Art is My Life: May 2008

ဒဂုံဧရာ အဝေးပြေးကွင်းကို ရောက်ပြီဆိုသည်နှင့် စိတ်မကောင်းစရာ မြင်ကွင်းများကို စမြင်ရသည်။ အမျိုးသမီးတစ်ယောက် ရှိုက်ရှိုက်ပြီး ငိုနေသည်။ ကားစီးဖို့ စောင့်ဆိုင်နေသူများ၏ မျက်နှာမှာလည်း ညိုးငယ်နေကြသည်။

ထိုအချိန်တွင် နေက၀င်တော့မည်။ ၀င်လုဆဲ နေလုံးကြီးမှာ နီကြန့်ကြန့် အရောင်များ ဖြာထွက်နေသည်။ ညီအမ ဖြစ်ဟန်တူသော အမျိုးသမီးနှစ်ယောက်ကတော့ လက်ယှက်ထိုင်ကာ လက်လေးတွေပေါ် ခေါင်းလေးတွေ တင်ပြီး ၀င်လုဆဲ အနီရောင်နေလုံးကြီးကို လှမ်းကြည့်နေကြသည်။

ကားက ခုနှစ်နာရီတွင်ထွက်မည် ဖြစ်သည်။ အချိန်ရသေးတာကြောင့် ကျွန်တော်တို့ ပတ်ဝန်းကျင်နား တစ်ဝိုက်ကို ဟိုလျှောက်ကြည့် ဒီလျှောက်ကြည့် ကြည့်ဖြစ်ကြသည်။ ထိုသို့ကြည့်ရင်း ပတ်ဝန်းကျင်က လူများကို အနည်းငယ် စပ်စုကြည့်မိသည်။

“အန်တီတို့က ရန်ကုန်ကို ခဏလာတာ အိမ်မှာ သားသမီးနဲ့ မြေးတွေကျရစ်တယ်။ ရွာကတော့ ရွားလုံးကျွတ်သွားတယ် ပြောတာပဲ။ လောလောဆယ်တော့ ကျန်ရစ်ခဲ့တဲ့ မိသားစုတွေကို ဘာအဆက်မှ မရသေးဘူး”

“ရွာမှက ပင်လယ်နားနီးတော့ ရေကန်တွေကို အဓိကထား သုံးရတာလေ။ အခုအဲဒီရေကန်တွေကို ပင်လယ်ရေနစ်ပြီး တစ်ချို့ကန်တွေမှာ လူသေတွေ ကျနေတော့ ရေသောက်ဖို့ အဆင်မပြေဘူး”

“သားအကြီးကောင်နဲ့ ချွေးမက ဆံပင်ဝယ်မယ်ဆိုပြီး လေမတိုက်ခင် နှစ်ရက်လောက် အလိုက လပွတ္တာဘက်ကို ထွက်သွားတာလေ။ သတင်းမရလို့ လိုက်ကြည့်မလို့”

* * * *

လပွတ္တာကို သွားဖို့ ပြင်ပြီဆိုကတည်းက နှစ်ရက်သုံးရက်လောက် ကြိုပြီးပြင်ရသည်။ ဟိုရောက်ရင် ဘယ်မှာ တည်းရမည် ဘယ်လိုစားရမည်။ ဘယ်ကို သွားကြမည် အစရှိသဖြင့် ကြိုတင် စုံစမ်းရသည်။ တစ်ချို့က ပြောကြတော့ တစ်မြို့လုံးကုန်ပြီ ဘာမှ မကျန်တော့ဘူးတဲ့။ တစ်ချို့ကျတော့လည်း ကျန်ပါသေးတယ်တဲ့။ ဘာပဲဖြစ်ဖြစ် ကိုယ့်ဘက်က ပိုတယ်လို့ မရှိအောင် ပြင်ဆင်သည့် နေဖြင့် အဆိုးဆုံး အခြေအနေကို ကြိုပြီး တွက်ဆထားပြီး ပြင်ရသည်။

အကယ်၍ ရွှံ့တော့ထဲတွင် အိပ်ရမည်ဆိုပါက အဆင်သင့်ဖြစ်အောင် ရေလုံအောက်ခင်းစများ၊ မိုးကာများ၊ ဖော့ပန်းကန်များ၊ ခြင်မကိုက်ဆေးများ၊ တောစီးဖိနပ်များ၊ မိုးကာအင်္ကျီ များမှ အစ ဓာတ်မီး မီးခြစ် ဖရောင်းတိုင် အစရှိသော စားဖို့ နေဖို့ ကိုယ့်ကိုယ်ကို ကာကွယ်ဖို့ လိုအပ်မည် ထင်သော ပစ္စည်းတွေကို လိုက်ဝယ်ရသည်။

* * * *

မိုးက တဖြည်းဖြည်းချုပ်လာပြီ။ မီးမလာသောကြောင့် ပတ်ဝန်းကျင်လည်း မဲမှောင်နေသည်။ ကားဂိတ်တွင် စောင့်ဆိုင်းနေသော ခရီးသည်များမှာလည်း လည်ပင်းရှည်နေပြီ။ မြန်မာပြည်ရဲ့ ထုံးစံအတိုင်း ခြောက်နာရီခွဲ ထွက်ပါမည် ဆိုသောကားသည် ခြောက်နာရီ ကျော်သည်အထိ ဂိတ်သို့ ရောက်ရှိလာခြင်း မရှိသေး။

ကားဂိတ်ထဲတွင် ကြားရသော သတင်းများအရ လပွတ္တာတွင် သောက်သုံးရေအတွက် အခက်အခဲ တော်တော်ဖြစ်နေဟန် တူသည်။ ထိုမြို့အနီးနားတစ်ဝိုက်ရှိ ကျေးရွာများမှာ ပင်လယ်နားနီးခြင်းကြောင့် မြေအောက်ရေ မရနိုင်ပဲ မိုးရေခံ ရေကန်များကို အားထား သောက်သုံးကြရသည်။ ယခုတော့ ထိုကန်များကို ပင်လယ်ရေ လွမ်းသွားပြီး အချို့သော ကန်များအတွင်းတွင် လူသေများ ကျနေသောကြောင့် သောက်သုံးရေ ရရှိဖို့ရာ အခက်ခဲ ဖြစ်နေသည်ဟု ဒေသခံတွေက ပြောကြသည်။

ကျွန်တော်တို့ နှစ်ယောက်စာ အတွက် ရေသန့်ဘူး ငါးပါကင်စီ ၀ယ်ထားပြီးဖြစ်သည်။ ထိုသို့ရေ ရှားသည်ဆိုသော သတင်းကို ကြားသည့်အခါ ကျွန်တော်နဲ့ ပါလာသော သူငယ်ချင်းက ရေကို ရနိုင်သမျှ ထပ်ဝယ်သွား ချင်သည်ဟု ဆိုသည်။ ဘာကြောင့်လဲဆိုတော့ ဒုက္ခသည်အားလုံးးအတွက် မပေးနိုင်သည့်တိုင် ကိုယ်နှင့်နီးစပ်ရာ ဒုက္ခသည်များကို ဝေငှပေးနိုင်မည် ဖြစ်သည်။ ထို့ကြောင့် ကားမထွက်သေးသည့် အတူတူ ရေ၀ယ်ရန်အတွက် ဒဂုံဧရာ အဝေးပြေးဝင်း အတွင်း လိုက်ရှာကြည့်မိကြသည်။

ဒဂုံဧရာ အဝေးပြေးဝင်းအတွင်းမှာ ရှိသော ဆိုင်များကို ရေဘူး လိုက်မေးကြည့်တော့ ရေတစ်ဘူးကို ငါးရာ လုံးဝ လျှော့၍ မရဟု ဆိုကြသည်။ ကျွန်တော်တို့ ပြန်ရောင်းဖို့ မဟုတ်ပါဘူး လှုဖို့ပါဟု ပြောတော့ ဆိုင်တစ်ဆိုင်က လေးရာ နှင့်ထားပေးမည် သူယူထားရသည့် ဈေးမှာလည်း မြှင့်နေသဖြင့် ဒီထက်လျှော့၍ မရနိုင်တော့ဟု ဆိုသည်။

ကျွန်တော်တို့က လှုဖို့ ရာအတွက် ၀ယ်သည်ဟု ဆိုသော အသံကို ကြားသည့်အခါ ဘေးချင်းကပ် ဆိုင်က ရေတစ်ဘူးကို အရင်းအတိုင်း သုံးရာနှုန်းဖြင့် ပေးပါဟု ဆိုသည်။ ထို့ကြောင့် ကျွန်တော်တို့လည်း ထိုဆိုင်တွင်ရှိသော ရေဘူးခြောက်ကဒ် စလုံးကို ၀ယ်ပြီး ကားဂိတ်ရှိရာ ဆီသို့ ပြန်လာခဲ့ကြသည်။

ထိုနေ့ညစာကိုတော့ ဒဂုံဧရာ အဝေးပြေးဝင်းထဲ မှာပဲ စားကြလိုက်ပြီး၊ ကားလာအောင် ဆက်စောင့်နေသည်။ ခြောက်နာရီခွဲတွင် ထွက်ပါမည်ဆိုသော ကားက ညရှစ်နာရီ ထိုးခါနီးမှ ကားဝင်းအတွင်းသို့ ရောက်လာသည်။ ကားလာသည် ဆိုသည်နှင့် ကားဂိတ်တွင် စောင့်နေသော လူအုပ်ကြီးက အထုပ်အပိုးကိုယ်စီဆွဲကာ ကားဆီသို့ တန်းပြေးကြသည်။

ကျွန်တော်တို့က နောက်ဆုံးခုံနားတွင် ဖြစ်သောကြောင့် အရင်တက်ရသည်။ ကားမှာ မှန်လုံး အဲကွန်းကား အမျိုးစား ဖြစ်ပြီး၊ တော်တော်ကြီးကို စုတ်နေပြီကာ အဲကွန်းမပါရုံမျှမက ထိုင်ခုံများမှာလည်း ရွဲ့စောင်းနေသည်။ ထိုင်ခုံလူစေ့သွားသော အခါ ကြားခုံသမားများကို တင်သည်။ ကားတစ်စီးစာ လမ်းကြားလေးမှာ လူ ၂၈ ယောက် ပါအောင် တင်သည်ဟု ဆိုသည်။ ထို့ကြောင့် ကြားခုံများမှာ တစ်ခုံနှင့်နှင့် တစ်ခုံ အရမ်းစိတ်လွန်းပြီး တစ်ယောက်နှင့်တစ်ယောက် ရင်ခွင်ထဲသို့ ထည့်ထိုင်ကြရသည်။ ရာသီဥတု ပူပူတွင် မှန်လုံးကားတွင်း၌ လူများ ပြည့်ကြပ်စွာ ထိုင်ရခြင်းကြောင့် ပူအိုက်ပြီး နေရထိုင်ရ တော်တော်လေး ဒုက္ခရောက်သည်။

ကိုးနာရီထိုးခါနီးတော့ ကားတော့ထွက်သည်။ ကားထွက်တော့မှ ပြူတင်းပေါက် လေးတွေက လေ၀င်ပြီး အအိုက်သက်သာ သလိုရှိလာသည်။ ကားက အဝေးပြေးဝင်းမှ ထွက်ပြီး မိနစ်နှစ်ဆယ် အကြာပဲရှိသေးသည် ထိုးရပ်က ပျက်သွားသည်။ ထိုနေရာတွင် တစ်နာရီခွဲခန့်ကြာ ပြီးနောက် ဆက်လက်ထွက်လာခဲ့သည်။ ညောင်တုန်းတံတား ကျော်တော့ လဘက်ရည် သောက်ဆိုပြီး ကားကိုခဏနားသည်။ ကျွန်တော့် သူငယ်ချင်းများ ကတော့ ဆိုင်အတွင်းသို့ ၀င်ကာ စားကြသောက်ကြသည်။ ကျွန်တော်ကတော့ စားချင်စိတ်မရှိသဖြင့် ဘာမှ မစားပဲ လမ်းလျှောက်နေမိသည်။

လက္ဘရည်သောက်ဖို့ ဟုဆိုပြီး ကားရပ်နားချိန်မှာ တစ်နာရီကျော်သွားပြီ။ သို့ပေမယ့် ကားက တုတ်တုတ်မှ မလုပ်သေး။ ကျွန်တော်တွေ့ဘူးသလောက် လဘက်ရည် သောက်ဖို့ ကားရပ်တာ ယခုလို မကြာပေ။ ထို့ကြောင့် ကားနောက်ဘေး သွားကြည့်လိုက်တော့ ထင်ထားသည့် အတိုင်းပဲ၊ ကားလေအိတ်ပေါက်လို့ ပြန်တယ်တဲ့လေ။ အဲဒီနေရာမှာ သုံးနာရီလောက် ပြင်ပြီး ကားကို ဆက်ထွက်လာခဲ့သည်။ ကားမောင်းချိန် တစ်နာရီ ကျော်ကျော်လေးပဲ ရှိသေးသည်။ ကားက ထပ်ရပ်သွားပြန်သည်။ ဘာများဖြစ်တာလည်းဟု ကားပေါ်က ခရီးသည်များက ငြိမ်စောင့်ကြည့်နေကြသည်။ လမ်းလည်ခေါင်ခုံများမှပါ လူပြည့်ညပ်နေအောင် တင်ထားသည် ဖြစ်သောကြောင့် တော်ရုံတန်ရုံ ကားပေါ်သို့ အတက်အဆင်း လုပ်ရတာ မလွယ်လှပေ ထို့ကြောင့် ခရီးသည်များ ငြိမ်စောင့်ကာ ထိုင်နေရခြင်းဖြစ်သည်။ ၁၅ မိနစ်ခန့် ကြာသည်အထိ မည်သို့မျှ ထူးခြားလာခြင်း မရှိသောကြောင့် ခရီးသည်အားလုံးက ဆင်းမယ်ဟေ့ ဆင်းမယ်ဟေ့ဟု အော်ပြီး အောက်သို့ ဇွတ်အတင်း ဆင်းကြသည်။ ကျွန်တော်လဲ လိုက်ဆင်းကြည့်တော့ ကားဘီးပေါက်သွားတာ ကြာဦးမည်တဲ့။

ကားစပါယ်ရာများ လုပ်ပေါက်ကတော့ ကိုယ်နယ်မှာသာဆိုရင် ပယ်ပယ်နယ်နယ် ရိုက်ပစ်လိုက်ချင်စရာ ကောင်းသည်။ ကားဘီးပေါက်လို့ ကြာဦးမည်ဆိုလည်း ကြာဦးမည် အောက်ကို ခြေခင်းလက်သာ ခဏဆင်းနိုင်သည် နည်းနည်းပါးပါး ပြန်ပြောဖို့ကောင်းသည်။ အခုတော့ ချက်ခြင်းပဲ ပြန်ထွက်မှာလို ပုံစံမျိုးနှင့် ဘာမှ မပြောပဲနေသည်။

အောက်မှာ ခဏလောက်ဆင်း လမ်းလျှောက်ပြီး နောက် အိပ်ချင်သလိုလို ရှိလာတာကြောင့် ကားပေါ်ပြန်တက်ပြီး အိပ်လိုက်သည်။ ဝေလီ ဝေလင်းရောက်တော့ ကျွန်တော် နိုးလာသည်။ ကြည့်လိုက်တော့ ညက ကားဘီးပေါက်သည့် နေရာမှာပဲ ရှိသေးသည်။

ထိုနေ့သည် မေလ ဆယ်ရက်နေ့ မနက်ဖြစ်သည်။ ထို့ကြောင့် ခပ်ဝေးဝေးမှ လွင့်လာသည့် မဲရုံကို သွားကြပါစို့ ဆိုသော သီချင်းသံကို ကြားနေရသည်။ ဘေးနားလေးတွင် Max Myanmar ကုမဏီ ဧရာဝတီတိုင်း လေဘေး ကယ်ဆယ်ရေးဟု ရေးထားသည့် ကားတန်းကြီး ရပ်ထားသည်ကိုလည်း တွေ့ရသည်။

ဆက်လက်ရေးသားပါမည် ..................