Art is My Life: ဗယာကြော်နသီ ပြည့်ရှင် အကြော်သည်ကုလားမင်း

Sunday, September 19, 2010

ဗယာကြော်နသီ ပြည့်ရှင် အကြော်သည်ကုလားမင်း

တရံရော အခါက ဗယာကြော်နသီ ပြည်နယ်မှာ အကြော်သည် ကုလားကြီးက မင်းလုပ်ပြီး အုပ်ချုပ်တယ်တဲ့...။ ဗယာကြော်နသီ ပြည်နယ်က ဘုရင် အကြော်သည် ကုလားကို မိတ်ပေးရမယ် ဆိုရင် သူဘုရင် ဖြစ်လာပုံကလဲ သိပ်ဆန်းတယ်ကိုး။
ရှေးခေတ် ရှေးကာလကတော့ ဘုရင်ကို သတ်နိုင်ရင် မင်းဖြစ်တဲ့ ဓလေ့ထုံးစမ်း ရှိလေတာကိုး။ အကြော်သည် ကုလား မတိုင်ခင် ဘုရင်က ဓားလှန် လေးမြှားလက်နက် ဓါဏ် အကုန်ပီးတယ်ဆိုပဲ။ သူ့ကို ဘယ်လိုမှ လုပ်ကြံ သတ်ဖြတ်လို့ မရနိုင်ဘူး။

တစ်ခါဆိုရင် ရောမက စစ်သည်သိန်းချီပါတဲ့ စစ်တပ်ကြီးတစ်ခု ချီတက်လာတုန်းက သူတစ်ယောက်တည်း သွားချတယ်။ စစ်တပ်နဲ့ မျက်နှာချင်း ရောက်ပြီဆိုတာနဲ့ ပုဆိုးချွတ်ပြီး လိုက်ရမ်းလိုက်တာ ရောမစစ်တပ်ကြီး အကုန်လုံး ကစဥ့်ကလျှား ထွက်ပြေးသွားကြရတယ်။ တစ်လွှဲ မတွေးပါနဲ့ ပုဆိုးကို လက်နဲ့ ကိုင်ပြီး တရုပ် သိုင်းကားထဲက လို လိုက်ရမ်းတာ။

အဲ လို ရဲ ရဲ တောက်ဘုရင်ကြီး ဒုတ်ပီး ဓားပီး လှန်ပြီး ဘာလက်နက်နဲ့မှ သတ်လို့မရဘူး။ တစ်ရက်မှာ အကြော်သည်ကုလားရဲ့  ပဲ အသိုးတွေနဲ့ လုပ်ထားတဲ့ ဗယာကြော်ကို စားမိရကာ ၀မ်းလျှောပြီး အဲဒီဘုရင်ကြီး မူလီရွာ စံ အိုင်တော်ကုန် သွားတယ်။ အဲဒါကြောင့် အကြော်သည်ကုလားက အော်တိုမစ်တစ် ဘုရင်ကြီး ဖြစ်လာရတာပေါ့။

အဲလိုနဲ့ အကြော်သည်ကုလား ဘုရင်ဖြစ်လာချိန်မှာ ပထဆုံး ညီလာခံတစ်ခုကို သူကျင်းပလိုက်တယ်။ အဲဒီညီလာခံမှာ အရေးကြီးဆုံး အချက်တစ်ချက်ကို ပြောစရာရှိတယ်တဲ့။ အဲဒါနဲ့ပဲ နိုင်ငံခြား သွားနေတဲ့ ၀န်ကြီးတွေ အမတ်ကြီးတွေ အားလုံး ပြန်လာပြီး သူ့ရဲ့ ပထဆုံး ညီလာခံကို လာတက်ကြရတယ်။ ပထဆုံး သူ့ရဲ့ ညီလာခံမှာ သူက ဘာပြောလဲဆိုတော့ ဗယာကြော်နသီ ပြည်မှာရှိတဲ့ TV ချယ်နယ်လိုင်း အားလုံးမှာ အကြော်ကြော်ပြတဲ့ အစီစဉ်ကို မဖြစ်မနေ ထည့်သွင်းရမယ်တဲ့။ ပြီးတော့ အဲဒီမှာ သူကိုယ်တိုင် သရုပ်ဆောင်မယ် ဆိုပဲ။

အဲဒီတော့ အမတ်ကြီးတွေက ထောက်ပြကြတယ် မလုပ်ပါနဲ့ မင်းကြီး ကျွန်တော်တို့ ရာဇ၀င်မှာ ၀န်ကြီးချုပ်တစ်ပါး TV ရဲ့ အစားသောက် ပရိုဂရမ်မှာ ထမင်းဝင်ချက်ပြလို့ အလုပ်ဖြုတ်ခဲ့ဖူးပါတယ်။ ဥပဒေအရလဲ ခွင့်ပြုမထားပါဘူး ဆိုတော့၊ ဗယာကြော်ကုလားက ဘာပြောတယ်မှတ်လဲ ဟဲ့ အမတ်ကြီး ဥပဒေမှာ ထမင်းမချက်လို့ပဲ ပါတယ် အကြော်မကြော်ရလို့မပါဘူး တဲ့လေ။ ပြောပြောဆိုဆိုပဲ ကင်မရာ မင်းတွေ ချက်ခြင်း ဆင့်ခေါ်ပြီး ညီလာခံ အလယ်မှာ စမူဆာ ကြော်နည်းကို ကိုယ်တိုင် သရုပ်ဆောင်ပြီး ရိုက်ပြပါတော့တယ်.....

နောက်တစ်ရက် ဆက်ဖတ်ရန်.....

3 comments:

Naung said...

ကိုစိုးဂျီး ဆက်ရေးလေဗျာ
မိုက်တယ်။

Myint Hlaing said...

ဆက်ရေးပါဗျို့ စောင့်ဖတ်နေတယ်။

မေမိုးမခ said...

ထပ်ရေးပါဦး ဖတ်လို့ကောင်း၏

There was an error in this gadget