတယ်။ အရင်ကတော့ ချောင်းသာ သွားချင်ရင် ဧရာဝတီမြစ် (ယုခုဗိုလ်မြတ်ထွန်း တံတားနေရာ ညောင်တုန်း) နဲ့ င၀န်မြစ်ကို ဇက်နဲ့ကူးရပါတယ်။ သတင်းစာ ထဲကလေ သံအတိုင်းပြောရရင် အခုတော့ နိုင်ငံတော်က ငွေကြေးမြောက်များစွာ အကုန်ကျခံပြီး တံတားကြီးတွေ တည်ဆောက်ပေးထားတဲ့ အတွက် နေရာဒေသ တစ်ခုနဲ့ တစ်ခု ကို အချိန်တို အတွင်းမှာ လျှင်မြန်လွယ်ကူစွာ သွားနိုင်ပြီ ဘာညာပေါ့။ ဒါပေမယ့် တစ်ခုရှိတာက မြန်မာနိုင်ငံမှာ တံတာကြီးတစ်ခု ဆောက်ရင် နိုင်ငံတော်က ကုန်ကျတဲ့ စရိတ်က တံတားတန်ဖိုးရဲ့ သုံးဆရှိတယ်လို့ ဆိုပါတယ်။ တစ်ဆကတော့ တံတားဖြစ်သွားတာ။ ကျန်တဲ့ နှစ်ဆကတော့ ဘယ်ရောက်သွားလဲ သိဘူး။ ရေထဲကျသွား တယ်ထင်တာပဲလေ။ ဒီနေရာမှာ အလျှင်းသင့်လို့ ပြောပြရရင် ကျွန်တော်တို့ နယ်မြို့နားလေမှာ အရှေ့တောင် အာရှရဲ့ အကြီးဆုံး သဖမ်းဆိပ် ရေလှောင်တံမံဆောက် တုန်းကဆိုရင် အရာရှိ အဆင့်တောာင် မဟုတ်ပါဘူး။ ကားဒရိုင်ဘာက တောင်တိုက်ဆောက်တယ်။ ကားကို ကိုယ်တိုင် မမောင်းဘူး အငှားမောင်းတဲ့လူနဲ့ ဘာနဲ့။ ကားပျက်ရင် အစိုးရပြင်တာကို မစောင့်ဘူး ကိုယ့်ပိုက်ဆံနဲ့ကို မန္တလေးအထိ ဆင်းပြင်တယ်။ ကားထွက်မှ ဆီရမယ်။ ကားပျက်တော့ ဆီမရဘူး။ ဒီတော့ ကားကောင်းအောင် အစိုးရပြင်ပေး တာမစောင့်တော့ဘူး ကိုယ်ဘာသာကို ပြင်တယ်။ အဲလောက်ထိ ကြိုးစာကြတာ။ ဒါကတော့ ထားလိုက်တော့ မဟုတ်ရင် အာတီကယ် တစ်ခုဖြစ် သွားလိမ့်မယ်။
င၀န်မြစ်ကနေ ငွေဆောင်ကို မိုင်သုံးဆယ်ကျော် ချေင်းသာကို မိုင်နှစ်ဆယ် ကျော်ဝေးပါတယ်။ ငွေဆောင်ဟာ ကမ်းခြေအလျှားမိုင် ကိုးမိုင်ခန့်ရှိပြီး ချောင်းသာကတော့ သုံးမိုင်ဝန်း ကျင်လောက်ပဲရှိပါတယ်။ ငွေဆောင်ကမ်းခြေက ချောင်းသာထက် ရွှံ့ကင်းစင်တာကြောင့် သဲတွေကပို ဖြူသလို ရေကလဲ ပိုကြည်တယ် ပိုပြီးလဲလှပါတယ်။ ဒါပေမယ့် ငွေဆောင်ထက် ချောင်းသာကို သွားတဲ့လူပိုများပါတယ်။ များရတဲ့ အကြောင်းကတော့ ချောင်းသာ ငွေဆောင်တဲ့ အရင် ပေါ်လာတာ ဖြစ်တဲ့အတွက် တော်တော်လေး စည်ကားနေပါပြီ။ ရွာနဲ့ ကမ်းခြေနဲ့လဲ နီးပါတယ်။ ငွေဆောင်ကတော့ မြန်မာလို အသံထွက်ရတာ အဆင်ပြေပေမယ့် နိုင်ငံခြား ခရီသွားတွေ အတွက် Ngwe ဆိုတဲ့စာလုံးက သသံထွက်ရတာ အဆင်မပြေဘူးလို့ ချစ်ဆွေမြင့် ( ဟိုတယ်နှင့်ခရီးသွားလာရေး ၀န်ကြီးဌာန ဒုတိယ၀န်ကြီး ) ရေးတဲ့ ဆေင်းပါးတစ်ခုမှာ ဖတ်ဖူးပါတယ်။ နောက်ပြီးတော့ အစားသောက် နှင့်ဟိုတယ် တည်းခိုစားရိတ်က အစ ချောင်းသာထက် ဈေးကြီးတယ် လို့ဆိုကြပါတယ်။ ဒါကြောင့် အများစုကတော့ ချောင်းသာကိုပဲ သွားကြပါတယ်။
ကမ်းခြေမှာ ပဲများနေတဲ့ ကောင်မလေးတစ်ယောက်
ကမ်းခြေမှာ ဒီလိုပေါကြောင်ကြောင် ကောင်တွေကိုလဲ မကြာခဏတွေ့ရတယ်
တောင်တက်လမ်း မိုင်နှစ်ဆယ် ကျော်ဆိုတာ ကားနဲ့မောင်းရင် တကယ်တမ်းကျတော့ လွန်လွန်းကျွန်လွန်း နှစ်နာရီ ထက်ပိုမကြာ သင့်ပါဘူး။ ကားကြီးတွေ အတွက်ကျတော့ လမ်းကဆိုး ကျဉ်းကလဲ ကျဉ်းပြန်ဆိုတော့ သုံးနာရီလောက် မောင်းမှ ချောင်းသာကို ရောက်ပါတယ်။ ဒါတောင် ချေင်းသာ အ၀င်နားလေးက ဥတိုတံတားပေါ်မှာ ဘင်ကားလေးတစ်စီး ဘိန်းပေါက်နေတာကြောင့် ၁၅မိနစ် ကျော်လောက်စောင့် နေရပါသေးတယ်။ ဥတိုတံတာ ဆိုတာက ချောင်းသာ အ၀င်နားလေးမှာ ရှိတာပါ။ ပေ ၁၅၀ ကျော်လောက်ရှည်ပါတဲ့ တစ်လမ်းမောင်း တံတားလေးပါ။ တံတားလေးက ဆောက်လုပ်ရေး ၀န်ကြီးဌာန၀န်ကြီး ဗိုလ်ချုပ်စောထွန်း တက်ခါစဆောက်ခဲ့ တာလို့ ပြောကြပါတယ်။ ကာဘီးပေါက်နေတဲ့ နေရာကိုသွား ကြည့်တော့ တံတာက သံချောင်းတွေ သစ်သားတွေက ထိုးထိုးထောင်ထောင်တွေ ဖြစ်နေတာကိုတွေ့ ရပါတယ်။ ဒါကြောင့် မကြာခဏဆို သလိုကားဘီများကို ထိုးမိပြီး ပေါက်လေ့ရှိတယ်လို့ ဒေသခံတွေက ပြောပါတယ်။ တကယ်တမ်း ခရီးသွား လုပ်ငန်းဖွံ့ဖြိုးတိုး တက်ဖို့ဆိုရင်တော့ ကမ်းခြေကို လှပအောင် တန်ဆာဆင် ဟိုတယ်ကြီးတွေ တစ်လုံးပြီး တစ်လုံး ဆေက်နေရုံနဲ့ တော့ပြီးမှာ မဟုတ်ပါဘူး။ လမ်းပမ်းဆက်သွယ် ရေးကို လျှင်မြန်ချောမွေ့အောင် လမ်းနဲ့တံတားတွေကို ပြင်သင့်ပါတယ်။ အခုကျွန်တော်တို့ မြင်တွေ့ခဲ့ရတဲ့ ဥတိုတံတားကတော့ အခြေအနေလေး တော်တော်ဆိုးနေပါပြီ။
ကားပျက်တာက တစ်ကြောင်း လမ်းပျက်တာက တစ်ကြောင်းကြောင့် ကျွန်တော်တို့ ချောင်းသာကို ရောက်တဲ့ အချိန်မှာ နံနက်ကိုးနာရီ ကျော်နေပါပြီ။ ချောင်းသာ အ၀င်မှာတော့ မနှစ်ကနဲ့ မတူပဲတိုးတက် ပြောင်းလဲနေတာကို တွေ့ရပါတယ်။ မနှစ်က ချောင်းသာ အ၀င်နားလေးမှာ ဆေက်လက်စ ဟိုတယ် သုံးလုံးလောက်ကလဲ ဖွင့်လှစ်ထားပါပြီ။ မာလာကြောင့် ပျက်စီးသွားတဲ့ အဆောက်ဦးတွေကို အသစ်ပြန်လည် ပြုပြင် ထားတာတွေကြေင့် ချောင်းသာက မနှစ်နဲ့ မတူပဲပိုပြီးသစ်လွင် လှပနေတာ ဖြစ်နိုင်ပါတယ်။ ဒီနေရာမှာ မုန်တိုင်းများနဲ့ ပတ်သက်လို့ အလျှင်းသင့် လို့ပြောရရင် ချောင်းသာကို မုန်တိုင်းကြီးနှစ်ကြိမ် ကျခဲ့ဘူးပါတယ်။ ပထမအကြိမ်ကတော့ ၁၉၇၅ ခုနှစ်ကဖြစ်ပြီး သာမှန်မုန်းတိုင်းကြီးတစ်ခု မျှသာဖြစ်ပါတယ်။ ပြီးခဲ့တဲ့ ၂၀၀၆ ဧပြီလ ၂၉ ရက်နေ့မှာ ချေင်းသာကို အဖျားခတ်သွားတဲ့ မာလာကတော့ ချောင်းသာသက်တန်း တစ်လျှေက်မှာ အကြီးမားဆုံး အပျက်စီးဆုံးဖြစ်ပါတယ်။ မာလာဟာ ချောင်းသာ ကမ်းခြေကိုယင်းနေ့နံနက်ကိုးနာ ရီလောက်မှာ ၀င်ခဲ့ပြီး ရှစ်ပေခန့်ရှိတဲ့ ပင်လယ်ဒီလှိုင်းကြီး တက်လာပါတယ်။ မုန်တိုင်းကျချိန်မှာ ဒီရေကျချိန်ဖြစ် တာတစ်ကြောင်း လေတိုက်တဲ့ပုံးစံက ကုန်းတွင်းက တိုက်တာဖြစ် တာကတစ်ကြောင်း အချိန်မကြာမြင့်တာက တစ်ကြောင်းကြေင့် လူသေပျေက်မူတော့ မရှိခဲ့ပါဘူး။ ဒါပေမယ့် လူတွေ အားလုံးက စူနာမီ လာတယ်ထင်ပြီ အနီးနာက စကားဝါတောင်ပေါ်ကို တက်ပြေးကြတယ်လို့ ပြောပါတယ်။ ဟိုတယ်တွေထဲကိုလဲ ရေတွေက လူရင်ဘတ်လောက် ထိရေတွေ ၀င်ရောက်ခဲ့ပါတယ်။ ဟိုတယ်တစ်လုံးကို ပျမ်းမျှသိန်း တစ်ထောင်ဖိုး လောက်ပျက်စီးခဲ့တယ်လို့ လိုင်းလိုင်း ဟိုတယ်ရဲ့ မန်နေဂျာက ပြောပါတယ်။ ရှစ်ပေလောက်ရှိတဲ့ လှိုင်းကြီးက တစ်လုံထဲလာလို့ ၊ အကယ်၍များ အဲလိုလှိုင်းလုံးကြီးတွေ ဆက်တိုက် ဆက်တိုက်တာ လာခဲ့ရင် ဒီထက်မက ပျက်စီး ဆုံးရှုံးဖွယ်ရာ ရှိတယ်လို့ သိရပါတယ်။
ချောင်းသာ ကမ်းခြေမှာ လက်ရှိဟိုတယ် ၂၃ လုံး နဲ့ တည်းခိုခန်းပေါင်း တစ်ရာကျော်ရှိတယ်လို့ သိရပါတယ်။ အဲဒီဟိုတယ် ၂၃ လုံးထဲမှာ သုံးလုံးက ဒီနှစ်မှ တိုးလာတာလို့ သိရပါတယ်။ ကျွန်တော်တို့ တည်းမဲ့ဟိုတယ် ကိုရောက်တော့ ကိုးနာရီကျော်ကျော် ရှိပါပြီ။ အားလုံး ဘွန်ကင် ကြိုလုပ်ထားတဲ့ အခန်းတွေမှာ သူ့အခန်းကိုယ့် အခန်း သွားနားနေကြပြီ ကံဆိုးသူ ကျွန်တော်တို့ ခြောက်ယောက် အုပ်စုသာလျှင် ဘွတ်ကင်လုပ် ထားသောအခန်းများ မှ ဧည့်သည်များသည် နေ့လယ်၁၂ နာရီမှ အခန်းကထွက် မည်ဖြစ်သောကြောင့် စောင့်ဆိုင်းပေးပါ ဆိုလို့ ဒီတိုင်းကြီး ထိုင်စောင့် နေရပြန်ပါတယ်။ မတတ်နိုင်ဘူးလေး ကိုယ့်ကုသိုလ်နဲ့ ကိုယ်ပဲပေါ့။ ဒါနဲ့ပဲ ပစ္စည်းတွေကို အခန်းရတဲ့ အုပ်စုက လူတွေဆီမှာ သွားထားပြီး ကမ်းခြေဘက်ကို လမ်းလျှေက် ထွက်ခဲ့ပါတယ်။

ပင်လယ်ကို လှမ်းမျှော် ကြည့်လိုက်တော့ ပြာလဲ့လဲ့ ရေပြင်ကြီးရယ် မိုးကုတ်စက် ၀ိုင်းကြီးရယ် ခပ်လှမ်းလှမ်းမှာ မြင်နေရတဲ့ သဲဖြူကျွန်လေးရယ် ကမ်းခြေမှာ ရေဆော့နေတဲ့ လူတွေရယ်ကတော့ မနှစ်ကအတိုင်း ပြောင်းလဲခြင်းမ ရှိပါဘူး။ ကျွန်တော် အဲလို ကမ်းခြေမှာ လမ်းလျှေက်နေတုန်း ရဲနှစ်ယေက် ဟိုတယ်ထဲကနေ ဖြတ်ပြီးကမ်းခြေကို ဆင်းသွားတာ သတိထား မိလိုက်ပါတယ်။ ခဏလောက်နေတော့ ကျွန်တော်နဲ့ မီတာ တစ်ရာလောက် အကွာမှာရှိတဲ့ ဟိုတယ်တစ်ခုရဲ့ ၀င်းဘေးမှာ လူစုစု လေးကိုတွေ့ရပါတယ်။ ကျွန်တော်လဲ စပ်စုသူပီပီ သွားကြည့်လိုက်တော့ လူငါးယေက်လောက် စုဝိုင်းနေတဲ့ အလယ်မှာ ဒေသခံလို့ ယူဆရတဲ့ အသက်သုံးဆယ်ခန့်ရှိ အမျိုးသမီး တစ်ဦးငိုနေပါတယ်။ ရဲနှစ်ယောက်နဲ့ ဝေါ်ကီတော်ကီ ကိုင်ထားတဲ့ လူတစ်ယောက်ကတော့ ဟိုတယ်ဘက်ကို ပြန်ဝင်သွားတာကို တွေ့လိုက်ပါတယ်။
ငိုနေတဲ့ အမျိုးသမီးက ပုဆိုးကွက်ကြမ်းကို ရှပ်အင်္ကျီလက်ရှည်ချုပ် ၀တ်ထားပြီး သနပ်ခါးကို ပါးကြားကွက် ထားပါတယ် ပုခုံးပေါ်မှာ ခရစ်ခွေ လို့ယူဆရတဲ့ ပုဆိုးတစ်ဘက်ကို တင်ထားပြီး ပုဆိုးတစ်ဘက်နဲ့ မျက်ရည် တွေသုတ်နေပါတယ်။ ကျွန်တော်ရပ် ကြည့်နေတုန်းမှာ အရပ်ရည်ရည် ဆံပင်တိုတိုနဲ့ အသက်သုံးဆယ်ခန့်ရှိ လူတစ်ယောက် ရောက်လာပါတယ်။ သူလဲ ကျွန်တော့်လို အပန်းဖြေလာတဲ့ ဧည့်သည်တစ်ယောက် ဖြစ်ပုံရပါတယ်။ သူက ငိုနေတဲ့ ဒေခံအမျိုးသမီးကို မေးပါတယ်။ ဘာဖြစ်လို့ လဲပေါ့။ အဲဒီအမျိုးသမီးက ငိုနေတာနဲ့ မဖြေနိုင်ပါဘူး အဲဒီမှာ ဘေးမှာရပ်ကြည့် နေတဲ့ ခေါင်းရွက်ဗျပ်ထိုး ဈေးသည်တစ်ယောက် အမျိုးသမီး၏ ဈေးဗန်းကို ဟိုတယ်ဝန်ထမ်းက သိမ်းသွာတာကြေင့် ဖြစ်တယ်လို့ ရှင်းပြပါတယ်။ ဘယ်က ဟိုတယ်ဝန်ထမ်းလဲ လို့မေးတော့ ဈေးသည်တွေက ဝေါ်ကီတော်ကီကို ကိုင်ပြီးထွက်သွားတဲ့ လူကိုလှမ်းပြပါတယ်။ အဲဒီမှာ စောစောက အရပ်ရှည်ရှည်နဲ့ လူက ဟိုတယ်ဝန် ထမ်းနောက်ကို လိုက်သွားပါတယ်။ ကျွန်တော်လဲ ပွဲကောင်းပြီ ဆိုပြီးတော့ စောစောက လူနောက်က လိုက်သွားပါတယ်။ လူရွယ်က ဟိုတယ်ဝန် ထမ်းကိုမှီ ပြီဆိုတာနဲ့ သူ့ကိုသူ စစ်ဗိုလ် တစ်ယောက်ဖြစ် တယ်လို့ ယဉ်ယဉ်ကျေးကျေး မိတ်ဆက်ပါတယ်။ ပြီးတော့ စောစောက ဈေးဗန်းသိမ်းသွားတဲ့ ကိစ္စကိုပြောပါတယ်။
ခေါင်းရွက်ဗျပ်ထိုး ဈေးသည်တစ်ဦး


ဈေးသည်တွေကို အစကတည်းက ကမ်းခြေမှာ ဈေးမရောင်းကြဖို့ ဒေသဆိုင်ရင် အာဏာပိုင်တွေက တရားဝင်တားမြစ်ထားတယ် လို့ဟိုတယ်ဝန် ထမ်းကပြောပါတယ်။ ပြီးတော့ ဟိုတယ်ဝင် အတွင်းမှာ ဖြစ်စေ ဟိုတယ် အုပ်တံတိုင်း အပုလေးပေါ်မှာ ဗန်းကို တင်ရောင်းလျှင် ဖြစ်စေ သိမ်းဆည်းလေ့ရှိတယ်လို့ ဟိုတယ်ဝန်ထမ်းက ရှင်းပြပါတယ်။ အဲလိုပြောရင်း ပြောရင်နဲ့ ကျွန်တော်တို့ စောစောက ငိုနေတဲ့ အမျိုးသမီးနားကို ပြန်ရောက်လာပါပြီ။ အဲဒီမှာ စောစောကငိုနေတဲ့ အမျိုးသမီးက သူဈေးစရောင်းတာ နှစ်ရက်ပဲရှိ သေးပါကြောင်း သူ့ဈေးဗန်းကို ပြန်ပေးဖို့ တောင်းပါတယ်။ ဟိုတယ်ဝန်ထမ်းက စစ်ဗိုလ်ဆိုတဲ့လူကို အခုလို ဆက်ရှင်းပြပါတယ်။
အရင်က ဒီလိုဈေးရောင်းတဲ့လူတွေကို စနေနေ့တိုင်းမှာ ကမ်းခြေကိုသန့်ရှင်း ရေးလုပ်ဆိုပြီး ရောင်းခွင့်ပေး ထားပါတယ်။ ဒါပေမယ့် သူတို့ရောင်းတဲ့ ငါးကင်တို့ ပုစွန်ကင်တို့က မကျက်တကျက်တွေ ကင်ရောင်းကြပါတယ်။ ကျက်အောင်ကင်ပြီး ရောင်းရင်တော့ တစ်မျိုးပေါ့။ သူတို့ကတော့ ပိုက်ဆံရပြီးပြီးရော ဆိုပြီးရောင်းသွားရော။ အဲဒီမှာစားတဲ့ ဧည့်သည်က ညပိုင်းမှာ ဗိုက်နာတာတို့ ၀မ်းလျှောဝမ်းပျက် တာတို့ဖြစ်ပါတယ်။ အခတ်မသင့်ရင် အဖုအပိန့်တွေပါ ထွက်လာပါတယ်။ ဒါကြောင့် တစ်ချို့ဟိုတယ်တွေမှာ ဆိုရင် ဒီလို ဈေးသည်တွေဆီက အစားသောက်တွေ ၀ယ်မစားကြဖို့ရာ သတိပေးစာ တွေတောင်ကပ်ထားပါတယ်။ ဒါပြင်ပိုဆိုးတာက ခိုးမှုပဲ။ ဧည့်သည်တွေဟာ များသောအားဖြင့် ပင်လယ်ထဲကို ဆင်းတဲ့အခါမှာ ပိုက်ဆံပါသွားလေ့ မရှိပါဘူး။ ဈေးသည်တွေဆီကနေ လာရောင်းတာကို ၀ယ်စား ပြီးမှာ အခမ်းကို ပိုက်ဆံလိုက်ယူ။ ဈေးသည်တွေက ပိုက်ဆံလိုက်ယူ ရင်းအခမ်းအနေထားကို အကဲခတ်သွားပြီး လူမရှိတဲ့ အချိန်ရောက်မှာ ပိုက်ဆံခိုးတာတို့ လှမ်းထားတဲ့ အ၀တ်ရုပ်သွားတာ တို့လုပ်တတ်ပါသေးတယ်။ ဒါကြောင့် နောက်ပိုင်းမှာ သက်ဆိုင်ရာက ကမ်းခြေမှာ ဈေးသည်တွေကိ ဈေးလုံးဝမရောင်းဖို့ တားမြစ်ထားတာပါ။ အခုရောင်းနေကြတယ် ဆိုတာကလဲ သူတို့လုပ်စားပါစေတာ့ ဆိုပြီးနာလယ်မှုနဲ့ ခွင့်ပြုထားတာပါ။ လို့ဟိုတယ်ဝန်ထမ်းက ရှင်းပြပါတယ်။
ဒါဆိုရင် အခုသိမ်းတဲ့ ဗန်းကိစ္စကိုရော ဘယ်လိုဖြေရှင်းပေးမှာလဲလို့ စစ်ဗိုလ်ကမေးတော့။ ဒါကသူ ထွေအုပ်ရုံး ကိုသွားရှင်းရမှာပါ။ အဲဒါကို ထွေအုပ်ကပဲ စည်းကမ်းထုတ် ထားတာပါလို့ ဟိုတယ်ဝန်ထမ်းက ပြောပြီးထွက်သွားပါတယ်။ စစ်ဗိုလ်လဲ ခဏလောက်နေတော့ သူသွားစရာ ရှိတဲ့ နေရာကို ထွက်ခွါသွားပါတယ်။ ကျွန်တော်လဲ ကမ်းခြေမှာစက်ဘီး တစ်စီငှားပြီး လျှေက်စီး နေလိုက်ပါတော့တယ်။ ဟိုတယ်ဝန် ထမ်းပြောတဲ့ စကားတချို့ တကယ်မှန်တယ် ဆိုတာကိုတော့ နောက်ပိုင်းမှာ ပြောပြသွာပါမယ်။

Read More...

Summary only...